kişafı, Sarvan əhalisinin Mehdi ağanın qulluğundan boyun qaçırması,
onu hökumət adamı yanında biabır etməsi, ona qarşı açıqcasına –
“Bəsdir, bizi haqsız-muzdsuz işlətdiyin”, “Biz də insanıq, ac qarına
adam işləməz”, “Qanımızı içdin yetər” deməsi, camaatın öz hüququnu
tələb etməsi və s. təsvir olunur. “Təhlükəli gecə” hekayəsi də öz
müasirliyi, məzmunu və ideyası etibarilə oxucu kütləsinin qəlbində
özünə xüsusi yer tutur. Kitabdakı “Mollanın kitabı”, “Bu da bir adət-
dir” satirik hekayələri də oxucuda xoş təəssürat yaradır (9).
10 kitab müəllifi Yusif Yusifli hələ 1965-70-ci illərdə qələmə
aldığı “Xoşbəxt ömrün qara günləri”, “Cuhud İsmayılın nisyələri”,
“Dilim-dilim olasan, ay dilim!”, “Çuğul Əhməd”, “Kəndə aqronom
gəlib”, “Cinli təpənin cindarı”, “Yelqovan”, “Oğrunun havadarları”,
“Hərəmqulunun yeddinci sərgüzəşti” və s. hekayələri əsasən satirik
ruhda yazılıbdır. Hekayələrin əsas ana xəttini ağaların, bəylərin, son-
ralar isə kolxoz quruculuğunun, qəddar, şimir kolxoz sədrlərinin ka-
sıb, yoxsul
kəndlilərə etdikləri zülmlər, onların başına
gətirdikləri dəh-
şətlər, aclıq, yoxsulluqla yanaşı uşaqların kütləvi surətdə xəstəliyə dü-
çar olması, həkimin, dəva-dərmanın olmaması, hökumətin körpələrə
diqqət və qayğı göstərməməsi, cindar mollaların fırıldaqları satira atə-
şinə tutulur, haqq, ədalət, düzlük realist şəkildə müdafiə edilir. Yazıçı
hekayələrində yolunu azanları, puldan, var-dövlətdən ötrü nahaq qan-
lar tökənləri Allahın qəzəbindən qorxmağa çağırır. “Hərəmqulunun
yeddinci sərgüzəşti” hekayəsində qadın hüquqsuzluğunun pozulması,
çoxarvadlılıq və s. ifşa edilir.
Onu da qeyd edək ki, Y.Yusifli hekayələrdə olduğu kimi, pub-
lisist əsərlərində də həmişə haqsızlığa, ədalətsizliyə qarşı barışmaz
mövqedə durmuş, mənfi tipləri cəsarətlə tənqid etmişdir. Yazıçı “Abi-
də önündə düşüncələr”
adlı əsərində yazır ki, Böyük Vətən müharibə-
sinə Qaş Muğanlıdan gedən 105 nəfərdən 41 nəfəri qəhrəmancasına
həlak oldu. Müharibədən qayıtmayan 41 nəfər gəncə kənddəki parkda
abidə qoyulur. Yazıçı Abidəni ziyarətə gedir. Əlində gül dəstəsi ağır
düşüncələrə dalır, elə bil ki, o da daşlaşmışdı: “Sehrli bir qüvvə çəkə-
çəkə 41 nəfər igidin adı həkk olmuş lövhənin önündə dayandırdı məni.
Əlimdə tər çiçəklər lal və dinməz dayanmışam. Kilidləşmiş dodaqla-
rım açılmaq bilmir, ürək ağrısı və könül sızıltısı ilə lövhədəki adları
oxuyuram!. Qəlbimin dərinliklərindən bir sızıltı, bir göynərti baş qal-
dırır, bütün varlığım sarsılır. Həyatdan nakam getmiş, muradları göz-
lərində qalmış el oğullarımız müharibəyə gedərkən nişan üçün alınmış
üzüyü sevgilisinin barmağına taxmağa belə imkan tapa bilməmişdi.
Elə gənclərimiz müharibədən qayıtmadı ki,
heç olmasa son dəfə nişan-
lısını bağrına sıxıb vidalaşa bilməmişdi!..
Həyat xoşbəxtliyinin ən yüksək zirvəsi hesab etdiyimiz toy şən-
liyi, qara zurnanın səsi, qızların xına oynatması
birdən-birə kəsildi, toy
mərasimi yarımçıq qaldı. Elə bil yerlə-göy birləşdi, şimşək oynadı,
ildırım çaxdı, gurşad qopdu, nitqlər tutuldu, dillər qıfıllandı. Haradan-
sa tükürpəşdirici dəhşətli bir səs, bir inilti, bir fəryad eşidildi: – Müha-
ribə!!! (10)
Y.Yusiflinin iki hissədən ibarət “Dahilər ölmür” sənədli poves-
tində, eləcə də “Qaş Muğanlı”, “Pəhləvanlar yurdu Muğanlım mə-
nim”, “Dünənə baxıram sabahı görmək üçün”, “Oğuz yurdu qılınc
üzlü Borçalım, Tavar sazlı, müdrik sözlü Borçalım!”, “Dünəndən bu
günə açılan pəncərə” və s. nəsr əsərlərində xalqımızın dahi oğlu
Maestro Niyazi, Borçalının yaradıcı aşıqlarından aşıq Əmrah, aşıq
Sadıq, Borçalı əsilli alimlərindən Əlyar Qarabağlı, Əhəd Hüseynov,
Ayvaz Həsənov, Xalid Əlizadə, nakam şair İsa Sadıq, Aysəba Əli-
zadə, Borçalıda maarifçilik sahəsində böyük xidmətləri olmuş Şəmsi
Əlizadə, Daryal (Daryal türk sözüdür, mənası Daryol deməkdir)
dərəsindən Avropanın azad edilməsinə qədər vuruşan, qəhrəmanca-
sına həlak olan, yüksək rütbəli zabit Əjdər Hacıyev, Vətən Müharibəsi
qəhrəmanı Əmrah Aslanov və s. haqqındakı xatirə səciyyəli nəsr əsər-
lərini yaratmışdır.
Yaradıcılığa 60-80-ci illərdə başlayan nasirlər. Borçalıda
yaşayıb-yaradan yazıçılar arasında orta yaşlı, daha doğrusu, 60-80-ci
illərdə ədəbiyyata gələn nasirlərin yaradıcılığında vətən torpağı,
qurub-yaradan əməkçilərinin obrazları, beynəlmiləlçilik ideyaları ön
plana çəkilir, gənc nəsil üçün bir örnəyə çevrilir. Onlar arasında
B.Oruclu, H.İlyas, M.Vəliyev, E.Əlləzoğlu, İ.Məmmədli, N.Əbdül-
rəhmanlı, İ.İlyasoğlu və başqalarının adlarını xüsusilə qeyd etmək
olar.
B.Oruclunun “Dilbilənlər” adlı ilk mətbu hekayəsi 1987-ci ildə,
“Borçalı dünyası” adlı ilk povestlər və hekayələr kitabı isə 1994-cü il-
də Marneulidə çap olunmuşdur. Həmin kitaba daxil edilmiş “Sıxış-
dırma”, “Borçalı dünyası”, “Məhəbbətsiz dünya” povestləri, “Əsalı
adam”, “İnam” hekayələri, eləcə də “Boşanma” və “Acıqlı adamlar”
satirik hekayələri müəllifin istedadlı qələmindən soraq verir. Bu əsər-
lərdə Borçalının dünənindən, bu günündən söhbət açılır. Müqəddəs
torpaqlarımızın gözəlliyi, bu mahalda yaşayanların, xüsusilə gənclərin
qurub-yaratmaq əzmi, təmiz sevgi, fəal həyat mövqeyi, halal zəhmət,
doğma yurda bağlılıq, adət-ənənələrimiz, narahat dünyamızın qayğı-
ları, sabahımıza inam, yeni nəslin düşüncə və istəkləri, arzu və məq-