127
sənətkarlıqla öz ifadəsini tapıb:
Necə baxım ev-eşiyə,
Yaralı könlüm üşüyə,
Toz bürümüş boş beşiyə
Şirin layla çalan yoxdur.
Gəraylılar aşıq havası üstündə oxunduğuna
gö-rə daha geniş yayılıblar. Xalq şairi Hüseyn
Arifin “Meşəbəyi”si gəraylı üstündə köklənib və
dillər əzbərinə çevrilib. Həqiqət budur ki,
gəraylılar yazılı ədəbiyyatda geniş yayılıb.
AMEA-nın müxbir üzvü Əziz Mirəhmədovun
“Ədəbiyyatşünaslıq. Ensiklopedik lüğət” əsərində
gəraylılardan bəhs edər-kən Qasım bəy Zakirdən
misal gətirməsi çox mətləblərdən xəbər verir:
Qəm evində var olalı,
Eşqə giriftar olalı,
Yarımadıq yar olalı,
Nə sən məndən, nə mən səndən.
Qasım bəy Zakirdən verilən bu örnəkdən də
göründüyü kimi, istər aşıq poeziyasının, istərsə də
yazılı ədəbiyyatın ən oynaq şəkli gəraylıdır.
128
Gəraylının ən yaxşı nümunələrini aşıq sənətinin
memarları Qurbani, Abbas Tufarqanlı və başqa
ustad aşıqlarımız, eləcə də M.Əmani, M.V.Vidadi
başda olmaqla şairlərimiz yaratmışlar. Belə bir
mülahizə vardır ki, gəraylı qəzəl janrının daxili
qafiyəli nümunələrindən yaranmışdır. Bunun
əksini də söyləmək olar. Çünki gəraylını asanlıqla
qəzələ və ya qəzəli gəraylıya çevirmək olur.
Nəsimi və Füzulinin daxili qafiyəli qəzəlləri
he-ca vəzninə yaxın bəhrdə yazıldığına görə
onları
asanlıqla
“gəraylı” şəklinə salmaq
mümkündür.
S.Vurğun “20 bahar” adlı şeirində Füzulinin
qəzəlini gəraylı şəklinə salaraq öz şeirinin vəzninə
uyğunlaşdırmışdır:
Möhnət çəmənindən gül dərə-dərə,
Ucaldı şairin ahı göylərə:
“Şəbi-hicran yanar canım,
Tökər qan çeşmi-giryanım,
Oyadar xalqı əfqanım,
Qara bəxtim oyanmazmı?”
Füzuli yurdunun qəm səsidir bu,
129
Pərişan bir elin naləsidir bu.
Nəsiminin:
Allahu əkbər, ey sənəm, hüsnünə heyran
olmuşam,
Qövsi qüzəhdi qaşların, yayinə qurban olmuşam.
–
mətləi ilə başlayan bu və ya bir çox başqa
qəzəllərini gəraylıya çevirmək olur:
Allahu əkbər, ey sənəm,
Hüsnünə heyran olmuşam.
Qövsi qüzehdi qaşların,
Yayinə qurban olmuşam.
Bunu Hüseyn Kürdoğlunun yaradıcılığında da
müşahidə etmək olar. Lakin şairin yaradıcılığın-da
bunun əksini görürük. O, qəzəli birbaşa gəraylı
şək-lində yazır:
Gəl ey səadət mələyi,
Eşqinə heyran olmuşam.
Dörd yanımda gül əkmisən,
Əhli-gülüstan olmuşam.
və ya:
130
Təsəllilər təbəssümü,
Fikri duman içindədir.
Hardasan, ey vəfasızım
Yastığım qan içindədir.
Hüseyn Kürdoğlu tələbəlik illərindən başlamiş
ömrünün sonuna qədər gəraylı yazmış və
zəmanəmizin gəraylı ustadına çevrilmişdir. Onun
saysız-hesabsız cinaslı və cinassız gəraylıları
vardır.
Əsərin “Dördlüklər” bölümündə şairin gəraylı
dörd-lüklərindən söz açmışıq. Burada bir misalla
ki---fayətlənirik:
Qocalırıq, qarıyırıq,
Budaq-budaq quruyuruq.
Sağalmayan yaramızı,
Xatirəylə sarıyırıq.
Şairin təsnif üstə “Könül bağladım” və qoşma
üstə “Bəyənmir məni” adlı məşhur nəğmələrini
çıxmaqla, yerdə qalan bütün nəğmələri gəraylı
üstündədir. Buraya “Xətrimə dəymə”, “Ay qara
qız”, “Ay mənim qarabuğdayım”, “Mənəm”,
“Bilirsən ki”, “Nazında yalan yeri var”,
“Gecikmisən”, “Biz gedirik Balbulağa” kimi
131
aşıqların ilhamla oxuduğu nəğmələri aiddir.
Bu
nəğmələrdən
bir
neçə
bəndi
məmnuniyyətlə poeziyasevərlərə təqdim edirəm:
Səni mələk bildiyimi,
Bilirsən ki, bilirsən ki.
Gözümdən yağan leysana
Gülürsən ki, gülürsən ki.
***
Ay camalın ayaz deyil,
Sər-səhmanın taraz deyil.
Nazın da həmən naz deyil,
Nazında yalan yeri var.
***
Ay camalın bir tamaşa,
Qurbanam bu gözə, qaşa.
Yaraşıqsan başdan-başa,
Ayın, günün hər vaxtında.
Şairin gəraylı janrında yazılmış yumoristik və
satirik şeirləri də vardır:
Kürdoğluya hədyan demə,
Xam atı öyrədir gəmə.
132
Dəyib qızarmamış yemə,
Sonra gilasdan incimə.
Zəmanədən şikayət, qəm, qüssə, kədər, insanın
psixoloji durumu, Kürdoğlunun gəraylılarının ana
xəttini təşkil edir.
Nə söyləyim qaçqın elə,
Bax gözümdən axan selə.
O yurda dönməyim hələ
Gümandır, güman, ay duman!
***
Hökmdar pul olan yerdə,
Ədalət qul olan yerdə.
Yamanlıq bol olan yerdə
Yaxşılıq xoşa gəlmədi.
***
Basdırma, torpaq yanmasın,
Oğlum, axıt çaya məni.
Vətən dərdi sönməz olur,
Aparsın dəryaya məni.
***
Hanı gözəl Qarabağım,
Dağıtdılar dağım-dağım.
133
Sinəmi göynədən dağım
Döndərdi bir yaya məni.
***
Satmışıq namusu-arı,
Xainlər düşmənlə yarı.
Dağlarda dağlıq vüqarı,
Çöllərdə çöllük qalmadı.
Bununla
belə,
şairin
təbiəti,
insanın
gözəlliyini, eşqi-məhəbbəti tərənnüm edən
gəraylıları da qədərincədir:
Qışı da xoşdur Qubanın,
Gül açan baharı kimi.
Orman üstə qar oynaşır
Beçə vermiş arı kimi.
***
Həm dərdimsən, həm dərmanım,
Həm gülümsən, həm tikanım.
Həm dağımsan, həm dumanım,
Ay qara qız, ay qara qız!
***
Sənsiz bağrım qana dönər,
Dostları ilə paylaş: |