(28) Müsbət fəaliyyət tədbirləri – şəxsin irqi və ya etnik mənşəyi, gender və ya
digər qorunma altında olan xarakteristikalarından irəli gələn zərərləri ödəyərək,
tam və əhəmiyyətli bərabərlik, həmçinin insan hüquqlarının tətbiqi və bərabər
istifadəsinin təmin edilməsidir.
(29) Azlıq anlayışının millətlərarası razılaşdırılmış hüquqi bir izahatı yoxdur. Bu
termin Ağ Kitabın məğzində əhalinin qalan hissəsinə nisbətən
kiçik sayda qruplara
məxsus və onların mənsubiyyəti, xüsusən, etnik, mədəni, dini və ya dili tərəfindən
xarakterizə olunmuş, miqrantlar da daxil olmaqla müəyyənləşmiş şəxslər kimi başa
düşülür.
2. Mədəni müxtəlifliyin əhatə dairəsi
2.1 Pluralizm, dözümlülük və mədəniyyətlərarası dialoq
(30) Mədəni müxtəliflik yeni bir fenomen deyil. Avropa şəbəkəsi qitə-daxili
miqrasiyaların
nəticələri, sərhədlərin yenidən cızılması, müstəmləkəçilik və
çoxmillətli imperiyaların tarixdə buraxdığı izlərlə əlamətdardır. Yaxın əsrlər
boyunca siyasi pluralizn və dözümlülük prinsiplərinə əsaslanan cəmiyyətlər
müxtəliflik içində sosial həmrəyliyə qəbul edilməz risklər törətmədən
mövcudluğumuzu təmin ediblər.
(31) Son onilliklərdə mədəni müxtəliflikdə müəyyən irəliləyişlər nəzərə çarpır.
Avropa, dünyanın hər yerindən olan miqrantları yaxşı həyat şəraiti və sığınacaq
axtarışı kimi məqamlarla cəlb etmişdir. Qloballaşma – zaman və məkanı
görünməmiş ölçüdə sıxışdırıb. Telekommunikasiya və mətbuatda inqilablar –
xüsusən, İnternet kimi yeni kommunikasiya xidmətlərinin meydana gəlməsi – milli
mədəni sistemləri get-gedə dərmə-deşik edib. Nəqliyyat və turizmin inkişafı
mədəniyyətlərarası dialoq üçün get-gedə daha çox şərait yaradaraq həmişəkindən
çox sayda insanın qarşılıqlı əlaqəsini təmin edir.
(32) Bu vəziyyətdə pluralizm, dözümlülük və geniş fikirlilik həmişəkindən daha
çox önəmlidir. İnsan Hüquqları üzrə Avropa Məhkəməsi pluralizmin “müxtəliflik
və mədəni adətlərin dinamikliyi, etnik və mədəni mənsubiyyət, dini inamlar,
incəsənət, yazılı və sosio-iqtisadi ideyalar və anlayışların qəbul olunması və
hörmət edilməsi” əsasında qurulduğunu və “müxtəlif mənsubiyyətə malik olan fərd
və qrupların harmonik qarşılıqlı təsirinin sosial həmrəyliyə nail olmaq üçün
mühüm əhəmiyyət kəsb etdiyini” tanıyıb.
(33) Lakin pluralizm, dözümlülük və geniş fikirlilik yetərli olmaya bilər: mədəni
müxtəlifliyin idarə olunmasında təkanverici, formalaşmış, geniş paylaşılmış cəhdə
ehtiyac var. Mədəniyyətlərarası dialoq bu məqsədə nail olmaq üçün əsas vasitədir,
o olmadan bizim qitədə yaşayan hər kəsin rifahı və azadlığını qorumaq çətin olar.
2.2 İnsan ləyaqətinin bərabərliyi
(34) Müxtəliflik yalnız mədəni deyil, həmçinin sosial və iqtisadi fəaliyyəti də əhatə
edir. Həqiqətən müxtəliflik, yaradıcılıq və yenilik məqsədyönlü əhatə dairəsi
yaradır, lakin, bir tərəfdən də, qeyri-bərabərliklər insan şərəfinə və sosial rifaha
qorxulu təhlükələr törədərək qarşılıqlı surətdə möhkəmlənə bilərlər. Belə olacağı
halda, qitəni paylaşan insanları birlikdə tuta biləcək “birləşdirici vasitə” nə ola
bilər?
(35) Avropa Şurası tərəfindən dəstəklənən demokratik dəyərlər universaldır; onlar
ayrıca olaraq Avropaya məxsus deyillər. Hələ də qeyri-humanistliyin 20-ci əsr
Avropa təcrübəsi fərdi insan ləyaqətinin fundamental dəyərinə xüsusi inam
yaradıb. İkinci Dünya müharibəsindən bəri Avropanın milli dövlətləri yalnız milli
vətəndaşlar üçün deyil, hərkəs üçün mümkün olan, həmişəkindən daha mürəkkəb
və transmilli insan hüquqlarının müdafiəsini tərtib etdilər. İnsan hüquqlarının bu
toplusu müəyyən dövlətin vətəndaşları kimi fərdlərin tərtib etdikləri hüquqi
sənədlərdən üstün və yüksək tutularaq hər bir insan varlığının şərəfini tanıyır.
(36) İnsan hüquqlarının bu toplusu ümumi insanlığımız və bənzərsiz şəxsiyyətimizi
təsdiq edir. Müxtəliflik olmadan birliyə assimilyasiya olmaq məcburi
homogenləşmək və yaşamaq qabiliyyətini itirmək kimi məna kəsb edə bilərdi,
digər tərəfdən isə hər şeyi əhatə edən ümumi insanlıq və həmrəylik olmadan
müxtəliflik qarşılıqlı tanımanı və sosial tərkibə daxil olmanı qeyri – mümkün
edərdi. Hamı tərəfindən tanınan ümumi mənsubiyyətin olması hər bir fərdin
bərabər ləyaqətinə göstərilən hörmət əlaməti və geniş dünyaya doğru ürəkaçıqlıq
kimi qiymətləndirilir. Belə bir əlamətə uyğun gələn – dialoq və başqaları ilə
qarşılıqlı əlaqədir.
2.3 Standartlar və vasitələr: Avropa Şurasının ötən beş onillik ərzində əldə
etdiyi nailiyyətlər
(37) Avropanın dəyərlər üzrə qəti konsensusu Avropa Şurasının müxtəlif
sənədlərində - bütün və ya bəzi üzv dövlətlərlə əlaqədar olan konvensiya və
razılaşmalar, eləcə də məsləhətlər, qətnamələr və fikirlərdə öz əksini tapır.
(38) İnsan Hüquqları üzrə Avropa Konvensiyası (1950) insan ləyaqətinə dair
müharibədən sonrakı öhdəliyi boynuna götürərək, Konvensiyanı müasir
günümüzün şərtlərinə uyğun şəkildə şərh edən İnsan Hüquqları üzrə Avropa
Məhkəməsini yaratdı. İnsan Hüquqları və Fundamental Azadlıqların Müdafiəsi
üzrə Konvensiyaya 12 N-li Protokol (2000) ayrı-seçkiliyin ümumi qadağasını əhatə
edir. Avropa Sosial Nizamnaməsi (1961-ci ildə qəbul edilmiş və 1996-ci ildə islah
olunmuş) ayrı-seçkiliyə yol vermədən hər kəs üçün nəzərdə tutulan sosial
hüquqları aydınlaşdırdı. Nazirlər Komitəsinin Qadın və Kişi bərabərliyi haqqında
Qətnaməsi (1988) qeyd edir ki, istənilən sahədə cinsi ayrı-seçkilik insan hüquqları