3
müəyyən etməyə, üçüncüsü, modelə daxil edilmiş hər bir dəyişənin təsirini müəyyən etməyə
imkan verir.
Tarazlı yanaşma prinsipi o deməkdir ki, iqtisadi hadisələr tarazlı olduğu şəraitdə,
onlarda yaranmış vəziyyətin dəyişməsi üçün daxili motivlər olmadığı vaxtda təhlil edilir.
Tarazlıqlar, onların dəyişməsinin xarakterindən asılı olaraq sabit və qeyri-sabit ola bilər
— sabit tarazlıq halında hadisənin daxili qüvvələri xarici qüvvələrin təsirini
kompensasiya edir, qeyri-sabit tarazlıq halında isə xarici qüvvələrin təsiri altında hadisə
transformasiyaya məruz qalır. Bu halda nəzərdə tutulur ki, hətta hadisədə əhəmiyyətli
dəyişikliklər də hadisənin bir tarazlıq vəziyyətindən digər tarazlıq vəziyyətinə
keçməsindən başqa bir şey deyil. Lakin bu fakt heç də o demək deyil ki, mikroiqtisadiyyat
dəyişikliklərin mümkünlüyünü inkar edir. Söhbət yalnız o haqda gedir ki, mikroiqtisadiyyat
xarici amillərin təsiri nəticəsində hadisədə baş verən dəyişikliklərin təhlili ilə kifayətlənir və
hadisədə baş verə biləcək keyfiyyət dəyişikliklərini nəzərə almır. Bu mənada mikroiqtisadi
təhlili - statik metoddur.
3.
Mikroiqtisadi təhlil metodları
Təhlil metodları — həqiqətin, bizim araşdırdığımız halda iqtisadi davranışın nəzəri
baxımdan mənimsənilməsi metodlarının məcmusudur. Hər nəzəriyyə onda əks olunmuş
bilik sisteminin qurulması və əsaslandırılması üçün öz metodlarını tətbiq edir.
Mikroiqtisadiyyat dörd mühüm təhlil metoduna əsaslanır: son hədd metodu, funksional
metod, modelləşdirmə və müqayisəli statika metodu.
Son hədd (marjinal) təhlili — iqtisadi hadisələrin təhlilinin bu metodu həmin
hadisəyə təsir edən hər hansı iqtisadi dəyişənin qiyməti bir vahid dəyişdikdə yaranan
kəmiyyət dəyişikliklərinin tədqiqinə əsaslanır. Məsələnin mahiyyəti müstəqil dəyişənin
qiyməti bir vahid dəyişdikdə (bir vahid artdıqda və ya azaldıqda) ümumi kəmiyyətin
(funksiyanın qiymətinin) necə dəyişəcəyini müəyyən etməkdən ibarətdir. Belə
dəyişikliklərin tədqiqinə əsaslanaraq, hadisənin özündə dəyişiklik meylləri müəyyən edilir
ki, bu da son hədd təhlilinin mahiyyətini təşkil edir.
Funksional təhlil iqtisadi kəmiyyətlər arasında qarşılıqlı asılılıqların aşkar edilməsi aspektində iqtisadi
hadisələrin tədqiqat metodudur. Onun məzmunu bundan ibarətdir ki, bir iqtisadi kəmiyyətin dəyişilmə
qanunauyğunluqlarını digərinin dəyişilməsindən asılı olaraq tədqiq etmək mümkün olsun. Əgər bu
zaman dəyişənlər arasında hər hansı bir kəmiyyət asılılığı tədqiq olunursa, belə qarşılıqlı əlaqə funksional təhlilin
obyektinə çevrilir.
Müqayisəli statika metodu — müəyyən hadisəni təşkil edən elementlərin variativ
dəyişiklikləri nəticəsində həmin hadisənin müxtəlif tarazlıq vəziyyətlərinin müqayisəli
tədqiqatı üsuludur. Onun məqsədi tarazlıq parametrlərinə hadisənin hər bir tərkib
hissəsinin təsirini, yeni tarazlıq vəziyyətinə keçidin səbəbini aşkar etməkdən, həmçinin
yeni tarazlıq parametrlərini proqnozlaşdırmaqdan ibarətdir.
4
Metodun xüsusiyyəti ondan ibarətdir ki, o, hadisənin elementlərinin və onların arasında
qarşılıqlı əlaqələrin keyfiyyətcə dəyişməzliyi haqqında fərziyyəyə əsaslanır, yəni zaman
keçdikcə hadisənin dəyişikliklərə məruz qalmasını nəzərə almır. Bu o deməkdir ki,
hadisələrin zaman keçdikcə dəyişməyən, amma müxtəlif dövrləri üzrə paylanmış tarazlıq
vəziyyətlərinin tutuşdurulması haqqında söhbət gedir.
Nəzəriyyənin verifikasiya edilə bilməsi (yoxlanıla bilməsi) metoduna görə,
nəzəriyyə təcrübədə qismən və ya dolayı yolla öz təsdiqini tapmalıdır. Nəzəriyyə faktlarla
uyğun gəlmədiyi halda ya həmin nəzəriyyəni yaxşılaşdırırlar, ya təkzib edirlər, ya da
yenisini yaradırlar. Pozitivistlər hesab edirlər ki, iqtisadiyyatda nə baş verdiyini və necə baş
verdiyini izah etmək lazımdır, ancaq subyektiv qiymət vermək lazım deyil.
Modelləşdirmə real hadisələrin və proseslərin süni yaradılmış və həqiqəti
sadələşdirilmiş şəkildə təsvir edən nəzəri qurmanın təhlili vasitəsilə tədqiqat metodudur.
Modelləşdirmənin məqsədi amillərin və iqtisadi şəraitin (ilkin şərtlərin) məruz qaldığı
dəyişikliklərin hadisəyə təsirini tədqiq etməkdən, bu dəyişikliklərin nəticələrini qabaqcadan
söyləməkdən və müşahidə edilən asılılıqları nəzəri cəhətdən əsaslandırmaqdan ibarətdir.
Mövzu 2. Qiymət nəzəriyyəsi: Tələb, təklif və bazar tarazlıqı.
4.Bazar tələbi və tələb qanunu
Ən ümumi şəkildə bazar tələbini istehlakçıların əmtəə və xidmətləri almağa hazırlığı kimi müəyyən
etmək olar. Bununla yanaşı bu jür hazırlıq dedikdə, nemətlərə tələbat və onlara malikolma istəyinin özü
deyil, məhz, hər şeydən əvvəl, bu nemətlərə görə ödənişə razılıqdır. Buna görə də iqtisadi mənada tələb
istehlakçıların davranış formasıdır ki, bu da onların aldıqları nemətlərə görə ödənişə hazırlığı və qabiliyyətini əks
etdirir. Bujür tərif hadisənin məzmun tərəfini əks etdirsə də vajib iqtisadi əlamətlərdən – kəmiyyət və
zaman səjiyyəsindən məhrumdur. Buna görə də iqtisadçılar bazar tələbinin kəmiyyəti və ya həjmi kimi
daha dəqiq anlayışdan istifadə edirlər. Bazar tələbinin kəmiyyəti (həjmi) – vaxt vahidi ərzində istehlakçıların jari
qiymətlərlə almağa hazır olduqları müəyyən nemətin maksimum miqdarıdır.
Tələbin kəmiyyəti tələbin determinantları (parametrləri) adlandırılan müxtəlif şərtlərin təsiri altında
formalaşır. Tələbin determinantları – bazar tələbinin kəmiyyət parametrlərinə təsir göstərən amillərdir. Ən
vajibləri kimi bunları ayırmaq lazımdır: əhalinin sayı və strukturu (N), nemətin özünün
qiyməti (PX), bu nemətin əvəzedijilərinin qiymətləri (PY ), istehlakçıların üstünlükləri (T) və gəlirləri
(I), habelə istehlak gözləmələri (E). Onların göstərdiyi təsir tələb funksiyası adlandırılan müəyyən
funksional asılılıq forması alır.