438
da) riskli hesab edilə bilməz. Saxlanma qabiliyyəti yüksək olan üzümlərdə
tənəffüs az intensivdir.
Satılmaq məqsədi ilə saxlanmağa daha keyfiyyətli üzümlər seçilməlidir.
Gilənin lətinin bərkliyi, qabığın möhkəmliyi, gilənin və salxım saplağının
yetişkənliyi, mexaniki və infeksiya zədələnmələrinin olmaması keyfiyyət
göstəriciləridir.
Üzümdə ehtiyat qida maddələri, məs. nişasta olmadığından koldan dəriləndən
sonra gilədə şəkər artımı olmur. Dərilmiş üzümdə normal həyat prosesi davam
edir.
Üzüm saxlandıqda və daşındıqda bir nçə tipdə gilənin tökülməsi baş verir.
Darağın zəifliyindən və kövrəkliyindən - bu ―yaş‖ tökülmə adlanır; bir də var
―quru‖ tökülmə. Bu tökülmə gilə ilə gilə saplağı arasındakı ayırıcı qatın əmələ
gəlməsindən baş verir.
Tənəkdə ―həlqələmə‖ aparıldıqda və tənək boy maddələri ilə işləndikdə gilə
saplağı yoğunlaşır və gilənin tökülməsi azalır, yaxud yox olur.
Saxlanma kamerasında üzümün soyudulmasına başlandıqda gilənin qabığına
düşən təzyiq artır. Nazik qabıqlı gilənin ucunda çat əmələ gəlir. Belə hesab
edirlər ki, Ağ oval kişkimi və Tokay sortlarında məhsulun yığılmasına az qalmış
gilələrdə qeyri-adi şişmə baş verdiyindən onlarda çatlama baş verir. Gilənin
çatlamasına qarşı səmərəli mübarizə üsulu yoxdur.
Kamera bağlanır və orada temperatur +20 C- ə, daha sonra 0 0 C endirilir.
Kamerada temperaturun tədricən aşağı endirilməsi nəticəsində gilədə tərləmə
olmur.
Üzüm qutuları kameraya daşınarkən və onlar orada düzülərkən mexaniki
vasitələrdən istifadə olunması işin ucuz başa gəlməsini təmin edir.
Üzüm qutuları kameraya daşındıqdan sonra qapı- pəncərələr bağlanmazdan
qabaq hər m3 sahəyə 5 qr hesabı ilə kükürd yandırılır. Kükürd yandırılması işi
ayda 2 dəfə olmaqla təkrar olunur.
Üzüm saxlanmasında optimal rejim temperaturun 0-20 C, nisbi rütubətin 85-
95%olması hesab edilir. Temperatur və nəmlikdən başqa saxlanma prosesində
havalanma xüsusi əhəmiyyət kəsb edir. Üzüm saxlanan kameranın havalanması
ona görə vacibdir ki, artıq toplanan karbon qazı və gilənin tənəffüsü zamanı digər
qaz mənşəli məhsullar oradan çıxsın. Havalanma ilə kif göbələklərindən əmələ
gələn xoşagəlməz iylər də çıxır.
Saxlanma prosesində sistematik olaraq üzümün keyfiyyəti yoxlanmalıdır. Azı
2 həftədə 1 dəfə üzümün keyfiyyəti yoxlanır. Hər yoxlamadan sonra müəyyən
miqdar üzüm götürdükdən sonra kameraya kükürd tüstüsü verilir. Üzümün
realizəsinə az saxlanma qabiliyyəti olan sortlardan başlanmalıdır.
440
DÜNYA ÜZÜMÇÜLÜYÜ HAQQINDA
Hazırda dünyada üzümçülüklərin sahəsi 10 milyon hektardan çoxdur. Ayrı-
ayrı qitələrdə üzümçülüklərin sahəsi aşağıdakı kimidir. Dünya üzümlüklərinin
71% -i təqribən 7 milyon hektarı Avropa qitəsinə düşür, 1447 min hektarı
Asiyanın, 942 min hektarı Amerikanın , 444 min hektarı Afrikanın, 72 min
hektarı Avstraliyanın payına düşür.
Üzüm bitkisi Yer kürəsinin müxtəlif iqlim zonalarında isti və quraq, eləcə də
nisbətən soyuq zonalarda bitir. Şimal yarımkürəsində üzüm bitkisi 50° ş.en
dairəsində 39
0
və cənub en dairəsində yerləşir (Yeni Zelandiya və Çili). Üzüm
məhsullarının istifadə istiqamətini əsasən iqlim şəraiti müəyyən edir.
Üzüm üçün ən əlverişli iqlim zonaları Aralıq dənizi və Xəzər dənizi sahilləri,
Kaliforniya və cənubi Afrika hesab edilir.
Şimal qütbünə və cənub qütbünə yaxınlaşdıqca şərabın kefiyyəti azalır.
Üzüm bitkisinin şimal sərhəddinin müəyyənləşdirilməsi üçün şaxtasız günlərin
miqdarı 180 gündən az olmamalıdır. Belə yerlərdə orta sutkalıq temperaturların
yekunu 2800 dərəcəyə çatmalıdır.
Bir qayda olaraq Avropa üzümləri- 15° C-ə qədər şaxtalara dözür. Çox soyuq
zonalarda üzüm kolları qışda torpağa basdırılır.
Ekvatora yaxınlaşdıqca istilik optimum həddini aşır. Səhra şəraitində isə
yalnız suni suvarma aparılan yerlərdə üzüm bitkisi çox istidən və quru
küləklərdən ziyan çəkir.
Yağıntı ilə zəngin subtropiklərdə üzüm bitkisi qış istirahətini keçirmir. Belə
yerlərdə yüksək dağlıqları üzüm bitkisi üçün əlverişli hesab edilir.
Tropik iqlim şəraitində üzüm bitkisi bütöv il boyu böyüməkdə davam edir.
Bir kolda həm yeni mayalanmış yumurtalıqlar, həm də böyümənin bütün
mərhələlərində salxımlar tapmaq mümkündür. Xüsusi kəsmə tədbiq edərək üzüm
bitkisindən Hindistanda 2, İndoneziyada 3 məhsul almaq mümkündür. Ancaq
tropiq iqlimdə üzüm şirəsində ekstratiiv maddələr və turşuluq az olduğundan
şərab üçün yaramır.
Ayrı – ayrı ölkələrin üzümlüklərinə gəldikdə mənzərə aşağıdakı kimidir.
İspaniya üzümlüklərin sahəsinə görə dünyada birinci yerdədir (1,7 milyon hektara
yaxın), İtalyada 1,3 milyon hektar, Fransada 1,1 milyon hektar üzümlük vardır.
Üzümlüklərin sahəsinə görə Türkiyə dördüncü yerdədir (800 min ha).
Üzümlüklərin sahəsi 300 min ha və ondan çox ölkələrə aşağıdakılar daxildir:
1. Rumıniya -390 min ha
2. Argentina - 356 min ha
3. Portuqaliya -320 min ha
4. ABŞ - 342 min ha