Azərbaycan folkloru və milli-mədəni müxtəliflik
149
Ədəbiyyat:
1)
Abdullayev K. (Kamal Abdulla) Dilçiliyə səyahət (Dilçi olmayanlar üçün dərslik). Bakı -
“Mütərcim”-2010
2) Cavadоv Q. Hüseynоv R. Udilər (tarixi-etnоqrafik tədqiqat). Bakı-1996
3) Cavadоv Q. Azərbaycanın azsaylı xalqları və milli azlıqları. Bakı-2000, 439 s.
4) İsayev Ə. Bu dağlar, ulu dağlar (Axtarışlar və publisistik qeydlər). Bakı-Şur-2011
5) Kazımov Q. Azərbaycan dilinin tarixi. Bakı-Təhsil-2003
6) Əsgərov M.B., Mahmudov M. Ön söz. Mətanət Yaqubqızının “Azərbaycan folklorunda tolerantlıq
və multikulturalizm (Şəki-Zaqatala bölgəsində yaşayan xalqların və etnik qrupların folklor örnəkləri
əsasında)” kitabında. Bakı, “Elm və təhsil” nəşriyyatı, 2016, s. 4-9.
7) Süleymanov Ə. Zaqatala çələngi. Bakı-“Elm və təhsil”-2014
8) Təhmasib M. Məqalələr. Bakı-Elm-2005
9) Çəmənzəminli Y.V. Əsərləri IIIc., Bakı-“Elm”-1977
10) http//azertag.az
Azərbaycan folkloru və milli-mədəni müxtəliflik
150
Sevil Atayeva, müəllim
Qəbələ rayonu Nic qəsəbəsi, 3 saylı orta məktəb
Azərbaycan, Qəbələ, Nic
AZƏRBAYCAN FOLKLORUNDA FƏRQLİ MƏDƏNİYYƏTLƏRİN QOVUŞMASI
Açar sözlər: Nic, udi, toy, adət-ənənə, təndir
Ключевые слова: Nic, Уди, свадьба, традиции, печи
Key words: Nij, Udi, wedding, tradition, oven
Udilərin kompakt yaşadıqları yer hal-hazırda Qəbələ rayonunun Nic qəsəbəsidir. Nic qəsəbəsin-
də udilərin sayı 4500 nəfəri, Oğuz rayonunda isə 82 nəfəri təşkil edir. Eləcə də udilərin bir qismi Gür-
cüstanda yaşayır ki, onların sayı barədə dəqiq məlumat yoxdur. Bu
gün verilən məlumata görə, dün-
yada udilərin sayı 10 min nəfərdir. Onların sayca çox yaşadıqları yer Qazaxıstan, Ukrayna və Rusiya
Federasiyasıdır. Uzaq diyarlarda yaşamalarına baxmayaraq, tarixi vətənləri ilə sıx əlaqə saxlayırlar.
Udi icmaları diasporaların fəaliyyəti ilə tanış olur və “Orayin” Udi Mədəniyyət Mərkəzi ilə sıx
əlaqədədirlər və birgə tədbirlər təşkil edirlər. Diasporaların qarşısına qoyduqları birinci vəzifə udi
dilinin qorunması, adət-ənənələri yaşatmaq və bu ənənənin gənc nəsillərə tətbiq olunması və qorun-
masıdır. Gənc nəsil demək olar ki, hər il kəndə gəlir və ailə qurmaq məsələlərini kənddə həll edirlər.
Toy mərasimləri başqa yerdə keçirilsə belə udi adət-ənənəsi ilə keçirilir. Əksər
hallarda Nicdən toya
musiqiçilər dəvət edirlər. Toyda udi və Azərbaycan musiqilərini səsləndirirlər və beləliklə, özlərini
vətənədə hiss edirlər. Toy mərasimi keçmiş adət-ənənə üzrə keçirilir. Belə ki, oğlan və qız evində eyni
vaxtda başlayır. Toyun birinci günü üstünlük qız evinə verilir. Belə ki, gecə yarısı bəy oğlan evindən
gənclərlə birgə qız evinə gətirilir və orada səhərə qədər şənlənirlər. İkinci
gün yenə də hər iki həyətdə
eyni vaxtda başlanır, amma bu gün üstünlük oğlan evində olur. Gəlini aparandan sonra qız evinin
adamları oğlan evinə gəlir. Bu gün oğlan evində yeyib-içmək verilir, üstünlük yaşlılarda olur. Qız
evinin adamları toy həyətini tərk edəndən sonra da məclis gecəyə qədər davam edir.
Udi övladları kəndə gələndə birinci öz babalarının və nənələrinin qəbrini ziyarət edir və şam
yandırırlar. Sonra isə qohumlarının evinə gedib onlarla görüşürlər. Hal-hazırda gənclər öz ulularını
tanımaq, onlar barədə məlumat almağı özlərinə borc bilirlər, bu isə təqdirəlayiq haldır.
Öz nəslinin
şəcərəsini hər ailə hazırlayır.
Əvvəlcə yaşlı adamların görüşünə getməyi özlərinə borc bilirlər. Bu gün də gənclərin yaşlıla-
ra diqqət və ehtiramlarını görürük.
Udi həyətini təndirsiz təsəvvür etmək çətindir. Bu ənənəni də uzaqlarda yaşayanlar, əsasən
həyətyanı sahəsi olanlar davam etdirirlər. Qəbələdən təndir aparıb, yeni yaşadıqları yerdə qururlar.
Udi çörəyi və firraması mütləq təndirdə bişirilməlidir. Bu gün də Rusiyanın magistral yollarına ya-
xın yerlərdə kafe və restoran açaraq Azərbaycan və udi yeməklərini nümayiş etdirirlər. Böyük
zövqlə Azərbaycan və udi mətbəxinin nemətlərini qonaqlara daddırırlar.
Udilər açdıqları obyektlərə Azərbaycan adlarını qoyurlar. Bununla da azərbaycançılıq ideya-
larını yayırlar.
Nic həm də elm adamlarının yaşayış məskənidir. İlk öncə dilçilik sahəsində öz sözünü demiş
Voraşil Qukasyanın adını çəkmək olar. Hətta bir necə ailə vardır ki, ailə üzvlərinin hamısı elmlə
məşğuldurlar. Bunlar Qoasarlar ailəsinin üç nəsli, Kuranovlar ailəsindən iki qardaş, Danakari
ailəsindən ata, iki övladı və V. Şaxqularıdır.
Xülasə
Udilər hal-hazırda Qəbələ rayonunun Nic
qəsəbəsində, Oğuz rayonunda, eləcə də bir qismi
Gürcüstanda, Qazaxıstanda, Ukraynada və Rusiya Federasiyasında yaşayırlar. Uzaq diyarlarda yaşamalarına
baxmayaraq, onlar tarixi vətənləri ilə sıx əlaqə saxlayırlar. Udi icmaları diasporaların fəaliyyəti ilə tanış olur
və “Orayin” Udi Mədəniyyət Mərkəzi ilə sıx əlaqədədirlər və birgə tədbirlər həyata keçirirlər. Diasporaların
qarşısına qoyduqları birinci vəzifə udi dilinin qorunması, adət- ənənələri yaşatmaq və bu ənənənin gənc
nəsillərə tətbiq olunması və qorunmasıdır.
Azərbaycan folkloru və milli-mədəni müxtəliflik
151
Резюме
Удинцы в настоящее время проживают в поселке Нидж района Кабала, в районе Огуз, а также
некоторая часть их в Грузии, Казахстане, Украине и в Российской Федерации. Несмотря на
проживание в дальних странах, они поддерживают тесную связь со своей исторической Родиной.
Удинские общины знакомятся с деятельностью диаспор и будучи в тесной связи с Удинским
Культурным Центром «Орайин» проводят совместные мероприятия. Главной задачей поставленной
перед диаспорами является сохранение удинского языка, увековечивание обычаев-традиций,
применение этой традиции к молодому поколению и хранение.
Summary
Udis, (descendants of the ancient Caucasian Albanians) not only live in Nij village of Gabala region,
Oghuz region,
but they also live in Georgia, Kazakhstan, Ukraine and The Russian Federation. Though they
live in far countries, they connect with their historical native land. Udi communities acquaint with the
activities of diaspors and they are closely connected with Udi Cultural Center “Orayin”
and they organize
various ceremonies together. Protecting the Udi language, immortalizing and defending the traditions and
realising these traditions to young generations is the first aim required from the diaspors by Udis.