addım olduğunu, şəhərə suyun Səlmas ətrafındakı dağlardan axıb gəldiyini
yazmışdır
326
. Müəllif həmçinin xoyluların ağ bənizli və zahirən gözəl insanlar olduğunu
bildirmiş, Xoyun türklərin diyarı kimi tanındığını qeyd etmişdir
327
.
Yaqut əl-Həməvi Azərbaycanın böyük olmayan Xunə şəhir haqqında məlumat
verərkən Marağa ilə Zəncan arasında, Zəncandan iki günlük məsafədə yerləşən bu
şəhərin adını ‚Xunəc‛ kimi yazsa da ‚Xunə‛ kimi yazılmasının daha doğru olacağını
da qeyd etmişdi
328
. Müəllif bu şəhərin həmçinin ‚kağız istehsalçıları‛ mənasını ifadə
edən Kağezkonan da adlandığını bildirmiş, əhalinin öz şəhərinin Xunə
adlandırılmasından xoşlanmadıqlarını yazmışdı
329
. Həmidullah Qəzvini Xunə ilə
Ərdəbil arasında 7 fərsəx (39,79 km) məsafə olduğunu qeyd etmişdi
330
. Yuxarıda Xunə
adını necə Xunəc formasına düşdüyünü açıqlamışdıq. Xunə, yəni qədim azəricədə ev
mənasını ifadə edən bu şəhərin adına nisbə tərtib edilərkən ‚Xunəgi‛, ərəbcə yazılışı ilə
‚Xunəci‛ formasını almışdır.
Əcaibü’d-Dünya müəllifi Sürmari haqqında məlumat verərkən deyir: ‚Sürmari
Ərməniyyə ilə sərhəddə, Araz çayı kənarındakı qayanın üzərində yerləşən qaladır. O
vilayətdə ondan daha müstəhkəm yer yoxdur. Şəhərdə evlər, binalar, bazarlar
mövcuddur. Bu şəhərdə türklər yaşayır. Bol və bərəkətli şəhərdir. Əhalisi cəsur və din
uğrunda vuruşan müsəlmanlardır. Şəhərin ətrafındakı yerlər də türklərin əlindədir‛
331
.
Mənbələrdə ‚əs-Sürmari‛ nisbəli alimlərə rast gəlsək də burada bioqrafiyaları haqqında
məlumat vermədik. Çünki İbnü’l-Əsir öz əsərində Sürmari adlı digər bir yaşayış
məntəqəsinin Buxara yaxınlığında olduğunu qeyd etmiş və ‚əs-Sürmari‛ nisbəsini
daşıyan şəxslərin oralı olduğunu bildirmişdi
332
. Yaqut əl-Həməvi müasiri olan İbnü’l-
Əsirdən fərqli olaraq hər iki Sürmari haqqında məlumat vermiş, bunlardan birinin
Tiflislə Əxlat arasında qala, digərinin isə Buxara yaxınlığında kənd olduğunu qeyd
etmişdir
333
. Mənbə müəllifləri isə bioqrafiyalarını yazdıqları ‚əs-Sürmari‛ nisbəli
326
Nüzhətü'l-Qülub, s. 86-87.
327
Yenə orada.
328
Mu’cəmü’l-Büldan, C. III, s. 181.
329
Mu’cəmü’l-Büldan, C. III, s. 180.
330
Nüzhətü’l-Qülub, s. 83.
331
ANOMİM, Əcaibü’d-Dünya, s. 212.
332
İBNü’l-ƏSİR, Lübab, C. II, s. 114.
333
Mu’cəmü’l-Büldan, C. IV, s. 79.
alimlərin hansı Sürmaridən, Azərbaycan yoxsa Türküstan Sürmarisindən olduqların
qeyd etmədikləri üçün biz də bunda tərəddüd etdik.
Orta əsr müəllifləri Zəncanın Azərbaycan şəhəri olduğunu qeyd edərək ölkənin
cənubunun bu vilayətlə sona çatdığını bildirmişdirlər. Cəmaləddin əl-Himyəri öz
əsərində yazır ‚Zəncan Azərbaycanın bəldələrindən (rayonlarından) biridir‛
334
. Əbü’l-
Fida öz əsərində Azərbaycanın cənub sərhədlərini qeyd edərkən xəttin Zəncandan
Dinəvər, Hulvan, Şəhrəzur, Dəclə sahilinə oradan da Ərməniyyəyə uzandığını yazır
335
.
Yuxarıda adlarını sadaladığımız Azərbaycan şəhərləri irəlidə haqqında bioqrafik
məlumat verəcəyimiz alimlərin yaşadıqları, yetişdiləri və ya əslən mənsub olduqları
şəhərlərdir. Lakin mənbələrdə burada haqqında məlumat verdiklərimizdən başqa
onlarla irili-xırdalı orta əsr Azərbaycan şəhərlərinin adlarına rast gəlmək olar. Bulardan
Şəki, Qəbələ, Şəmkir (Mütəvəkilliyyə), Ucan, Dehxərriqan, Cabrəvan, Bacərvan, Bəlhəb,
Bəzz, Bəsva, Nəriz, Orduabad, Firuzabad, Gəzəc, Novdiz, Dəşti, Şiz (Təxti-Süleyman),
Bərzə, Gərgər, İzz, Saysavan, Sincan, Xunalıq (Xınalıq), Xutta, Əndərab, Naftan,
Kərnənin adlarını çəkmək olar
336
.
334
HİMYƏRİ, Nisbə ilə’l-Məvazi’, C. I, s. 368.
[
ٕاعٗىُا
....
ٕاع٤تنلأ ْ٤ِهئ ٖٓ كِت
]
335
İmadəddin ƏBÜ’L-FİDA İsmayıl ibn Əli, Təqvimü’l-Büldan, (Nşr. M. Reinaud-De Slane McG.), s. 387, Paris 1840.
336
Bu şəhər, qəsəbə və qalalar haqqında bax: VƏLİXANLI, həmin əsər, s. 85-115.
ORTA ƏSRLƏRDƏ YAŞAMIŞ AZƏRBAYCANLI ALİMLƏR
Qazi Burhanəddin Əbu Nəsr ibn Məs’ud Anəvi
Qazi Burhanəddin Əbu Nəsr 1143-cü ildə Azərbaycanın şimal-qərbindəki Ani
şəhərində dünyaya gəlmişdi. Həmin dövrdə Ani Şəddadi əmirliyinin hakimiyyəti
altında idi. Burhanəddin Anəvinin babaları Böyük Səlcuqlu sultanı Alp Arslanın Anini
fəthindən (1064) sonra gəlib bu şəhərdə məskunlaşmışdılar. Onun atası Məs’ud,
Şəddadi əmirliyinin ordusunda xidmət edən zabit idi. İlk təhsilini Anidə alan
Burhanəddin Əbu Nəsr şafi’i fiqhi ilə yanaşı fars dili və ədəbiyyatı, tibb, astronomiya
kimi dəqiq elmlər sahəsində də mütəxəssis idi. Xaçpəsətlərin də yaşdığı Anidə xristian
teologiyası və İncili öyrənən Burhanəddin Əbu Nəsr gənc yaşlarından etibarən şe’r
yazmağa başlamışdı. 1161-ci ildə Anini işğalı vaxtı gürcülərə əsir düşən Burhanəddin
Anəvi 6 illik əsarətdən sonra vətənə qayıda bilmişdi
337
. Əsirlikdən qayıdandan sonra
Anidən Təbrizə gedən gənc Burhanəddin burada vaiz Mahmud Təbrizinin tələbəsi
olmuş, ondan fiqh elminin incəliklərini öyrənmişdi. Ondakı şairlik istedadını görən
vaiz Mahmud bu qabiliyyətini müsbət istiqamətdə inkişaf etdirməsini tövsiyə etmişdi.
Burhanəddin Anəvi ustadının təşviqi ilə peyğəmbərlərin həyatını nəzm etmişdi.
Təbrizdə təhsilini tamamlayan Burhanəddin Anəvi Əxlatşahlar hökmdarı əmir
Seyfəddin Bəgtemürün (1183-1193) ölkəsinə gedərək burada yaşamış, əmirin yaxın
adamlarından biri olmuşdu. 1188-ci ildə həcc ziyarəti üçün yola çıxan Burhanəddin
Anəvi əmir Seyfəddinin elçisi olaraq Bağdadda Abbasi xəlifəsi Nasir Lidinillahla
görüşmüşdü. 1207-ci ildə Əxlatşah əmirliyi ləğv edilərək ərazisi Əyyubilər dövlətinə
birləşdirilmişdi. Bu hadisədən sonra Konyaya gedən Burhanəddin Anəvi Anadolu
Səlcuqlu sultanı İzzəddin I Keykavusun (1211-1220) xidmətinə daxil olmuşdu
338
.
Malatya şəhəri qaziliyinə təyin olunan Burhanəddin Əbu Nəsr Anəvi ‚Ənisü’l-Qülub‛
adlı farsca əsərini yazıb sultan İzzəddinə təqdim etmişdi. Bu əsərin son qismi
‚Nəsihətnamə‛ adlanır. Müəllif burada Burhan təxəllüsü ilə gənc hökmdar İzzəddin I
Keykavusa nəsihət və öyüd mahiyyətində şerlər yazmışdı. ‚Ənisü’l-Qülub‛ İslam tarixi
337
Mehmed Fuad KÖPRÜLÜ, ‚Anadolu Selçukluları Tarihinin Yerli Kaynakları‛, TTK, Belleten, C. VII, S. 27,
Ankara 1943, ss. 456-483.
338
KÖPRÜLÜ, həmin məqalə.
Dostları ilə paylaş: |