|
![](/i/favi32.png) Of azerbaijan high technical educational institutionsPAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONSPAHTEI-27.04.2023PAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONS
VOLUME 27 ISSUE 04 2023
E-ISSN: 2674-5224
Sənaye Parkının yaradılmasına başlanılmışdır. Bu istiqamətdə siyasətin genişləndirilməsi və
bölgənin digər ərazilərində də sənaye parklarının, sənaye məhəllələrinin və xüsusi sənaye
zonalarının yaradılması işinin təşkili məqsədəuyğundur. Bu işlərin sürətləndirilməsi və dövlət-
biznes əməkdaşlığı şəraitində daha səmərəli təşkili üçün ərazidə olan şəhər və rayonların baş
planlarının hazırlandığı indiki mərhələdə bütün şəhər və qəsəbələrin ərazilərində sənaye təyinatlı
torpaqların müəyyən edilməsi zəruridir. Müəyyən edilmiş sənaye təyinatlı torpaqların ərazisində
istehsal müəssisələrinin yaradılması üçün zəruri olan bütün xarici infrastrukturun qurulması da
dövlət tərəfindən həyata keçirilir. Bu halda iş adamları və investorlar sənaye müəssisələrinin
tikintisi üçün torpaq sahəsi tapmaq, onun xarici infrastrukturunu qurmaq, ekoloji və digər
təhlükəsizlik işləri görmək kimi əlavə xərclərdən azad olur, vəsaitlərini bilavasitə istehsal
müəssisələrinin qurulmasına yönəldə bilərlər. (http://www.anl.az/down/meqale/xalqqazeti
/2020/dekabr/729567(meqale))
Qarabağda sənayenin inkişaf perspektivlərindən danışarkən texnoloji inkişaf (modern və
perspektiv texnologiyaların cəlb edilməsi baxımından) və insan resurslarının keyfiyyəti (biznes-
sistemlərin qurulması və menecerlik bacarıqları, spesifik bilik və bacarıqlara malik
mütəxəssislərin mövcudluğu baxımından) kimi amilləri diqqətdə saxlamaq xüsusilə vacibdir.
Qiymətləndirməmiz sənayenin inkişafı perspektivləri baxımından bölgənin nisbətən zəif
tərəflərinin hazırda məhz bu amillərlə bağlı olduğunu göstərir. Çünki bölgənin hazırda malik
olduğu sənaye inkişaf amilləri ərazidə əsasən aşağı texnoloji istehsalların yaradılmasına imkan
verir. Qarabağ ərazisində sənayenin inkişaf perspektivlərini isə daha çox orta və yüksək texnoloji
istehsalların qurulmasına yönəldilməsi məqsədəuyğundur. Bu ərazidə sənayenin inkişafı müasir
elmi-texniki nailiyyətlərə və yüksək texnologiyalara əsaslanmalı, IV Sənaye inqilabının çağırışları
nəzərə alınmaqla həyata keçirilməlidir. Bunun üçün texnologiya şəhərlərinin - texnopolislərin
yaradılması təcrübəsindən faydalanmaqla, bölgədə universitet-elm-sənaye əməkdaşlığı əsasında
Qarabağ Texnologiya Vadisinin yaradılması çox əhəmiyyətli bir layihə ola bilər. Burada yüksək
texnologiyaların tədrisinə əsaslanan universitet, kollec və peşə təhsilinin bilavasitə istehsal
təcrübəsi ilə əlaqələndirilməsi, habelə yeniliklərin bilavasitə istehsala tətbiqi təmin edilə bilər.
Əsasən ixracyönümlü məhsul və xidmətlərin istehsalım hədəfləyən belə bir texnologiya vadisi
bütün dünyada ölkəmizin yeni tanıtım obrazı ola bilər.
Belə bir layihənin reallaşdırılması prosesə texnologiya bölgələrinin layihələndirilməsi və
qurulması üzrə təcrübəli mütəxəssislərin cəlb edilməsi, burada yaradılacaq təhsil müəssisələrinə
dünyanın tanınmış universitetlərindən kadrların dəvət edilməsi, məhz sənaye istehsalı sahəsində
təcrübəyə malik xarici iş adamlarının, investorların və mütəxəssislərin cəlb edilməsi, burada iş
adamları və investorlar üçün xüsusi əlverişli şərtlərin yaradılması, habelə ərazinin idarə edilməsi
üçün zəruri institutsional mühitin qurulması əsasında mümkün ola bilər.
Nəticə
Təhlildən göründüyü kimi, işğaldan azad edilmiş ərazilərin sənaye potensialının inkişafının güclü
tərəfləri daha çoxdur. Beləliklə, əminliklə demək olar ki, regionda sənayenin canlanması və
inkişafı üçün bütün imkanlar vardır.
Cədvəl 3-də işğaldan azad edilmiş torpaqların sənaye potensialının SWOT təhlili verilmişdir.
Dostları ilə paylaş: |
|
|