turgiyasının banisi M.F.Axundov “Aldanmış kəvakib” (1857) əsəri ilə
Azərbaycan ədəbiyyatı tarixində yeni üslublu realist nəsrimizin yaran-
masında əsas rol oynamış, xüsusilə də ilk dəfə povest janrının əsasını
qoymuş, 1865-ci ildə yazdığı “Kəmalüddövlə məktubları” adlı fəlsəfi-
traktatı ilə bədii nəsrimizin yeni nümunəsini yaratmışdır. Borçalı tor-
pağında dünyaya göz açmış, ümumiyyətlə, Azərbaycan ədəbiyyatının
zənginləşməsinə ölçüyəgəlməz əmək sərf etmiş mütəfəkkir Nəriman
Nərimanovu, ötən əsrdə nəsrimizin gözəl nümunələrini yaratmış Ab-
dulla Şaiqi və Ömər Faiq Nemanzadənin yaradıcılığı Gürcüstan ədəbi
mühitini zənginləşdirən amillərdəndir.
Klassiklərimizin yaratdıqları bu ənənələri sonralar Şərif bəy
Kərimli, Kamil Kirəcli, Rza Şahvələd, Ənvər Yusifoğlu, Murtuz Mu-
radov və başqaları uğurla davam etdirmişlər.
XX əsrin ikinci yarısında Gürcüstanda yaranmış Azərbaycan
nəsrini araşdırarkən yaradıcılığının ilk nübarını məhz Borçalıda yara-
dan, borçalılara ərməğan edən, sonralar Azərbaycanda yaşayan Tahir
Hüseynovu, Vəli Əliyevi, Həmid Vəliyevi, Nəriman Əbdülrəhmanlını,
Eyvaz Əlləzoğlunu, Seyfəddin Ziyalını və b. xüsusilə qeyd etmək
istərdik. Çünki Borçalı nəsrinin inkişafında, zənginləşməsində onların
da xidmətləri olmuşdur. 1980-ci ildə Ə.İsmayıllının tərtibində nəşr
olunan “Çeşmə” ədəbi məcmuəsində Vəli Əliyevin “İkinci görüş”, Əli
Abbasın “Dostluq haradan başlanır?”, Həmid Vəliyevin “Əhməd ma-
şını satdı” hekayələri çap edilmişdir (1).
“Dan ulduzu” məcmuəsinin 1987, 1989, 1990-cı illərdəki bura-
xılışlarında Ə.İsmayıllının “Yeni ünvan”, Ə.Abbasın “Ömrün keçən
günləri”, H.Bayramlının “Qoca çobanın etirafı”, “Qan”, N.Əbdülrəh-
manlının “Bayrama üç gün qalırdı”, H.İlyasovun “Bu heç, bu dü-
zəldi”, “Bağışlayın, saatınız neçədir?”, E.Əlləzoğlunun “Köhnə bağ”,
“Meydandan kənarda”, “Qisas”, S.Ziyalının “Sönmüş ocağın közü”,
“Tut bağında”, T.Qurbanovun “Avtobus”, Y.Vəliyevin “Kim haqlı-
dır”, İ.Hacıoğlunun “Ana arzusu”, E.Elsevərin “Buğda çörəyi”,
B.Oruclunun “Dilbilənlər” və s. hekayələrinin oxucular tərəfindən
rəğbətlə qarşılanması elə həmin illərdə artıq Borçalı nəsrinin forma-
laşmasından xəbər verirdi (2).
Eləcə də “Ədəbi Gürcüstan” məcmuəsinin 2007 və 2012-cı il-
lərdəki buraxılışlarında, həmçinin başqa ədəbi məcmuə və dərgilərdə
çap olunan, oxucu auditoriyası tərəfindən rəğbətlə qarşılanan bu və ya
digər hekayə, povest və romanları problemin öyrənilməsi üçün qar-
şımızda geniş imkan açır (3).
İkinci Dünya müharibəsindən sonra, Gürcüstanda yaşayıb-yara-
dan, Azərbaycan nəsrinin, bütövlükdə isə Azərbaycan ədəbiyyatının
Borçalı qolunu zənginləşdirən, inkişaf etdirən nasirlərin həyat və ya-
radıcılığına diqqət yetirdikdə, onlar arasında nəsil dəyişməsinin uğurla
davam etdiyi aydın görünür. Və biz bu nəsil dəyişməsini şərti olaraq
üç mərhələyə, yaxud Borçalı nasirlərini üç qrupa bölməyi lazım bil-
mişik:
1. Yaradıcılığa 50-ci illərdə və daha əvvəl başlamış nasirlər.
2. Yaradıcılığa 60-80-ci illərdə başlamış nasirlər.
3. Yaradıcılığa 90-cı illərdə və daha sonralar başlamış nasirlər.
Yaradıcılığa 50-ci illərdə və daha əvvəl başlamış nasirlər.
XX əsrin ikinci yarısında, daha dəqiq desək, İkinci Dünya müharibə-
sindən sonrakı dövr ədəbiyyatımızın Borçalı qolunun yaranmasında,
ilk növbədə, Murtuz Muradovun, Vəli Əliyevin, Tahir Hüseynovun,
Hidayət Bayramovun, Əli Abbasın, Əzim İsmayıllının və başqalarının
əməyini xüsusilə qiymətləndirmək lazımdır (4).
Murtuz Muradovun “Kamal” pyesi hələ 1944-cü ildə M.F.Axun-
dov adına Tiflis Azərbaycan Dram Teatrında səhnəyə qoyulmuş, bir
çox hekayə, povest və pyesləri müxtəlif mətbuat orqanlarında çap
olunmuşdur. Onun “Əli kişinin bazar səfəri” (“Sovet Gürcüstanı”, 1
noyabr, 1960), “İtirilmiş səadət” (“Sovet Gürcüstanı”, 25 fevral, 1961)
və s. hekayələri çox maraqlıdır (5).
Yazıçı Hidayət Bayramovun “Vətəndaş rəis” adlı ilk kitabı
1967-ci ildə Bakıda çap olunmuş və Borçalı torpağının ilk qaranquşu
kimi çox sevinclə, hərarətlə qarşılanmışdır (6). Kitaba “savaş anım-
larını ədəbiyyata gətirən” qocaman nasirin altı böyük həcmli hekayəsi
salınmışdır. Bu hekayələrin beşində – “Döyüş yollarında”, “İntizar”,
“Naməlum adam”, “Vətəndaş rəis” və “İnsan dirilir” hekayələrində
müharibə həyatından söhbət açılır, gənclərimizin, ata-babalarımızın o
çətin illərdə göstərdiyi şücaətdən, dözümdən, yenilməz iradədən, cəsa-
rətdən bəhs edilir və ismətli, vəfalı, etibarlı, qoçaq, gözəl qızlarımızın
həyatı təsvir olunur.
Yazıçının 1986-cı ildə Bakıda “Yazıçı” nəşriyyatı tərəfindən
çapdan buraxılmış “Od içində düşüncələr” kitabının mövzusu isə vətə-
nimizin keçmişi, ötən müharibə illəri, bu günün vacib məsələ və ha-
disələrindəndir. Kitabın əsas qayəsini Vətənə, xalqa, torpağa sədaqət,
beynəlmiləlçilik ruhu, xalqlar arasındakı dostluq və məhəbbət hissi
təşkil edir. Bu kiçik hekayələr oxucuda vətənpərvərlik hisslərini daha
da gücləndirir (7). O qanlı-qadalı illərdən 70 ildən artıq vaxt keçmə-
sinə baxmayaraq, bu hekayələri oxuyarkən, qaysaq bağlamış yaraları-
mızın qaysağı qan verir, ürəyimizdən insanı sarsıdan bir göynərti, bir
sızıltı keçir. Çünki Böyük Vətən müharibəsinin ağrı-acısını ömrü boyu
çoxları yaşayıb.
Vəli Əliyevin “Dostlar” (Bakı, “Uşaqgəncnəşr”, 1968) və “İkin-
ci görüş” (Bakı, “Yazıçı”, 1986) adlı kitablarında ideya və məzmunca
bir-birini tamamlayan hekayələr verilmişdir. Həmin əsərlərdə qədim
Borçalının inqilabdan əvvəlki və inqilab ərəfəsindəki həyat tərzi, yox-
sul kəndli sinfinin oyanması, keçmiş ağalara və bəylərə qarşı kənd-
lilərin azadlıq savaşına başlaması öz bədii əskini tapmışdır. Hekayə-
lərdə qədim Borçalının axarlı-baxarlı mənzərələri, barlı-bərəkətli zə-
miləri… Yovşanlı dərə, Qalayurdu, Aranlı, Daştəpə, Qaçağan, Qəribli,
Cökəli, Sərinli və s. yerlər təsvir olunmuşdur (8).
“Getsin o günlər” hekayəsində baba və nəvə münasibətləri ma-
raqlı bir epizodla verilir. İki həyat tərzini görmüş baba keçmiş dərdli-
qəmli günləri xatırlayanda “ürəyindən qara qanlar keçir”, nəvəsinin
“xoşbəxt gündə yaşamasından” sevinir, özünü də onun kimi yeni hə-
yatda xoşbəxt və bəxtəvər sanır. Əsərdə baba tipikləşmiş bir ağsaqqal,
öyüdverici, incə qəlbli, mehriban və həlim xasiyyətli bir insan kimi
təqdim olunur… Bu hekayənin əsas xüsusiyyətlərindən biri də odur ki,
müəllif Borçalıda kəndli kütləsinin oyanmasını, öz “ağasına” söz qay-
tarmasını, daha onlarla hesablaşmadığını, o cümlədən, Səfərin Sadiq
bəyə söz qaytarmasını, onun ot tayasına od vurub qaçmasını kəndli
inqilabının ilk ünsürü kimi oxucuya çatdırır.
“İkinci görüş” hekayəsində ağaların və bəylərin haqsızlığı, əda-
lətsizliyi, kəndliləri həddən artıq istismar etməsi və onlara qarşı Bor-
çalı kəndlilərinin səbr kasasının daşması, etiraz səslərini ucaltması,
bəzən də açıq mübarizəyə keçməsi, o cümlədən Yolçu bəyi döymələri,
Namaz bəyin evini dağıtmaları, mal-qaralarını öz aralarında bölüş-
dürmələri kəndlilərin öz hüquqlarını artıq başa düşməsinə bir işarə idi.
Bu işarələr isə hekayədə çox incəliklə təsvir olunmuşdur. Hekayədə
Səlim kişi ilə Aslanın görüşməsi, bəylərə qarşı etiraz söhbətləri, namə-
lum adamın onları bolşevik kimi qələmə verib polis idarəsinə xəbər
çatdırması, rəis müavini Mürsəl bəyin Səlim kişini və Aslanı hədə-
qorxu ilə sınaqdan çıxarması və nəhayət, onlara bağlama verib Mah-
mud bəyə göndərməsi, hər ikisinin Şulaverdə keçiriləcək yığıncağa
gəlməsini tapşırması kəndlilərin gözünü açır, onlar Şulaverə gəlir.
Borçalı təşkilatının gördüyü işlər barədə Tiflisdən gələn adamın məlu-
matını dinləyirlər. Bu adam isə Mürsəl bəy idi. Bu, əslində püxtələş-
miş mübariz inqilabçı Mürsəl bəylə hərəkata yenicə qoşulan kəndlilə-
rin ikinci görüşü idi, yəni artıq inqilabın yaxınlaşması demək idi.
Yazıçının “İlk qurban” hekayəsində xalqın inqilabi şüurunun in-
Dostları ilə paylaş: |