Ограждения дорожные. Методы

4 Sinovlar usullariga qo‘yiladigan umumiy talablar
4.1 To‘siq konstruksiyalari stendli va natural sharoitlardagi sinovlardan o‘tkaziladi.
4.2 Solishtirma sinovlarni o‘tkazish va zarurat bo‘lganida to‘siqlarning ushlab qolish qobiliyati va boshqa xususiyatlariga, ularning konstruksiyalariga kiritilgan o‘zgarishlar va/yoki ularni montaj qilish sharoitlarining o‘zgarishlari taʼsir qilishini aniqlash maqsadida, shu jumladan natural sharoitlarda qo‘shimcha sinovlarni o‘tkazish zaruratini baholash uchun to‘siqlarning quyidagi alohida elementlari stend sinovlaridan o‘tkaziladi:
- yuklama statik va zarba ko‘rinishida berilganida baryerli to‘siqlarning ustunlari;
- yuklama statik va (yoki) zarba ko‘rinishida berilganida parapetli to‘siqlarning bloklari;
- yuklama zarba ko‘rinishida berilganida baryerli to‘siqlarning fragmentlari.
Ustunlarning stend sinovlari ularning asosga mustahkam mahkamlanganini baholash, plastik xususiyatlarini (eguvchi moment yoki kuch) hamda yuklama zarba ko‘rinishida berilganida ustunlarning chegaraviy energiya sig‘imi ko‘rsatkichlarini aniqlash maqsadida o‘tkaziladi.
Parapetli to‘siqlar to‘sinlarining stend sinovlari ularning o‘zaro va asosga mustahkam va ishonchli mahkamlanganini tekshirish maqsadida o‘tkaziladi.
4.3 Natural sharoitlardagi sinovlar yordamida to‘siq konstruksiyasining xavfsizlik talablariga muvofiqligi tekshiriladi (yengil va yuk avtomobillari yoki avtobusning to‘siqqa urilishlari yordamida) va uning ushlab qolish qobiliyatining chegaraviy qiymati aniqlanadi.
Natural sharoitlardagi sinovlar 1 Jadvalga muvofiq o‘nta rejimdan biri bo‘yicha o‘tkaziladi, ushlab qolish qobiliyatining tasdiqlanadigan darajasiga qarab, sinov jarayonida ushbu jadval bo‘yicha to‘siqlarga ularning o‘qiga nisbatan 20° burchak ostida urili? berish uchun qo‘llanadigan transport vositalarining tipi? nominal massasi va tezligi qabul qilinadi.
1 Jadval
To‘siqlarni sinovdan o‘tkazish rejimlari