Analoji olaraq iki müharibə edən dövlət də sistem ola bilməz, amma onlar dünya
sisteminin elementi kimi nəzərdən keçirilə bilərlər. Böyük sosial sistemlər milyonlarla
insanlardan ibarətdir, hansılar ki, milyardlarla qarşlılıqlı fəaliyyətdə iştirak edə bilərlər.
Aydındır ki, tədqiqatçı bu qədər geniş aqlomeratın nizamlı təsvir üçün konseptual vasitələrə
malik olmalıdır. Bu məqsədlə sosial sistemlərin klassik nəzəriyyələrində struktur
anlayışından istifadə olunur. Struktur anlayışının istifadəsi aşağıdakıları nəzərdə tutur:
-
sistemin elementlər çoxluğunu xırdalayıb çoxluqaltı çoxluqlara (sistemaltı sistemlərə)
ayırmaq;
-
sistemin fəaliyyətini xarakterizə edən çoxluqaltı çoxluqların ən əhəmiyyətli və sabit
əlaqələrini seçib göstərmək.
Klassik struktur-funksional analizində hər bir sistemaltı üçün onun məqsəd və
funksiyalarını müıyyən etmək,onları sistemin bütövlükdə məqsəd və funksiyalarına uyğun
olaraq qiymətləndirmək nəzərdə tutilmuşdur. Biz struktur haqqında danışanda çox vaxt
sistemin davranışını çox şeydə izah edən, nə isə stabil və dayanıqlı bir şey (skelet, bünövrə)
nəzərdə tuturuq. Belə traktovka üçün parlaq misal kimi müəssisənin idarə olumasının
təşkilati strukturunu göstərə bilərik.
Sosial sistemlərin klassik modelləri kifayət qədər stabil ətraf mühitdə adət halını
almış, rutin sosial qarşılıqlı təsirlərin təsviri və analizi zamanı faydalı ola bilərlər. Belə
sistemlərdə individlərin hərəkətləri bir növ avtomatik, qeyri-ixtiyari olaraq həyata keçirilir,
çünki onlar dəqiq təlimatlar ilə müəyyən olunublar.
Müasir şəraitdə sosial sistemlərin elementləri və sistemaltıları kifayət qədər yüksək
müstəqillik səviyyəsinə malikdirlər. Buna görə də belə sistemlərin təsviri və analizi öz
diqqətlərini birinci növbədə tədqiq olunan qarşılıqlı təsirlərin tabe olduğu qaydalar
məcmusunun öyrənilməsinə yönəltməlidirlər. Sosial sistemin bir qaydalar sistemi kimi
nəzərdən keçirilməsi ayrı-ayrı elementlərin davranış xüsusiyyətlərindən fikrən ayırmaqla
analizi əhəmiyyətli dərəcədə sadələşdirir
13
. Belə yanaşma zamanı insanlar sistemin elementi
olmurlar-- onlar ətraf mühitin bir hissəsi olurlar. Sosial sistemlərin belə modellərdən
istifadə etməyin məqsədəuyğunluğunu və effektivliyni Nortun, Hyubnerin və başqa
alimlərin tədqiqatları təsdiq edir.
Həqiqətən də, formal nöqteyi—nəzərdən insanların ətraf mühitə aid edilməsinə
heç bir şey mane olmur.Bir çox simvolik sistemlər üçün bu əməliyyat sözsüz ki.çox
faydalıdır.Belə ki,dili sistem kimi nəzərdən keçirərkən tədqiqatçı bir çox məsələrin həlli
üçün bu dilin daşıyıcılarından fikrən ayrıla bilər.
Sadalanmış sosial sistem modelləri öz diqqətlərini individlərin şüurlu davranışına,
qərarların qəbulu proseslərinə, strategiyaların seçiminə praktiki olaraq yönəltmirlər. Qeyd
olunmuş proseslərin tədqiqi üçün koqnitiv yanaşmadan istifadə etmək zəruridir. Sürətli
dəyişikliklər, innovasiyaların tətbiqi dövründə sosial sistemi dəyişiklikləri müəyyən edə
bilən və düşünülmüş qərarları qəbul edən bir koqnitiv sistem kimi nəzərdən keçirmək
məqsədəuyğundur. Aydındır ki, individ koqnitiv sistemdir. Amma firmanı, siyasi partiyanı,
dövləti koqnitiv sistem kimi nəzərdən keçirməyin mənası varmı? Sosial birlik ―düşünə―
bilirmi?
Bəlli sosial sistemin davranışını uzun müddət ərzində tədqiq edən müşahidəçi ―dünya
mənzərələrini― təsvir edən modelləri hətta öyrənilən sosial birlikdə qərarların qəbulunun
real prosesləri haqqında səhih məlumatlara malik olmadan belə qurmağa haqqı var.
Beləliklə, tədqiqat məqsədlərindən asılı olaraq sosial sistemlər müxtəlif koqnitiv
―linzaların‖ köməyi ilə tədqiq oluna bilər. Sosial birlik bir sosial sistem kimi; qaydalar
sistemi kimi; koqnitiv sistem kimi nəzərdən keçirilə bilər. Sosioloqlar nəzəri və tətbiqi
13
Ədəbiyyatda bəzən ― qaydalar sistemi― termini əvəzində ― mədəniyyət sistemi― termini
elə həmin mənada
işlənir. Qeyd edək ki,çoxmənalı və yayğın ― mədəniyyət‖ anlayışından bu kontekstdə istifadə yanlışlığa səbəb
ola bilər.
tədqiqatlarında çox vaxt inteqrasiya olunmuş yanaşmaları tətbiq edir, sosial-mədəni və ya
sosial-koqnitiv sistemləri öyrənirlər [13].
Ancaq tədqiqat məqsədləri, həll olunan məsələlərin növləri, konkret situasiyanın
xüsusiyyətləri daha faydalı və effektiv sosial sistem modelinin seçimini şərtləndirir. Amma
sistem təfəkkürü texnikasına tam sahib olmaq təkcə müxtəlif sistem modellərini bilmək
demək deyil, bu həm də lazım gəldikdə sistem əngəllərindən tam azad ola bilmək
bacarığıdır.
Beləliklə, eyni olan sosial hadisələri müxtəlif koqnitiv ― prizmalardan‖ baxaraq
nəzərdən keçirmək, bu zaman konkret situasiyada elə yanaşmadan istifadə etmək lazımdır
ki, zəruri olan nəticəni tez bir zamanda əldə etməyə imkan versin.
Sosial proseslərin modelləşdirilməsi texnikasının təkmilləşdirilməsi sosioloqun
professional hazırlanmağında zəruri element olmalıdır. Amma nəzərdə tutmaq lazımdır ki,
qeyri-tənqidi düşüncəli tədqiqatçılar bəzən reallığın həddindən çox sadələşdirilməsinə
meylli olurlar, ―ipə-sapa yatmayan‖ gerçəkliyi qabaqcadan hazırlanmış
çərçivə və sxemlərə
zorla yerləşdirməyə çalışırlar. Modelə üzərində təcrübə keçirilən materialların qaydaya
salınması və strukturlaşdırılması üçün nəzərdə tutulmuş bir alət kimi baxmaq
məqsədəuyğundur. Modellər konkret məsələlərin həlli üçün qurulurlar, buna görə də bir-
birini əvəz edə bilən və tamamlayan kifayət qədər geniş alətlər dəsti ilə işləməyi bacarmaq
zəruridir.
Yadda saxlamaq lazımdır ki, bəzi hallarda müvəffəqiyyətlə tətbiq olunan model
digər hallarda faydasız ola bilər. Modelləşdirmə mədəniyyəti hər bir modelin yanına onun
doğru olması üçün vacib olan şərtlər siyahısının verilməsini tələb edir. Modeldən həqiqilik
tələb olunmur. Model adekvat, iş qabiliyyətli olmalıdır, yəni qoyulmuş suallara qənaətbəxş
cavablar verməlidir.
Suallar və tapşırıqlar
1.
Başqa modelin modelini qurmaq olarmı?
2.
Obyektin fəaliyyət obyekti - bu obyektin bir hissəsi hesab olunur və ya onun
modelinin?
3.
Məhdudiyyətləri meyarlara çevirmək olarmı? ―Məhdudiyyətlərin tətbiq edilməsi
sistemin azadlıq səviyyələrinin sayını azaldır‖ müddəası doğrudurmu?
4.
Formul edilməsində həm təbii, həm də süni dillərdən eyni zamanda istifadə olunmuş
modellər mövcuddurlarmı?
5.
Sosioloqun koqnitiv üslubu onun koqnitiv modelinə necə təsir göstərir?
6.
Kollektiv modelləşdirməni sosial proses kimi nəzərdən keçirmək olarmı?
7.
Koqnitiv sistem ətraf mühiti necə qavrayır - bir sistem kimi və ya model kimi?
8.
Model obyektin bütün xarakteristikalarını kompleks şəkildə və ətraflı olaraq təsvir
etməlidirmi?
9.
Sosial sistemin tam birmənalı təsvirini quraşdirmaq olarmı?
10.
Sosial sistemlərin təsvirinin formallaşdırılması nəyə görə lazımdır?
11.
Sosial reallığın tədqiqinə model yanaşmasının əsas qüsurlarını sadalayın.
12.
Sosial sistemin müxtəlif təriflərini (bax.fəsil 1) eyni bir obyektin sadəcə olaraq
müxtəlif modelləri kimi nəzərdən keçirmək olarmı?
13.
Elə sosial proseslər varmı ki, onları a) təbii dildə; b) süni dildə təsvir etmək
mümkün olmasın?
14.
Sosial sistem öz modelini bəyənmədiyinə görə dəyişə bilərmi ?
Ədəbiyyat
1. Будон Р. Место беспорядка. Критика теорий социального изменения. М.: Аспект
пресс. 1998.
2. Бургин М.С., Кузнецов В.И. Введение в современную точную методологию
науки. М.: Аспект Пресс, 1994.