308
xəstəliklərinin inkişafına əlverişli şərait yaradır.
Kökümsov alaq otları (çayır, kalış, ayrıq, südotu və s.) yayılmış sahələrdə
yay aylarında becərmənin dərinliyi 15-18 sm-dək qəbul edilir. Bu zaman torpaq
layı çevrilmir. Torpaqdan alaq otlarının köklərini darayıb çıxarmaq üçün
kultivatorun arxasına xüsusi polad zəncir bərkidilir. Onların yığılmış kökləri
sahədən çıxarılıb yandırılır. Beləliklə, yumşaltma ilə birlikdə üzümlük qismən
alaq otlarından və onların kökümsov köklərindən təmizlənir. Bundan başqa,
üzüm bağlarındakı yol qıraqları, kanalları və üzümlüyün ətrafındakı sahələr alaq
otlarından təmizlənir.
Üzümlükdə torpağın becərilməsi işlərində əl əməyini azaltmaq, yaxud ləğv
etmək məqsədi ilə ПРВН-72000 və ПРВН-72000 M aqreqatlarından istifadə
edilir. Bu aqreqatlar cərgədə bitki aralarını da becərir. Bunların bir neçə
xüsusiyyətlərini nəzərə almaq lazımdır. Əvvəla, bu aqreqatlar şpaler qurulmuş
üzümlükdə yaxşı işləyir, ikincisi isə ştambı mğhkəm olmayan (əyri olan)
tənəkləri zədələyir. Bu halda həmin tənəklərin dibinə diametri 3-4 sm olan paya
bastırılır. Payaların uzunluğu isə 40-50 sm-dən qısa olmamalıdır.
ПРВН-72000 M aqreqatı ilə qurşaqarası yolları becərərkən şumu
dərinləşdirmək lazım deyil. Torpağın becərilməsinin keyfiyyəti işin başlanğıcında
yoxlanılır. Kultivasiyanın dərinliyi ölçülməklə yanaşı alaq otlarının tam
kəsilməsi, kolların və şpaler dirəklərinin zədələnmə dərəcəsi yoxlanılır.
Aqreqatın iş zamanı hərəkət sürəti 5 km/saatdan çox olmamalıdır. Sürət
bundan çox olduqda ştamb ətrafı sahə becərilməmiş qalır, çox halda isə ştamb
zədələnir.
Yuxarıda göstərilən aqreqatlar düzən və az maili yerlərdə yaxşı nəticə verir.
Üzümlüklərdə torpağın becərilməsi zamanı aqreqatlardan səmərəli istifadə
edilməsi həmişə mütəxəssislərin nəzarətində olmalıdır. Üzümlüklərdə cərgə
araları becərilərkən torpaq yaxşı hazırlanmalıdır.
Üzümlüklərdə cərgə araları becərilərkən torpaq yaxşı hamarlanmalıdır ki,
texnikanın işləməsinə çətinlik törətməsin. Naxçıvan Muxtar Respublikasının aran
hissəsində erkən yaz becərməsinə üzümlükdə kolların üstünün açılması ilə
başlanır. Kolları torpaq altından çıxarmaq üçün ПРВН-2,5А maşınına
quraşdırılmış ПРВН-74000 qurğusundan istifadə edilir.
Ilk yazda kolların şaxtadan zədələnməsi ehtimalı aradan qalxandan sonra bu
əməliyyata başlamaq lazımdır. Kolların torpaq altından mexaniki yolla
çıxarılması işini ПМЛ-2,5 pnevmatik maşını ilə aparılması daha faydalıdır.
Üzümlükdə kolun üstündəki torpaq quruduqda pnevmatik maşınla yaradılan
güclü hava kütləsi ilə kolun üstündəki torpaq sovrulur və kol torpaqdan azad
olunur. Ancaq Naxçıvan üzümçülüyündə qeyri-adi bir vəziyyət mövcuddur, yəni
kolun torpaqdan çıxarılmasının təqvim müddətində kolun üstündəki torpaq hələ
309
qurumamış olur. Bu vəziyyətdə pnevmatik maşının yaratdığı güclü hava axımı
torpağı dağıda bilmir. Torpağın quruması gözlənildikdə isə artıq gözlər şişmiş
olur. Bu çətinliyə görə Naxçıvanda kolların üstünün açılması hələ də primitiv
üsulla- yaba, bel, dırmıq və ketmənlə, daha doğrusu əllə açılır.
Bu çətinliyə görə üzümlüyün becərilməsi qışda üzümlükləri basdırılmayan
rayonlardakından baha başa gəlir. Onu qeyd etmək yerinə düşər ki, Naxçıvanın
aran hissəsində üzümlüklərin məhsuldarlığı çox olduğundan bu bahalıq o qədər
də təsirli olmur.
Kolların torpaqdan çıxarılması əməliyyatı gecikdikdə şişmiş gözcüklər tez
tökülür. Bir qədər də gecikdikdə yeni əmələ gələn zoğ başlanğıcları ağ rəngli və
çox incə olur, açıq havaya çıxarıldıqda günəşli və küləkli havada soluxur və
quruyur.Tökülməyən və qurumayanlar isə zəif böyüyür.Hətta ilk vaxtlarda
onların çoxu çaxırı-qırmızı rəngdə olur. İki həftədən sonra həmin zoğların rəngi
yaşıllaşmağa başlayır.
Üstü gec açılmış tənəklərin məhsulu da az olur.Çünki üstü açılan vaxt
oyanmış vəziyyətdə olan əsas tumurcuqların bir qismi tökülmüş olur.Bu
baxımdan kolun üstünün açılması tumurcuqların şişməsinə azı bir həftə qalmış
başa çatmalıdır.Yazın tez və gec gəlməsindən asılı olmayaraq çoxillik təqvim
müddətləri nəzərə alınmadan yoxlanmalıdır ki, tumurcuqların şişməsinə neçə gün
qalır.
Üzümlüklərdə alaq otlarına qarĢı mübarizə
Alaq otları ilə mübarizə problemində alman alimlərinin belə bir fikrini
açıqlamaq yerinə düşərdi. Heç kim çalışmır ki, üzümlüyünü alaq otlarından
tamamilə təmizləsin. Əksinə, alaq otları ilə mübarizə ona yönəlir ki, onların
böyümə intensivliyi və ümumən boyu məhdud çərçivədə olsun ki, üzüm bitkisinə
maneçilik törətməsin.
ABŞ üzümçüsü C.Uinklerin fikrincə torpağın becərilməsi onun strukturuna,
torpağın üst qatındakı köklərə suyun çatdırılmasına maneçilik törədir, torpaqdan
tozu qaldırıb gilənin üstünə tökür.
Bundan başqa alaq otları torpaq qoruyucusu bitki örtüyüdür.
Alaq otlarının xeyirli tərəfi:
-çürüntülərin toplanması;
-eroziyanın qarşısının alınması;
-əkin qatının yumşaq saxlanması;
-kölgəlik yaratdığına görə torpaq yetişkənliyinin saxlanması.
Alaq otlarının törətdiyi çatışmazlıqlar:
-torpaqdan qida maddələrini çıxarması;