Sistemlərin tədqiqi zamanı məsələlərin qoyuluşunun əsas mərhələləri § 1.2 –
də nəzərdən keçirilmişdir, burada onu da qeyd etmək lazımdır ki, məsələlərin qoyuluşundan
sonra fəaliyyətin iki variantı mümkündür – modelin məzmun səviyyəsində öyrənilməsi və
ya obyektin təsvirinin sonrakı formalaşdirlması və tədqiqatın formal metodlarına keçid.
Məsələlərin qoyuluşunun ən vacib hissəsi tədqiq olunan obyektin yönəlməli
olduğu məqsədlərin formul edilməsi, eləcə də model və məhdudiyyətlərin əsas faktorlarının
müəyyən edilməsidir. Məhdudiyyətləri müəyyən etmək – obyektin yolverilən və
yolverilməz vəziyyətlərinin mümkün hərəkətlərinin siyahısını müəyyən etmək deməkdir.
Məhdudiyyətlər düşünülmüş məqsədlərə nail olmağa mane ola bilərlər.
Nəzərdə tutmaq lazımdır ki, fəaliyyətdə olan obyektin bir neçə məqsədi və ya
meyarı ola bilər. Bir qayda olaraq məsələnin qoyuluşu prosesində əsas olan bir meyarı seçib
ayırmağa çalışırlar, amma, əslində təcrübədə buna heç də həmişə nail olmaq olmur. Qeyd
edək ki, bir neçə meyarın olması qərarın seçilməsi işini çətinləşdirir [7].
Əgər meyar və məhdudiyyət anlayışlarını formal analizdən keçirsək, onda məlum
olar ki, bir çox halda meyarları məhdudiyyətlərə çevirmək olar.
Həqiqətən də, əgər
obyektin
funksiya etməsinin məqsədi hər hansı bir G göstəricisinin ən böyük (maksimal) qiymətinə
çatmaqdırsa, onda təcrübədə F plankasını - hansını ki bu göstərici aşıb keçməlidir —
müəyyən edib qoymaq kifayətdir. Bu şəkildə G göstəricisinin maksimallaşdırılması
meyarından G > F təmin edən həllin axtarışına keçmək mümkün olur.
R.Akoffun həll etdiyi məsələlərə qayıdaq (bax səh.49). Birinci məsələni yenidən
nəzərdən keçirək, hansında ki, istehsalatın əsas problemi tələbatda baş verən kəskin
tərəddüdlər və bunun səbəbindən yaranan kadr axıcılığı olmuşdur. Problemi bir fəaliyyət
meyarının (maksimal gəlir əldə etmək) digər meyarla (avadanlığın işlə müntəzəm
yüklənməsi) əvəz edilməsi sayəsində həll etmək mümkün olmuşdu. Elə görünür ki, ortada
mürəkkəb olan bir şey yoxdur. Ancaq onu nəzərə almaq lazımdır ki, gəlirin
maksimallaşdırılmasından imtina etmək heç bir normal amerikalının ağlına heç vaxt gələ
bilməz.
Avtobus korporasiyasında yaranmış konflikt haqqında misal daha ibrətamizdir. Bu
halda problemi daşınmalar prosesi təşkilinin yeni sxemi həll etmişdir, yeni sxemə görə
konduktorlar pik saatlarında avtobuslarda deyil, dayanacaqlarda işləyirdilər.
Bu misalda biz daşınma prosesinin gedişi ilə bağlı məhdudiyyətlərin vacib şəkildə
yenidən gözdən keçirilməsi ilə üzləşirik. Mümkün iş variantlarının sahəsi kökündən
dəyişdirilməlidir. Burada tədqiq olunan sosial proseslərin bir xüsusiyyətini qeyd etmək
zəruridir – meyar və məhdudiyyətlərin dəyişdirilməsi bütün maraqlı tərəflərin razılığını
tələb edir. Yəqin ki, tələb olunan razılıq uzun müzakirələr, diskussiyalar nəticəsində ərsəyə
gəlmişdir, bu prosesdə iştirakçıların məqsədlər və mümkün sərhədlər haqqında təsəvvürləri
kökündən dəyişmişdir. Beləliklə, modelləşdirmə prosesi kollektiv, dialoq xarakteri
daşımışdır ki, bu da ―yumşaq‖ sistem metodologiyasının ən vacib prinsiplərindən biri hesab
olunur (bax: fəsil 2).
E.Qiddens sosioloji tədqiqatların nəticə etibarı ilə səmərəliliyinin artması üçün bu
prinsipin aktuallığını qeyd edərək sosioloqlar, sifarişçilər və problemli situasiyanın digər
iştirakçıları
arasında
kommunikasiya
prosesini
təmin
edən dialoq modelindən
istifadənin zəruri olduğunu
deyir [26, səh.47].Kollektiv
modelləşdirmə prosesini şərti
olaraq şəkil 4.2-də verilmiş
sxem şəklində təsvir etmək
olar.
Şəkil 4.2. Kollektiv
modelləşdirmə sxemi
Görəsən elə qaydalar komplekti varmı ki, onlara riayət etmək yaxşı modelin
qurulmasına zəmanət vermiş olsun? Bu cür suala cavab verərkən məşhur amerikan alimi
R.Şennon qeyd edir ki, ―modellərin işlənib hazırlanması üçün istənilən qaydalar kompleksi
ən yaxşı halda məhdud faydalılığa malikdir və gələcək modelin karkası qismində və ya
onun qurulmasının başlanğıc nöqtəsi qismində təxmini olaraq xidmət edə bilər‖ [21,
səh.33].‖Modelləşdirmə sənətinə dərin biliklər ilə yanaşı orijinal təfəkkür, ixtiraçılıq
qabiliyyəti və fərasətə malik adamlar sahib ola bilərlər...
Sistemin davranışını təsvir edən dəyişənlərin, parametrlərin, münasibətlərin, eləcə
də modelin effektliliyinin meyarlarının seçimi üçün sehirli formullar yoxdur― [21, səh.35].
Reallığın hansı aspektlərinin modeldə əks olunmasının vacib olması haqqında dəqiq
tövsiyyələr hələlik məlum deyil, bu da ki, bir o qədər də əhəmiyyətli deyil [9]. Yaxşı
məzmun modelin qurulması üçün təcrübə, intuisiya tələb olunur, hansının ki, inkişafına
bu kitabda sosial proseslərin müvəffəqiyyətli modelləşdirilməsinə aid verilmiş nümunələri
öyrənmək yardım göstərə bilər.
Obyektin formal modelinin öyrənilməsi məzmun modelinin işlənib hazırlanmasında
əhəmiyyətli dərəcədə yardımçı ola bilər. Obyektin formal model prizmasından baxaraq
nəzərdən keçirilməsi formullaşdırmanı dəqiqləşdirməyə, əskik olan elementləri aşkara
çıxartmağa, artıq olan hər şeyi kənarlaşdırmağa yardım edir. Amma, modelin qurulması
modelləşdirmə prosesinin ancaq birinci hissəsidir, ikinci – modelin öyrənilməsi
(əməliyyatlar, eksperimentlərin həyata keçirilməsi ) hissəsi də heç az əhəmiyyət kəsb
etmir.
4.3.Vizuallaşdırma və modelləşdirmənin keyfiyyət metodları
Rəqəmli informasiyanın kəmiyyət metodlarından fərqli olaraq keyfiyyət metodları
söz formasında verilmiş informasiyanın analizi üçün nəzərdə tutulmuşdur. Məzmun
modelində informasiya bir qayda olaraq mətn şəklində verildiyi üçün məhz kəmiyyət
metodları sosial proseslərin modelləşdirilməsinin bütün mərhələlərində əhəmiyyətli
yardım göstərə bilər.
İnsan zəif strukturlaşdırılmış, qeyri-formal sosial problemləri həll edərkən keyfiyyət
mülahizələrindən istifadə etməyə sadəcə olaraq məcburdur. Amma, keyfiyyət təfəkkürünün
də köməkçi vasitələrə istinad etməyə ehtiyacı var, hansılar ki, mürəkkəb konseptual analizi
asanlaşdırır, fəaliyyətin mümkün olan sərhədlərini aşkara çıxarmağa imkan verir və ən
başlıcası olaraq, problemin həlli axtarışının perspektivli istiqamətlərini tapmağa kömək
edirlər.
Problemli situasiyanı başımızda götür-qoy edərkən ancaq öz intellektimizin gücünə
arxalanmağımızı düzgün hesab etmək olmaz. Psixoloqlar iddia edirlər ki, insanın
qısamüddətli yaddaşı eyni zamanda nə az, nə çox - 7±2 faktordan istifadə etməyə imkan
verir. Əgər bu faktorların qiyməti qarşılıqlı əlaqəli olaraq dəyişirsə, onda onların
dinamikasını izləmək daha çətindir. Bu situasiyada yeganə çıxış yolu təsəvvürlərin
vizuallaşdırılması və sonra onların keyfiyyət səviyyəsində analizinin keçirilməsidir.
XX əsrin ikinci yarısında informasiyanın ənənəvi təqdimat formalarına və analizinə
elmi-texniki tərəqqi getdikcə daha çox təsir göstərir. Yeni informasiya texnologiyaları adət
etdiyimiz koqnitiv vərdişləri tədricən, amma getdikcə daha açiq şəkildə dəyişdirir. Bəzi
sahələrdə koqnitiv deqradasiya gözə dəyir. Belə ki, karkulyatorların geniş yayılması
uşaqlarda şifahi hesab vərdişlərinin zəif olmasına səbəb olmuşdur. İnsanın yaxşı yaddaşa
tələbatı getdikcə azalır, kompyuter məlumat bazalarından istifadə etmək bacarığı tezliklə
yaddaşı əvəz edəcəkdir. Amma vizuallaşma sferasında insanın mətn və qrafik
informasiyanın işlənməsi və saxlanması sahəsində informasiya texnologiyalarının
tərəqqisinə əsaslanan koqnitiv qabilyyətlərinin inkişafının qeyri-məhdud imkanları vardır.