lara təsir vasitəsi olmuşdur. Hakimiyyətin sabitliyi qayğısına
qalan hökmran sosial təbəqələr dinin bu xüsusiyyətindən
istifadə etmişlər.
Qədim dövrlərdə din və dövlət, sadəcə, birgə mövcud idi.
Hammurapinin öz hakimiyyətini allahdan alması, Misirdə
Fironun eyni zamanda allah hesab olunması, qədim Çində
imperatorun allah oğlu olması hakimiyyəti ilahiləş- dirmək
cəhdindən başqa bir şey deyildi və din ilə dövlətin
vahildiyinin ən bariz göstəricisi idi. Daha sonralar meydana
çıxan və güclü təşkilati quruluşa malik olan dinlər dövlətdən
qismən ayrılsa da, yenə də dövlət üzərində güclü təsirini
saxlayırdı (xristianlıq və islam). İntibah dövründə və ona
qədər din dövlət hakimiyyəti hesabına insanların mənəvi
həyatına müdaxilə edir və nəticədə nəinki cəmiyyətin mənəvi
həyatında durğunluq yaranırdı, həm də dövlətə qarşı mənfi
münasibət formalaşırdı. Fikir və söz azadlığının yayılması,
şəxsiyyətin müstəqilləşmə- si və dövlətin total, fərdin
həyatına nəzarət edən dövlətdən sosial-hüquqi dövlətə
çevrilməsi son nəticədə din ilə dövlətin iki fərqli təyinata
malik sosial orqanizmlər kimi bir-birindən ayrılmasına səbəb
oldu. Əsrlər boyu davam edən bu prosesdə din dövlət
hakimiyyəti üzərində təsirini itirdisə də, cəmiyyətdə təsirini
itirmədi və bu gün də din istənilən cəmiyyətin əxlaqi-mənəvi
dəyərlərinin tənzimləyicisi, bu dəyərlərin nəsildən-nəslə
ötürülməsinin əsas vəsiləsi rolunda çıxış edir. Dinin xüsusilə
güclü olduğu cəmiyyətlərdə din nəinki sosial-əxlaqi
məsələlərdə, eləcə də dindən kənarda qalan bir çox digər
məsələlərdə həlledici rola malikdir.
Tarix səhnəsinə inkişaf etmiş və özünü dərk etmiş
millətlər çıxana qədər din əsas sosial identifıkasiya vasitəsi
idi. Yəni onlar bir-birinə olan münasibətlərini eyni bir
— 94 —
millətə, dövlətə aidiyyət üzərində deyil, ilk olaraq eyni bir
dinə aid olub-olmamaq üzərində qururdular. Din cəmiyyətin
vahidliyini təmin edən əsas vasitələrdən biridir və aydındır ki,
cəmiyyət üzərində bu cür təsir potensialına malik olan vasitə
dövlətin diqqətindən kənarda qala bilməz. Din öz-özlüyündə
deyil, yalnız cəmiyyətə təsir baxımından dövlət üçün
əhəmiyyətə malikdir. Məsələnin başqa tərəfi də vardır.
Tarixən din və vicdan azadlığı, fikir müstəqilliyi bir yerdə
nəzərdən keçirilib və dövlətin müxtəlif dinlərə neytral olması
şəxsiyyətin vicdan azadlığının təmin edilməsinin bir tərəfidir.
Lakin dinlərə neytral olan dövlətdə şəxsiyyət istədiyi dinə
etiqad edə və etməyə bilər, dini təbliğatla məşğul ola bilər
(Azərbaycan Respublikası Konstitusiyasının 18-ci və 48-ci
maddələri).
Hüquqi aspektdən dinlə dövlətin ayrılması - dünyəvilik
onu ifadə edir ki, dövlətin rəsmi qəbul olunmuş dini
ideologiyası olmur, dövlət orqanlarının işində və
təşkilatlanmasında din iştirak etmir, təhsil din ilə bağlı olmur.
Din xadimləri dövlət orqanlarına dini nümayəndələr kimi
deyil, yalnız adi vətənaşlar kimi seçilə bilərlər. Dini
aidiyyətinə görə heç kəsə üstünlük verilmir. Dövlət bütün
dinlərə eyni meyarlardan yanaşır və onların hamısı üçün eyni
fəaliyyət şərtləri yaradır. Konstitusiyanın 18-ci maddəsində
göstərilir ki, Azərbaycan Respublikasında din dövlətdən
ayrıdır və bütün dini etiqadlar qanun qarşısında bərabərdir.
Yəni onların hər hansı birinə yüksək status verilməsi
qeyri-mümkündür. Eyni zamanda konstitusiya nəzərə alır ki,
hər bir sosial hadisənin ikinci - mənfi tərəfi də vardır. Elə
buna görə də konstitusiya insanpərvərlik prinsiplərinə zidd
olan dini cərəyanların yayılmasını qadağan edir. Dinin
insanpərvərliyə
zidd
olması
meyarları
isə
cari
qanunvericilikdə və praktikada müəyyən edilmə
— 95 —
lidir. Bu dinlər cəmiyyəti parçalayır və münaqişələrə səbəb
olur. Dövlətin təhsil sisteminin dindən ayn olması onu ifadə
edir ki, dünyəvi təhsil müəssisələrində dini təhsil verilməsi
məcburi deyildir və təhsil dini konsepsiyalara söykənmir.
Dünyəvi dövlətin əksini teokratik dövlət təşkil edir.
Teokratik dövlətdə, məsələn, Vatikanda din birbaşa dövlət
hakimiyyəti ilə qovuşuqdur. Dinin dövlət hakimiyyətinə tam
qarışmadığı, lakin rəsmi dinin olduğu və dinin dövlət
orqanlarının fəaliyyətinə müxtəlif qanuni yollarla təsir etdiyi
dövlətə klerikal dövlət deyilir (məsələn, İran İslam
Respublikası, Pakistan İslam Respublikası). Dini faktor bir
sıra dünyəvi dövlətlərdə belə, o qədər güclüdür ki, bu
dövlətlər dünyəvi olmalarına baxmayaraq, dinlərdən birinə
konstitusion status verir. Yunanıstanda şərqi pravoslav
kilsəsi. Böyük Britaniyada anqlikan kilsəsi buna misal ola
bilər. Livanda isə dini faktor hətta dövlət quruculuğunda əks
olunur. Burada cəmiyyətin bərabər sayda ayrı-ayrı dinlərə
bölünməsi uzun müddətli vətəndaş müharibəsinə səbəb
olmuşdur. Ona görə də Livan Konstitusiyasına görə, dövlət
başçısı xristian-maronit, baş nazir müsəlman-sünni,
parlamentin sədri müsəlman-şiə, parlamentin yarısı mütləq
xristian və s. olmalıdır. Göründüyü kimi, dini faktor zəruri
hallarda dövlət qurueuluğuna belə obyektiv olaraq təsir edir.
§ 6. Unitarizm
Hər bir dövlətdə hakimiyyət, sadəcə, orqanların
timsalında öz funksiyaları olan nəhəng aparat kimi qurulmur.
Nəzərə almaq lazımdır ki, istənilən dövlətin maddi əsası onun
ərazisidir. Hər bir dövlət müəyyən ərazidə yaranır və
fəaliyyət göstərir. Ərazi amili, onun həcmi və fiziki
— 96 —
Dostları ilə paylaş: |