28
Gabud və gabudlular
Beləcə, son dərəcə füsunkar, əsrarəngiz, təkrarsız Gabudun
ərazisində yerləşən bir çox yerlər orada məskunlaşan, nəfəsləri
ilə uzun müddət boş qalmış əraziləri isidən, canlandıran
gabudluların adı ilə əbədiləşdirilmişdi.
Belə adlardan Şahqulular gölləri, Şahbəndə yurdu, Fətəli
biçənəyi, Məşədi yurdu, Təmo dərəsi, Xıdırın gədiyi, Avasölən,
Mustafa güneyi, Məmmədin düz yeri, Hacının yoncası, Alışanın
döş yeri, İsanın bağı, Şaxenin bağı, İsmixanın biçənəyi, Şahmirzə
yurdu və başqa yer adlarını da göstərmək olar.
Azərbaycanlıların bu kənddə məskunlaşmasını XVIII
əsrn sonlarını, buradan köçməsini isə 1988-ci il qəbul etsək,
bu rada təxminən 200 il yaşamışıq. 1828-ci ilin 10 fevralında
imzalanmış Türkmənçay müqaviləsinə görə, İrəvan və Naxçıvan
xanlıqları İrandan Rusiya imperatorluğuna keçdi. Bu əraziləri
daim münaqişədə olduqları İran və Türkiyəyə qarşı forposta
çevirmək istəyən Rusiya həmin iki xanlığın ərazisini
“Erməni
vilayəti” elan edərək İranda və Türkiyədə yaşayan, özünə sadiq,
müsəlmanlara düşmən olan ermənilərlə məskunlaşdırmağa
başladı. Bu məqsədlə Türkmənçay müqaviləsində xüsusi, 15-ci
maddə də nəzərdə tutulmuşdu və bu maddə ilə İran təbəələrinə
1 il vaxt verilirdi ki, kim istəsə, öz malı, mülkü, sərvəti ilə
digər dövlətin ərazisinə keçə bilər. Amma təbii ki, bu cür ifadə
sırf diplomatik bir ifadə idi və əsasən ermənilərin bu ərazilərə
köçürülməsini təmin etməyə yönəldilmişdi. Beləliklə, artıq
1828-ci ilin mart ayında ermənilərin tələm-tələsik köçürülməsinə
başlanılır, bu prosesə isə polkovnik rütbəsində olan hərbçi,
milliyyətcə erməni
Lazarev başçılıq edirdi. Köçməyə tərəddüd
edən erməniləri müxtəlif vədlərlə, hətta pulla şirnikləndirirdilər.
Və İranın Salmas, Xoy, Marağa və Maku vilayətlərindən
29
Nazir Əhmədli
“Erməni vilayəti” adlandırılan ərazilərə 8 min erməni ailəsi
köçürməyə nail olurlar. 1831-ci ildə Dərələyəzdə cəmi 1001
müsəlman ailəsinin yaşadığını nəzərə alsaq, səkkiz minin çox
böyük rəqəm olduğu ortaya çıxar.
Maraqlıdır ki, həmin köçürmə dövründə İrandan buralara
500 müsəlman ailəsinin də könüllü olaraq gəldiyini yazırlar.
Qısqanclıq keçirən
Lazarev onlara mane olmaq üçün hətta qalib
qoşunların komandanı general
Paskeviçə də müraciət edir, amma
istəyinə nail olmur, çünki bu ərazilərin məskunlaşdırılması Rusiya
imperiyasının maraqlarına uyğun idi, bu təbəələr gələcəyin vergi
ödəyiciləri, əsgəri mükəlləfiyyəti olan adamlar idi. Mən əvvəllər
belə hesab edirdim ki, 1828-ci ildə ermənilərlə buraya eyni
vaxtda gələn müsəlmanlar bizim babalarımızdır, amma məlum
olur ki, bu heç də belə deyilmiş, Dərələyəzdə yaşayan 1001
müsəlman ailəsi 1831-ci ilin siyahıyaalınmasında buranın köklü
əhalisi kimi qeyd olunduğu halda, 1828-ci ildə İranın Salmas,
Xoy və Maku vilayətlərindən gələn 507, Türkiyədən gələn 8
erməni ailəsinin yeni köçürülənlər olduğu qeyd olunur. Bu 1001
ailə Dərələyəzin daha qədim sakinləri kimi göstərilir.
1988-ci ildəki deportasiya Gabudun tarixində ilk belə hadi-
sə deyil. Ümumrusiya Kommunist Bolşeviklər Partiyasının
Siyasi Bürosunun üzvü və SSRİ xarici ticarət naziri, dövlət
başçısı İ.Stalinə yaxın fiqur olan A.Mikoyanın fikirləşip
tapdığı siyasi kələk-guya Suriyadan, Livandan və başqa xarici
dövlətlərdən erməniləri Ermənistan SSR-ə gətirmək üçün
Ermənistan azərbaycanlılarının 1948-ci ildə Azərbaycan SSR-ə
köçürülməsi, daha doğrusu deportasiyası baş vermişdi. O vaxt
gabudluları da Yevlax şəhərinin yaxınlığında yeni salınan
Səmədabad qəsəbəsinə yerləşdirmişdilər. Həm yaşadıqları
30
Gabud və gabudlular
sərin iqlimli yerdən gə tirilərək cəhənnəm kimi isti bir yerdə
məskunlaşdırılmaları, həm də ənənəvi məşğuliyyətlərindən
fərqli olaraq pambıqda işləməyə məcbur edilmələri gabudluların
qətiyyən ürəyindən deyildi. Amma onları geriyə-Gabuda da
buraxmırdılar.
1953-cü ilin martın əvvəllərində İ.Stalinin ölümü siyasi
rejimdə müəyyən dəyişikliyə-yumşalmaya səbəb olduğundan,
gabudlular da vəziyyətdən istifadə edib Gabuda qayıtdılar.
Atam danışırdı ki, gabudlular geri qayıdanda
Bazarçay
deyilən yerdə, Sisyan rayonunun ərazisində yol bağlı imiş, qışdan
qalan qar hələ əriyib qurtarmayıbmış. Gabudlular bir həftə gecə-
gündüz çalışaraq, onları gətirən yük maşınının keçməsi üçün
yolu qardan təmizləmişdilər.
İş elə gətirdi ki, Gabudu sonuncu tərk edənlər də qışın
çovğununda, qarında dağdan Şahbuz rayonunun Kükü kəndinə
aşaraq Azərbaycan ərazisinə yetişə bilmişdilər...
1948-1952-ci illərin deportasiyası zamanı Gabudu tərk
etməyən bir ailə vardı-o, Gabudun ilk daş qoyanı Ruşanın
nəslindən olan Hacının nəvəsi Məhəddin, yəni babam idi. Sanki
ulu əcdadının miras qoyub getdiyi məskəni ermənilərə tərk edib
getmək istəmirdi.
Həmin vaxt onu qonşu gomurlular özlərinə kolxoz sədri
seçib etimad göstəriblər. Gomurlular da doğma kəndlərini tərk
etməmişdilər.
O vaxt gabudluların tərk etdiyi kənddə erməni yaşamırdı,
amma deyilənə görə, indi Gabudda müəyyən qədər məs-
kunlaşıblar.
Ermənilər tarix boyu nə qədər vətənpərvərlik şüarları ilə
pərdələnsələr də, Ermənistanda yaşamaq istəyənlər azlıq təşkil
Dostları ilə paylaş: |