maliyyə bazarlarının qloballaşması və liberallaşması maliyyə kapitallarının daha az xərclə
daha azad hərəkətinə şərait yaratmişdir;
əksər inkişaf etməkdə olan bazarlarda makroiqtisadi vəziyyətin yaxşılaşması bu ölkələrə
portfel investisiya yatırımlarının inkişaf etmiş ölkələrə nisbətən daha sürətlə artımına
gətirib çıxarmışdır;
dünya üzrə əlverişli makroiqtisadi vəziyyət faiz dərəcələrinin aşağı düşməsinə və
beynəlxalq maliyyə bazarlarının likvidliyinin güclənməsinə şərait yaratmışdır;
yığımların institusionallaşması və aktivlərin peşəkar surətdə idarə edilməsi səviyyəsinin
artımı maliyyə sazişlərinin əməliyyat xərclərinin aşağı düşməsi ilə nəticələnmişdir;
kommunikasiya və informasiya texnologiyaları sferasında əhəmiyyətli tərəqqi xarici
ölkələrə və şirkətlərə iri həcmli informasiyanı daha operativ surətdə ötürməyə imkan
yaratmışdır.
4.5. Dünya borc kapitalı bazarı: strukturu və müasir inkişaf meylləri.
Borc kapitalının ixracının yüksək artım templəri və beynəlxalq səviyyədə əhəmiyyətli
həcmə malik təkrarlanan əməliyyatlar 1960-70-ci illərdə dünya borc kapitalı bazarının
formalaşmasına gətirib çıxarmışdır. Belə ki, 1990-cı illərin sonlarında beynəlxalq səviyyədə təmiz
borclanmanın məbləği milli maliyyə bazarlarında təmiz borclanmanın 22%-nə bərabər olub. Əgər
1980-ci illərdə borc kapitalının ölkələrarası hərəkəti təxminən 30 milyard dollar təşkil edirdisə,
2000-ci ildə bu göstərici təxminən 450 milyard dollara yaxınlaşıb.
Dünya borc kapitalı bazarı dünya təsərrüfatının ölkələri (sosial-iqtisadi inkişaf
səviyyələrindən asılı olmayaraq) arasında borc kapitalının akkumulyasiyası və yenidən bölgüsü
üzrə münasibətlər sistemidir.
Praktikada bu bazar üç səviyyə bazarların – milli, regional və dünya bazarlarının vəhdəti və
qarşılıqlı fəaliyyəti kimi əks olunur. Bu bazarlar arasında sərhədlər silinir (hətta inkişaf etməkdə
olan ölkələrdə də borc kapitalının beynəlxalq hərəkətinin liberallaşdırılması müşahidə edilir),
milli bazarların avtonomluq dərəcəsi azalır (onlar dünya bazarlarının keçirdikləri təsirlərə məruz
qalırlar), onların inteqrasiyası güclənir, əməliyyatların unifikasiyası baş verir.
Dünya borc kapitalı bazarı mürəkkəb struktura malikdir (Sxem 5.3).
Dünya kredit bazarı ölkələr arasında müddət, geriyə qaytarma və faiz ödəmələri şərtləri
əsasında kapitalın hərəkətinin həyata keçirildiyi dünya borc kapitalı bazarının xüsusi seqmentidir.
Bu bazar iki altseqmentdən – dünya pul bazarından və dünya kapital bazarından ibarətdir
ki, onlar da müəyyən xüsusiyyətlərə malikdirlər (Cədvəl 5.11).
Sxem 5.3. Dünya borc kapitalı bazarının strukturu.
Cədvəl 5.11
Dünya pul bazarı və dünya kapital bazarının fərqləri
Meyarlar
Dünya pul bazarı
Dünya kapital bazarı
1. Kapitalın ixracı forması
pul (depozit) formasında,
yəni beynəlxalq ödəmə
vasitəsi kimi
özü geri qayıdan dəyər
formasında – bank kreditləri
və borcları
2. Kreditlərin müddəti
qısamüddətli (1 ilə qədər)
ortamüddətli və
uzunmüddətli xarakter (1
ildən artıq)
3. Kreditləri məqsədi
dövriyyə vəsaitlərinin
artırılması
əsas kapitalın artırılması
4. Kreditin tətbiq edilmə
sferası
mübadilə sferası –
beynəlxalq ticarətə xidmət
göstərmə
genişlənmiş istehsal
prosesinə - tikintiyə,
yenidənqurmaya xidmət
göstərnə
Dünya bazarının yuxarıda qeyd olunan iki seqmentində borc formasında kapitalın
miqrasiyasının əsas forması kimi beynəlxalq kredit çıxış edir. Beynəlxalq kredit borc kapitalının
beynəlxalq iqtisadi münasibətlər sferasında hərəkətidir və bu hərəkət valyuta və əmtəə
Dünya borc kapitalı bazarı
Dünya kredit bazarı
Dünya maliyyə bazarı
Dünya
pul
bazarı
Dünya
kapital
bazarı
Avrovalyuta
bazarı
Avrokredit
bazarı
İlkin
maliyyə
bazarı
Təkrar
maliyyə
bazarı
Avromaliyyə bazarı
Avrobazar
resurslarının qaytarma, müddət və ödəmə şərtləri ilə təqdim edilməsi ilə əlaqədardır. Beynəlxalq
kredit xarici iqtisadi əlaqələr sferasında aşağıdakı funksiyaları yerinə yetirir:
genişlənmiş təkrar istehsalın ehtiyaclarının ödənilməsinin təmin edilməsi üçün ölkələr
arasında borc kapitalının yenidən bölgüsü;
müxtəlif ölkələrdə kapitalın təmərküzləşməsi və mərkəzləşdirilməsi proseslərinin
sürətləndirilməsi;
nağd pulun kredit pulları ilə əvəzlənməsi və nağdsız kredit əməliyyatlarının inkişafı
vasitəsilə beynəlxalq hesablaşmalar sferasında mübadilə xərclərinə qənaət edilməsi.
Feodalizmin dağılması dövründə meydana gələn beynəlxalq kredit özünün tarixi inkişafı
yolunda bir sıra ardıcıl mərhələlərdən keçmişdir. Bu mərhələlərdən hər biri beynəlxalq kredit
münasibətlərində keyfiyyət dəyişiklikləri ilə xarakterizə olunmuşdur. Bu dəyişikliklər özünü
beynəlxalq kreditin yayılma dərəcəsində, onun yerinə yetirdiyi funksiyalarda, bilavasitə kredit
əməliyyatları proseslərinin iştirakçılarında göstərmişdir.
Beynəlxalq kreditin ilkin formalaşması mərhələsində kredit münasibətləri bilavasitə sərbəst
pul vəsaitlərinin mülkiyyətçisi ilə borcalan arasında qurulurdu və ixtisaslaşmış vasitəçilərin
köməyindən istifadə edilmirdi.
Kreditin struktur inkişafı mərhələsi borc kapitalı bazarında kredit-maliyyə təşkilatları
qismində ixtisaslaşmış vasitəçilərin meydana gəlməsi ilə xarakterizə edilir. Müasir dünya kredit
bazarının əsas subyektləri kimi ölkə hökumətləri, mərkəzi bankları, beynəlxalq və regional
maliyyə-kredit institutları, transmilli şirkətlər və banklar, pensiya və sığorta fondları çıxış edirlər.
Beynəlxalq kreditin çoxçeşidli formalarını kredit münasibətlərinin müxtəlif tərəflərini əks
etdirən bir sıra əsas əlamətlərə görə təsnif etmək olar.
Kredit vəsaitlərinin mənbələrinə görə, daxili, xarici və qarışıq kreditləşdirməni
fərqləndirirlər.
Təyinatına görə, beynəlxalq əmtəə və xidmət ticarətinin kreditləşdirilməsinə yönəlmiş
kommersiya kreditlərini; istənilən digər məqsədlər üçün istifadə edilən maliyyə kreditlərini;
kapitalın, əmtəə və xidmətlərin ixracının kombinə olunmuş formalarına xidmət göstərmək üçün
istifadə edilən qarışıq kreditləri fərqləndirirlər.
Növünə görə kreditlər əmtəə (ixracatçılar tərəfindən idxalatçılara verilən kreditlər və ya
başqa sözlə kreditlə satış) və valyuta (banklar tərəfindən pulla verilən kreditlər) kreditlərinə
bölünürlər.
Valyutasına görə kreditor ölkənin valyutasında verilən kreditləri, borcalan ölkənin
valyutası ilə təqdim edilən kreditləri, üçüncü ölkənin valyutasında verilən kreditləri və xüsusi
valyuta zənbilinə əsaslanan beynəlxalq hesablaşma valyuta vahidlərində (məsələn, SDR) verilən
kreditləri fərqləndirirlər.
Müddətinə görə kreditlər həddən artıq qısamüddətli (3 aya qədər), qısamüddətli (1 ilə
qədər), ortamüddətli (1 ildən 5 ilə qədər), uzunmüddətli (5 ildən yuxarı) kreditlərə bölünür.
Kreditorun kim olmasından asılı olaraq banklar firmalar tərəfindən verilən özəl kreditləri,
hökumətlər tərəfindən verilən dövlət kreditləri, beynəlxalq və regional valyuta-maliyyə
təşkilatlarının kreditləri, qarışıq kreditlər fərqləndirilir.
Təqdim edilmə texnikasına görə, beynəlxalq kreditlər borcalanın hesabına kpçürülən və
onun sərəncamına verilən maliyyə (nağd) kreditlərinə; idxalatçı və ya bank tərəfindən trattanın
akseptinə əsaslanan aksept kreditlərinə; depozit sertifikatlarına; istiqraz borclarına;
sindikatlaşdırılmış kreditlərə və s.-yə bölünür.
Dünya kredit bazarında əsas kapital idxalatçıları kimi sənayecə inkişaf etmiş ölkələr çıxış
edirlər və bu zaman İƏİT ölkələrinin payı təxminən 8o%-ə bəraəbrdir. 2002-ci ilin yekunlarına
görə, ən iri borc olan ölkə ABŞ-dır, ikinci yerdə isə Avstraliya gedir.. Əsas kreditorlar isə
Yaponiya və Almaniyadır. 2002-ci ilin yekunlarına görə əsas kredit ixracatçısı və idxalatçısı olan
ölkələr Cədvəl 5.12-də verilmişdir.
Cədvəl 5.12
2002-ci ildə kreditin əsas ixracatçıları və idxalatçıları, %-lə
İxracatçılar
%
İdxalatçılar
%
Yaponiya
20.9
ABŞ
75.5
Almaniya
9.2
Avstraliya
2.8
Çin
6.6
İspaniya
2.5
İsveçrə
6.1
Böyük Britaniya
2.3
Rusiya
5.7
Meksika
2.2
Fransa
4.8
İtaliya
1.5
Tayvan
4.8
Portuqaliya
1.4
Norveç
4.7
Digər ölkələr
12.0
Sinqapur
3.5
Yekun
100.0
Honqkonq
3.2
Kanada
2.8
Səudiyyə Ərəbistanı
2.2
Belçika
2.2
Digər ölkələr
23.6
Yekun
100.0
Mənbə: Global Financial Stability Report, IMF, Washington DC, 2003
Son onillikdə inkişaf etməkdə olan ölkələr də kredit bazarında aktiv şəkildə iştirak etməyə
başlayıblar– bu rəqəm 2002-ci ildə 195 milyard dollar təşkil edib. Əsas borcalanlar isə Cənub-
Şərqi Asiyanın Yeni Sənaye ölkələri, Çin, Braziliya və Argentinadır.
Dünya maliyyə bazarı qiymətli kağızların və digər maliyyə öhdəliklərinin emissiya edildiyi
və alış-satışının həyata keçirildiyi dünya borc kapitalı bazarının bir seqmentidir. Buna görə bəzən
dünya maliyyə bazarını dünya qiymətli kağızlar bazarı adlandırırlar.
İlkin maliyyə bazarda istiqrazların, səhmlərin və s.-nin bilavasitə emissiyası həyata
keçirilir, təkrar bazarda isə daha əvvəl buraxılmış qiymətli kağızların mərkəzləşdirilmiş və
mərkəzləşdirilməmiş (fond birjaları formasında) qaydada alqı-satqısı baş verir.
1990-cı illərin əvvəllərindən etibarən dünya maliyyə bazarı kapitalın beynəlxalq
hərəkətində öz əhəmiyyətini artırmağa başlamışdır. 2002-ci ildə onun həcmi təxminən 2500
milyard dollar təşkil edib (1992-ci illə müqayisədə o 2 dəfə artıb). Bunun isə 85%-i sənayecə
inkişaf etmiş ölkələrin payına, yerdə qalan hissəsi isə inkişaf etməkdə olan ölkələrin payına düşür.
Dünya maliyyə bazarının əsas iştirakçıları ABŞ, Yaponiya, Böyük Britaniya və Almaniyadır. Bu
ölkələrin payına dünya maliyyə bazarının yarıdan çoxu düşür. İnkişaf etməkdə olan ölkələr
sırasında isə bu bazarın aktiv iştirakçıları kimi Cənubi Koreyanı, Braziliyanı, Argentinanı,
Honqkonqu, Tailandı, İndoneziyanı, həmçinin Çini göstərmək olar.
Bu bazarda istiqrazlarla əməliyyatlar yüksək artım tempinə malikdir: əgər 1986-cı ildə
onun həcmi 558 milyard dollar təşkil edirdisə, 1992-ci ildə o artıq 1,7 trilyon dollar həcmində
qiymətləndirilirdi. 2002-ci ildə isə bu göstərici 2,5 trilyon dolları keçmişdir. Hazırda istiqrazların
emissiya həcmi səhmlərin emissiya həcmini üstələyir. Bu qiymətli kağızların əsas emitentləri kimi
korporasiyalar çıxış edirlər. Onlar üçün istiqraz emissiya etmək daha sərfəlidir – bu daha ucuz
başa gəlir, çünki səhmdarların sayını artırmadan vəsait cəlb etməyə imkan verir. Eyni zamanda,
istiqrazlar səhmlərə nisbətən daha tez yerləşdirilirlər.
Müxtəlif növ ortamüddətli qiymətli kağızların dövriyyədə olduğu avrokommersiya
veksellər və qiymətli kağızlar bazarı dünya maliyyə bazarının ən təkmil və inkişaf etmiş seqmenti
hesab edilir. Bu bazar investorlara aktivlərin müxtəlif kombinasiyaları vasitəsilə öz investisiya
portfellərində risqi minimumlaşdırmağa və əməliyyatların gəlirliliyini artırmağa imkan verir.
Dünya kapital bazarının xüsusi həlqəsi kimi avrobazar çıxış edir. Bu bazarda
avrovalyutada və onunla əlaqədar olan maliyyə resurslarında depozit-borc əməliyyatları həyata
keçirilir. Avrobazar 1960-cı illərin əvvəllərində formalaşıb.
Avrovalyuta dedikdə ölkə-emitentin milli sərhədlərindən kənarda funksiya göstərə bilən və
dövlət maliyyə orqanları tərəfindən nəzarət edilməyən sərbəst dönərli valyutalar başa düşülür.
Dünya maliyyə bazarında borclanmanın əsas alətləri kimi istiqrazlar, səhmlər,
avroveksellər və s.-lər çıxış edir.
İstiqrazlar korporativ və beynəlxalq borc maliyyələşdirilməsi üsulu kimi özündə
korporativ və ya şəxsi əmlak əsasında buraxılan və ödənilmə müddəti 3-10 il olan qiymətli
kağızları əks etdirir. Istiqrazlar bir neçə növdə olur. Dəyişməz faiz istiqrazları onunla xarakterizə
olunur ki, o qüvvədə olduğu bütün müddət ərzində, buraxılma günündən ödənilmə gününə qədər,
faizin səviyyəsi dəyişmir. Üzən faizli istiqrazlar bazar şəraitinin təsiri altında faiz dərəcsinin
dəyişməsi ilə fərqlənir. Dönərli istiqrazlar müəyyən müddətdən sonra həmin qiymətli kağızları
buraxan şirkətlərin səhmlərinə dəyişdirilə bilərlər. Varrantlı istiqrazlar dəqiq müəyyən edilmiş
müddətdə emitent tərəfindən buraxılan yeni qiymətli kağızları (həm istiqrazlar, həm də səhmlər)
əldə etmək hüququ verir.
Səhmlər mülkiyyətçinin şirkətin kapitalında iştirak payını təsdiqləyən və mülkiyyətçiyə
səhmdarların illik yığıncağında səsvermə hüququ verən, şirkətin mənfəətindən dividendlər
formasında öz payını almağa şərait yaradn qiymətli kağızlardır.
Sindikatlaşdırılmış kreditlər borcalanlarla razılaşdırılmış şərtlər əsasında bank
konsorsiumları tərəfindən təşkil edilir ki, bu da kreditor qrupunun iştirakçıları arasında risqləri
bölüşdürməyə imkan verir.
Avrokommersiya qiymətli kağızları 3-6 ay müddətinə beynəlxalq pul bazarının mövcud
baza dərəcəsinə kiçik marja müəyyən edilməsi ilə buraxılan özəl şirkətlərin öhdəlikləridir.
Avroveksel avrovalyutada buraxılan veksel, yəni borc öhdəliyidir.
Dünya borc kapitalı bazarı özünün müasir inkişaf səviyyəsində bir sıra xüsusiyyətlərə
malikdir:
1.
Bu bazar yüksək dərəcədə inhisarlaşıb. Dünya borc kapitalı bazarında bütün əməliyyatları
təxminən 1000-ə yaxın bank həyata keçirir, dünya maliyyə bazarında 43 transmilli bank
fəaliyyət göstərir, dünya qiymətli kağızlar bazarında 8 maliyyə şirkəti tərəfindən nəzarət
edilir.
2.
Dünya borc kapitalı bazarının subyektlərinin qovuşması və birləşməsi vasitəsilə borc
kapitalının təmərküzləşməsi baş verir. Son onillikdə banklar maliyyə resursları üzərində
kəsişən sahiblik üsulu ilə rəqabət üstünlükləri əldə etmək üçün yeni strategiya həyata
keçirirlər. Son illərdə müxtəlif milli banklar beynəlxalq bank konsorsiumları yaradır və bu
konsorsiumların maliyyə resurslarını idarə etmək seçilmiş bank-menecerə tapşırılır.
3.
Əsas müştərilər kimi hökumətlər, pensiya fondları və digər dövlət orqanları, transmilli
şirkətlər, beynəlxalq və regional maliyyə-kredit təşkilatları çıxış edirlər.
4.
Borcalanların dünya borc kapitalı bazarına çıxışı müxtəlifdir. Belə ki, Beynəlxalq Valyuta
Fondunun və Dünya Bankının borcalanları bu bazarda bir sıra üstünlüklərə malikdirlər.
5.
Dünya borc kapitalı bazarı potensial qeyri-sabitliyə malikdir. Bu qeyri-sabitlik valyuta-
maliyyə və kredit əməliyyatlarının masştabının artımından, mülkiyyət hüquqlarının
ötürülməsinin sürətlənməsindən, valyuta nəzarətinin liberallaşmasından, bu bazarın
iqtisadiyyatın real sektorundan ayrılmasından irəli gəlir.
6.
Dünya borc kapitalı bazarında dəqiq ərazi və müddət sərhədləri mövcud deyildir – o
fasiləsiz olaraq Şərqdən Qərbə doğru saat qurşaqları üzrə fəaliyyət göstərir. Lakin o eyni
zamanda beynəlxalq maliyyə mərkəzlərində müəyyən coğrafi məhəlləşməyə malikdir.
7.
Dünya borc kapitalı bazarı müasir elmi texniki nailiyyətlərlə sıx əlaqədədir: informasiya
sistemlərinin inkişafı, qlobal bank şəbəklərinin yaradılması (“SWIFT”, “SEDEL”,
“REUTERS 2000”) beynəlxalq kredit münasibətlərini həm xidmət göstərilməsi, həm də
banklararası əməliyyatların həyata keçirilməsi baxımından keyfiyyətcə yeni mərhələyə
çıxarmışdır.
8.
Dünya borc kapitalı bazarı üçün əməliyyatların universallığı və unifikasiyası xarakterikdir
ki, bu da əməliyyatların həyata keçirilməsi prosesinin və onlar üzrə sənədləşməsnin
sadələşməsinə gətirib çıxarır.
Beynəlxalq maliyyə mərkəzinin normal funksiya göstərməsi üçün bir sıra şərtlərin olması
vacibdir:
ölkənin yüksək iqtisadi inkişaf səviyyəsinə malik olması;
ölkənin dünya ticarətində aktiv iştirak etməsi;
rəqabət qabiliyyətli milli kapital bazarının və inkişaf etmiş bank sisteminin mövcud olması;
liberal valyuta və vergi qanunvericiliyi;
əlverişli coğrafi vəziyyət;
nisbi siyasi sabitlik.
Dünyanın aparıcı maliyyə mərkəzi ABŞ-ın füclü iqtisadiyyatına və iri həcmli kapital
bazarına əsaslanan Nyu-York hesab edilir. Bu mərkəz səhmlərin və istiqrazların emissiyasında və
qiymətli kağızlarla ticarətdə mühüm rol oynayır.
London əsas Avropa maliyyə mərkəzidir. Bu mərkəz beynəlxalq valyuta, depozit və kredit
əməliyyatlarının həcminə görə birinci yeri tutur. Qiymətli kağızlarla və digər maliyyə alətləri ilə
yeni əməliyyatların inkişaf etdirilməsində bu mərkəz mühüm rol oynayır.
Uzunmüddətli borclar sahəsində Qərbi Avropada Sürix və Frankfurt-Mayn mərkəzlərini
fərqləndirmək olar. Lüksemburq qısamüddətli və ortamüddətli kreditləşmədə ixtisaslaşmışdır.
Tokionun beynəlxalq maliyyə mərkəzi kimi əhəmiyyəti ildən-ilə artır. Buna Yaponiyanın
dünyanın əsas kreditoruna çevrilməsi və yapon kapital bazarının liberallaşdırılması imkan verir.
Dünya təsərrüfatının əyalət zonasında offşor zonaları adını alan yeni maliyyə mərkəzləri
(Sinqapur, Honqkonq, Bəhreyn, Panama, Baham adaları, Kayman adaları, Antil adaları) meydana
gəlmişdir. Offşor zonası o deməkdir ki, maliyyə əməliyyatları milli qanunvericiliyin təsir
dairəsinə düşmür. Bu mərkəzlərin əksəriyyətində güzəştli vergi və valyuta rejimləri mövcuddur
ki, bu da transmilli şirkətləri və bankları bu zonalara cəlb edir.
Beləliklə, kapitalın beynəlxalq hərəkəti praktikada müxtəlif reallaşma formalarına malikdir
və beynəlxalq iqtisadi münasibətlərin bütün formalarında aktiv şəkildə iştirak edən dünya
təsərrüfatının aparıcı ölkələrinin strateji məqsədlərini əks etdirir. Ölkənin kapitalın beynəlxalq
hərəkətinin müxtəlif formalarında iştirakı onun dünya təsərrüfatına inteqrasiya səviyyəsini əks
etdirir.
Kapitalın beynəlxalq hərəkəti obyektiv olaraq ölkələrin xarici iqtisadi və siyasi əlaqələrinin
güclənməsinə, onların qarşılıqlı əlaqələrinin və asılılıqlarının artmasına, həmçinin ölkənin iqtisadi
və texniki potensialının artımına, ayrı-ayrı milli iqtisadiyyatların və ümumilikdə dünya
təsərrüfatının rifah səviyyəsinin artımına gətirib çıxarır.
Dostları ilə paylaş: |