¹2(3) èéóí 2012
106
А Р А Ш Д Ы Р М А
XƏTAİ KODU,
XƏTAİ ŞİFRƏSİ
ŞÖHRƏT BƏDƏLOV
filologiya üzrə fəlsəfə doktoru
XƏTAİ DÖVRÜNDƏ ORDU AŞIQLARI
Şah İsmayıl Xətayi yaradıcılığı, bütün xüsusiyyətlərindən öncə, qədim ozan-aşıq mədə-
niyyətinin ənənələrinə bağlılığı ilə seçilir. Bu əlaqə birtərəfli olaraq yalnız Xətayi yaradıcılığına
aşıq şeirinin təsiri kimi qəbul edilə bilməz. Bu mənada orta çağ aşıq sənətinin təşəkkülü yeni bir
mərhələ mahiyyəti kəsb etməsi baxımından da önəmlidir. Xətayi dövrünün aşıqları və aşıq sənəti on
bir, on dördüncü əsr ozanlarından və ozan sənətindən kəskin fərqlənirdilər.
Qam-şaman və təsəvvüf
simvolikasının sintezini ehtiva edən aşıq sənəti yeni tarixi məzmun ortaya qoymuşdur. Orta çağ aşıq
sənəti təbiət və gözəllik tərənnümündən daha çox hərbi və bir sıra dini-siyasi tədbirlərin milli-
mədəni folklor təyinatını həyata keçirirdi.
Bir sıra türk dövlətlərində olduğu kimi, Şah İsmayıl xanədanında da hakimiyyətin himayə
etdiyi ordu aşıqları mövcud idi. Bu barədə tədqiqatçı alim M.Abbaslı özünün «Şah İsmayıl Xətayi
və folklor» adlı məqaləsində yazır: «Cahanarayi-Şah İsmayıl Səfəvi» əsərində bu barədə çox
maraqlı məlumatlar saxlanılmışdır. Şah İsmayıl ordusunda ozanların belə bir mövqeyindən danışıla-
raq deyilir: «...Ozanlar vuruş günlərində qalib yürüşlü ordunun müqabilində çukurlar çalmaq, türkü
varsaqılar oxumaqla igidləri döyüş həvəsilə coşdururdular. Ozanların çalıb oxumasından
vuruş əzmi
güclənirdi».
Lakin bu dönəmlərdən çox-çox əvvəl aşıq sənəti tarixi-mədəni funksiyasını yerinə yetirən
uzun bir inkişaf yolu keçmişdir. «Oğuznamə»lərdə və «Kitabi-Dədə Qorqud» dastanlarındakı
ozanlar öz sənət yolunu miladdan qabaq yeddinci əsrdən etibarən büruzə vermişdilər. Ozanlar
qədim oğuzların ilk şairləri idi. Onlar Altaydan başlayaraq bütün türk arealında qam, şaman, bukuc,
tadıben və baxşı ad-titullarına sahib olmuşdular. Bu ad-titulların varisi sayılan ozanlar Şah İsmayıl
dövrünə qədər də böyük kulturoloji missiyanın daşıyıcıları idi. İstər sak, göytürk, istərsə də uyğur
folklorunun ilk nümunələrini məhz həmin ozanlar yaratmışlar. «Alp Ər Tonqa», «Oğuz Qağan»
kimi qədim mənqəbəvi dastanların müəllifləri şübhəsiz ki, ozanlar idi. Aşağıdakı qədim aşıq
qoşqusuna rəğmən F.Köprülüzadənin fikirləri daha çox diqqətəlayiqdir:
Alp Ər Tonqa öldümü?
İsiz ajun qaldımu?
Ödhlek öcün aldumu?
Emdi yürək yırtulur?
...düdüklərin, dovulların sədaları ilə bağlı söylənən bu dastani şeirləri tərtib edən şairlər, heç
şübhəsiz ki, müasir saz şairlərimizin dədələri olmuşdur».
Mahmud Kaşğarinin XI əsrdə qələmə aldığı bu dastan şeir nümünəsi «Divani-lüğət-it türk»də
mühafizə olunaraq günümüzə qədər gəlib çata bilmişdir.
Tarixi bilgilərdən məlum olduğu kimi, hələ eramızın V əsrində adı konkret olaraq bəlli
olmayan el və saray şairləri mövcud olmuşdur ki, onlar dövlət əhəmiyyətli
zəfər yürüşlərini
tərənnüm edirmiş . Bu barədə tədqiqatçı alim İsrafil Abbasov yazır: «Antik mənbələrdə Atillanın
şəninə keçirilən belə bir ziyafət səhnəsinin təsviri qorunmuşdur: Axşama doğru məşəllər yanan vaxt
ipəkdən olan möhtəşəm çadıra iki şairin girdiyini gördülər.Onlar Atillanın qarşısında öz qoşduqları
Ðöáëöê ÿäÿáèééàò äÿðýèñè
107
şeirləri oxudular. Bu şeirlər onun qəhrəmanlıqlarına, zəfərlərinə aid idi. Orada onlar bu şeirlərin
təsiri ilə həyəcana, vəcdə gəldilər... Bir çoxları ağlayırdı».
Bu ənənələr Xətayi zamanında da davam edirdi. Şah İsmayıl Xətayi dövründə Azərbaycan
aşıq sənətinin yeni bir qolu olan dərviş aşıqçılığı da inkişaf etməyə başladı. Qızılbaşlığın təbliğinə
xidmət edən təriqət təkkələri həmin aşıqların ifası ilə başlanıb, mərasimin tələblərinə uyğun olan
havacatlarla başa çatırdı.
Aşıq sənətinə və sazın müqəddəsliyinə şairin qoşma və gəraylılarında açıq-aydın
nəzərə
çarpan münasibəti görməmək mümkün deyil:
Bu gün ələ almaz oldum mən sazım,
Ərşə dirək-dirək çıxar avazım,
Dörd şey vardır bir qarındaşa lazım,
Bir elim, bir kəlam, bir nəfəs, bir saz.
Zənnimizcə, Xətayi Azərbaycan və ümumilikdə Şərq ədəbiyyatında özündən sonrakı
sənətkarlara, bütövlükdə folklorun öz inkişafına belə təsir göstərmək imkanına malik olan xəlqi
ruha sahib böyük bir sənətkardır. Unutmaq olmaz ki, Xətayi dönəminə qədər artıq «ozan» ad-titulu
və o cümlədən ozan-aşıq sənəti islamın qadağa və yasaqlarının təsirindən
müəyyən deformasiyalara
uğramışdır. Xətayi bir hökmdar, bir dövlət xadimi kimi və bir yaradıcı şəxsiyyət olaraq aşıq
sənətinə yeni nəfəs verməklə növbəti mərhələ üçün onun inkişafını təmin etdi.
Aşıq sənətinə münasibət Xətayi yaradıcılığında və Xətayi ictimai dünyagörüşündə konseptual
bir mahiyyət kəsb edir. Xətayi dövrünə qədər «aşıq» sözü ad-titul olaraq işlənsə də, saz sənətinin
ozan hökmranlığı cazibəsindən yalnız Xətayi dövründə xilas ola bildi.
Bir sıra klassik dastanlarımızda ozanların ad-titulu olaraq «dədə» titulunun da işlənməsi onu
göstərir ki, «ozan» ad-titulu öz yerini «aşıq» ad-tituluna verənə qədər bu sənətin aparıcı sahiblərinin
alternativsiz adı olmuşdur. Şah İsmayıl qızılbaş təriqətinin sosial bazasının tənzimlənməsində bir
çox
faktorlarla bərabər, estetik-kulturoloji prinsiplərə də diqqət yetirməyi vacib bilirdi. Təhlilə
ehtiyacı olmayacaq dərəcədə aydındır ki, «ozan» ad-titulu oğuz-türk arealına mənsub ən qədim
peşəkar folklor söyləyicilərindən biridir. Qızılbaş təriqətinin aparıcı xəttini təşkil edən şiəlik olsa da,
Şah İsmayıl bütün bədii yaradıcılığında olduğu kimi, siyasi islahatlarında da türkçülüyə böyük
önəm verirdi. Qeyd etdiyimiz kimi, islam dini ozan sənətini ciddi şəkildə sıxışdırsa da, Şah İsmayıl
dönəmində «ozan» ad-titulu hələ də oğuz-türk mədəniyyətinin göstəricisi kimi ciddi və rəsmi
şəkildə mühafizə olunaraq qorunub saxlanırdı. «Cahanarayi-Şah İsmayıl Səfəvi»
kimi mötəbər
mənbədə də bu barədə kifayət qədər geniş bilgiyə rast gəlmək mümkündür: «Ozanlar demək olar ki,
Şah İsmayılın bütün yürüşlərində iştirak etmiş, orduda hərbi nəqqarəxananın - hərbi orkestrin
rəhbərliyi mövqeyini tutmuş, türkü varsağıları, cəngiləri ilə Qızlbaş döyüşçülərinin rəşadət ruhunu
oxşamışlar. Onlar başlarında Qızlbaş tacı, çiyinlərində pələng dərisi, bellərində qılınc, əllərində iri
çukur-saz
olduğu halda, dinclik zamanı dastanlar söylər, vuruş vaxtlarında isə çukur və sazlarını
çiyninə aşırıb atlarına minər, döyüşçülərlə yanaşı vuruşarlarmış. ... tarixi salnamədən aydın olur ki,
Şah İsmayıl sarayında ozanlara hörmət elə bir dərəcəyə yüksəlmişdir ki, hətta bəzi əmirlərə
«Ozanxan» ləqəbi verilərmiş».
Göründüyü kimi, Şah İsmayıl aşıq sənətinin inkişafını türkçülüyün milli kolorit aspektindən
qəbul olunmasının tərəfində olmuşdur. Ümumən aşıq sənətinə Şah İsmayıl Xətayi münasibəti bir
sistem xarakteri daşıyır ki, bu da orta çağ aşıq mədəniyyətinin intibah gələnəklərini özündə ehtiva
edir. Əvvəla, bu çağlar qopuz-çukur-saz əvəzlənməsindən tutmuş ozan-aşıq ad titullarının geniş
kulturoloji folklor metomorfozik cəhətləri ilə diqqəti cəlb edir. Bu cəhətlər hər şeydən əvvəl ordu
quruculuğu zamanı Şah İsmayılın hərbi qüvvələr sırasına əvvəl
də qeyd edildiyi kimi,
«nəqqarəxana» adı altında aşıqların daxil edilməsi ilə başlandı. Unutmaq olmaz ki, bu mərhələyə
qədər həmin qisimdən olan ələvi-bəktaşi, sufi-qızılbaş təriqətlərinin ayin və mərasimlərində
Səfəvilərin siyasi məramlarının təbliğatında dərviş-aşıqlar kifayət qədər böyük nüfuz qazanmışdılar.
Dərviş-aşıqlar təkkə çərçivəsindən çıxaraq artıq daha böyük ictimai-mədəni arenaya imtiyaz ala
bildilər. Bu hadisə türkdilli xalqların tarixində aşıq sənətinin çox mühüm və yeni bir mərhələsi idi.
Bu mərhələ orta çağ aşıq sənətində Şah İsmayıl Xətayinin hərbi islahatına ilgiləri ilə bərabər