398
O gün Seyid Əzim şəhərə girəndə qara xəbər qabağına çıxdı: Bu gecə şaxta
Yetim Hüseyni Hacı Soltan Hüseyn hamamının külxanına sovub salıbmış... Bu
gecə Şirvan şikəstəsi susmuş, xalq içində adı bilinməz şairlərdən biri ölmüşdü.
Daha Bəzzazbazardan, Baqqalbazardan, şəhərin adlı məhəllələrindən-
Sarıtorpaqdan, İmamlıdan, Minaxordan Yetim Hüseynin zümzümələri
eşidilməyəcəkdi...
Soldu güllərim haray...
Susdu bülbülüm haray...
Yetim Hüseyn özü sağ olsaydı, yəqin ki, halva tabağını yelləyə-yelləyə bir ağı
deyər, səsi dilsiz divarlarda, tozlu-torpaqlı yollarda, dibsiz göylərdə əks-səda
verərdi:
Şamaxı vətənimiz,
Durmadı yatanımız,
Əl-ələ verdi getdi
Dili söz tutanımız.
“ Hə, o gün getsin, bir də qayıtmasın" - deyə şair bu gün, orucluğun içində,
payız qapını aldığı bir zamanda, ağır uzaq yola çıxmışdı... O gedir, getdikcə də
bircə şey düşünürdü: nə olur olsun, builki qış azuqəsin irəlicədən sahmanlayıb
uşaqların başının altına qoysun ki, o keçmiş qəziyyə bir də başına gəlməsin. Yaxşı
ki, o aclıq ilində Nüsrətdin kişi Seyid Əzimi dardan qurtardı, olub-qalanını onunla
tən yarı böldü, quru qurtarıb yaş yetişməyən bir dövrdən külfətini sağ-salim çıxart-
dı... Amma indi... Yenə də qabaqdan qılınc kimi qış gəlir... Qar qapını alacaq. Ailə
üzvlərinin üzünə aclıq "zəfəran rəngi çəkəcək... Yayda söz verən ağalar, payız
xırmanı yığılanda ya sözlərini unudub əhdlərinə vəfa etmədilər, ya da... kim bilir...
bəlkə elə qəsdcən, yeni bir tərif-namə adlarını el içində qəni kimi ucaldan şeir
qazanmaq üçün gözətlətdilər, onu... Borclu deyil ki, mənə xalq?.. Məktəbdarlıqdan
qazandığım məktəbin öz xərcinə güclə yetir..."
Xəyallar, xoyallar... yollar kimi enişli-yoxuşlu, yollar kimi dərəli-təpəli
çuxurlu-xəndəkli...
Şairə elə gəldi ki, pərilər soltanı hardasa, buralardadır! Başı üzərində qanad
çalır, həmişə olduğu kimi, indi də onunla birlikdə səfərə çıxıb onu yayda,-
günəşdən qorumaq üçün başı üzərinə qanad gərib, kölgəlik yaradıb, qışda,-
yapıncıya dönüb, bir parça bulud olub, ilik
399
lərinə kimi işləyən soyuğun qarşısını kəsib... "Pərilər soltanı bu qayğılar, dərdlər
səninlə bir də dərdləşməyə, sevişməyə imkan vermir, üzü qara olsun, zalım
zəmanəni... Ey qoca Füzuli "Dərd çox, həmdərd yox, düşmən qəvi, tale zəbun"
ikən pərilər soltanından məhəbbət diləmək zamanımıdır? İndi, mənim əziz
sevgilim, indi mən artıq vaxtımın bir qismini ona-buna təriflər yazmaqla keçirməyə
məcbur oluram..."
-Yox, doğru demirsən, əziz şairim, sənin məktəb uşaqları üçün yazdıqların
nəsihətlər, mənzumələr, elmi, maarifi yaymaq üçün qoşduğun nəzmlər,
düşmənlərinə meydan oxuyan dovtələb şeirlər bir yana, məgər mənim hüsnümü
tərif və tərənnüm üçün azmı qəzəl inşad edirsən?
Şair alnında xırdaca əlin, incə barmaqların təmasını, ağzında gül qoxuyan,
bahar nəsimli dodaqların nəfəsini duyan kimi oldu:
-Olur, niyə olmur ki... Amma yenə də özümdən razı deyiləm...
-Pərilər soltanı olduğum gündən bəri özündən razı olana rast gəlməmişəm. Sən
nə əvvəlincisən, nə də axırıncı... Şair özündən razı olan gün ölür...
-Mənim narazılığım səndən və yazdıqlarımın hamısından deyil, mən gələcək
nəsillərdon utanıram!
-Niyə, azmı iş görmüsən?
-Mənim zəmanənin güclülərinə əl açıb yazdığım mənzum məktublarımı
oxuyanlar nə deyəcək? Mən babamın nəsihətini yerinə yetirə bilmədim. Bir əba,
bir kürk, bir tağar buğda, bir illik azuqə üçün ona-buna əl açdım, şeirlərimin
bəzisindən yolçuluq tökülür, lənətləməyəcəklər ki? Gülməyəcəklər ki? Mənə alimi-
biəməl deməyəcəklər ki?
-Məgər sən əşarını yadigar qoyub getdiyin, amalmı təlqinə çalışdığın, inkişafı
üçün bəlalər çəkdiyin xələflərini eləmi nankor hesab edirsən? Nigaran getmə,
arxayın ol, anlarlar!
-Bəlkə də! Məgər onlar görmürlərmi ki, mən səkkiz baş külfət, nə qədər də borc
qoyub gedəcəm... Yazıq Cəfərim onları necə yerbəyer edəcək? Hələ anam?
-Dedim ki, nigaran getmə, sənin xalqın sənə çıxa bilmədisə də, övladına
qahmar çıxar. Başsız qalan bir səninkilər deyil ki!.. Bütün bir xalq o haldadır!
...Yollar, tək-tənha yollar... Məgər şair xəyalı, tək qala bilər?! O öz zəngin
təxəyyülü ilə özünə həmsöhbət də tapar... müsahib də!.. Yola nərdivan qoyar...
pərilər soltanı indi on yaxşı bir müsahib idi, onun söhbətləri şairin qəlbini ümid,
fərəh və inamla doldurur, onun mübarizə
400
əzmini daha da gücləndirir, ürəyinə qüvvət, qəlbinə dəyanət, qələminə ziya
gözlərinə nur verirdi. Şair yolüstü kiçik bir bulağa rast gəldi. Atdan endi, atı
yançidar eləyib çəmənliyə buraxdı. Payızın bu ayında təpələr yazdan seçilmir,
"pərilər soltanı, bir az əvvəl bu zümrüd donlu çəmənləri görmürdüm... Sağ ol, sən
harda olsan, ilham da orda, zövqü səfa ordadır'. O, əl-üzünü bulağın sərin, göz yaşı
kimi duru suyunda yudu, üstünün tozunu çırpdı. Yəhər-qaşı heybəni atın üstündən
açıb bulağın başına gətirdi. Yol azuqəsindən bir azacıq yeyib, su içdi, sonra da
qələmdan və kağız rahlayıb, heybəni dirsəyinin altına qoydu, üstünə dirsəklənib,
ətrafı seyr etməyə və qəlbindən dodaqlarına süzülən əşarı yazıya köçürmək üçün
xəyalını, qəlbini hazırlamağa başladı...
QARAVƏLLİDƏ
Düzünü desək şairi buraya Abdal-gülab aşıqlarının adı, sorağı gətirmişdi. Şairin
qaravəllili dostlarından Kəblə Heybət bir ay bundan irəli Seyid Əzimə ismarış
göndərmişdi ki, nəvəm Quluya toy eləyirəm, hələl-həlbət gələrsən. Salayçı "aşıq
kimdi?" sualına belə cavab vermişdi: "Qulunun baxtından Soltanəli bəy oğlunun
toyuna Abdal-gülabdan aşıq çağırtdırıb, kişi də Soltanəli bəyə minnətçi salıb ki,
izin ver, səndən sonrı işığın bizdə toy eləsin. Bəy də razılıq verib. Yoxsa Kəblə
Heybət abırlı kişi olsa da, Abdal-gülabdan bura aşıq gətirə bilməzdi".
Oba payız binəsindəydi, şair alaçıqlar arasıyla irəlilədikcə heç kəsə rast
gəlmədi. Hamı uzaqda, obanın qırağında, çəmənlikdə qurulmuş, yaşıl xalı
üstündəki əlvan gül topasına bənzəyən toyxanada və ya onun ətrafı da idi. Çalğı
səsi aləmi başına götürmüşdü. Deyəsən, içəridə cahıl- cuhul oynayırdı. Zurnaçı
qədim Mirzeyi havasını elə bir eşqlə çalırdı ki, oynamaq bilməyənin də sümükləri
oynaşırdı.
Şair atını toyxana səmtə sürürdü ki, bəriki alaçıqdan çıxan Mənsimə qarı onu
gördü; əlini-əlinə çırpıb irəli atıldı, cəld yaşmaqlandı, tərəkəmə arvadlarına məxsus
çevikliklə bir əlilə atın cilovundan, digərilə üzəngisindən yapışdı:
- Bıy, dərdin ürəyimə, Ağa, can-can, cəddüvə qurban olum, can-can xoş
gəlmisən. Ə-də, Ağaməli, hey... Ədə-ə-ə-ədə, Ağa gəldi, gözüm qurban, ə-də gəlin,
atı tutun, aparın hörükləyin göy çəmənliyə... can-can Ağa, balaca ağam necədi?
Dostları ilə paylaş: |