AZƏRBAYCAN MİLLİ ELMLƏR AKADEMİYASI
NİZAMİ adına ƏDƏBİYYAT İNSTİTUTUNUN ELMİ ƏSƏRLƏRİ
“ƏDƏBİYYAT MƏCMUƏSİ”, 2015, № 1
Mətbuat tarixi
Qərənfil QULİYEVA
Bakı
Dövlət Universiteti
frauhadschieva@gmail.com
MƏTBUATŞÜNASLIQ TARİXİMİZDƏN (1920-ci illər)
(M.B.Məhəmmədzadənin tədqiqatları əsasında)
Açar sözlər:
ədəbi proses, ideologiya, cəmiyyət, siyasi mühit, ictimai
problem
Key words:
literatry process, ideology, society, political environment, social
problem
Ключевые слова:
литературный процесс, идеология, общество, поли-
тическая среда, социальная
проблема
Yaşı bir əsrdən çox olan Azərbaycan mətbuat tarixinə, onun ya-
ranmasına, keçdiyi çətin, şərəfli, ziddiyyətli inkişaf yollarına, ictimai-
siyasi həyatdakı mövqeyinə dair ötən əsrin əvvəllərindən indiyədək
xeyli əsərlər nəşr edilib. Hələ 20-ci yüzilliyin əvvəllərində klassiklə-
rimizdən H.Zərdabi, F.Köçərli, C.Hacıbəyli, M.Ə.Rəsulzadə, Ə.Abid,
M.B.Məhəmmədzadə və başqaları bu mövzuda maraqlı və dəyərli
tədqiqatlar apararaq mətbuat tariximizin tədqiqi baxımından faydalı
fəaliyyət göstərmişlər.
Belə maraqlı və dəyərli mənbələrdən biri
də Mirzə Bala Məhəm-
mədzadənin “Azərbaycan türk mətbuatı” əsəridir. Azərbaycan milli
istiqlal məfkurəsinin düşüncə və mücadilə adamı, böyük vətənpərvər,
millətsevər M.B.Məhəmmədzadə həm də ictimai-siyasi xadim, iste-
dadlı publisist, ədəbiyyatşünas və mətbuatşünas alim idi.
Onun 20-ci yüzilliyin əvvəllərində yazdığı, milli mətbuat tarixi-
mizə dair “İki inqilab arasında” və “Azərbaycan türk mətbuatı” əsər-
ləri bu gün milli mətbuatşünaslığımıza verilən ən qiymətli töhfələrdən
biridir – desək, məncə, heç də yanılmarıq. “İki inqilab arasında” 1918-
ci ildə Tiflisdə, “Azərbaycan türk mətbuatı” isə 1922-ci ildə Bakıda
işıq üzü görüb.
Mətbuatşünas və ədəbiyyatşünas alim
filologiya elmləri doktoru,
prof. Alxan Bayramoğlu müəllifin “İki inqilab arasında” əsəri haq-
qında yazır: “Bu kitab Mirzəbalanın bir növ “Azərbaycan türk mət-
buatı” əsərinə hazırlıq hesab edilə bilər” (1, 5). Bəzi tədqiqatçılarımız
isə bu əsəri “mətbuat, maarif, ədəbiyyat, teatr, mədəni işlərimizin
irəliləməsinə dair tarixçə” (2, 49) adlandırır.
“İki inqilab arasında” əsərində müəllif “Mətbuatımız”, “Maarif
işləri”, “Ədəbiyyatımız”, “Teatromuz”, “Ruhanilər və qadın məsə-
ləsi”, “Xülasə” yarımbaşlığı ilə verdiyi məlumatlarda 1906-cı ildən
1918-ci ilə kimi olan dövr ərzində ölkəmizdə ədəbiyyatın, maarifin,
teatrın inkişafında mətbuatın mühüm rol oynadığı bildirilir. Müəllif bu
haqda əsərin “Müqəddimə” hissəsində yazırdı: “Azərbaycan türklə-
rinin ən böyük işləri və irəliləmələri birinci inqilabdan sonra 1906-cı
sənə ilə 1918-ci ilin arasında vaqe olub” (1, 15). Bu işdə “Molla
Nəsrəddin” jurnalına və onun yazarlarına yüksək qiymət verən müəllif
yazırdı: “Molla Nəsrəddin” bütün xalqımızda olan nöqsanlarımızı açıb
üzümüzə çırparkən, əskilərin və yenilərin mübarizələrini təsvir edər-
kən öylə asan və açıq bir yol göstərirdi ki, xalq bu tənələrin zərbəsi
altında gülə-gülə kəndi səhvlərini islah edərək irəliləyirdi” (1, 50).
M.B.Məhəmmədzadə bir tədqiqatçı kimi, milli özünüdərk prose-
sinin düzgün istiqamətləndirilərək milli mənlik şüurunun formalaşma-
sında milli mətbuatımızın oynadığı böyük rolu “İki inqilab arasında”
əsərindən sonra qələmə aldığı “Azərbaycan türk mətbuatı” əsərində
geniş şəkildə işıqlandırır. Tədqiqatçı alim bu əsərində 1875-ci ildən
1921-ci ilə qədər fəaliyyətdə olan mətbuatımızdan, onun milli-mədəni
həyatımızdakı rolundan bəhs edərək yazırdı: “Azərbaycan türklərinin
ictimai-mədəni intibaha tərəqqi etməsində ən qüvvətli amillərdən bi-
rini mətbuat təşkil etmişdir” (1, 7). Odur ki, milli mətbuatımızın
banisi
olan H.Zərdabini Azərbaycan ziyalılarının “müəllimi, mənəvi atası”
adlandıraraq: “Bizdə yeni mədəni diriliyə ayaq basılan gün birinci qə-
zetənin çıxdığı gündən ibarət sayılmalıdır” (1, 7) – deyən M.B.Mə-
həmmədzadə çox haqlı idi.
Ölkədəki bütün mədəni yenilikləri mətbuatın inkişafı ilə əlaqə-
ləndirən M.B.Məhəmmədzadə yazırdı: “Mədəni yarışda biz qonşu
millətlər içində nə qədər müvəffəqiyyət əldə edə bildiyimizi bizə mət-
buatımızın tarixi göstərə biləcəkdir” (1, 25). Baxmayaraq ki, biz bu
fəxredici günə nail olmaq üçün uzun illər çar hökumətinin çox aman-
sızlıqları ilə rastlaşmışıq.
Senzuranın Azərbaycan ictimai-siyasi və ədəbi fikrinin, ümu-