232
Təqdim edilən misallardan göründüyü kimi,
kitabda hansı janr üstünlük təşkil edibsə, şair
avtoqrafı o janrda yazmışdır.
Fəridə xanımın ad günü münasibəti ilə
yazılmış şeirlər
Şairin kiçik qardaşı Şirindil Alışanov deyir ki,
bəzən şairin hədiyyə almağa pulu olmurdu,
hədiyyəsi şeir olurdu. Bu, ənənə halını almışdı.
Bu şeirlərin çoxu nəğmə idi:
Həm dərdimsən, həm dərmanım,
Həm gülümsən, həm tikanım.
Həm dağımsan, həm dumanım,
Ay qara qız, ay qara qız.
Sənsiz bağrım qana dönər,
Göz yaşım ümmana dönər.
Qamətim kamana dönər,
Ay qara qız, ay qara qız...
17.03.1973
233
Şairin həyat yoldaşı, Fəridə xanımın ad günü
mü-nasibəti ilə yazdığı yeddi bənddən ibarət
“Eşqimiz” adlı şeir ömür yollarına işıq tutur.
Tale bizə həyan oldu, hay verdi,
Xoşbəxtəm ki, səni mənə tay verdi.
Bir cüt oğul, bir gözəl qız pay verdi,
Üç övlada çıraqbandır eşqimiz...
17.03.1983
Yuxarıda göstərdiyimiz kimi ad günündə
Fəridə xanıma həsr etdiyi şeirlərin əksəriyyəti
nəğmədir:
Sən bir altun üzük olsan,
Onun yaqut qaşı mənəm.
And içdiyin bir sevdanın
Yazı mənəm, qışı mənəm.
17.03.1984
Şairin Fəridə xanımın ad gününə həsr etdiyi
“Ya-rımışıq biz” şeirinin hər misrası 11 hecadan
iba-rətdir. Şeiri hansısa janra aid etmək çətindir.
Şairin şeirlərində bəzən janr axtarmağa ehtiyac
du-yul--mur:
234
Əlli dörd yaş mənim, əlli yaş sənin,
Bəzəyin nə qızıl, nə daş-qaş sənin.
Qara saç, qara göz, qara qaş sənin.
Sanma ki, qocalıb qarımışıq bir,
Sevmişik, yanmışıq, yarımışıq biz!
Tərlan uçurtmuşuq qucağımızdan,
Ocaqlar qalanıb ocağımızdan.
Bulaqlar ayrılıb bulağımızdan,
Elə bilməsinlər qurumuşuq biz,
Sevmişik, yanmışıq, yarımışıq biz!
17.03.1988
Maraqlıdır ki, şairin Fəridə xanımın ad günü
münasibəti ilə yazdığı şeirlər şairin ailə ocağının,
tərcümeyi-halının
tədqiqi
yolunda
əvəzsiz
materiala çevrilir:
Canım-gözüm əlli səkkiz öz yerində,
And içdiyin məhəbbətin qırx yaşı var.
İki qardaş, bir bacını bizə verən,
Bar gətirmiş səadətin qırx yaşı var.
İşıqlıdan, Şahdağından rişələnən,
Aydan arı bir külfətin qırx yaşı var.
Hər məhəbbət bir məmləkət, bir dünyadır,
235
Bu gün bizim məmləkətin qırx yaşı var.
Qoy var olsun eşqi halal ocağımız,
Tanrı verən bu qismətin qırx yaşı var!
Qurban qara gözlərinə bu Kürdoğlu,
Gözündəki şeiriyyətin qırx yaşı var.
17.03.1996
Yaşa dolduqca şairin Fəridə xanımın ad
günündə dillənən məhəbbət dolu sazı başqa kök
üstə köklənir: “Səninkiyəm” şeirindən misralar
deyilənlərə dayaq olur:
Gözəlimsən, gözəlimsən, gözəlim!
Səninkiyəm qara yerin olunca...
Səninkiyəm, dərdli könül sazımı,
Qoca fələk alıb daşa çalınca.
16.03.1997
Şairin Fəridə xanımın 60 illiyinə həsr elədiyi
doqquz bəndlik “Şam işığında” şeirində şairin
könül sazını, sevinc, qəm, qüssə, kədər, Laçın
həsrəti dilləndirir:
Kaş ki, yetəydi başa xeyirlə şər savaşı,
Məskənimiz olaydı yenə çeşmələr başı.
Yenə ayna sularda görünəydik yanaşı,
236
Yeddi ildir yuxuda o məkanı görmüşük.
Eşqin ülviyyətinə tor qurmasa xəyanət,
Haqdan yanan ocağı tərk eyləməz səadət.
Dünyanın xilaskarı məhəbbətdir, məhəbbət,
Hər gün başımız üstə bu loğmanı görmüşük.
17.03.1998
Şair ömür-gün yoldaşının 60 illik yubileyinə
bir neçə fərəh dolu şeirlər də qoşub. “Sinəmdə
ürəksən mənim” gəraylısı bu qəbildəndir:
Dilimdə diləksən mənim,
Evimə dirəksən mənim.
Daha nə deyim, ay Fəriş,
Sinəmdə ürəksən mənim.
Şair eləcə də ömür-gün yoldaşının altmış illik
yubileyi münasibəti ilə oynaq “Altmış yaşa çatan
yar” adlı lirik poema yazıb. Kitabın “Bayatılar”
bölümündə ətraflı söz açdığımız poemanın bir
parçasını burada verməyi münasib bildik:
Altmış yaşa çatan yar,
Hələ də naz satan yar.
Bu bəxtəvər günündə,
Gül-çiçəyə batan yar.
237
Baxtımla baş-başayam,
Gərək yüz il yaşayam.
Qırx ildir ki, səninlə
Qol-boyunam, qoşayam.
Əzizlənir adımız,
Gül açır muradımız.
Hüdudsuz dünyamızdır,
Üç gözəl övladımız.
Boran oldu, qar oldu,
Axırı bahar oldu.
Laçınlı Kürdoğluya
Qubalı qız yar oldu.
17.03.1998
Şairin Fəridə xanıma həsr etdiyi şeirlər o qədər
ibrət götürüləcək müdrik misralardır ki, həqiqətən
də pedaqoqlar, ailə, ev-eşik məsələləri ilə məşğul
olan tədqiqatçılar üçün zəngin material, poeziya
nümunələridir:
Peyğəmbər yaşına çatmısan bu gün,
Qoy bundan sonra da ömrün uzansın.
Qarşıda gözləyir səni toy-düyün,
Evində bir gəlin çırağı yansın.
Mən gedər olsam da əyilmə dərdə,
Dostları ilə paylaş: |