81
nəşr etmiş Agah Əfəndi məlumat almaq imkanı verir.
Şah rejimi tərəfindən türkcə kitabların yandırılma ayı
noyabrı acı xatirə anına çevirən jurnal «Kitabımız-
nəşriyyatımız» başlığı altında türkcə çıxmış kitabların geniş
reklamını verməklə borcunu yerinə yetirir.
İlk sayları işıq üzü görən «Xudafərin»in İranda populyar
olan «Azəri», «Araz», «Əsri-Azadi», «Məhde-Azadi»,
«Həmşəri», «Ərk» kimi mətbuat orqanlarında reklamı geniş
ədəbi yaradıcılıq və ideya birliyinin yarandığından xəbər
verir.
Son olaraq «Xudafərin» öz ünvanını belə xatırladır:
009921691529, İran, Tehran, R. O. box 131145-147,
Khudafarin®yahoo. com
Siz də «Xudafərin»i evinizin bir üzvü sayıb, daim onu
yadda saxlayın. Yazın ki, Araz üzərində fiziki keçidin adı olan
«Xudafərin» əsl mənəvi körpüyə çevrilsin.
«Azərbaycan» qəzeti,
25 noyabr 2004-cü il
82
Cavad Heyət – 80
CAVAD HEYƏT DÜNYASI
Türk dünyasının ən qüdrətli övladlarından biri, bütün
dünya türklərinin qürur və fəxarət yeri olan, bir əlində qələm,
bir əlində bıçaq öz xalqının, millətinin, bütövlükdə insanların
fiziki və mənəvi sağlamlığının keşiyində sərhəd əsgəri kimi
sərvaxt dayanan, əllərinin hikməti, sirri-sehri ilə möcüzələr
yaradan möhtərəm doktor Cavad Heyətin 80 illik yubileyi
tamam olur.
Fəxrlə qeyd etmək istəyirəm ki, ömrü boyu heyrətamiz
dərəcədə misilsiz işlərə imza atan Cavad Heyət haqqında
indiyədək mən də bir sıra məqalələr yazmışam, 2002-ci ildə
«Azərbaycantelefilm»in çəkdiyi «Cavad Heyət varlığı» adlı
sənədli televiziya filminin ssenari müəllifiyəm. Görkəmli
alimin 80 illik yubileyinə həsr etdiyim kitab isə bu yaxınlarda
işıq üzü görəcək.
Yeri gəlmişkən, onu da deyim ki, «Cavad Heyət varlığı»
filmi, böyük alimin Bakıda keçirilən 70 illik yubileyinin
videoyazısı, ona həsr olunmuş «Dastan», «Durna teli»
verilişləri televiziyamızın qızıl fondunda qorunur.
Əziz dostumun yuvarlaq yubileyi qarşısında bir daha
onun haqqında yazdıqlarıma diqqət yetirdim, ssenarim
əsasında çəkilmiş filmə baxdım. Bütövlükdə Cavad Heyətin
keçdiyi mənalı, şərəfli ömür yoluna nəzər saldım. Etiraf edim
ki, onun qısa zaman kəsiyində həyata keçirdiyi və bir insan
ömrünə sığmayacaq qədər böyük işlərinin qarşısında yenə də
83
heyrətimi gizlədə bilmədim.
Cavad Heyət kimdir? Onun Azərbaycan, İran,
bütövlükdə dünya elminin, təbabətinin və mədəniyyətinin
inkişafında hansı xidmətləri var? Təbii ki, bu suallara bir
qəzet məqaləsində cavab vermək çətindir. Çünki Cavad Heyət
yaradıcılığı elə əhatəli, çoxşaxəli, ensiklopedik məzmun və
səciyyə daşıyır ki, onun araşdırılması, öyrənilməsi və
dəyərləndirilməsi böyük vaxt və zaman tələb edir. Çox qısa
desəm, mən Cavad Heyəti XX əsrin möcüzəsi hesab edirəm.
Dünyanın ən usta, ən mahir cərrahlarından, təbiblərindən biri
olan Cavad Heyəti başqa cür qiymətləndirmək mümkün deyil.
Təsadüfi deyil ki, onun yarım əsr əvvəl gördüyü işlər elə bu
gün də yenilik, təzəlik sayılır.
Türk dünyasının dünya elminə bəxş etdiyi bu böyük
alimə, elm adamına, Cavad Heyət şəxsiyyətinə hansı yöndən,
hansı prizmadan yanaşsan, onun yaradıcılığını hansı
aspektdən araşdırsan, insanlığa başucalığı gətirən əməllərlə
qarşılaşarsan.
Cavad Heyət ömrün, taleyin seçdiklərindəndir, Tanrının
seçilmiş bəndələrindəndir. Belə olmasaydı, o, bir neçə sahədə
paralel olaraq belə böyük uğurlar qazanmaz, şöhrət tapmazdı.
Cavad Heyət elə bir ömür yaşayıb ki, o ömrün
salnaməsini yaratmaq həm asandır, həm çətindir, həm də çox
məsuliyyətlidir. Bu ömür elə bir ömürdür ki, onda alim və
ədib qələmi birləşib, yüksək mənəvi amallar uğrunda
mübarizə aparıb. Bu ömür insanların, xalqların birliyine
xidmətdə keçib. Bu ömür yalnız bir xalqa, bir millətə məxsus
olmayıb, bəşəriyyətə xasdır. Bu ömür öz dahi sələflərinin
ənənəsini ləyaqətlə davam etdirməyə sərf olunub.
Bəs Cavad Heyət bu nüfuzu, bu şöhrəti necə qazanıb?
Əvvəla, mən tam məsuliyyətlə demək istəyirəm ki, o hər
bir uğuruna zəhməti, çalışqanlığı, bir də Tanrının ona bəxş
84
etdiyi istedadı sayəsində nail olub. Digər tərəfdən, o öz
biliyini yorulmadan, usanmadan arayıb-axtarmaqla
zənginləşdirib.
İkincisi, belə bir məşhur deyim var: ot kökü üstə bitər.
Bu kəlamda böyük hikmət var, çünki kökü olmayan bir ağac
tez çürüyər, ayaq üstə duruş gətirə bilməz. Əsli-nəcabəti,
soykökü olmayan bir insan da qaynar qazana bənzər dünyada,
narahat dənizdə gəmi kimi çalxalanan zəmanədə tez itib-batar,
həyatın dibinə yuvarlanar. Cavad Heyət də elə bir kişinin
ailəsində böyüyüb ki, o elə Cavad Heyət olmalıydı. Onun
başqa cür olmağa haqqı da yox idi. Bəli, bu gün bütün
dünyanın tanıdığı, elmini və sözünü qəbul etdiyi Cavad Heyət
tanınmış bir ziyalının ailəsində tərbiyə alıb. Atası Mirzə Əli
Heyət görkəmli ictimai və dövlət xadimi, hüquqşünas alim,
maarifpərvər ziyalı olub, məsul vəzifələrdə çalışıb. Və bu kişi
on övladının onunu da əqidəli, məsləkli, savadlı, vətənpərvər,
qeyrətli vətəndaşlar kimi böyüdüb.
«Allah insana hürriyyət, seçmək imkanı verib. Mən də
azad olmaq üçün həkimliyi seçdim» deyən Cavad Heyət
əvvəlcə Tehranda, sonra İstanbulda, daha sonra Avropada –
Parisdə mükəmməl təhsil alıb, bir müddət elə Paris
Universitetinin cərrahlıq klinikasında çalışıb. 1952-ci ildə
ixtisaslı cərrah kimi Tehrana qayıdıb.
Bir rəqəmi də qürurla dilə gətirmək istəyirəm: ömrünü,
taleyini elmə, təbabətə bağlayan Cavad Heyət Şərqdə ən
unikal cərrahiyyə əməliyyatlarının müəllifidir, ümumiyyətlə,
o, 52 illik həkimlik təcrübəsində 20 mindən çox cərrahiyyə
əməliyyatı aparıb, minlərlə insanın həyatını xilas edib.
Cavad Heyət, demək olar ki, hər yerdə birinci olub və
özü də bunu etiraf edir. Birinci olmağın nə qədər çətin,
məsuliyyətli olduğunu isə, məncə, hər kəs çox yaxşı anlayır.
«Cərrahlıq həm elm, həm də sənətdir. Mən həmişə inandığım
Dostları ilə paylaş: |