8
FƏSİL I.
TORPAQ HAQQINDA MÜASİR TƏLİM
1.1. Torpaq təbii varlıqdır
Torpaq və cəmiyyət ayrılmaz varlıqlardırlar. Torpaqsız insan,
cəmiyyət yoxdur. Bəşər övladının dünyaya gəlişinin və yaşamasının ilkin
şərti də məhz torpaq olmuşdur. Yer planeti ta qədimdən insanlara məs-
kunlaşmaları üçün məkan olmuş, yaşamaları üçün maddi və enerji mən-
bəyi rolunu oynamışdır. İnsan və heyvanat aləmi torpağın istehlak
xüsusiyyətlərini bilavasitə mənimsəyən canlı orqanizmlərdirlər. Bəşəriy-
yətin ilkin dövrlərində insanlar tərəfindən bu xüsusiyyətlərin mənim-
sənilməsi ov, balıqtutma, təbii enerji mənbələrindən istifadə vasitəsi ilə
həyata keçirilirdi. Bildiyimiz kimi torpağın istehlak xüsusiyyətləri onun
yeraltı (qaz, neft, qızıl, civə və. s.) və yerüstü (dəniz, meşə və s.) sərvətləri
ilə xarakterizə olunur.
Təbii ki, təbiət (ilahi varlıq!) torpağın bu istehlak xüsusiyyətlərini
yerin altında və üstündə bərabər paylamamışdır. Ona görə də, zaman
keçdikcə torpaq və onunla bağlı olan sərvətlər insanların və insan
cəmiyyətlərinin maraq obyektlərinə çevrilirdilər. Bu maraqlar həyat üçün
daha əlverişli, münasib yerlərin axtarışından, habelə bu yerlərin digərləri
tərəfindən qəsbindən qorumaqdan ibarət olub.
Bəşəriyyətdə əhalinin sayının durmadan artımı, istehlak üçün əlve-
rişli yerlərin zaman keçdikcə məhdudluğu ilk dövrlərdə insanları özlərinin
yaşamaları naminə fəth etdikləri ərazilərin sərhədlərini çox sürətlə, bəzi
hallarda hətta güc tətbiq etməklə-müharibələrlə genişləndirməyə vadar
edirdi. Sonralar, zaman keçdikcə xammal şəklində olan təbii ehtiyatlar
emal edilərək istehlak predmetlərinə çevrilirdilər ki, bütün bunlar da
torpağın istehlak xüsusiyyətlərini genişləndirmiş olurdu. Bunlar isə
müxtəlif istehsal sahələrinin zaman-zaman genişləndirilməsi ilə müşayiət
olunurdu. İstehsal prosesləri torpağın istehlak xüsusiyyətlərinin daha da
genişləndirilməsi üçün təbii kompleksə təsir edən mexanizmlərə çev-
rilirdi.
İbtidai icma quruluşunda tayfa və qəbilələr torpaqlardan onları ayrı-
ayrı fərdlər arasında bölmədən istifadə edirdilər. Sonralar torpaqların
bölgüsü ilə torpaq-mülkiyyət münasibətlərinin formalaşması başlandı.
Torpaq ilk öncə mülkiyyət obyekti və əmtəə, sonra isə sinfi mübarizələrin
9
obyektinə çevrildi. Artıq ibtidai icma quruluşu mərhələsində cəmiyyətlər
iki hissəyə bölünürdü: torpaq mülkiyyətçiləri və torpağı olmayan insanlar.
Mülkiyyətçilərdə öz torpaq sahələrinə mülkiyyət hüququnu qorumaq hissi
sonradan ayrı-ayrı dövlətlərin yaranmasına səbəb oldu. Belə ki, döv-
lətlərin ilkin dövrlərdə əsas vəzifəsi öz sərhədləri daxilində torpaq
mülkiyyətçilərinin maraqlarını qorumaqdan ibarət olub. Zaman keçdikcə
torpaq və onunla bağlı (ilk dövrlərdə əlbəttə ki, yerüstü təbii ehtiyatlar)
sərvətlər ən dəyərli mülkiyyət obyektlərinə çevrilirdilər. Təbii ehtiyatlar
üzərində, o cümlədən torpaq üzərində hakimlik hərisliyi bəşər tarixində
bütün müharibələrin yaranma səbəbləri olmuşdur.
Torpaq cəmiyyətlərdə zaman keçdikcə var-dövlət, kübarlıq atributuna
çevrilirdi. Əksər zadəgan titulları insanlara məhz torpağa sahibliyə görə
verilirdi.
Torpaq əsrlər boyu müxtəlif cəmiyyətlərdə qiymətli daşınmaz əmlak
kimi müxtəlif banklar tərəfindən kreditlərin verilməsi üçün girov qoyul-
muşdur və bu əqdlər bu gün də müasir iqtisadiyyatımızda tətbiq olunur.
Tarixə nəzər salsaq görərik ki, bütün ictimai-siyasi quruluşların
kökündən dəyişdirilməsi (bir ictimai-siyasi formasiyadan digərinə keçid
dövrü) zamanı torpaq münasibətlərinin müəyyənləşdirilməsi həmişə
həllini tələb edən mərkəzi məsələ olmuşdur. Belə ki, şərqdə ilk demo-
kratik ölkə olan Azərbaycan Xalq Cümhuriyyətinin ilkin qərarlarından
biri məhz torpaq haqqında olmuşdur. Bolşeviklərin Azərbaycan Demo-
kratik Respublikasını işğal etdikdən sonra ilk dekreti də torpaq haqqında
oldu. XX əsrin 90-cı illərinin əvvəlində çoxlu qanlar və canlar hesabına
müstəqilliyini yenidən özünə qaytarmış müasir Azərbaycan dövlətinin də
mərkəzi məsələsi torpaq məsələsi olmuşdur. İlk Konstitusiyamız respub-
likamızda torpaq üzərində dövlət inhisarına son qoymuş, torpaq üzərində
3 mülkiyyət (dövlət, bələdiyyə, xüsusi) formasını müəyyənləşdirmişdir.
Ona görə də, torpaqlar Azərbaycan Respublikasında insan həyatının
və fəaliyyətinin əsası kimi mühafizə olunmalı və istifadə edilməlidir. Bu,
yerquruluşu üzrə mütəxəssislərin bir saylı vəzifəsi və müqəddəs borcudur.
Torpaq istisnasız olaraq hər bir kəsə lazımdır. İnsan torpaq üzərində
dünyaya gəlib, onun üzərində yaşayır və təsərrüfat fəaliyyətini həyata
keçirir. Torpaq vətəndaş cəmiyyətinin fəaliyyət göstərməsi üçün məkan
bazisidir, istehsal vasitələrinin yerləşdiyi ərazidir, o, kənd və meşə
təsərrüfatlarında əsas istehsal vasitəsidir.
Günəş sisteminə daxil olan digər planetlərdən fərqli olaraq Yerdə
10
həyat vardır, burada bütün canlıların alisi – İNSAN yaşayır.
Digər canlı orqanizmlərdən fərqli olaraq insan özünün maddi və
mənəvi tələbatlarını ödəmək üçün təbii ehtiyatlardan (torpaq, yerin təki,
su, meşə, bitki və heyvanat aləmi, atmosfer və s.) daha aktiv istifadə edir.
Bununla da o, təbiətə, orada baş verən təbii proseslərə müdaxilə etməklə,
ona müsbət və ya mənfi təsir göstərir.
Torpağın insan həyatındakı və vətəndaş cəmiyyətindəki müstəsna
rolu ilə əlaqədar olaraq, o, bütün insanların torpaq ehtiyatlarından istifa-
dəsi, torpaqla bağlı sərəncam verməsi zamanı düzgün rəftarını tələb edir.
Maraqlıdır ki, neçə minilliklərdən bəri, dünya əhalisinin sayı indi-
kindən yüz, min dəfələrlə az olanda, müasir sənaye sahələrinin və
texnikanın olmadığı dövrlərdə belə təbiətə, ətraf mühitə, torpağa qayğı
göstərilməsini insanlar zəruri hesab etmişlər. Məsələn, ta qədim
zamanlardan bəşər övladına “İnsanlar, siz təbiətdən istifadə edərkən ona
qarşı amansız olmayın” kimi çağırışlar gündəmdə olub. Hələ XIX əsrdə
Y.B.Lamark bu müraciətlərə məhəl qoymayanlara və təbiətə amansız
münasibətin nəticələrini dərk etməyənlərə belə xəbərdarlıq edirdi: “Sanki
insanın əsas məqsədi əvvəlcə təbiəti, sonra onunla birgə özünü məhv
etməkdən ibarətdir”.
Beləliklə, hələ çox qədimdən təbiətin, onun ayrılmaz tərkib hissəsi
olan torpağın qorunması, təbiətdə ekoloji tarazlığın təmin edilməsi
zərurətinin dərk edilməsinə baxmayaraq, bu gün planetimiz ekoloji
təhlükə qarşısındadır.
Əlbəttə, bu gün planetimizdə yaranan ekoloji təzadlar birdən-birə
əmələ gəlməmişdir.
Ehtimal olunur ki, bəşər adamı on min ildir ki, əkinçiliklə, hey-
vandarlıqla məşğuldur. Fərz etmək olar ki, insan məhz oturaq həyat tərzi-
nə alışandan sonra təbiətə, onun sərvətlərinə, ilk öncə torpağa antropogen
təsir göstərmişdir. Dünya alimlərinin tədqiqatları göstərir ki, son yüz ildə
insanların biosferə müdaxiləsi əvvəlki yüzilliklərdəki birgə təsirlərdən
geniş olmuşdur. Belə ki, təbiətə xas olan “təbii sərvətlərdən qənaətlə
istifadə” prinsipinə müasir insanlar tərəfindən riayət edilmədiyindən son
bir milyard ildə yaranan təbii sərvətlər son 100-120 ildə insanlar tərə-
findən insafsızcasına istismar olunmuşdur. Bütün bunların acı nəticəsi
olaraq bəşəriyyət ekoloji böhranla üzləşmişdir.
Akademik H.Ə.Əliyev Azərbaycanda torpağı mühafizə sahəsində
tədqiqatların təşkilatçısı və ekologiya elminin banisidir. H.Ə.Əliyev
Dostları ilə paylaş: |