Tarix səhnəsində müxtəlif zaman-
larda çox məşhur insanlara, özlərindən
sonra dərin iz qoymuş qəhrəmanlara,
liderlərə rast gəlmək olar ki, belə insanlar
həyatını öz xalqının rifahı üçün həsr
etmiş və son nəfəslərinədək haqq
uğrunda mübarizə aparmışlar. Bəzi
insanlar var ki, lider adını qazanmaq
üçün sonradan çox çalışaraq bu məqama
çatıblar. Elə insanlar da var ki, yazımın
qəhrəmanı kimi anadangəlmə lider
olaraq doğulub. Yox, yox! Bu, qətiyyən
mübaliğə deyil. ”Lider olmur, lider
doğulur” – sözü sanki onun üçün deyilib.
Onun həyat yoluna və fəaliyyətinə nəzər
salsanız, bu sözümə haqq qazandı-
rarsınız.
Lider təkcə bir işdə öndə olmaq deyil.
Həyatın hər bir sahəsində öndə olmaq və
ya olmağa çalışmaqdır. Sənətdə, idman-
da müxtəlif sahələrdə bir ulduz, bir lider
olduğu kimi siyasətin də ulduzu, lideri
məhz odur –
Prof. Dr. Nəcməddin
Ərbakan.
1970-ci ilin əvvəllərində siyasət aləmi-
nə gələrək ölkəsinə və dünyaya fərqli bir
baxış, siyasətə fərqli bir düşüncə tərzi
gətirən dahi şəxsiyyətdir
Nəcməddin
Ərbakan! O, kamillik zirvəsinə doğru
gedən bir insanda vacib və zəruri hesab
edilən bütün xüsusiyyətlərə sahib idi.
Çox zəkalı, əzmli, qeyrətli, cəsur, mərd,
çalışqan, səbirli, gülərüzlü, ən əsası isə
Allahı sevən, haqqı batildən çox gözəl bir
şəkildə ayıran müsəlman lider idi. Həm
də gözəl xətib və natiq idi. Sadə və dəqiq
danışırdı. Dediyi hər bir söz onu din-
ləyənlər tərəfindən asanlıqla anlaşılırdı.
O, bəzi siyasətçilər kimi yalnız boğazdan
yuxarı danışmırdı. Dediyi hər sözü,
verdiyi hər bir vədi həyata keçirirdi.
Buna görədir ki, milyonlarla insanın
sevimlisinə çevrilmişdi. Müasir dövrü-
müzdə dini siyasətdən ayırmayan, bəlkə
də, yeganə lider idi. O, siyasətin bir
ibadət olduğunu göstərdi və bunu öz işi,
sözü ilə sübut etdi. O, siyasətə gəlişi ilə
artıq dövlət idarələrində əqidəli insan-
ların yer almasının vaxtı çatdığını, dini
məsələlərin rahatlıqla hər sahədə səslən-
dirilməsinin vacibliyini vurğulamışdır.
Ərbakan Xocaya görə müsəlmanca
düşünmənin təməl əsasları bunlardır:
“Dünya həyatı çox əhəmiyyətli bir imta-
handır. Axirət isə dünya həyatının
hesabı və imtahandakı müsbət və mənfi
qiymətlərin qarşılığıdır. Nəfəslərimiz
sayılıdır, bunlar Allah yolunda xərclən-
məlidir, çünki ölüm bizə çox yaxındır.
İslam dini Allahın təyin etdiyi bir
dindir. Ona görə də mükəmməldir və
kamil şəkildədir. Qətiyyən, zərrə qədər
nöqsanı, artırması və xətası yoxdur.
İslam dini qüsursuzdur, bütövdür. Ona
nəsə əlavə edilə bilməz və ondan hər
hansı bir şey çıxarıla bilməz. Əvvəldən
axıra qədər haqdır, xeyirdir və hamısı
hər kəs üçün və hər yerdə lazımdır,
çünki İslam dini dünya və axirət səa-
dətinin tək dərmanıdır”.
İslam dini səadətin tək dərmanıdır, –
deyən Ərbakan Xocanın qurduğu və
bütün partiyalardan tamamilə seçilən
partiyasının adı da məhz Səadətdir.
O, milli görüşü sayəsində Səadəti qur-
maqla nəinki öz xalqına, bütün dünyaya
nizamlı, xoşbəxt həyat bəxş etmək məq-
sədində olub. Onun üçün Milli Görüşçü
olmaq – mənəviyyatçı olmaq, haqqı
üstün tutmaq, barışı istəmək, milləti ilə,
vətəni ilə bir yerdə bütöv olmaq, tarix-
SİYASƏTİN TƏK ULDUZU
68
MİLLİ GÖRÜŞ
Ərbakan Xoca xüsusi buraxılış
dəki şərəfli yerini almağı nəzərdə tut-
maq, müstəqil, azad və öndə olmaq
deməkdir.
Sarsılmaz əqidəsi, mübarizə əzmi, qü-
ruru, əsl hədəfə bağlı olan dözümlülüyü,
hansı şərtlər altında olursa-olsun ümid-
sizliyə düşməyən iradəsi və bir ömür
boyu davam edən fədakarlığı və sədaqəti
ilə Ərbakan Xoca yaşadığı dönəmdə
nəinki gənclərə, həmçinin bütün insan-
lığa örnək olmuş ideal bir liderdir. O,
gənclərin həm sevimlisi, həm də ideal
olaraq gördükləri əvəzsiz bir siyasətçi
idi. Gənclərə böyük önəm verərdi. Bu
önəmin dəyərini bir sözlə belə ifadə
edərdi:
“Bir millətin ən böyük gücü nə
topu, nə də tankıdır. Milli və mənəvi
dəyərlərə görə yetişmiş övladlarıdır”.
Əsrimizdəki zülmlərin əsas səbəbkarı
olan sionizmin ən böyük qorxusu idi
Nəcməddin Ərbakan.
Ən böyük cihadı da sionizmə, haqqı
tapdalayacaq bütün batillərə qarşı daim
mübarizə aparması, onların çirkin plan-
larının üstünü açması olub. Ərbakan
Xocanın həyatı bizə cihadı bir başqa cür
sevdirdi. O, özünün dediyi kimi malı və
canı ilə cihad edən bir mömin olmağı hər
şeydən üstün tutmuşdur. Allahın rizası
üçün yaşamağı özünə qayə seçmiş və
bütün müsəlmanların bu istiqamətdə
yaşaması üçün çalışmışdır. Ətrafındakı
bəzi insanlar tərəfindən dəfələrlə xəyanət
görsə də, mübarizə əzmini heç bir zaman
itirmədi. Bütün dünya məzlum-larının
cəsarət və güvənc yeri oldu.
O, bu gün həyatda olmasa da, əbədi
səadətə yetişəcək üsul və qaydaları
bütün insanlara çatdırdı. Məqsədə çat-
maq üçün bu yolda aparılan mübarizə
ürəkdən inananların, hesab və mənfəət
güdməyənlərin çiyinləri üzərində yüksə-
ləcəkdir. Buna örnək məhz o dahi bir
insandır. Nəcməddin
Ərbakan şərəfli bir
ömür yaşadı, şərəflə vəfat etdi. İllərlə
haqqı müdafiə edib əzmlə, qətiyyətlə
apardığı mübarizə onun davamçıları
olan Milli Görüşçülərə əmanət olaraq
qaldı. Biz də bu haqq işi uğrunda
mübarizəni ona verilmiş bir söz olaraq
sonadək aparmağa borcluyuq. Bu həm
bizim vətəndaşlıq borcumuz, həm də
vəzifəmizdir.
Mən də bir Milli Görüşçü olaraq onun
gənclərə verdiyi dəyər və nəsihətlərdən
ilhamlanaraq bu mübarizədə çox kicik
bir pay olsun deyə siyasət aləminin tək
liderinə olan sonsuz hörmət və məhəb-
bəti qələmə almağı özümə borc bildim.
Bu yazı ona olan sevgimin sözlə ifadə
edilə biləcək çox az bir hissəsidir.
“Milli Görüş” Xocasız qalsa da, yaşa-
yacaqdır, çünki Xocaya sədaqət şərə-
fimizdir!
Sənubər Vəlizadə
MİLLİ GÖRÜŞ
69
Ərbakan Xoca xüsusi buraxılış