16
həmin sahə üzrə nazirlik və ya işəgötürənlər asossasiyası
arasında bağlanan kollektiv sazişlə tənzimlənə bilər.
Əmək Mübahisələri üzrə Komissiyanın müsbət cəhəti ilə
yanaşı onun bir sıra çatışmamazlıqları da mövcuddur ki, bu da
praktikada komissiyanın fərdi əmək mübahisələrini həll edən
effektiv orqana çevrilməsinə imkan vermir.
Əmək Mübahisələri üzrə Komissiyanın müsbət cəhəti ondan
ibarətdir ki, işəgötürənlə işçi arasında başlanmış fərdi əmək
mübahisəsi müəssisədən kənara çıxmır və işəgötürənin
nümayəndələrinin iştirakı ilə həll edilir. Mübahisənin belə həlli
sonradan işəgötürənlə
işçi arasında münasibətlərin
normallaşmasına gətirib çıxarır. Komissiyanın fərdi əmək
mübahisələrin həlli zamanı zəif tərəfi ondan ibarətdir ki, bütün
hallarda belə komissiyalar paritet əsaslarla yaradılır və bir
qayda olaraq işəgötürəni neçə nəfərin təmsil etməsindən asılı
olmayaraq onlar vahid səslə çıxış edir və işəgötürənin iradəsinə
uyğun hərəkət edirlər. Bu isə mübahisənin həllini düyünə salır
və nəticədə işçi komissiyanın qərarını tanımır və məhkəməyə
müraciət edir. Belə olan halda işçilər hətta belə komissiyaların
fəaliyyət göstərdiyi müəssisələrdə belə bu mexanizmdən
həvəslə istifadə etmirlər və birbaşa məhkəməyə müraciət
edirlər.
Bütün hallarda müəssisələrdə Əmək Mübahisələri üzrə
Komissiyaların fəaliyyəti müsbət hadisədir və iş yerlərində
sosial dialoqun mövcudluğunun əlamətlərindən biridir.
Praktikada bəzən işçi pozulmuş hüquqlarının bərpası məqsədi
ilə digər dövlət orqanlarına, o cümlədən Əmək və Əhalinin
Sosial Müdafiəsi Nazirliynin Dövlət Əmək Müfəttişliyi
Xidmətinə şikayət verir. Nəzərə almaq lazımdır ki, Dövlət
Əmək Müfəttişliyi Xidmətinə və digər orqanlara verilən
şikayət zamanı məhkəməyə müraciət üçün müəyyən edilən
müddətlər saxlanılmır.
17
Fərdi əmək mübahisələrinin tənzimlənməsinə dair
razılaşmaların əmək müqaviləsində nəzərdə
tutulması və ya işəgötürənlə danışıqların aparılması
Əmək müqaviləsində fərdi əmək mübahisələrinin bu Məcəllə ilə
müəyyən edilmiş həlli qaydalarından fərqli olan, tərəflərin
hüquq bərabərliyi prinsipini və bu Məcəllə ilə nəzərdə tutulmuş
əmək, sosial və iqtisadi hüquqlarını pozmayan qaydalar
nəzərdə tutula bilər (Əmək Məcəlləsi 294-cü maddə 3-cü
hissə).
Əmək Məcəlləsinin 43-cü maddəsində
fərdi
əmək
mübahisələrinin həlli ilə bağlı Əmək Məcəlləsində nəzərdə
tutulmayan yollarla həlli ilə bağlı hər hansı birbaşa tələb
yoxdur. Bununla belə 43-cü maddənin
“ğ” bəndinə əsasən əmək müqaviləsində “ tərəflərin müəyyən
etdiyi əlavə şərtlər barədə məlumatlar” nəzərdə tutula bilər. Bu
baxımdan əmək müqaviləsi bağlanarkən işəgötürənlə işçi fərdi
əmək mübahisəsinin yaranacağı hallarda onun Əmək
Məcəlləsində nəzərdə tutulmayan yollarla həllinə dair
müddəalar daxil edə bilərlər. Lakin bu zaman əmək
müqaviləsinə daxil edilən bu müddəalar Əmək Məcəlləsinə
zidd olmamalı və tərəflərin hüquq bərabərliyi prinsipini
pozmamalıdır.
Eyni zamanda fərdi əmək mübahisəsi yaranarkən effektiv alət
kimi işəgötürənlə fərdi qaydada və ya həmkarlar ittifaqları
vasitəsi ilə danışıqlar aparmaqdır. Effektiv danışıqlar fərdi
əmək mübahisəsinin həllində müsbət rol oynaya bilər.
İşçi fərdi əmək mübahisəsi yaranarkən işəgötürənlə bilavasitə
görüşməklə danışıqlar apara bilər. Digər halda əgər
müəssisədə həmkarlar ittifaqı komitəsi vardırsa, onda belə
danışıqlar həmkarlar ittifaqı komitəsinin vasitəçiliyi ilə və ya
onun vasitəsi ilə həyata keçirilə bilər. Danışıqlarda
18
kompromisin əldə olunması fərdi əmək mübahisəsinin
birdəfəlik həll olunması üçün ciddi zəmin yaradır. Məhkəmə
vasitəsi ilə fərdi əmək mübahisələrinin həlli sonradan
işəgötürənlə işçi arasında münasibətlərin davamlı pozulmasına
və “soyuqlaşmasına” gətirdiyi halda danışıqlar yolu ilə
mübahisənin həlli sonradan münasibətlərin normallaşmasına və
“istiləşməsinə” gətirə bilər. Bu baxımdan istənilən fərdi əmək
mübahisəsində danışıqlar yolundan istifadəyə cəhd edilməsi
məqsədəuyğundur.
Danışıqlar aparmaq üçün işəgötürənlə bilavasitə görüşmək
mümkün deyildirsə və ya məqsədəuyğun deyildirsə bu zaman
işçi işəgötürənə yazılı şəkildə müraciət edə bilər. Yaxşı olardı
ki, işçi yazılı müraciət etdikdə bunu rəsmi qaydada həyata
keçirsin. Müraciətin iki nüsxədə hazırlanması və qeydiyyatdan
keçirilməsi də zəruridir. Belə müraciətin surətinin işçidə
qalması gələcəkdə fərdi əmək mübahisəsinin məhkəmə vasitəsi
ilə həlli zamanı da istifadə edilə bilər.
Bir sıra ölkələrin qanunvericiliyində fərdi əmək mübahisəsi
yaranarkən danışıqlar metodundan istifadə olunması vacib və
mütləq vasitə kimi nəzərdə tutulur. Məsələn, Rusiya
Federasiyasının Əmək Məcəlləsinin 385-ci maddəsində
göstərilir ki, “Fərdi əmək mübahisəsinə Əmək Mübahisələri
Komissiyasında o zaman baxılar ki, işçi bilavasitə özü və ya
nümayəndəsi vasitəsi ilə işəgötürənlə danışıqlar zamanı nəticə
əldə olunmasın” Göründüyü kimi Rusiya Federasiyasında fərdi
əmək mübahisəsinin Əmək Mübahisələri Komissiyasında
baxılması üçün şərtlərdən biri də işçinin işəgötürənlə
mübahisənin həlli üçün danışıqlar aparmasıdır. Yəni işçi Əmək
Mübahisələri Komissiyasına və məhkəməyə yazılı ərizə təqdim
etməzdən əvvəl bütün zəruri tədbirləri, o cümlədən
işəgötürənlə fərdi əmək mübahisəsinin danışıqlar yolu ilə həlli
ilə bağlı hərəkətləri həyata keçirməlidir.
Əlbətdə şəxsin məhkəməyə birbaşa müraciət hüququnun hər
hansı formada məhdudlaşdırılması Azərbaycan