8.5. Sosial işdə psixodinamik yanaşma və psixoanalizm
Sosial
işdə
psixodinamik
ideyaların
münasibliyinin
qiymətləndirilməsi zamanı insan davranışının psixoanalitik anlamının
böyük əhəmiyyəti ilə bu yanaşmanın müdaxilə metodu kimi tətbiqinin
məhdudluğu arasındakı vacib fərqi nəzərə almaq lazımdır. Psixodinamik
yanaşma sosial işçinin kliyentlərin şəxsi həyatlarında baş verənləri və
razılaşdırılmış sosial işdə kliyentlə olan xüsusi münasibətlərini anlaması
baxımdan böyük əhəmiyyət kəsb edir.
161
Sosial iş təlimi proqramlarında psixoanalitik düşünmə tərzinin
tədris üsulunu yaxşılaşdırmaq lazımdır. Öyrənmə, həm təcrübənin
yaşanması səviyyəsində, həm də koqnitiv səviyyədə baş verməlidir.
Akademik anlamın peşəkar və şəxsi təcrübə ilə uzlaşması zəruridir. Bu,
tələbələrin, müəllimlərin və təcrübələrin mənlik şüuru və emosional
resurslar qarşısında tələblər qoyacaqdır.
Məsləhət işində psixodinamik yanaşmanın teztəsirli davranış
yanaşmasına üstünlük verən bəzi sosial iş məktəbləri tərəfindən tənqidə
məruz qalmasına baxmayaraq, o, sosial işdə uzun müddət aparıcı mövqe
tutmuşdur. 1980-ci illərdə artıq psixoloji məsləhət xarici ölkələrdə bir
tərəfdən psixoterapiyadan, digər tərəfdən isə, məsləhət və tövsiyyələrdən
qəti olaraq fərqləndi və ilk növbədə sosial işin daxili olduğu yardımla
əlaqədar ixtisaslar çərçivəsində metod kimi yüksək qiymətləndirilirdi.
Konsultasiyada bu və ya digər yanaşmanın üstün tutulmasına, adətən,
müəyyən ölkədə bərqərar olmuş tarixi ənənələr, xüsusən, əvvəl mövcud
olmuş psixoloji və psixoteravtik məktəblər təsir edirlər. Müasir dövrdə
inkişaf etmiş sosial məktəb sistemlərində iki başlıca məktəb –
psixodinamik
və
şəxsi-oriyentasiyalı
məktəblər
dominantdırlar.
Psixodinamik ideyalar həm Qərbi, həm də Şərqi Avropa mədəniyyətində
inkişaf etməkdə davam etdiyi üçün konsultasiya zamanı bu yanaşma
daha məqbul və səmərəli sayılır.
Psixodinamik yanaşmada kliyentlə konsultant arasındakı mərkəzi
qarşılıqlı münasibətlərə böyük əhəmiyyət verilir. Lakin bu yanaşma
sadəcə kliyentlə birgə olmaq kimi səciyyələndirilə bilməz. Bu,
münasibətlərin kəsb etdiyi məna və kliyent barədə verdiyi bilgi sosial
işdə psixoanalizin
insayt
adlandırdığı hadisə ilə bağlıdır. İnsayt sosial
işin hər üç formasında – konsultasiyada, resursların axtarışında və
yardım şəbəkəsinin yaradılmasında dəyişmə prosesinə verdiyi norma
böyükdür. Nəticədə hiss edən və müşahidə edən Eqo güclənir, başqa
sözlə, insanda ―Mən‖ hissi güclənir. Beləliklə, kliyent həm də öx daxili
hiss və reaksiyalarını anlamaqla onlar üzərində nəzarəti öz üzərinə
götürmə imkanını insayt vasitəsilə qazanır.
Sosial iş praktikası göstərdi ki, bir çox psixoanalitik konsepsiyalar
nəinki psixoanalitikin kabinetində, həm də real sosial iş ―sahəsində‖ də
(sosial-fieldwork) səmərəli işlək oldu. Psixodinamik yanaşmanın ―sosial
162
işin bu yönümünə (psychodynamic social work) relevant olan başlıca
ideyaları aşağıdakılardır:
-psixoloji müdafiələr (proyeksiyalar, aqressorla identifikasiya,
reallığın inkarı və s.);
-dəyişikliklərə qarşı müqavimət;
-ambivalentlik (kliyentdə arzuların və kontarzuların olması);
-Eqo-nun təsəvvür olunan və real Eqo-ya bölünməsi (splittinq);
-obyektə münasibətdə pozisiyalar (MŞKlyan): paranoyal və
―depressiv‖ mövqe;
-qayğı çəkmək, narahat olmaq qabiliyyətinin inkişafı (Z.Freyd,
D.Vinnikott);
-köçürülmə və kontr-köçürülmə;
-refleksiya prosesi;
-pozisiya deyil, təcrübənin yaşanmasıdır (―working through‖);
-kliyentin əsas problemlərinin işlənilməsi;
-müdaxilə deyil, anlama;
-dilemmaların kliyent tərəfindən həlli (məsələn, inam-asılılıq,
mütilik-avtonomluq; rəqabət-əməkdaşlıq, dəyişmə-itki);
-inkişafda təsbit nöqtələrinə qayıtma (xüsusilə uşaqlarla işdə).
Bütün bu ideyalar Z.Freyd və onun ardıcılları tərəfindən irəli
sürülmüş və işlənilmişdir. Praktikada isə onlardan yalnız psixoanalitiklər
və psixoterapevtlər deyil, həm də gündəlik işlərində uşaqda ana
dprivasiyası, simbiotik münasibətlər, psixoloji asılılıqlar, özünüdağıdıcı
davranış, kəskin davranış, müdafiə reaksiyaları, aqressiya (məsələn,
doğmalara münasibətdə), ailədə, hökmranlıq problemi (məsələn,
qısqanclıq), narsist şəxsiyyətlərin davranışı və başqa uğursuzluq
fenomenləri ilə üzləşən sosial işçilər də istifadə edirlər.
Psixoanalizin banisi Z.Freyd həm də adaptiv yanaşmaın əsaslarını
yaratmışdır. ―Uyğunlaşma konsepsiyası‖ təhrik ilə obyektin qarşılıqlı
əlaqəsi problemlərinin tədqiqi zamanı Freyd tərəfindən düşünülmüşdür.
163
Köçürmə - təhlil materialının başlıca və daha önəmli
mənbələrindən, daha əhəmiyyətli motivasiyalardan biri olmaqla yanaşı,
konsultasiiyanın və digər yardım növlərinin uğurlu olması yolunda ciddi
bir maneədir. Kliyentin dərkolunmaz həvəslərinin frustrasiyası onu öz
libido və aqressiv impulslarını (təhriklərini) kpçürəcəyi obyektləri
şüursuz olaraq axtaran bir subyektə çevirir. Kliyent öz keçmişini indiki
anda mövcud olan, aktual insani münasibətlərin qurulması vasitəsilə
təkrarlanmağa meyllidir. Təmin olunmaq üçün o, yalnız yenidən
yaşanmalı deyil, eyni zamanda həyəcan və günahı müəyyən qədər özünə
tabe etməlidir. Köçürmə - keçmişdən ―qurtulma‖, indinin keçmiş
vasitəsilə yanlış anlaşılmasıdır; sosial iş praktikasında köçürmənin
vacibliyi o faktla şərtlənir ki, köçürmə reaksiyası lazımi şəkildə
işlənilmədiyi halda, kliyent yardım edən insana münasibətdə öz
keçmişindən olan bu konkret insanla o qədər də uzlaşmayan əhəmiyyətli
hisslər keçirir.
Unutmayaq ki, kliyent özünün müəyyən davranış və ya
reaksiyalarını dərk etmək və onlar üzərində işləmək əvəzinə, onları
təkrar etməyə meyllidir. Təkrar həmişə dərketmə və hafizə
funksiyalarına qarşı müqavimət kimi çıxış edir. lakin kliyent yennidən
təkrar yolu ilə pz keçmişi üçün analitik vəziyyətə daxilolma imkanı
qazanır.
Köçürmə reaksiyalarının fərqli təsnifatları mövcuddur. Adətən,
pozitiv və neqativ köçürmə formalarını ayırd edirlər. ―Pozitiv köçürmə‖
əhəmiyyətli dərəcədə başqasına olan rəğbət hissi, məhəbbət və hörmət
reaksiyalarına şamil edilir. ―Neqativ köçürmə‖ anlayışı isə, həmin
adama qarşı hiss olunan aqressiya, qəzəb, antipatiya, nifrətin növlərinə
aid edilir.
Psixoterapiyanın analitik formalarında köçürmə reaksiyaları təhlil
olunmur, lakin onlarla işləyirlər. Terapevt keçmişdən olan əhəmiyyətli
fiqurun (real və ya fantastik) ona sırınmış rolunu qəbul edərək,
pasiyentin uyğun infantil arzularının təzahürünə imkan verir. Terapevt
Dostları ilə paylaş: |