Microsoft Word White paper in azeri doc
Yüklə 0,49 Mb. Pdf görüntüsü
|
- Bu səhifədəki naviqasiya:
- 1. Giriş 1.1 Avropa Şurası və mədəniyyətlərarası dialoq
- 1.2 Ağ Kitabın ərsəyə gəlməsi
- 1.3 Əsas maraqlar
1. Giriş 1.1 Avropa Şurası və mədəniyyətlərarası dialoq (8) Mədəniyyətlərarası dialoqun inkişaf etdirilməsi, Avropa Şurasının insan hüquqları, demokratiya və hüquq normasının qorunması və inkişaf etdirilməsi kimi əsas məqsədlərinə xidmət edir. Mədəni müxtəlifliyin Avropanın zəngin irsini xarakterizə edib, dözümlülüyün açıq cəmiyyətin zəmanəti olduğunu təsdiq edən Üzv ölkələrin Dövlət və Hökumət Başçılarının Birinci Sammiti (1993) Milli Azlıqların Qorunması üçün Çərçivə Konvensiyası (1995) və İrqçilik və Dözümsüzlüyə qarşı Avropa Komissiyasının əsasının qoyulmasına və İrqçilik, anti-Semitizm, ksenofobiya və dözümsüzlüyə qarşı Avropa Gənclər Kompaniyasının başlanmasına (“Hamı Fərqli – Hamı Bərabər”) gətirib çıxardı.
(9) Dövlət və Hökumət Başçılarının Üçüncü Sammiti (2005) mədəniyyətlərarası dialoqu (dini aspektləri daxil etməklə) konfliktlərin qarşısının alınması, cəmiyyətin həmrəyliyi və inteqrasiyanın təmin edilməsi, həmçinin məlumatlılığın, anlaşmanın, razılığın və dözümlülüyün inkişaf etmə vasitəsi kimi müəyyənləşdirdi. Bu, Mədəniyyətlərarası Dialoq üzrə Ağ Kitabın hazırlanmasının təklif olunduğu ildən bir qədər sonra mədəniyyət nazirləri tərəfindən qəbul olunmuş “İnkişaf edən Mədəniyyətlərarası Dialoq üçün Avropa Şurasının Strategiyası üzrə Faro Deklarasiyası”-nda genişləndirildi.
(10) Nazirlər Komitəsi 2006-cı ilin may ayında görüşərək, Avropada yaşayan cəmiyyətlər daxilində və cəmiyyətlərarası, həmçinin Avropa və onun qonşuları arasında mədəniyyətlərarası dialoqun intensivləşməsi üçün tələb olunan vasitələrin müəyyənləşdirilməsində mədəniyyətlərarası dialoq üzrə Ağ Kitabın rolunu vurğuladı. Bu həmçinin analitik və metodoloji vasitə və standartlar üzrə bələdçi rolunu oynamalıdır. Ağ Kitab siyasətçi və rəhbərlərə, təhsil işçiləri və mətbuata, miqrant və dini icmalar, gənclər təşkilatları və sosial əməkdaşlar da daxil olmaqla, vətəndaş cəmiyyəti təşkilatlarına ünvanlanır.
(11) Nazirlər Komitəsinin qərarını nəzərə alaraq mədəniyyətləararası dialoq üzrə geniş miqyaslı məsləhətləşmələr 2007-ci ilin yanvar və iyun ayları arasında keçirildi. Bu, bütün aidiyyatı üzrə işləyən komitələri, Parlament Assambleyası və Lokal və Regional Orqanlar Konqresinin üzvlərini, eyni zamanda İrqi Ayrı- Seçkilik və Dözümsüzlük əleyhinə Avropa Komissiyası, Sosial Hüquqlar üzrə Avropa Komitəsi, Sosial Birlik üzrə Yüksək Səviyyəli İşçi Qrupu və İnsan Hüquqları üzrə Komissarlıq da daxil olmaqla Avropa Şurasının bir sıra orqanlarını özündə birləşdirdi. Sorğular bütün üzv dövlətlər, Parlament Assambleyası və Lokal və Regional Orqanlar Konqresinin üzvləri, dini icmaların nümayəndələri, miqrant icmaları və mədəni və digər qeyri – hökumət təşkilatlarına göndərildi. Avropa Şurasının Katibliyi beynəlxalq institutlarla yanaşı miqrantlar, qadınlar, gənclərin qeyri – hökumət təşkilatları, jurnalist və media təşkilatları ilə də tədbirlər hazırladı (və ya birlikdə hazırladı). İlkin layihələr “cavab görüşü”ndə 3 nəzərdən keçirilmək üçün seçilmiş səhmdarlar və mədəniyyət işləri üzrə nazirlərin qeyri – rəsmi Regional Konfransının müzakirəsinə verildi.
(12) Bu proses mühüm marağa səbəb oldu və Avropa Şurası müzakirəyə belə səxavətlə töhfə verənlərin hamısına dərin minnətdarlığını bildirdi. Müzakirə, Avropa Şurasının hüquq norması və dərin təcrübəsinə əsaslanaraq, onun vaxtaşırı olaraq təşəbbüsü öz əlinə götürmək üçün yaxşı mövqedə olduğuna inam yaratdı. Bu Ağ kitabın məzmunu əsasında geniş təkliflər yığımını ərsəyə gətirir.
(13) Qeyd olunanlar, Avropa Şurası təcrübəsinin möhkəm bazası, xüsusən İnsan hüquqları üzrə Avropa konvensiyası və digər fundamental standartlar əsasında qurulub. Bu məsləhətləşmələrdən əldə edilən zəngin material geniş istifadə dairəsinə malikdir. Bu mənada, bu, bir çox hallarda mədəniyyətlərarası dialoqun ana xəttini təşkil edən demokratik məsləhətləşmələrin nəticəsidir. Aydın və dəqiq anlaşılsın deyə, həmçinin bir sıra bəndlər təşkilatların özləri tərəfindən irəli sürüldüyünə görə, sənəd müəyyən şəxslərə aid olan xüsusi ideyaları özündə birləşdirmir.
(14) Ağ kitabın ərsəyə gəlməsi ilə bağlı sənədlərin böyük bir qismini Avropa Şurasının veb səhifəsi və əlaqəli nəşrlərdən əldə etmək olar. Bura üzv dövlətlər, qeyri – hökumət təşkilatları və dini icmalar tərəfindən müxtəlif aspektlər (təhsil, media) altında və müəyyən səhmdarlarla (gənclər, miqrantlar) bağlı mədəniyyətlərarası dialoq barəsində monoqrafiyalar üzrə sorğuya verilən cavabların təhlili daxildir. “Ən Çox Verilən Suallar” toplusu və mətbu material da daxil olmaqla, əlavə sənədləri çap versiyasında və internet səhifəsindən əldə etmək olar.
(15) Məsləhətləşmələrin təkrar olunan mövzularından biri də mədəni müxtəlifliyin idarə olunmasına aid köhnə yanaşmaların, artıq bu müxtəlifliyin hədsiz dərəcədə müşahidə olunduğu artmaqda olan cəmiyyətlər üçün münasib olmaması idi. Üzv dövlətlərə göndərilən suallara cavablar, xüsusən belə bir inam yaratdı ki, bugünədək üstünlük verilən “çoxmədəniyyətlilik” anlayışını əks etdirən siyasi yanaşma doğru bir yanaşma deyil. Digər tərəfdən, assimilyasiyaya olan əvvəlki meyl nəzərə çarpmır. Xüsusi insan qruplarınl inkar etməyən cəmiyyətin üzvü olmaq üçün yeni bir yanaşma lazım idi və mədəniyyətlərarası dialoq buna nail olmaq üçün bələdçi rolunu oynaya bilərdi.
Məsləhətləşmə sənədi respondentləri izahat verməyə dəvət edirdi və bunu etməyə nəzərə çarpacaq şəkildə könülsüzlük vardı. Qismən ona görə ki, mədəniyyətlərarası Yüklə 0,49 Mb. Dostları ilə paylaş:
|