220
Kürdoğluya rəy demək üçün təqdim etdiyi gündən
başlayıb 47 illik bu dastan. Bir gündən sonra həmin
dəftərə rəy əvəzinə “Gözlərin” şeirini yazıb mənə
qaytardı Hüseyn. Beləcə başladı sevgi, arzu, ümid,
həsrət dolu günlərimizin nəğmələri. Hüseynin hər
gün ürək qapımı döyən odlu-alovlu, giley-güzarlı
misraları, mənim şeir adına düzüb-qoşduğum
cavablar... Üç ildən sonra Hüseynin doğulub
boya-başa
çatdığı,
gülündən-çiçəyindən,
daşından-qayasından ilham al--dığı La-çından
mənim ata yurdum Qubaya toy karva-nı gəldi.
Ömür-gün sevdamız başladı...”
Hüseyn Kürdoğlunun Fəridə xanıma həsr
etdiyi, 1-ci kurs tələbəsinin qapısını döyən, bir
elçiyə dönən ilk şeiri – ”Gözlərin” 1956-cı ilin
noyabrında yazılıb:
Gəl and içək bir müqəddəs ilqara,
Nur çiləsin bu peymana gözlərin.
Doğru sözün bəndəsiyəm əzəldən,
Çəksin məni imtahana gözlərin...
Maraqlıdır ki, həmin noyabr ayında gənc şair
Fəridə xanıma daha altı şeir həsr etmişdi:
221
“Tapılmaz”, “Söz ayrılığı”, “Təcnis”, “Könlüm”,
“Bülbülün naləsi gülü yandırar” və “Dadı
şirindir”.
Bu şeirlərdə və sonralar yazdığı şeirlərin
bəzisində şair Fəridə xanımın gözlərindən söz
açır:
Könül deyir bu dünyada sənintək,
Qədir bilən mehribanım tapılmaz.
Xumar gözün od salmasa bağrıma,
Söz mülkündən bir nişanə tapılmaz.
Az müddət ərzində o, Fəridə xanımın şəninə
on yeddi şeir yazdı. Hüseyn Kürdoğlu bu şeirləri
yazanda Fəridə xanımla hələ əhd-peyman bağlaya
bilməmişdi. Şairin ömrü boyu Fəridə xanıma həsr
elədiyi şeirləri dörd bölməyə ayırmaq olar:
Məhəbbət şeirləri, qadınlar günü münasibəti
ilə Fəridə xanıma həsr etdiyi şeirlər, hər kitabı
çıxanda ilk nüsxəsini Fəridə xanıma avtoqrafla
hədiyyə etdiyi kitablar, hər il ad günü
münasibəti ilə Fəridə xanıma ünvanladığı
şeirlər.
Məhəbbət şeirləri. Fəridə xanıma sonsuz
mə-həbbəti onu nəğməkar şair etmişdi. Bütün
222
poezi-y-a-sı dilinin şirinliyi və axıcılığı ilə seçilən
Hüseyn
Kürdoğlunun nəğmələri başqa aləmdir, sanki
bəs-tədilər. Şairin “Məhəbbət yetim qalanda”, “Bu
gün elə kövrəyəm ki”, “Nazında yalan yeri var”,
“Bir bəladır göz mənə”, “Niyə məndən qaçırsan”,
“Qoy dolanım bu dağların başına”, “Xətrimə
dəymə”, “Ay mənim qarabuğdayım”, “Dolanırsan
başıma sən” və s. şeirlərinə yazılmış nəğmələr
arasında Fəridə xanıma ürəyini təzəcə açdığı, hələ
cavab ala bilmədiyi, intizarlı günlərdə qələmə
aldığı “Bə-yənmir məni” və “Könül bağladım”
kimi nəğmələr də vardır. Universitetin IV kurs
tələbəsi Hüseyn Kürdoğlunun yazdığı nəğmələr
çox tez dillər əzbərinə çevrilirdi.
Müğənni və bəstəkar Qulu Əsgərov mahnı
bəstələdiyi və oxuduğu təkrarsız “Bəyənmir
məni” və “Könül bağladım” mahnıları indinin
özündə belə toyda, nişanda, tədbirlərdə
sevilə-sevilə oxunur. Nəğməyə dönmüş bu şeirlər
məlhəm kimi adama rahatlıq gətirir.
Fikrimi təsdiq üçün hər iki nəğməni
poeziyasevərlərə və tədqiqatçılara təqdim edirəm.
223
Bəyənmir məni
Bir leyli gözlünün oduna yandım,
Saralıb-soluram, bəyənmir məni.
Bircə yol qanrılıb yana baxanda
Min ilham alıram, bəyənmir məni.
Mənə əl eyləyib çağırır özü,
Çatılır qaşları, doluxur gözü.
Verdiyi vədəni, dediyi sözü
Yadına salıram, bəyənmir məni.
Fikirli oturur, fikirli durur,
Açılmış telini qatara vurur.
Baxır uzaqlara boynunu burur,
Qeydinə qalıram, bəyənmir məni.
Dinib danışmayır o dilbər sona,
Çəkdiyim cəfalar yetərmi sona,
Ayrısı çor desə, can deyər ona,
Mən qurban oluram, bəyənmir məni.
noyabr, 1956
Könül bağladım
Maral gəzər dağ üstə,
224
Bülbül uçar bağ üstə.
Niyə məndən qaçırsan,
Dağ çəkirsən dağ üstə.
Getmə, getmə, maralım,
Nə ki dərdin var, alım.
Gözünə düz baxmasam,
Gözlərimdən saralım.
Sözün mənə qənd olar,
Rəqibə rişxənd olar.
Bülbül də gül bağında,
Bircə gülə bənd olar.
Sev ki, sevən mərd olar,
Sevməyən namərd olar.
Sevəsən verməyələr,
Onda yaman dərd olar.
Qoşa xalın zil qara,
Kipriyində mil qara.
İnanmasan eşqimə,
And içərəm ilqara.
Sənə könül bağladım,
Çaylar kimi çağladım.
225
Mən səni bir duyğutək,
Ürəyimdə saxladım.
Sevgilini qınama,
İnanırsan sınama.
Dolanaram başına
Gəlin olsan anama.
15 oktyabr, 1957
Şair Fəridə xanımla evlənəndən sonra da ona
nəğmələr
qoşmaqdan
yorulmurdu.
Bəzən
giley-güzar da olurdu. Bu baxımdan “Xətrimə
dəymə” maraq doğurur:
Bir gözələ baxan kimi,
Ha deyirsən korlanmışam.
Yaralayıb sözün məni,
Qubarlanıb qorlanmışam.
Gözəlləri şad görəndə,
Dərdə-qəmə yad görəndə,
Yanaqlarda od görəndə
Şölə çəkib nurlanmışam.
Gəl xətrimə dəymə, gülüm,
Qaşlarını düymə, gülüm.
Dostları ilə paylaş: |