O’zbekiston respublikasi oliy va o’rta maxsus
-Mavzu: Yakuniy moliyaviy natijalar hisobi
Yüklə 0,72 Mb. Pdf görüntüsü
|
| 17-Mavzu: Yakuniy moliyaviy natijalar hisobi
Reja: 1 Byudjet tashkilotini yakuniy moliyaviy natijalarini aniqlashning ahamiyati va zarurligi. 2 Yakuniy moliyaviy natijalarni aniqlash tartibi. 3 Yakuniy moliyaviy natijalarni buxgalteriya hisobvaraqlari va hisob registrlarida aks ettirish. Yakuniy moliyaviy natija - bu byudjet tashkilotining hisobot yili yakunida daromadlar va harajatlar smetalari ijrosi bo’yicha daromadlar bilan haqiqiy harajatlar o’rtasida yuzaga keladigan farqidir. Shuningdek byudjet tashkilotining yakuniy moliyaviy natijasi barcha aktivlarining (nomoliyaviy aktivlari, moliyaviy aktivlari va debitorlari) umumiy summasidan uning majburiyatlarini (kreditorlik qarzlarini) ayirmasiga tengdir. Byudjet tashkilot faoliyatining yakuniy bo’yicha moliyaviy natijalari 28 “Yakuniy moliyaviy natijalar” schyotida aks ettiriladi. Agarda, yil yakunlari bo’yicha yakuniy moliyaviy natijalarini hisobga oluvchi subschyotlarda umumiy holda kredit qoldig’ining qolishi tashkilotning barcha aktivlarini (nomoliyaviy aktivlari, moliyaviy aktivlari, debitorlar) umumiy summasi tashkilot majburiyatlarining umumiy summasidan ortiq bo’lganligini, debet qoldig’ining qolishi esa, tashkilotning umumiy majburiyatlari summasi uning barcha aktivlari (nomoliyaviy aktivlari, moliyaviy aktivlari, debitorlar) umumiy summasidan ortib ketganligini bildiradi. Buxgalteriya hisobida 28 “Yakuniy moliyaviy natijalar” quyidagi subschyotlarga bo’lingan holda aks ettiriladi: 280 “Byudjet mablag’lari bo’yicha yakuniy moliyaviy natija”; 281 “To’lovlarning maxsus turlariga doir hisob-kitoblar bo’yicha yakuniy moliyaviy natija”; 282 “Ta’lim muassasalarida o’qitishning to’lov-kontrakt mablag’lari bo’yicha yakuniy moliyaviy natija”; 283 “Byudjet tashkilotini rivojlantirish jamg’armasi mablag’lari bo’yicha yakuniy moliyaviy natija”; 284 “Boshqa daromadlar bo’yicha yakuniy moliyaviy natija”; 285 “Byudjetga va byudjetdan tashqari jamg’armalarga hisoblangan soliq va boshqa majburiy to’lovlar bo’yicha imtiyozlar”. 280 “Byudjet mablag’lari bo’yicha yakuniy moliyaviy natija” subschyotining kreditiga (debetiga) joriy yilning oxirida 230 “Byudjet mablag’lari bo’yicha joriy yilga moliyaviy natijalar” subschyotining kredit (debet) qoldig’i hisobdan chiqariladi. 281 “To’lovlarning maxsus turlariga doir hisob-kitoblar bo’yicha yakuniy moliyaviy natija” subschyotining kreditiga (debetiga) joriy yilning oxirida 240 “To’lovlarning maxsus turlariga doir hisob-kitoblar bo’yicha joriy yilga moliyaviy natijalar” subschyotining kredit (debet) qoldig’i hisobdan chiqariladi. 282 “Ta’lim muassasalarida o’qitishning to’lov-kontrakt mablag’lari bo’yicha yakuniy moliyaviy natija” subschyotining kreditiga (debetiga) joriy yilning oxirida 250 “Ta’lim 52 muassasalarida o’qitishning to’lov-kontrakt mablag’lari bo’yicha joriy yilga moliyaviy natijalar” subschyotining kredit (debet) qoldig’i hisobdan chiqariladi. 283 “Byudjet tashkilotini rivojlantirish jamg’armasi mablag’lari bo’yicha yakuniy moliyaviy natija” subschyotining kreditiga (debetiga) joriy yilning oxirida 260 “Byudjet tashkilotini rivojlantirish jamg’armasi mablag’lari bo’yicha joriy yilga moliyaviy natijalar” subschyotining kredit (debet) qoldig’i hisobdan chiqariladi. 284 “Boshqa daromadlar bo’yicha yakuniy moliyaviy natija” subschyotining kreditiga (debetiga) joriy yilning oxirida 270 “Boshqa daromadlar bo’yicha joriy yilga moliyaviy natijalar” subschyotining kredit (debet) qoldig’i hisobdan chiqariladi. 285 “Byudjetga va byudjetdan tashqari jamg’armalarga hisoblangan soliq va boshqa majburiy to’lovlar bo’yicha imtiyozlar” subschyotida tashkilotlarga qonun hujjatlarida belgilangan tartibda ularning byudjetdan tashqari olgan daromadlari uchun hisoblangan soliq va boshqa majburiy to’lovlar bo’yicha berilgan imtiyozlar summalari va ularning belgilangan maqsadlar uchun ishlatilishi aks ettiriladi. Agarda, qonunchilikda boshqacha tartib belgilanmagan bo’lsa, tashkilotlarga soliq va boshqa majburiy to’lovlar uchun berilgan imtiyozlar tufayli tejalgan (bo’shab qolgan) mablag’lar tashkilotning moddiy-texnika bazasini mustahkamlashga ishlatiladi. Ushbu subschyotning kreditida byudjetga va byudjetdan tashqari jamg’armalarga hisoblangan soliq va boshqa majburiy to’lov turlari bo’yicha belgilangan imtiyoz summasi aks ettiriladi, bunda, 160 “Byudjetga to’lovlar bo’yicha byudjet bilan hisob-kitoblar”, 163 “Byudjetdan tashqari Pensiya jamg’armasi bilan hisob-kitoblar”, va 169 “Boshqa byudjetdan tashqari jamg’armalar bilan hisob-kitoblar” subschyotlarning tegishlisi debetlanadi. Ushbu mablag’lar hisobidan sotib olingan moddiy aktivlarning sarflanishi (eskirishi) yoki moddiy aktivlar sotib olish bilan bog’liq bo’lmagan holda tashkilotning moddiy-texnika bazasini mustahkamlash maqsadlariga ishlatilishi munosabati bilan amalga oshirilgan xaqiqiy xarajatlar mos ravishda 251 “Ta’lim muassasalarida o’qitishning to’lov-kontrakt shaklidan tushgan tushumlar hisobidan amalga oshirilgan xaqiqiy xarajatlar” va 261 “Byudjet tashkilotini rivojlantirish jamg’armasi mablag’lari hisobidan amalga oshirilgan xaqiqiy xarajatlar” subschyotlarning debetida aks ettiriladi. Hisobot yilining oxirida mazkur subschyotlarda aks ettirilgan xaqiqiy xarajatlar avvalo, foydalanilgan soliq va boshqa majburiy to’lovlar bo’yicha imtiyozlar summasiga to’g’ri keluvchi qismi doirasida 285 “Byudjetga va byudjetdan tashqari jamg’armalarga hisoblangan soliq va boshqa majburiy to’lovlar bo’yicha imtiyozlar” subschyotining debetiga hisobdan chiqariladi, bunda, mos ravishda 251 “Ta’lim muassasalarida o’qitishning to’lov-kontrakt shaklidan tushgan tushumlar hisobidan amalga oshirilgan xaqiqiy xarajatlar” va 261 “Byudjet tashkilotini rivojlantirish jamg’armasi mablag’lari hisobidan amalga oshirilgan xaqiqiy xarajatlar” subschyotlari kreditlanadi. Analitik hisob har bir soliq va boshqa majburiy to’lovlar bo’yicha hisoblangan imtiyozlar bo’yicha alohida holda yuritiladi. |