21
Yaşlı həkim saqqalını tumarladı və cihazı yoxlayıb
uyğun tezliyə salmağa başladı. Dr. Bruks isə Lenqdonun
yanında əyləşdi.
“Siz yaxşı olacaqsınız”, - o, nəvazişlə dedi. Səsində
bir əminlik duyulurdu. “Sizə keçici amneziya diaqnozu
qoymuşuq. Baş zədələri zamanı yaranan normal haldır.
Ötən bir neçə gün ərzində yaşadıqlannızı qanşıq sala və
ya xatırlamaya bilərsiniz. Lakin bu, davamlı olmayacaq”.
O dayandı. “Mənim adım yadınızdadır? Birinci dəfə içəri
girərkən sizə söyləmişdim”.
Lenqdon bir neçə saniyə düşündü. “Sienna”. Dr.
Sienna Bruks.
Həkim
gülümsədi.
“Görürsünüz? Artıq yeni
yaddaşınız yaranıb”.
Lenqdonun başındakı ağrı dözülməz idi. Əvvəldən
uzağı yaxşı sezməyən gözləri indi bir az da bulanıq
görürdü. “Axı... mənim başıma nə gəlib? Mən buraya
necə düşmüşəm?”
“Məncə, indi istirahət etməlisiniz və bəlkə...”
“Mən bura necə gəlib çıxmışam?!” - Lenqdon sərt
şəkildə soruşdu. Kardioqramdakı döyüntülər yenə artdı.
“Yaxşı, astadan nəfəs alın”, - Dr Bruks dedi. Həmkarı
ilə gərgin halda baxışdılar. Onun da səsi nəzərəçarpacaq
dərəcədə ciddiləşdi. “Cənab Lenqdon, üç saat bundan
downloaded from KitabYurdu.org
22
əvvəl siz bizim təcili yardım otağımıza gəldiniz.
Başınızda qanayan yara ilə çatar-çatmaz huşunuzu
itirdiniz.
Kim olduğunuzdan və buraya necə gəldiyinizdən heç
kimin xəbəri yox idi. İngiliscə mızıldandığınıza görə Dr.
Markoni məndən ona kömək etməyimi xahiş etdi. Məni
Britaniyadan bura ezam ediblər”.
Lenqdon özünü Maks Ernstin (Max Ernst) çəkdiyi
tabloda ayılmış kimi hiss etdi. Mənim İtaliyada nə işim
var? Adətən, Lenqdon buraya hər ilin iyun ayında
keçirilən incəsənət konfransı üçün gələrdi. Lakin indi
mart ayı idi.
Sakitləşdiricilər getdikcə öz işini görürdü. Sanki yerin
cazibə qüvvəsi onu uzandığı döşəyin içindən keçirib
özünə tərəf çəkmək istəyirdi.
Lenqdon başını qaldıraraq və ayıq qalmağa çalışaraq
onunla mübarizə apanrdı.
Dr. Bruks onun başı üzərinə əyildi. “Xahiş edirəm,
cənab Lenqdon”, - o pıçıldadı, - beyin silkələnməsi ilk
iyirmi dörd saat ərzində çox həssas olur. Sizə istirahət
etmək lazımdır, yoxsa ciddi zədə ala bilərsiz”.
Divardakı daxili telefondan xırıltılı səs gəldi. “Dr.
Markoni?”
Saqqallı həkim aparatın düyməsinə toxundu və cavab
downloaded from KitabYurdu.org
23
- verdi: “Si?”
Aparatdan gələn səs sürətlə italyanca danışırdı.
Lenqdon sözləri tuta bilməsə də, hər iki həkimin
bir-birinə təəccüblə baxdıqlarını gördü. Bəlkə bu,
qorxudur?
“Momento”, - Markoni xəttin digər başındakı adamın
sözünü kəsdi.
“Nə olub?” - Lenqdon soruşdu.
Dr. Bruksun gözləri azacıq qıyılmışdı. “Reanimasiya
şöbəsinin növbətçisi idi. Sizi görmək istəyən kimsə
gəlib”.
Lenqdonun ürəyində bir ümid yarandı. “Bu ki əla
xəbərdir! Bəlkə bu adam başıma nə gəldiyini bilir”.
Qadının baxışlarında bir tərəddüd sezilirdi. “Kiminsə
yanınıza gəlməsi çox qəribədir. Adınızı bilmirdik deyə,
siz hələ sistemdə qeydiyyatdan keçməmisiniz”.
Hələ də sakitləşdiricilərlə mübarizə aparan Lenqdon
özünü dikəltdi. “Əgər kimsə burada olduğumu bilirsə,
deməli, mənə nə olduğunu da bilir!”
Dr. Bruks Dr. Markoniyə baxdı, o isə başını
yelləyərək qol saatına işarə etdi. Dr. Bruks Lenqdona
tərəf çevrildi.
“Bura reanimasiya şöbəsidir”, - o izah etdi.
“Ziyarətçinin, ən tez səhər saat doqquzda gəlməyinə
downloaded from KitabYurdu.org
24
icazə verilir. Bu dəqiqə Dr. Markoni çıxıb onunla
görüşəcək və həmin qadın və ya kişinin nə istədiyini
öyrənəcək”.
“Yaxşı bəs mənim istəyim necə olsun?”, - Lenqdon
tələb
etdi.
Dr. Bruks səbrlə gülümsədi və ona tərəf əyilərək
astadan dedi: “Cənab Lenqdon, ötən gecə olanlar... sizin
başınıza gələnlər barədə bilmədiyiniz şeylər var. Və
kiminləsə danışmazdan öncə bütün faktlan öyrənməyiniz
yaxşı olar, məncə. Mənə elə gəlir ki, sizin halınız...”.
“Hansı faktları?!” - Lenqdon əsəbi dedi. Bir az da
dikəlməyə çalışırdı. Damanndakı iynə tərpəndi və birdən
o, keyimiş bədənini bir neçə yüz kiloqram ağırlığında
hiss etdi. “Bildiyim tək budur ki, Florensiyada
xəstəxanadayam və buraya “Çox üzgünəm” deyə-deyə
gəlmişəm...”
Anidən onu qorxu bürüdü.
“Bəlkə maşınla qəza törətmişəm?” - Lenqdon
soruşdu. “Kimisə yaralamışam?”
“Yox, yox”, - həkim dedi. “Məncə, qəza deyil”.
“Onda nə?” - Lenqdon hər iki həkimə diqqətlə
baxaraq israr etdi.
“Başıma gələnləri bilməyə haqqım var!”
downloaded from KitabYurdu.org
25
Uzun sürən sükutdan sonra Dr. Markoni gənc və
yaraşıqlı həmkarına başı ilə razılıq verdi. Dr. Bruks
dərindən nəfəs alıb Lenqdonun çarpayısına yaxınlaşdı.
“Yaxşı, qoyun sizə bildiklərimi danışım... amma sakitcə
qulaq asacaqsınız, razılaşdıq?”
Lenqdon başını tərpətdi və bu baş hərəkəti onun
kəlləsinə kəskin bir sancı ötürdü. Ağnya məhəl
qoymadan həvəslə qulaq
asmağa başladı.
“Hər şeydən əvvəl... Başınızdakı yara qəza
nəticəsində - yaranmayıb”.
“Bu ki yaxşıdır”.
“Heç yaxşı deyil. Başınızdakı güllə yarasıdır”.
Kardioqram sürətlə vurmağa başladı. “Üzr istəyirəm,
- anlamadım?!”
Dr. Bruks sürətlə, lakin səlis danışmağa başladı.
“Güllə kəllənizin yuxarı hissəsini sıyırıb, beyin
silkələnməsinə səbəb olub. Sağ qaldığınız üçün çox
şanslısımz. Bir neçə millimetr aşağıdan keçsəydi...”, - o,
başını yellədi.
Lenqdon təəccüb içində ona baxırdı. Kimsə mənə atəş
açıb?
Dəhlizdən səs gəlirdi - sanki kimsə mübahisə edirdi.
Lenqdonu görməyə gələn kim idisə, gözləmək istəmirdi.
downloaded from KitabYurdu.org
Dostları ilə paylaş: |