220
Siyasət.Hərbi iş
85
illiyi
TURQUT ÖZAL
1927-1993
OKTY
ABR
Turqut Özal 1927-ci il oktyabr ayı-
nın 13-də Şərqi Türkiyənin Malatya
şəhərində torpaq damlı evi olan ka-
sıb bir ailədə anadan olmuşdur. Atası
Məhmət Siddik bəy kənd təsərrüfatı
bankında azmaaşlı bir məmur, ana-
sı Hafizə xanım isə ibtidai məktəb
müəllimi idi. Müharibələrin yarala-
rı təzə-təzə sağalmağa başlamışdı.
Məhəmməd Siddik bəyin məmurluq,
Hafizə xanımın müəllimlik maa-
şı ilə ailə qənaət və sıxıntılar içində
çətinliklə dolanır.
Atasını erkən itirən Turqut Özal
anasının köməyi sayəsində İstanbul
Texniki Universitetində təhsil al-
mış, 1950-ci ildə həmin universiteti
mühəndis-elektrik ixtisası üzrə bitir-
miş və elektrotexnika sahəsində ma-
gistr elmi dərəcəsini almışdır. Dövləti
xidmətə Türkiyənin Energetika və
Təbii Ehtiyatlar Nazirliyində başlayan
Turqut Özal 1958-1959-cu illərdə ilk
iqtisadi və sosial inkişaf planının ha-
zırlanmasında iştirak etmişdir.
O, 1960-1961-ci illərdə Müdafiə
Nazirliyinin elmi-məsləhətçisi, 1965-
ci ildə isə Süleyman Dəmirəl başda ol-
maqla Ədalət Partiyası qalib gəldikdən
sonra 2 il Baş nazirin məsləhətçisi ol-
muşdur. Eyni zamanda o, Orta Doğu
Texniki Universitetində dərs demişdir.
1971-ci ildə isə ABŞ-a getmiş, 1973-
cü ilə qədər Beynəlxalq Bərpa və İnki-
şaf bankında işləmişdir.
1973-cü ildə Türkiyəyə qayıdaraq,
Sabançı Holdinqdə baş koordinator
olmuşdur, 1983-cü ilin may ayın-
dan Ana Vətən partiyasının sədri ol-
muş, 1983-cü ilin dekabr ayında Ana
Vətən Partiyası Türkiyə Böyük Millət
Məclisi seçkilərində qələbə qazanaraq,
bu hökumətə Baş nazir seçilmişdir. O,
xarakteri etibarı ilə 50-ci illərin Ce-
lal Bayarını xatırladırdı. O, Türkiyəni
Dəmirəlin dediyi kimi “70 sentə möh-
tac olmaqdan” qurtararaq, onu dünya
siyasi səhnəsində öz imici olan bir
dövlətə çevirir.
1989-cu ilin noyabr ayında Turqut
Özal Türkiyə Respublikasının 8-ci
və 1960-cı ildən sonra ilk mülki pre-
zident seçildi və ölənə kimi ölkəyə
uğurla rəhbərlik etdi. Onun rəhbərliyi
dövründə Türkiyə ən şanlı dövrlərindən
birini yaşadı.
Turqut Özal 1993-cü ilin 17
aprelində vəfat edib. Onun ölüm səbəbi
indiyə qədər mübahisə predmetidir.
Ə d ə b i y y a t
Ölkəni idxalatçıdan ixracat-
çıya çevirən prezident Tur-
qut Özal [Mətn] //Zaman.-
2007.- 3-4 may.- S.14.
Şahinoğlu , E. Özal
özəllikləri [Mətn]: Türkiyə
Cumhur başqanı Turqut
Özalın vəfatının 13-cü
ildönümü ilə əlaqədar
/E.Şahinoğlu //Gün.- 2006.-
22-28 fevral.- S.19.
Türkiyə. Turqut Özal “
İqtisadi möcüzələr...”
[Mətn].- Bakı : Şərq-Qərb,
1990.- 64 s.
Türk dünyası. Kültür Atlası
[Mətn] //Türkiye Cum-
huriyeti: Bölüm IV.- Türk
kültürünün hizmet vakfı.- İs-
tanbul, 2006.- Cilt.1.- S.168-
179.
Туркут Озал //Боль-
шая универсальная
энциклопедия [Текст]:
в 20 томах.- М: АСТ-
Астрель, 2010.- Т.12.-
С.773-774.
13
Dövlət xadimi
221
Siyasət.Hərbi iş
155
illiyi
SƏMƏD BƏY
MEHMANDAROV
1857-1931
OKTY
ABR
Səməd bəy Mehmandarov 1857-ci
il oktyabr ayının 16-da Lənkəranda
anadan olmuşdur. Bakıda gimnaziya
təhsili almış, 16 yaşında Peterburqda
yerləşən II Konstantinovka Artilleriya
məktəbinə daxil olmuşdur. 1875-ci ilin
dekabrında podporuçik rütbəsi almış və
üçüncü dərəcəli “Müqəddəs Stanislav”
ordeni ilə təltif edilmişdir. 1890-cı ildə
kapitan, 1898-ci ildə podpolkovnik,
1901-ci ildə polkovnik, 1904-cü ildə
general-mayor rütbəsi almışdır. Rus-
Yapon müharibəsində böyük rəşadət
göstərmiş S.Mehmandarova 1908-ci
ildə tam artileriya generalı rütbəsi ve-
rilmişdir ki, bu da general-polkovnik
rütbəsinə bərabərdir.
I Dünya müharbəsi başlanarkən
general S.Mehmandarov Varşava ətra-
fında xidmət etmişdir.
1915-ci ildə general S.Mehman-
darov korpus komandiri təyin edil-
mişdi. 1917-ci ilin əvvəlində Rusiya-
nın bütün hərbi ordenləri ilə, eləcə də
İngiltərənin, Fransanın, Rumıniyanın
bir neçə hərbi ordenləri ilə təltif edil-
mişdi.
1917-ci il fevral burjua inqilabı
baş verərkən S.Mehmandarov Qaf-
qazda idi. Həmin ilin aprel ayında o,
vəzifəsini həmişəlik tərk edib istefa-
ya çıxmış, bir müddət Vladiqafqaz
şəhərində yaşamış, sonra Azərbaycana
gəlmişdir.
General S.Mehmandarov Azərbay
can Xalq Cümhuriyyəti hökümətində
1918-ci ilin 25 dekabrından Hərbi
nazir vəzifəsini tutmuş və müstəqil
Azərbaycanın qısa müddətdə 30 min-
lik ordusunu yaratmağa nail olmuş-
du. Müstəqil Azərbaycan döv-lətinin
ərazisi Rusiyanın XI Ordusu tərəfindən
zəbt edildikdən sonra S.Mehmandarov
öz xalqının müqəddəratına biganə ol-
mayaraq, Nəriman Nərimanovun şəxsi
zəmanəti əsasında hərbi fəaliyyətini
davam etdirmiş və Azərbaycanda yara-
dılmış hərbi komandirlər məktəbində
1921-1928-ci illərdə müəllimlik et-
mişdir.
General Səməd bəy Mehmandarov
1924-1927-ci illərdə Azərbaycanda
hərbi sahədə aparılan geniş islahatlar-
da və tədbirlərdə fəal iştirak etmişdir.
1928-ci ildə general S.Mehman-
darov səhhətinə görə orduda xidmət
dən tərxis olunmuş və ona fərdi dövlət
təqaüdü verilməsi müəyyən edilmişdi.
General-polkovnik
S.Mehman-
darov dövrünün görkəmli şəxsiyyət-
lərindən biri olmuşdur. O, türk və
fars dillərini yüksək səviyyədə bilirdi.
Ömrünün son üç ilində islam tarixi və
fəlsəfə ilə məşğul olmuşdur.
General Səməd bəy Mehmandarov
1931-ci il fevral ayının 12-də Bakıda
vəfat etmişdir.
Ə d ə b i y y a t
General Səməd bəy
Mehmandarov Port-Artur
döyüşlərində //Şəmistan
Nəzirli “1920-ci ildə Qara-
bağ döyüşləri”.-Bakı,2009.-
S.95.
Əhmədov, S. Səməd bəy
Mehmandarov [Mətn] //
Əhmədov, S. Azərbaycan
tarixindən yüz şəxsiyyət.-
Bakı, 2006.- S. 130-133.
Quliyev, V. Port Arturun
azərbaycanlı qəhrəmanı / V.
Quliyev // Qarabağ. - 2006.-
15-28 dekabr. - N21. - S.
11-12.
Səməd bəy Mehmandarov
haqqında [Mətn]//Nəzirli, Ş.
Cümhuriyyət generalları .-
Bakı, 1995.- S. 113-136.
Абасов, А. Генерал
Мехмандаров [Текст]
/А.Абасов.- Баку, [Б.И.],
1974.- С.80.
16
Hərbi xadim