14
14
2011-ci il noyabrın 10-da o, İran hökuməti haqqında olduqca tənqidi fikirlərin ifadə olunduğu,
hücumların, xüsusilə də hazırda Azərbaycanla İran arasında gedən “soyuq müharibə”nin
arxasında iranlıların durduğu şübhələrini gücləndirdiyi növbəti məqaləsini yazmışdır. Lakin ailəsi
və bəzi jurnalistlər aparılan istintaqın başdansovduluğu və qeyri-adekvatlığından şikayət etmiş,
onun ölümündə Azərbaycan hakimiyyətinin təqsirli olmasından əmin olduqlarını bildirmişdir.
Hökumət Rafiq Tağıya qarşı törədilmiş hücuma görə cavabdeh şəxslərin tapılması üçün bütün
mümkün tədbirlərin görüldüyünü və istintaqın Baş prokuror Zakir Qaralovun birbaşa nəzarəti
altında aparıldığını bildirmişdir. Buna baxmayaraq, vətəndaş cəmiyyəti nümayəndələrinin təsis
etdiyi “Preventiv Analitik Qrupu” öz araşdırmasını aparmış və rəsmi istintaqın bir neçə ciddi
çatışmazlıqlarını müəyyənləşdirən hesabat hazırlamışdır. Bu günədək heç bir şübhəli şəxs həbs
olunmamışdır.
“Bakı baharı” ilə bağlı təzyiqlər mediaya qarşı yeni zorakılıq silsiləsinə yol açır
Ciddi hadisələrlə bağlı davam edən cəzasızlıq Azərbaycanda jurnalistlərə qarşı hədə-qorxu
hallarını gücləndirmişdir. Lakin jurnalistlərin getdikcə daha çox məruz qaldığı gündəlik zorakılıq
hallarına görə ümumi cəzasızlıq faktı ilə vəziyyət daha qorxulu xarakter almışdır. Polis əməkdaşı
jurnalisti döydüyünə görə cəzalandırılmadıqda, ölüm təhlükələri heç araşdırılmadıqda, zorakılığın
daha ağır formalarının baş vermə ehtimalı daha real görünür.
Zorakılıq qurbanına çevrilən bütün jurnalistlərə qarşı ədalətli davranmamaqla Azərbaycan
hakimiyyəti Avropa İnsan Hüquqları Konvensiyasının 2 və 3-cü Maddələrini və Avropa İnsan
Hüquqları Məhkəməsinin yaratdığı yurisprudensiyanı sistemli şəkildə pozmuşdur.
Təhlükəsizlik qüvvələri 2011-ci ilin mart və aprel aylarında baş qaldırmış etiraz dalğalarını
yatırmaq üçün ciddi zorakılıq tətbiq etmiş, çox sayda insan döyülmüşdür. Jurnalistlər aprelin
2-də Bakının Fəvvarələr Meydanında baş vermiş demokratiya tərəfdarları nümayişlərini
işıqlandırmağa çalışarkən döyülmüşdür
[2]
.
Müxalif jurnalistlərin oğurlanması
Müxalifyönlü “Azadlıq” qəzetinin müxbiri Seymur Həziyev 2011-ci ilin 26 mart gecəsi Bakı
yaxınlığındakı Ceyranbatan qəsəbəsində yerləşən evinə qayıdarkən altı nəfər maskalı şəxsin
hücumuna məruz qalmışdır. Başına torba geyindirilərək mikroavtobusda naməlum yerə aparılmış
və iki saat ərzində ona işgəncə verilmişdir. Üzərində olan iki telefon əlindən alınmış, noutbukunun
içindəkilər yoxlanmışdır. Hücum edənlərdən biri ona “digərləri kimi alicənab və sakit” davranmağı
bildirmişdir. Sonda isə o, oğurlandığı ərazidən bir neçə kilometr uzaqlıqda əlləri bağlı şəkildə
azad buraxılmışdır.
“Azadlıq” qəzetinin digər bir müxbiri Ramin Deko bir həftə sonra buna bənzər halla üzləşmişdir.
Mülki geyimdə olan üç nəfər 3 aprel səhər saatlarında onun yaşadığı, Bakı şəhərindəki
Rəsulzadə qəsəbəsində qabağını kəsərək maşınlarına minməyə məcbur etmişlər. Daha sonra
[2] http://en.rsf.org/azerbaijan-journalists-among-victims-of-05-04-2011,39953.html
15
onu Bakının 25 kilometrliyində yerləşən Maştağa kəndinə aparmış və səkkiz saat ərzində
dayanmadan psixoloji təzyiqə məruz qoymuşlar. Ondan dəfələrlə nə üçün sosial internet
şəbəkələrində fəal olmasını və prezident İlham Əliyevi tənqid edən məqalələr yazmasını
soruşmuşlar. Ona, bu əməllərindən əl çəkməzsə, “başının ciddi şəkildə ağrıyacağını”
söyləmişlər. Onu saat 16:00 radələrində Bakıda azad etməzdən öncə başına gələnlər haqqında
susmasını bildirmişlər. Buna baxmayaraq, Deko dərhal oğurlanması haqqında mediaya xəbər
vermiş və növbəti gün işdən çıxdıqda onu oğurlamış şəxslərdən ikisi “qisas məqsədilə” çox ağır
şəkildə döymüşlər. Hər iki halda təqsirkarlar müəyyənləşdirilməmişdir
[3]
.
xarici jurnalistlərə qarşı zorakılıq
Bu cür hallar çox baş verməsə belə, xarici jurnalistlər də zorakılıq əməllərindən
sığortalanmamışdır. 2011-ci ilin iyununda Amerikalı jurnalist Amanda Erickson və Britaniyanın
media hüquqları üzrə fəalı Celia Davies dörd nəfər naməlum şəxsin onlara hücumu zamanı ciddi
şəkildə zədə almışlar
[4]
. Erickson və Davies Azərbaycanda yerli jurnalistlər
və vətəndaş cəmiyyəti
qrupları ilə işləyirdi. Hücum zamanı Ericksonun yenicə New York Times qəzetində əvvəllər
məhkum olunmuş bloqçu Emin Milli ilə bağlı
[5]
, Kolumbiya Hüquq İcmalında (Columbia Law
Review) isə tanınmış tənqidçi jurnalist Xədicə İsmayılla
[6]
. bağlı yazıları dərc olunmuşdur. Lakin
Azərbaycanlı jurnalistlərdən fərqli olaraq, Erickson və Daviesə hücum edənlər tezliklə tapılaraq
həbs olunmuşdur
[7]
.
Bakıdan kənarda
Reportyorların Azadlığı və Təhlükəsizliyi İnstitutunun (RATI) operatoru Rəşad Əliyev 2012-ci ilin 1
mart tarixində ölkənin şimalında yerləşən Quba şəhərində polislə təhlükəsizlik qüvvələri arasında
baş verən toqquşmaları lentə almaq istəyərkən polis əməkdaşı tərəfindən başından vurulmuş və
xəstəxanaya yerləşdirilmişdir.
Ermənistan ərazisinə düşən bir zolaqla Azərbaycan torpaqlarından ayrılan Naxçıvan Muxtar
Respublikasında da ümumilikdə cəzasızlıq hökm sürməkdədir. Naxçıvanda demək olar ki,
plüralizm tamamilə mövcud deyil və jurnalistlər işlərini görmək üçün mübarizə aparır. Onlar
zorakılıq halları (çox vaxt yerli təhlükəsizlik qüvvələri tərəfindən) ilə bağlı şikayət etmək istədikdə
məhkəmə orqanları, adətən, bu cür halların baş verdiyini sadəcə olaraq inkar edir.
Naxçıvanda son zamanlar baş vermiş hadisələr arasında aşağıdakıları qeyd etməyə dəyər:
• Jurnalistlər Elman Abbasov (RATİ) və İlqar Nəsibov (Turan) 2011-ci il 15 iyul tarixində
[3] http://www.article19.org/resources.php/resource/1745/en/azerbaijan:-international-
organisations-condemn-abduction-and-beating-of-journalist-seymur-khaziyev
[4] http://www.irfs.az/content/view/6831/28/lang,en/
[5] http://www.nytimes.com/2011/06/25/world/europe/25azerbaijan.html?_r=1&ref=azerbaijan
[6] http://www.cjr.org/feature/open_mic.php?page=all
[7] http://www.rferl.org/content/azerbaijanis_arrested_assault_foreign_journalist_activist/24248405.html