Nяsiman Yaqublu
48
Alicənab Azərbaycan xalqı Türkiyə qoşunlarının əvəzsiz xidmətl-
ərini heç vaxt unutmayacaq və onların Azərbaycan qoşunları ilə Bakı-
ya birgə girişi xalqımızın tarixinin ilk səhifələrinə həkk olunacaq.
Əgər 28 Mayı biz müstəqilliyimizin elanının rəsmi günü olaraq qə-
bul ediriksə, onda 15 Sentyabrı Azərbaycan qoşunlarının və Azərbay-
can hökumətinin Bakıya daxil olması günü sayırıq. Çünki məhz bu
gündən müstəqilliyin faktiki qazanılması və dövlətçiliyin əsaslarının
yaradılması başlanılmışdır.
Biz bilirik ki, Bakının alınması günahsız qurbanlarla da müşaiyət
olunub. Biz bunları dərin kədərlə xatırlayırıq, amma müharibənin tə-
biəti və onun nəticələri belə hallarsız ötüşmür.
Tarix həmişə öz hüdudlarını müdafiə edən xalqa münasibət bəslə-
yib.
Və
tarixin
Azərbaycana
köməyə göndərdiyi Osmanlı
imperiyasının mərd oğulları öz qan qardaşlarına yardım etmək üçün
dağ və dərələrdən keçərək, hər cür çətinliyə, aclığa və əzaba dözərək
bolşevik cəbhələri üzərinə şığıdılar.
O vaxtdan bir il keçib. Bu vaxt ərzində Azərbaycan dövlətçiliyi si-
yasi çaxnaşmada, xarici və daxili təhlükələr içərisində yavaş-yavaş cü-
cərib və möhkəmlənib. Və indi fikrən bir il əvvələ qayıdaraq gənc res-
publikanın necə özünü qoruduğunu, özünün siyasi gücünü təsdiq
etdiyini düşünəndə, bir illik müstəqil siyasi həyat dövründə əldə
olunmuş nailiyyətləri analiz edəndə, möhkəmlənən dövlətçiliyi və
gənc respublikanın həyatının bütün sahələrində qurulmuş qayda-
qanunu görürük. Bu zaman aydın olur ki, Azərbaycan dövlətinin və
xalqının zəifləməyən inkişaf tempi gələcək siyasi həyat və dövlətçilik
quruculuğunda indiyədək görünməmiş qabiliyyət vəd edir (6).
“Azərbaycan” (rusca),
15 Sentyabr, 1919-cu il, N197.
Bakыnыn Qurtuluшu
49
E L A N
“Qafqaz İslam Ordusunun komandiri Nuru Paşa hər gün saat
10-dan 12-yə qədər gələnləri qəbul edir. Qəbula gəlmək istəyən
şəxslər adyutanta növbəyə yazılsınlar.”
“Azərbaycan” qəzeti (rusca),
15 Sentyabr, 1919-cu il, N197.
Nяsiman Yaqublu
50
AZƏRBAYCAN ŞAİR VƏ YAZIÇILARININ
TÜRKLƏRİN BAKINI AZAD ETMƏSİNƏ
HƏSR OLUNAN BƏDİİ ƏSƏRLƏRİ
ƏHMƏD CAVAD
GƏLMƏ!
Bu dağlar mənimdi: yeni gün gördü,
Boğar səni ahım, ey duman gəlmə!
İnanma fələyə dönükdür üzü,
Bir üzə gülməyir, hər zaman gəlmə!
Ey yağmursuz bulud, uğursuz gəlmə!
Dəyişməm mən alı o çirkin rəngə.
Sevdası könlümdə bir darğın ölkə,
Baxar yad gözlərə pək yaman, gəlmə!
Könüllər bir dəniz, coşdurma onu,
Coşqun könüllərin fırtına sonu.
Sən ey şimal yeli, gəl etmə bunu,
Yox isə əmrinə uyanlar, gəlmə!
Bakыnыn Qurtuluшu
51
Sən ey gözlərimə batan quruntu,
Sağlam bir imanə səndən nə qorxu!
Bəslərsə vicdanlar pək böyük duyğu,
Yenilməz bir qələ hər heçdən, gəlmə!..(25, s. 139)
11 noyabr, 1919, Bakı.
Qaliblərin təkrar Bakıya gələcəyi xəbəri
çıxdığı vaxt söylənmişdir.
Seçilmiş əsərləri, I cild, Bakı, 1992, səh. 139.
İNGİLİS
Bakıya gəlmişsiz salam verməyə,
Ey Xan sarayını tutan ingilis!
Gedərkən Kəbəyə Hacı karvanı,
Hacı karvanını tutan ingilis!
Damağında Çanaqqala ağısı,
Sənmisən türk ellərinin yağısı?
İslam dünyasını ölüm çalğısı,
Ölüm niyyətilə yaxan ingilis!
Sarıb Hindistanın cansız qolunu,
Gəldin bağlamağa Turan yolunu.
Aldadıb hər yerdə Tanrı qulunu,
İnsanları ucuz satan ingilis!
Bax yenə qarşımda köksümü açdım,
Bakı dağlarına al bayraq sancdım.
Sən meydan oxudun, gəldim, ulaşdım,
Mərd deyil meydandan qaçan, ingilis!
Sən bağla hər yolu, süngüm tez açar,
Üç ayda gələnlər üç gündə qaçar.
Zənn etmə qurşunum havalı uçar,
Türkdür bu qurşunu atan, ingilis.
Nяsiman Yaqublu
52
O xain gözünü dikdiyin ellər,
Mənim nişanlımdır, türkülər söylər...
Göz dikmə taxtıma, bax əlim titrərə,
Düşəcək təxtinə talan, ingilis! (25, s. 150-151)
Bu parça 12 sentyabr 1918-ci ildə əsgərlərimiz tərəfindən Bakı mühasirə
edildiyi vaxt Bakı ətrafında olan Güzdəkdə söylənmişdir.
Seçilmiş əsərləri, I cild, Bakı, 1992.
ŞƏHİDLƏRƏ
(Azərbaycandakı Osmanlı şəhidlərinə)
Qalx, qalx! Sarmaşıqlı məzar altından,
Gəlmiş ziyarətə qızlar, gəlinlər.
Ey karvan keçidi, yollar üstündə,
Hər gələn yolçuya yol soran əsgər!
Sənin qovduqların yabançı xanlar,
Qurtardı ölkəmi tökdüyün qanlar!
Bax nasıl ölməkdə tozlar, dumanlar,
Qərib məzarını mən də bərabər!
Sənin qanındanmı düzlərdə böylə,
Qüdrət bitirmişdir sayılmaz lalə?!
Dost elindən qopdu bir yanıq nalə,
Yoxsa o nalənin ruhumu söylər?!
Keçərkən göylərdən bir qatar durna,
Ağlar buraxdığın gözləri sorma!
Bax doğru çıxmaqda gördüyün röya,
Bəslədiyin əməl bu gün gülümsər.
Çarıqlı qardaşın sadədil köylü,
Gəldi məzarına bir örük urdu.
Toplanıb baş-başa hər üçü-dördü,
Hər gün köylü qızlar dərdini dinlər! (25, s. 154-155)
10 mayıs 1919, Gəncə.
İstiqlalımızın bir illiyi münasibətilə çıxan “İstiqlal” məcmuəsi üçün verildi.
Seçilmiş əsərləri, I cild, Bakı, 1992.
Dostları ilə paylaş: |