14
o, burada başlıca, əsas isteһsal vasitəsidir.
Torpaq istənilən istehsalın mövcudluğu üçün vacib olan maddi
şəraitdir. Ona görə də, torpaq istehsal vasitəsi kimi təkcə kənd təsər-
rüfatında deyil, eyni zamanda iqtisadiyyatın bütün sahələrində-sənayedə,
nəqliyyatda, insanın maddi fəaliyyətinin digər sahələrində də istehsal
vasitəsi kimi çıxış edir.
Təbii ki, istehsal vasitəsi kimi torpağın kənd təsərrüfatında rolu digər
qeyri-kənd təsərrüfatı sahələrindəki rolundan fərqlidir. Emal sənayesində
torpaq passiv rol oynayır. Burada o, yalınız əmək prosesinin baş tutması
üçün zəruri olan obyektlərin yerləşməsində məkan bazisi rolunu oynayır.
Həmin obyektlərin yerləşdiyi ərazinin torpaq-texnoloji xüsusiyyətləri
istehsalatın ixtisaslaşmasına, keyfiyyətinə, səmərəliliyinə təsir göstərmir.
Mədən sənayesində isə torpaq artıq təkcə məkan bazisi rolunu
oynamır. Burada torpağın istehsalatdakı rolunda aktivlik artır. O, həm də
özünəməxsus “faydalı mədən”, “faydalı qazıntıların anbarı” rolunu
oynayır. Torpaq mədən sənayesində həmişə əmək predmeti kimi çıxış
edir. Belə ki, yeraltı sərvətlərin əldə edilməsi üçün torpağa daima insan
əməyi təsir göstərir. (axtarış-qazma işləri və s.). Bu zaman torpağın
xüsusiyyətlərindən (faydalı yataqların tərkibi, onların növləri, yataqların
dərinliyi və s.) asılı olaraq fəaliyyətin istiqaməti, onun həyata keçirilməsi
üçün zəruri olan maliyyə xərclərinin həcmi və səmərəliliyi müəyyən-
ləşdirilir. Amma torpağın ən ali xüsusiyyəti olan torpaq münbitliyi burada
da istehsalatın inkişafına heç bir təsir göstərmir.
Meşə təsərrüfatında torpaq üç funksiyada çıxış edir: ümumi istehsal
vasitəsi kimi (meşələrin salınması, qurğuların yerləşdirilməsi üçün məkan
rolunu oynayır); əmək predmeti kimi (oduncaq tədarükündə və
meşəsalmada) və qismən əmək aləti kimi (torpaq örtüyünün köməkliyi ilə
meşə ağaclarının yetişdirilməsi təmin edilir). Bütün bu üç funksiyanı
özündə birləşdirən torpaqlar meşə təsərrüfatında da istehsal vasitəsi kimi
fəaliyyət göstərir.
Torpaq kənd təsərrüfatında büsbütün başqa əhəmiyyət kəsb edir.
Torpaq burada başlıca istehsal vasitəsidir, istehsalatın aktiv və
əvəzedilməz faktorudur. Kənd təsərrüfatında istehsalat prosesi bütövlükdə
bilavasitə torpaqla, onun münbitliyi ilə, torpaqda gedən təbii-bioloji
proseslərlə sıx surətdə bağlıdır. Kənd təsərrüfatında torpaq məkan bazisi
funksiyasından əlavə, həm əmək predmeti (insan torpağı şumlayır, səpir,
sulayır, torpağa bilavasitə təsir göstərməklə digər texnoloji əməliyyatları
15
yerinə yetirir) və istehsalın aləti (torpağa səpilmiş toxumlara torpaq öz
təsirilə lazımi məhsulu yetişdirir) kimi çıxış edir. Məhz bu xüsusiy-
yətlərinə görə torpaq kənd təsərrüfatında müstəsna rola malikdir.
Torpağın ən ali xüsusiyyəti münbitlik xüsusiyyətinə malik olmasıdır.
Torpaq bitkilərin böyüməsi və inkişafı üçün zəruri olan su, qida və digər
tələbatının ödəndiyi mənbədir. Torpağın münbitlik xüsusiyyəti onu digər
istehsal vasitələrindən əsaslı şəkildə fərqləndirir. Kənd təsərrüfatı
bitkilərinin məhsuldarlığı bilavasitə torpağın münbitliyindən asılıdır və bu
münbitlik insanın təsərrüfatçılıq fəaliyyətində böyük təsirlərə məruz qalır.
Bu təsirin səviyyəsi ilk növbədə elmi-texniki tərəqqinin inkişaf səviyyəsi
ilə ölçülür. Torpağa təsir elmi əsaslarla, təbiətin qanunlarına riayət
etməklə baş verəndə torpağın münbitliyi artır, əks təqdirdə, o, zaman
keçdikcə münbitliyini azaldır və ən nəhayət, istehsal prosesində əsas
istehsal vasitəsi kimi fəaliyyətini dayandırır.
Torpağı başqa isteһsal vasitələrindən fərqləndirən xüsusiyyətlərə
nəzər salaq.
Bütün digər istehsal vasitələri insan əməyinin məhsuludur, torpaq isə
(su da bu xüsusiyyətə malikdir!) özünün təbii vəziyyətində təbiətin
bəxşidir, onun əmələ gəlməsinə insan əməyi sərf edilməmişdir.
Torpaq əvəzedilməzdir, başqa sözlə, onu hər hansı bir digər istehsal
vasitəsi ilə əvəz etmək olmaz.
Torpaq məkanca məhduddur, onun sahəsini genişləndirmək olmaz.
Digər istehsal vasitələrinin isə (maşının, cihazların və s.) istehsal həcmini
artırmaqla sayını artırmaq olar. Əlbəttə, ayrı-ayrı yerlərdə istifadəsiz
torpaqları kənd təsərrüfatı istehsalatı dövriyyəsinə cəlb etməklə yararlı
torpaq sahələrinin həcmini artırmaq olar. Amma bütövlükdə Yer pla-
netində torpaq təbiətdə resurs kimi məkanca məhduddur.
Torpaq eyni istehsal prosesində həm əmək predmeti, həm də əmək
aləti kimi çıxış edə bilər. Digər istehsal vasitələri isə ayrı-ayrı funksiyaları
yalnız ayrı-ayrı istehsal proseslərində yerinə yetirə bilər. Məsələn, bir
istehsal prosesində əmək aləti, digərində isə əmək predmeti kimi çıxış edə
bilər.
Torpaq özünün yerləşmə vəziyyətinin daimiliyi ilə xarakterizə
olunur. Onu traktorlar, kombaynlar kimi bir yerdən başqa yerə köçürmək
olmaz.
Torpaq sahələri keyfiyyətinə görə eynicinsli deyildirlər. Onlar bir-
birindən münbitliyinə, relyefinə və digər əlamətlərinə görə fərqlənirlər.
16
Bu müxtəlifliklər isə son nəticədə məhsuldarlığa, ümumi məhsul çıxı-
mına, istehsalatın səmərəliliyinə təsir edir. Keyfiyyətcə yaxşı torpaqlarda
əlavə gəlir əldə edilir, bu da öz növbəsində diferensial rentanın
yaranmasına səbəb olur.
Bütün digər istehsal vasitələri onlardan istifadə prosesində fiziki
cəhətdən aşınırlar (qənaətlə, tələblər çərçivəsində istifadə etdikdə də!),
mənəvi baxımdan köhnəlirlər. Onlardan fərqli olaraq torpaqdan düzgün
istifadə etdikdə o nəinki köhnəlmir, əksinə onun münbitliyi artır.
Beləliklə, torpaq daimi olub, һeç bir isteһsal vasitəsi ilə əvəz edilmir.
Torpaq eһtiyatları ən dəyərli təbii eһtiyatlardandır.
Torpağın əsas istehsal vasitəsi kimi fəaliyyətini tənzimləyən bəzi
qanunlar ilə tanış olaq.
İstehsal sferasına cəlb edilmiş və onun əsas faktoruna çevrilmiş
torpaq cəmiyyətdə formalaşmış əsas iqtisadi qanunlara uyğun istifadə
edilməlidir.
İstehsal münasibətlərinin istehsal qüvvələrinin xarakterinə və
inkişaf səviyyəsinə uyğunluğu qanunu tələb edir ki, torpağın əsas
istehsal vasitəsi kimi təşkili torpaq münasibətləri sisteminə
uyğunlaşdırılmalıdır. Bu qanun torpağın istehsal vasitəsi kimi keyfiyyətini
və xüsusiyyətlərini dəyişdirən hərəkətverici qüvvələri müəyyənləşdirir.
Torpağın istehsal vasitəsi kimi fəaliyyətini müəyyənləşdirən qanunlar
sırasına əlavə dəyər (mənfəət) istehsalı qanunu aiddir.
Bu qanun tələb edir ki, bazar iqtisadiyyatı şəraitində torpaqlardan
istifadənin əsas məqsədi maksimum gəlir əldə etməkdən ibarət oldu-
ğundan, ondan istifadənin təşkilində hər zaman torpaqların münbitliyinin
artırılmasına, məsariflərin azaldılmasına çalışmaq lazımdır.
İstehsalın silsiləli inkişafı qanunu istehsalın canlanma, yüksəliş,
düşmə və depressiya fazalarından obyektiv keçidini əks etdirir.
Canlanma fazasında torpaq ilk öncə istehlak predmetləri və ya
xammal istehsal edən kənd təsərrüfatı, meşə təsərrüfatı, tikinti, bir sıra
mədən sahələrinə-istehsal sferasına cəlb olunur. Sonradan torpaq emal
sahələrinə cəlb edilir. Torpaqdan istifadənin miqyası artır, torpaq
istehsalatda ehtiyat vəziyyətindən istehsal vasitəsinə çevrilir. İctimai
istehsalda torpağın daha çox iştirakı yüksəliş fazasında qeyd olunur.
İstehsalın enişinə ilk öncə istehlak predmetləri və xammal istehsal edən
(kənd və meşə təsərrüfatları, emal müəssisələrinin bəziləri) sahələr
münasibət bildirirlər. Belə ki, həddindən artıq məhsul istehsalının
Dostları ilə paylaş: |