MüSTƏQİLLİYİMİZ
Yüklə 3,36 Mb. Pdf görüntüsü
|
- Bu səhifədəki naviqasiya:
- S u a l : Cənab prezident yeni parlamentdən nə gözləyirsiniz C a v a b
- S u a l : Konstitusiyada Naxçıvana muxtar dövlət statusu verilməsi nə ilə əlaqədardır Belə bir müxalif fikir var ki, bu, Dağlıq Qarabağa
- S u a l : Yəni bu, Dağlıq Qarabağa hər hansı bir status vermək məqsədi güdmür C a v a b
- HEYDƏR ƏLİYEV Azərbaycan Respublikasının Prezidenti
______________________________________________ 511
hansısa bir sözün guya kəsərini artırmaq, yaxud hansı bir yalanla, təhqirlə dediyi sözün kəsərini artırmaq mümkün deyil. Bilin, inanın, mən dünya görmüş adamam, - bunlar əhəmiyyətsiz şeydir. İndi bunlar gəncdirlər, yəqin hesab ediblər ki, bu cür təhqir, böhtan sözləri ilə nəyəsə nail ola bilərlər. Gedib düşüblər cəzaya və cəzaları da ədalətlidir. Mən dünən bunu araşdırdım, məhkəməni də, prokuroru da çağırdım. Ancaq bunlara baxmayaraq, mən o gənclərin cavanlığını nəzərə alaraq onlan bağışlamaq haqqında fərman verdim. Məsələn, həmin adamlardan birinin atası Ağdamdan qaçqın düşmüş adamdır. Qaçqın vəziyyətində yaşayır. Mən baxıram, - o, sadə bir kişidir, insandır. Ozü də mənə deyir ki, bilirsiniz, mənim oğlum həbs olunmamışdan on gün qabaq bir türk jurnalistinin sizin haqqınızda yazdığı kitabı gətirib qiymətli hədiyyə kimi ad günümdə mənə verdi. Bir türk jurnalisti mənim haqqımda türk dilində xırda bir kitab yazıb, deyir ki, oğlum mənim ad günümdə gətirib dedi ki, mən Heydər Əliyev haqqında olan bu kitabı sənə hədiyyə verirəm. Amma bilmirəm, sonra necə olub ki, o gedib bu yola düşüb. Mən gördüm ki, onun atası nə qədər sadə, nə qədər təmiz ürəkli bir adamdır, Dünən o birisilərin də ailə üzvləri ilə görüşdüm, danışdım. Doğrudan da yaxşı insanlardır və mənim onlara da, həbsxanada olanlara da rəhmim gəldi. Onları əfv etdim. Güman edirəm ki, məhkəmə də düz edib, mən də düz eləmişəm. S u a l : Cənab prezident yeni parlamentdən nə gözləyirsiniz? C a v a b : Mən yeni parlamentdən güclü fəaliyyət, yeni qanunların qəbul olunmasını gözləyirəm. Azərbaycanda qanunvericilik işlərinin güclənməsini gözləyirəm.
komissiyasındakı çıxışımda bu barədə dedim, bir də deyirəm: bu fikirlər araqarışdırıcı fikirlərdir. Naxçıvanın muxtar statusu beynəlxalq müqavilələr əsasında 20-ci illərin əvvəlində verilibdir və buna tam əsas var. Dünyanın unitar dövlətlərinin çoxunun tərkibində muxtar qurumlar var. Onlardan biri də Azərbaycan dövlətidir, Azərbaycanın da içində Naxçıvan Muxtar ______________________________________________ 512
Respublikasıdır. S u a l : Yəni bu, Dağlıq Qarabağa hər hansı bir status vermək məqsədi güdmür? C a v a b : Bilirsiniz, mən sizə açıq deyirəm. Nə cür fikirləşirsiniz ki, Dağlıq Qarabağa heç bir status verilə bilməz? Nə veriləcək - bu günün mövzusu deyil. Ancaq heç kəs - meydanda qışqıran ağılsız adamlar fikırləşməsin ki, "gəlin, Dağlıq Qarabağı da dağıdaq, bütün erməniləri də qıraq". Bu yaramaz bir fikirdir. Elə bu cılız fikirlərin nəticəsində də Azərbaycan belə vəziyyətə düşdü. Azərbaycan milliyyətindən, dinindən, dilindən, irqindən asılı olmayaraq Azərbaycanda yaşayan bütün insanların vətənidir. O cümlədən Dağlıq Qarabağda yaşayan ermənilərin də vətənidir. Dağlıq Qarabağda yaşayan ermənilər əgər bu təcavüzkar, separatçı hərəkətlərindən əl çəksələr və Ermənistan Respublikası bu hərbi təcavüzdən əl çəksə, bizim şərtlərimiz qəbul olunsa, Azərbaycanın tərkibində Dağlıq Qarabağ yaşayacaq və Dağlıq Qarabağa müvafiq status veriləcək, Ermənistanla Azərbaycan arasında normal əlaqələr yaranacaqdır. Mən Avropadan gələn müşahidəçilər, o cümlədən Fransanın Milli Məclisi sədrinin müavini və başqaları ilə dünən danışırdım. Fransa Almaniya ilə neçə il müharibə elədi. Fransa Böyük Britaniya ilə neçə il mühafıbə elədi. İndi bir- biri ilə dost dövlətdirlər və bir ittifaqa daxildirlər. Bu tarix gözünüzün qabağındadır. Kim hesab edirsə ki, biz Ermənistanla əbədi düşmən olacağıq, yaxud əbədi olaraq dava edəcəyik, - bu, böyük səhvdir. Dünya tarixi bunu göstərir. Rusiya ilə, yaxud Sovet İttifaqı ilə Almaniya arasında böyük müharibə oldu. 50 il keçəndən sonra Almaniyanın, Rusiyanın, Amerikanın, Fransanın başçıları Moskvada bir-biri ilə öpüşürdülər. Hitler faşist Almaniyası Fransanı dörd il işğal etdi. Fransa Milli Məclisi sədrinin müavini dünən mənimlə danışarkən dedi ki, faşist Almaniyası gəlib Fransanı işğal etdiyinə görə o da dörd il qaçqın vəziyyətində olubdur. Dedi ki, sizin qaçqınlardan fərqli olaraq mən çadırda yox, evdə yaşamışam. Bizimkilərin isə əksəriyyəti çadırlarda yaşayır. Amma indi Fransa ilə Almaniya bir-biri ilə dost ölkələrdir. Avropa İttifaqına birlikdə daxildirlər. Bu tarixi unutmaq lazım deyil və bu tarixdən kənara da çıxmaq lazım deyil. Ona görə də bu məsələlərə obyektiv, düzgün yanaşmaq lazımdır. Sağ olun, sizin hamınıza dəyərli işlərinizdə uğurlar arzulayıram.
______________________________________________ 513
ÜÇ QİTƏ BEYNƏLXALQ KİNOFESTİVALININ TƏŞKİLATÇILARI VƏ İŞTİRAKÇILARINA
Əziz dostlar! Sizi - Nant Beynəlxalq kinofestivalının təşkilatçı və iştirakçılarını Azərbaycan xalqı adından ürəkdən salamlayır və kino sənətinin gələcək inkişafı naminə hamımza gərgin fəaliyyətinizdə uğurlar arzulayıram. Kino sənətinin 100 illik yubileyi ərəfəsində Azərbaycan kinosuna retrospektiv baxışın məhz kinematoqrafiyanın vətəni sayılan Fransada keçirilməsini əlamətdar mədəni hadisə kimi qiymətləndirirəm. Azərbaycan və fransız xalqlarını bir-birinə bağlayan mədəni əlaqələr çox qədimdir. İnanıram ki, Azərbaycan və Fransa kinematoqrafçıları bu tarixi ənənələri bundan sonra da sədaqətlə yaşadacaq, kino sənətinə qədəm basan yeni nəslin bu ruhda tərbiyəsinə zəmin yaradacaqlar. Əminəm ki, humanist ideallara xidmət edən, sülhsevər qüvvələri birləşdirən, Yer kürəsinin müxtəlif dinli, müxtəlif dilli, müxtəlif irqli övladlarının həmrəylik rəmzinə çevrilən Nant festivalı Azərbaycan və Fransanın mədəniyyət aləmi üçün böyük əhəmiyyət kəsb etməklə yanaşı, dünya xalqları arasında dostluq və əməkdaşlığın möhkəmlənməsində unudulmaz tarixi bir mərhələ olacaqdır.
21 noyabr 1995-ci il HEYDƏR ƏLİYEV Azərbaycan Respublikasının Prezidenti Yüklə 3,36 Mb. Dostları ilə paylaş:
|