QəZƏNFƏr paşayev
Yüklə 1,36 Mb. Pdf görüntüsü
|
- Bu səhifədəki naviqasiya:
- “Bəyənmir məni” (Bir leyli gözlünün oduna yandım, Saralıb soluram, bəyənmir məni) və “Könül bağladım” (“Maral gəzər dağ üstə, Bülbül qonar bağ üstə.
- “Səməd Vurğun əlinə qələm alandan şair yaranmışdır” .
238 Heç kəs bu dünyayla qalmır baş-başa. Ad günün mübarək, nənə Fəridə, Əzəlki ilqarla sən məğrur yaşa, Şükür ki, hələlik gedirik qoşa... 17.03.2001 Şair ağır xəstə olsa da, yenə də həyat yoldaşının ad gününə şeir yazır. Lakin real həyat həqiqətlərini qələmə alır: Can Fəriş, səksənə, doxsana ucal, Mənsiz sözlərimin qayğısına qal. Kövrək nəğmələrim, könül sirdaşım, Bu gün mübarəkdir altmış dörd yaşın. 17.03.2002 Sevindirici haldır ki, Fəridə xanım onun sözlərinin, poeziyasının qayğısına qaldı. Şairin məhəbbət dolu şeirlərini toplayaraq çox maraqlı “Sevgi dastanı” adlı ön sözlə “Sənə könül bağladım” kitabını çap etdirdi (Bakı, “Sabah” nəşr, 2009, 100 səh.). Haqqında qəm, qüssə, kədər dolu “Keçən günlərimi qaytaraydılar” adlı məqalə yazdı... Şair Fəridə xanımın altmış beş yaşı tamam 239 olanda, çox ağır xəstə olsa da, beş misradan ibarət şeir yazmışdı: Fəriş, gəlib çatdın altmış beş yaşa, Əlli ilə yaxın gəlmişik qoşa. Bu evdə işığın gur yansın sənin, Mən yetmiş yaşında dönsəm də daşa, Yaşa, qurban olum, yaşa, sən yaşa. Bu şeir, ümumiyyətlə, Hüseyn Kürdoğlunun son şeiri oldu. Şair altmış doqquz yaşında dünyasını dəyişdi. Beləcə “Hüseyn-Fəridə” dastanı sona yetdi. 240 Şair, alim, tərcüməçi Hüseyn Kürdoğlu hələ tələbəlik illərindən (1953-1958) tanınmış şair idi. Müğənni və bəstəkar Qulu Əsgərov onun “Bəyənmir məni” (Bir leyli gözlünün oduna yandım, Saralıb soluram, bəyənmir məni) və “Könül bağladım” (“Maral gəzər dağ üstə, Bülbül qonar bağ üstə. Niyə məndən qaçırsan, Dağ çəkirsən dağ üstə) şeirlərinə musiqi bəstələyir və oxuyur. Hələ tələbəykən yazdığı “Qoy dolanım bu dağların başına”, “Mənim”, “Kəklik”, “Titrədi” və s. şeirləri ədəbiyyatımıza istedadlı bir şairin gəldiyindən, Universiteti qurtararkən (1958) yazdığı “Səməd Vurğunun ilk yaradıcılıq dövrü” adlı diplom işi isə Hüseyn Alışanovun elmi potensialından xəbər verirdi. Elə buradaca deyim ki, onun gələcək elmi fəaliyyəti heç vaxt şairliyini üstələyə bilmədi. Ədəbi aləmdə məlumdur ki, sevimli şairimiz Bəxtiyar Vahabzadə ilk xalq 241 şairimiz Səməd Vurğuna həsr etdiyi “Səməd Vurğunun həyat və yaradıcılığı” mövzusunda doktorluq dissertasiyası yazanda poeziya yaradıcılığı arxa plana keçmişdi. Şaiyə yayılmışdı ki, şairin ilham pərisi onu tərk edib, şairliyi sönüb. Şair Hikmət Ziya dostluq şarjı yazdı: Bəxtiyaram, iki fəxri adım var, Alim Bəxtiyaram, şair Bəxtiyar. Qatlayıb dizinin altına qoyar Alim Bəxtiyarı şair Bəxtiyar. Hüseyn Alışanovun elmi fəaliyyəti nəinki bir şair kimi onun ilhamına mənfi təsir etdi, əksinə onun yalançı pafosdan uzaq poeziyasında real həyat həqiqətlərini qələmə almasında elmi tədqiqatlarının təsiri az olmadı. Uzun illər AMEA-nın Nizami adına Ədəbiyyat İnstitutunda Dissertasiya Şurasında həmsədr, müavin və bugün də həmin şuranın üzvü kimi yazılan namizədlik və doktorluq dissertasiyalarının elmi sə-viyyəsindən hərtərəfli xəbərdar olduğumdan çə-kin-mədən deyə bilərəm ki, Hüseyn Alışanovun “Sə-məd Vurğunun ilk 242 yaradıcılıq dövrü” diplom işi günü bu gün namizədlik dissertasiyası kimi müdafiəyə təqdim edilə bilərdi. Bu böyük həcmli elmi tədqiqat işi giriş, üç fəsil və kitabiyyatdan ibarətdir. Əsərin əvvəlində araşdırıcının elmi rəhbəri, Bəxtiyar Vahabzadənin rəyi verilmişdir. Bəxtiyar müəllim diplomçunun elmi səriştəsindən, təfəkküründən, özü şair olduğundan Səməd Vurğun poeziyasının ruhunu, onun ilham mənbələrini doğru-düzgün müəyyən edə bilməsindən səxavətlə danışır. Diplom işinin ən yaxşı fəslinin “Təbiət və sevgi duyğuları” olduğunu xü-susi vurğulayır. Müəllifin Səməd Vurğunun ilk ya-ra-dıcılıq dövrü haqqında yazan tədqiqatçılarla, görkəmli ədəbiyyatşünas alimlərlə, hətta elmi rəh-bəri ilə mübahisəyə girişdiyindən, öz fikirlərini fakt-larla sübuta çalışdığından söz açır. Qeyd edir ki, diplomçunun bəzi fikirləri ilə razılaşmaq da, ra-zı-laşmamaq da olar. Lakin müəllifin orijinal və müs-təqil fikir yürütmək bacarığını nəzərə alaraq, onun dediklərinə toxunmaq istəməyib. Bəxtiyar müəl-lim tədqiqatçının əsərdə yürütdüyü fikirlərin 243 ha-mısının özünə məxsus olduğunu nəzərə alaraq, diplom işini “Əla” qiymətlə müdafiəyə təklif edib. Tədqiqatçı gənc olduğundan, tənqidçi səriştəsi olmadığından Məmməd Arif və Mir Cəlal müəllimi sərt tənqid etdiyinə görə (s. 24-26) müzakirə vaxtı diplom işi mübahisəyə səbəb olmuşdu. Hüseynin azad təyinat almasına, Bakıda qalmasına kömək edən Mir Cəlal müəllim yumorla deyir: Hüseyn məni tənqid də edib, tərif də. Əla qiymətini yazın getsin, – deyir. Hüseyn həqiqətən də Mir Cəlal müəllimin Səməd Vurğunla bağlı yüksək fikrini diplom işində vermişdi: “Səməd Vurğun əlinə qələm alandan şair yaranmışdır”. Əsərin girişində tədqiqatçı yazır ki, S.Vurğun poeziyası zəmanəmizin poeziyasıdır. O, şairin “Azərbaycan” şeirindən aşağıdakı bəndi: Bəzən səndən gen düşəndə, Ayrılıq məndən düşəndə, Saçlarıma dən düşəndə, Boğar aylar, illər məni Qınamasın ellər məni Yüklə 1,36 Mb. Dostları ilə paylaş:
|