Həyati bacarıqlara əsaslanan təhsil (Müəllimlər üçün tədris vəsaiti.
V-IX siniflər üçün). -Bakı: Mütərcim, 2006. 608s. Səh. 16) Belə
texnologiyalar şagirdlərin elmi dünyagörüşünün, intellekt səviyyəsini
yüksəltməklə yanaşı onların bilik, bacarıq və vərdişlər sistemini
günün tələbləri səviyyəsində formalışdırır.
3.22.
Təhsilin humanistləşdirilməsi
Öncə təhsilin humanistləşdirilməsi anlayışının mahiyyətini
aydınlaşdırmaq lazım gəlir. Göründüyü kimi, bu sözün ffazeoloji
vahidlər kimi iki tərəfi vardır. Bu ifadənin birinci tərəfində «təhsil»,
ikinci tərəfində «humanist» sözü durur.
Fikrimizcə, əvvəlcə anlayışın hər iki tərəfindəki sözlərin
mahiyyətinin aydınlaşdu-ılmasına ehtiyac duyulur. Çünki elmi-
pedaqoji ədəbi)^atda «təhsil» sözünün izahına çox az yer verilmişdir.
«Təhsil» sözu dilimizə ərəb dilindən gəlmişdir. Məlum olduğu
kimi hər bir xalqa mənsub olan sözlərin əsas hissəsi həmin xalqın
milli etnogenezinin mənşəyindən yaransa da, digər hissəsi isə həmin
xalqın dilinə gəlmə sözlər vasitəsilə daxil olur. «Təhsil» sözü isə bu
qəbildən olan sözlərdən hesab olunur. Araşdırılan mənbələrdən aydın
olur ki, «təhsil» sözü ərəb sözü olsa da, bəzən onun fars sözü olmasını
iddia edənlər də vardır. Bunun isə ən başlıca səbəbi ərəb sözü olan
«təhsil» sözünü farsların ərəblərdən götürüb bir neçə çalarlarmdan
istifadə etməsi ehtimalıdır. Ona görə də ərəb və fars sözləri lüğətində
«təhsil» 1) ələ gətirmə, hasil etmə, qazanma; 2) elm və məlumat əldə
etmə, oxuyub öyrənmək; 3) müntəzəm surətdə oxumaq nəticəsində
əldə edilmiş biliklərin məcmusu mənalarında izah edilir. Göründüyü
kimi, hər üç mənada «təhsil» sözü müntəzəm şəkildə elm-bilik
qazanma, əldə etmə, öyrənmə kimi izah edilir (Bax. ərəb-fars sözləri
lüğəti, səh.641). Həmin lüğətdə «təhsildar» sözü isə fars sözü kimi
təqdim edilərək «dövlət vergilərini və ya sahibkarların varidatmı
toplayan məmur» mənasında izah edilir. Deməli, ərəb sözü olan
«təhsil» fars dilində «var dövlət» mənasında işlədilirsə, həmin sözü
farsların ərəblərdən götürmələri ehtimalı həqiqətə daha çox uyğundur.
Azərbaycan xalqının XI əsrdə yaşamış böyük mütəfəkkhi Əbül
188
Həsən Bəhmənyar Əl-Azərbaycani (anadan olması məlum deyil -
1065) «Ət-təhsil» əsərində «təhsil» sözünü fəlsəfi istilah kimi qəbul
etmiş, onu «dərk etmə» (rusca «Poznaniye») mənasmda işlətmişdir.
Bəhmənyara görə təbiətin, cəmiyyətin, idrakın, elmin dərk edilməsi
kimi izah olunan «təhsil» sözü ərəb sözüdür. Əsərin ərəb dilində
yazılması da bu sözün ərəb mənşəli olub alınma söz kimi Azərbaycan
dilinin lüğət fonduna daxil edilməsi artıq qəbul edildiyi üçün bu sözün
təhlilinə artıq yer ayırmağa ehtiyac hiss etmirik. Lakin «təhsil»
sözünün pedaqoji mənada işlədilməsinə də münasibət bildirməyi
məqsədəuyğun hesab edirik. Çünki elmi- pedaqoji ədəbiyyatda
təhsilin mahiyyəti ilə bağlı ziddiyyətli fikirlər vardır. Azərbaycanda
nəşr olunan ilk Ensiklopediyada oxuyuruq; «Təhsil-sistemləşdirilmiş
bilik, bacarıq və vərdişlərin mənimsədilməsi prosesi və nəticəsidir»
(15, 288). Təhsil anlayışının bilik, bacarıq və vərdişlərin aşılanması ilə
məhdudlaşdırılması düzgün sayıla bilməz. Çünki təlim prosesində və
tədris işində də bilik, bacarıq və vərdişlərin aşılanması həyata
keçirilir. Təhsil anlayışına belə yanaşmaqla isə onu təlim və tədris
anlayışları ilə eyniləşdiririk.
Doğrudur, təhsil prosesində təlim və tədrisetmə prosesiləri
vardır. Lakin təhsil prosesində təlim və tədris etmədən savayı, tərbiyə
etmə, milli və ümumbəşəri dəyərlərin öyrədilməsi və inkişaf da vardır.
Ona görə də bu anlayışı məhdud şəkildən şərh etmək düzgün sayıla
bilməz. Araşdırmalar göstərir ki, Ensiklope- diyadakı şərh (ASE-nin
şərhi nəzərdə tutulur ) 1958-ci ildə Azərbaycanda nəşr olunan
«Pedaqogika» adlı dərs vasaitindəki şərhə əsaslanır. Həmin dərslikdə
göstərilir ki, «Təhsilin məzmunu təlim prosesində şagirdlərə öyrədilən
bilik, bacarıq və vərdişlər sisteminin məzmunundan ibarətdir» (57,
92).
Eyni sözləri 1964-cü ildə Azərtədrisnəşr tərəfindən, professor
M.Muradxanovun redaktorluğu ilə çap olunan «Pedaqogika» adlı dərs
vəsaitində də oxuyuruq: «Təhsilin məzmunu təlim prosesində
şagirdlərə verilən bilik, bacarıq və vərdişlər sisteminin məcmusundan
ibarətdir» (61,126). Göründüyü kimi, birinci dərs vəsaitindəki
«öyrədilən» sözünü ikinci dərs vəsaitində «verilən» sözü ilə əvəz
etməklə təhsilin mahiyyətinə eyni şəkildə yanaşılmışdır. Hər iki dərs
vəsaitindəki təhsil anlayışının «orta ümumi təhsil» kimi
məhdudlaşdırılması deməyə əsas verir ki, təhsil
189
anlayışı haqqında ASE-də verilən şərh həmin dövrdə mövcud olan
elmi-pedaqoji ədəbiyyata istinad edilərək, məhdud çərçivədə izah
edilmişdir.
Hazırda təhsil pedaqoji elmin başlıca kateqoriyalarından biri
hesab edilir. Təhsil xalq təsərrüfatınm ən aparıcı sahələrindən, başqa
sözlə desək, ən mühüm tərkib hissələrindən biridir. Lakin uzun illər
təhsil əhalinin, adamların maariflənməsi kimi izah olunub.
Postsovet məkanında dövlət idarəetmə sistemində orta təhsilə
Maarif Nazirliyi, peşə təhsilinə Peşə Təhsili Komitəsi, ali və orta
ixtisas təhsilinə isə Ali və Orta İxtisas Təhsili Nazirliyi rəhbərlik
edirdi.
Ənənəvi pedaqogikalarda isə təhsil pedaqoji elmin tədqiqat
sahələrindən biri kimi nəzərə alınmırdı. Əsasən tərbiyə pedaqoji elmin
tədqiqat sahəsi sayılır, təhsil isə onun tərkibində nəzərdən keçirilirdi.
Prof.A.Abbasov və prof.H.Əlizadənin yazdıqları «Pedaqogika»
kitabmda oxuyuruq:
«Tərbiyə» sözü son dərəcə geniş anlayışdır. Çox zaman «təhsil»
və «təlim» də onun tərkibində nəzərdən keçirilir, hətta pedaqogikaya
tərif verərkən ona «tərbiyə» haqqında elm kimi yanaşırlar. Bu,
görünür, təhsil və təlim anlayışlarma nisbətən tərbiyə anlayışının daha
erkən meydana gəlməsi ilə bağlıdır. İlk insanlar məhz tərbiyə edə-edə
övladlarma bilik, bacarıq, vərdiş qazandırırdılar. İngilis dilində
«education» sözü var. O, eyni zamanda həm tərbiyə, həm təhsil, təlim,
maarif, həm də ən əsası «pedaqogika» mənasını verir (2, 79-80).
Son on ildə aparılan tədqiqatlarda isə təhsilə olan münasibət
dəyişilmişdir. Son ədəbiyyatlarda pedaqoji elmin başlıca
kateqoriyalarından biri olan təhsilin bilik, bacarıq, vərdişlər sistemini
əhatə etməsi, müvafiq tədris müəssisələrində müəyyən müddətdə
həyata keçirilməsi, təlimlə üzvü surətdə əlaqədə olması, tərbiyə və
inkişaf imkanlarını özündə ehtiva etməsi iddia edilir. 2003-cü ildə
Moskvanın «Pedaqoqiçeskoe obşestvo Rossii» nəşriyyatı tərəfindən
P.Y.Pidkasistıym redaktorluğu ilə nəşr olunan «Pedaqogika»
dərsliyində «Təhsilin məzmunu» adlanan fəslin birinci paraqrafımn
yarımbaşlığı «Təhsilin məzmunu pedaqoji elmin dialektik
kateqoriyası kimi» adlandırılır. Elmi pedaqogikada təhsil didaktikanm
190
Dostları ilə paylaş: |