20
40 gün döyüş gedir, qisas alınır. Farsların və
ermənilərin birliyi məhv olur.
XVIII əsrin əvvəlləri farslar Zəngəzurdan Türk-
ləri uzaq salmaqdan ötrü min cür hiylə qururlar.
Həmin ərazilərə ermənilər köçürülür. Xanlıqlar
təhlükəni görsələr də özlərindən sovuşdura bilmirlər.
Tədricən ərazilər hissə-hissə Təbriz və Qarabağ
xanlıqlarının tabeliyinə keçir.
Bu dövrdə də ermənilərin bu ərazilərə köçürül-
məsi davam etdirilir.
Təbriz xanlığı zəifləyərək Qaradağ xanlığına
tabe etdirilir.
Qubadlı ərazilərinə həmin illər ərzində Qaradağlı
əhali daha çox köçürülmüşdür. Bu gün rayonumuzun
kəndlərində Qaradağdan gəlib məskunlaşanlar çox-
luq təşkil edir.
Xanlıq kəndi Qarabağ nümayəndəliyinin
otur-
duqları mərkəz olub.
Qarabağ xanı öz oğlunu Xanlıq
kəndinə, Sarıyataqlı Mustafa xanı isə Sarıyataqdan
Gürcülüyə qədər əraziyə nümayəndə seçib.
Təsadüfi deyildir ki, müxtəlif zorakılıq müharibə
məcburiyyət nəticəsində öz doğma yurdundan qaç-
qın, köçkün düşən şəxslər öz doğma yurdunun adını
yaşatmağa çalışır, hətta ulu şəxş və tayfa adlarına
görə öz yurdunun şərəfini qorumağa çalışır. Bu gün
rayonumuzun işğalı hər birimizi düşündürür. Nə et-
məli fikrini ortaya qoyur.
21
I.1. Qubadlı rayonunun coğrafiyası, mövqeyi,
yaranma və inkişaf tarixi
Kiçik Qafqazın cənub-qərbində, Qarabağ yay-
lasının ətəklərində yerləşən Qubadlı torpağının tarixi
çox qədimdir. Qubadlının adı bir mənbəyə (“Coğrafi
adlar” Azərnəşr, 1982) əsasən, dörd əsr bundan
əvvəl yaranmışdır: “Qubadlı XVI əsrin sonunda
Azərbaycana köçmüş Səlcuq türklərinə mənsub
Qubad nəslinin adını daşıyır”. Əgər sirli tariximizin
hikmətli baxışlarını duyub aşağıda qeyd olunan daş
əsərlərin daş səhifələrini oxuya bilsəydik, Qubad-
lının daha qədimliyini öyrənmiş olardıq.
Gavur dərəsindəki mağara ibadətgah IV, Murad-
xanlı kəndindəki Qalalı, Əliquluşağı kəndindəki Göy
qala abidələri V, Xələc kəndindəki məscid VII, Yazı
düzündəki Cavanşir türbəsi, Dəmirçilər kəndindəki
iki türbə XIV, Gürcülü kəndindəki türbə XVII,
Məmmədli kəndindəki məscid XVII, Xocamsaxlı
kəndindəki türbə XVIII yüzilliklərdən xəbər verir.
Əliquluuşağı
kəndindəki mağara–ibadətgah,
Xocamsaxlı kəndindəki qala, Seytas və Cibikli
kəndindəki Anabat və bir çox əfsanəvi abidələr
(Oğlan-qız qayası, Sınıq körpü və s.) kim bilir, bəlkə
də, daha qədim dövrlərin yadigarlarıdır.
22
Qubadlı şəhəri 1930-cu ildən rayon mərkəzidir.
Kiçik Qafqaz vilayəti geoloji inkişafı ilə Böyük Qaf-
qazdan çox fərqlənir. Uzun geoloji dövr ərzində
Kiçik Qafqazda intensiv vulkan fəaliyyəti olmuşdur.
Məhz ona görə də respublikamızın digər sahələrin-
dən fərqli olaraq vulkanın süxurları burada geniş
əraziləri əhatə edir. Bu süxurlar Paleozoy erasının
Yura və Tabaşir dövrlərinə aiddir. Qubadlı rayonu-
nun bir çox yerlərindən tabaşir çıxarılır. Respub-
likamızın ayrı-ayrı rayonlarının tabaşirə böyük
ehtiyacı var.
Qubadlı bir çox faydalı qazıntıları ilə zəngindir.
Hacılı məhəlləsində daş karxanasının alt laylarında
çox zəngin travertin yatağı vardır. Azərbaycanda
travertin ancaq Naxçıvan Muxtar Respublikasında
olan yataqdan çıxarılır. Saldaş-Fərcan zonasında
qızıl yatağı vardır.
Rayonun Qədili kəndi ətrafında böyük əqiq
ehtiyatı müəyyən edilmişdir. Əqiqdən sənayenin
ayrı-ayrı sahələrində istifadə edilir. Xüsusilə, qol və
cib saatlarının daşını əqiqdən hazırlayırlar.
Rayonun bir çox yerlərində yerli əhəmiyyətli
mineral bulaqları, müalicə suları vardır. (Kitabda
olan “Qısıraq” bulağı haqqındakı yazıya bax).
Kiçik Qafqaz dağlarında Qarabağ vulkanik yay-
lası müstəsna olmaqla, dağətəyi düzənliklərdən yük-
23
sək dağlara doğru qalxdıqca süxurların geoloji yaşı
artır. Dağətəyi düzənliklər və dağarası çökəkliklər,
əsasən, dördüncü dövrün alhivial çöküntülərindən,
dağlıq ərazilər isə, əsasən, üçüncü dövrün Mezazo-
yun əhəng daşlarından, şistlərindən, intruziv süxur-
larından təşkil olunmuşdur. Kiçik Qafqaz vilayəti
fəal zəlzələ zonasıdır. Hazırda da burada güclü
zəlzələlər baş verir.
Rayon Arazboyu düzənliklərin Şimal-qərb istiqa-
mətində dəniz səviyyəsindən 200 m-dən – 2100 m-ə
qədər hündürlükdə yerləşir. Ərazisinin ən hündür
zirvəsi Topağacdır 2010 metr. Relyefin formalaş-
ması Kaynazoy geoloji eraya təsadüf edir. Rayonun
ərazisindən keçən çayların sahil boyunca düzənliklər
olması ilə bərabər geniş ərazini əhatə edən Yazı
düzü, Gəyən düzü kimi böyük əkin sahələri vardır.
Dağlıq ərazilər Mezazoyun əhəng daşlarından,
sistlərdən, qum daşlarından, düzənlik və dağətəyi
zonalar isə Kaynazoy dövrü çöküntüklərdən təşkil
olunmuşdur. Rayonun qışı bir qədər yağıntılı, yayı
quru və isti keçir – mülayim isti iqlim hakimdir.
Havanın orta temperaturu 10-14 dərəcə selsi, yağın-
tılarının miqdarı isə 300-500 mm-dir.
Rayonun böyük Həkəri və Bərgüşad çayları,
əsasən, yağış, qrunt və yeraltı sularla qidalanırlar.
Bunlardan başqa, rayonun ərazisində Həkəri və Bər-
24
güşad çaylarına tökülən kiçik çaylar–Ağaçay, Xalla-
va, Dovudlu, Xaçgədik və Kiçik Həkəri çayları
vardır.
Həkəri çayı öz başlanğıcını Laçın rayonu ərazi-
sindən, Minkəndin gur - şəffaf və bolsulu bulaqların-
dan alır. Çayın başlanğıcında İstisu, Turşsu bulaqları
da vardır. Azərbaycan çayları içərisində ən təmiz
suyu olan Həkəri çayıdır. Vaxtilə Bakıya su gətir-
mək məsələsi olduğu illərdə Həkəri çayının suyunun
gətirilməsini daha məqsədəuyğun hesab edirdilər.
Lakin çox uzaq olduğundan və Bakıya da tezliklə su
gətirmək lazım olduğundan həmin planı dəyişdirib
Kür çayından boru vasitəsi ilə su çəkilmişdir.
Rayonun ərazisindən keçən ikinci çay Bərgüşad
çayıdır ki, uzunluğu 180 km-ə yaxındır. Bərgüşad
çayı Ermənistan ərazisindən, Bazarçay deyilən
yaşayış məntəqəsi ətrafındakı dağlardan başlayır.
İlkin olaraq bu çay mənbəyini götürdüyü Bazar-
çay yaşayış məntəqəsinin adı ilə əlaqədar adlanır. O,
Urud kəndinə qədər Bazarçay kimi tanınır. Qubadlı
rayonu ərazisində Bərgüşad adlanır. Çayın Dəliçay,
Şəki çay,
Sisyançay, Taxtakörpü çay, Daşlı dərə
çayı, Bəxtiyarlı çayı, Ağa çayı adlı qolları var. İlin
yaz aylarından havanın istiləşməsi nəticəsində,
qarların əriməsi və güclü yağışların, yəni bərk
Dostları ilə paylaş: |