31
Nazir Əhmədli
edir, bəlkə də fağırlar, xaricdə özünə isti yer tapa bilməyənlər
və vəzifədən yararlananlar burada yaşamaqda davam edirlər,
ermənilərin xarici ölkələrə köçü isə arasıkəsilmədən davam
etməkdədir.
Yadımdadır ki, 1980-ci illərdə Gomur kəndinə asfalt yol
çəkiləndə bizim kəndlərin əhalisi ilə ünsiyyətdə olan
Zaritap
(biz oradan köçənə qədər bu kəndi öz əvvəlki adı ilə Paşalı
adlandırırdıq) erməniləri heç gizlətmədən deyirdilər ki, bu
yol sizin üçün deyil, sizi oralardan köçürəcəklər. Onlar bu
xəbərdarlığı edəndə hələ M.Qorbaçov hakimiyyətə gəlməmişdi,
yenidənqurma başlamamışdı...
Qorbaçov demişkən, kəndimizdə müəllim işləyən vaxtlar
idi, Çernobıl Atom Elektrik Stansiyasında baş vermiş partlayışın
əlamətlərini öz gözlərimlə gördüm.
Bizim ailə adətən, gec yatırrdı. Təbiətən çox şirin söhbətcil
olan atamın başına yığılar və ədəbiyyat məsələlərindən tutmuş
atom fizikasına qədər ən müxtəlif mövzularda söhbətlər edərdik.
1986-cı il aprel ayının 25-dən 26-na keçən gecə idi, təx-
minən gecə saat birin yarısında havamı dəyişmək üçün bayıra
çıxdım. Kəndimizin şimal tərəfində yerləşən
“Kəllə qaya”
dediyimiz yerdə göy üzündə bir halə gördüm. Nə ola biləcəyini
başa düşmək üçün ona diqqətlə baxıb gözlədiyim müddətdə
onun cənuba, kəndimizə tərəf böyüdüyünü müşahidə etdim,
həyəcanla atamı, evdəkiləri bayıra çağırdım. Xeyli baxdıq, bir
şey anlamayıb içəri qayıtdıq, bəzi mülahizələr irəli sürüb onu
unutduq.
Üstündən təxminən 3-4 gün keçəndən sonra rəsmi sovet
mətbuatı Çernobılda baş vermiş qəza ilə bağlı əhəmiyyətsiz,
kiçik miqyaslı bir hadisə kimi məlumat verdi.
“Zaman” xəbərlər
32
Gabud və gabudlular
proqramında xəsiscəsinə verilmiş bu məlumatı oxuyan diktor
xanım
Anna Şatilova isə sovet vətəndaşlarını qəti əmin edirdi
ki, qorxulu bir şey yoxdur. Hətta bir ingilis xanımın məktubunu
istehza ilə xatırlatdı. Tədbirli, ehtiyatlı ingilis maraqlanırdı ki,
Polşaya səfər edən həyat yoldaşını təhlükə gözləmir ki?
Amma ingilis haqlı idi-Çernobıl qəzasının ətraf mühitə
vurduğu dəhşətli ziyan oraya köməyə gedənlərin-içərisində
xeyli azərbaycanlılar da vardı,-ağır radiasiyaya məruz qalması,
bir çoxunun ölməsi, əksəriyyətinin əlil olması ilə yaddaşlarda
qaldı. Çernobıl faciəsini hətta 1945-ci ildə Xirosimaya atılmış
atom bombası ilə müqayisə edirlər. Oradan yayılan radioaktiv
şüalanmanın gücü haqqında təkcə o faktı demək kifayətdir
ki, həmin il gabudluların əkdiyi xiyar tərəvəzi demək olar ki,
məhsul vermədi, tağları qarsalıb büzüşdü. Sən demə, bu bitki
radiasiyaya çox həssas imiş.
Kəllə qayanın üstündən cənuba doğru böyüyən işıq haləsi
isə başa düşdüm ki, dəhşətli dərəcədə güclü şəkildə baş vermiş
radioaktiv şüalanmanın izləri imiş..
Millətlərarası nifaqa səbəb olan, milyonlarla insanın döğ-
ma yurd-yuvasından sürgün edilməsi, bütün bunların məntiqi
nəticəsi olaraq SSRİ boyda nəhəng bir imperiyanın dağılması
Çernobıl faciəsindən geri qalmayan başqa bir faciə idi. Mixail
Qorbaçovun törətdiyi faciə ...
Vəfalı gabudluların oradakı çətinliklərə sinə gərib qal-
ması, Gabudu tərk etməməsi uzun söhbətin mövzusudur. Bu
çətinliklərin başında işsizlik və yol problemi dururdu. Gabuda
nəinki avtobus işləmirdi, qış vaxtı hətta tırtıllı traktor çətinliklə
gəlib gedirdi. Ona görə də gabudluların həkim, xəstəxana, ən
vacib ərzaq olan un əldə etmələrinin hansı çətinliklərlə başa
gəldiyini təsəvvür etmək çətin deyil.
33
Nazir Əhmədli
Bizim əhalinin yoldan da vacib problemi iş məsələsi idi.
Kəndimizdəki səkkizillik məktəbdə 10-11 müəllim işləyirdi,
ondan artığını yerləşdirməyə dərs yükü yox idi. Gabud, Gomur
və Axta kəndləri bir sovxozda birləşdirildiyindən, oradakı ştatlar
da dolmuşdu və ali məktəbi yeni qurtaranlar üçün artıq yer yox
idi, onlar ən yaxşı halda Azərbaycanda qalıb iş axtarmalı idilər.
Belələrinin arasında isə gabudlular üstünlük təşkil edirdilər,
çünki buradakı ali təhsillilərin sayı qonşu kəndlərdən daha çox
idi.
1980-ci illərdəki təxmini hesablamalarımıza görə, Gabudu
tərk edən ailələrin sayı Gabudda yaşayanlara bərabər idi.
Yadımdadır ki, 1979-cu ildə SSRİ-də keçirilən siyahıya
alma zamanı Gabudun əhalisi 206-sı qadın, 206-sı kişi olmaqla
412 nəfərdən ibarət idi. Ali məktəblərdə oxuyan tələbələrin və
orduda xidmət edənlərin daxil edilmədiyi bu siyahıya almanı
Gabud kənd məktəbinin direktoru olan atama tapşırmışdılar, o
da kömək üçün mənə müraciət etdi və bu işi ikilikdə gördük.
Büdcədən maaş almayanlar (kənd əhalisinin əksəriyyəti
bu kateqoriyaya aid idi) fərdi təsərrüfatla məşğul olmalı idi
və burada əsas məşğuliyyət heyvandarlıq idi. Amma bunun
üçün yem tələb olunurdu. Artmaqda olan əhali üçünsə sıxlıq
yarandığından burada artıq böhran yetişməkdə idi. Ailəni süd-
qatıqla təmin etmək üçün 1 inək, 10-15 qoyun saxlamaq əhalinin
əksəriyyətinə güclə nəsib olurdu. Çobanlar bu sahədə istisna idi-
onlar qış vaxtı öz qoyunlarını da sovxozun sürüsündə saxlamağa
müvəfəq olduqlarından imkanları daha geniş sayılırdı. Amma
bütün kənd çoban olmayacaqdı ki. Həm də müəllim ştatı kimi,
sovxozdakı çoban ştatları da məhdud olduğundan, bir çox ailələr
başqa kəndlərə gedib fermalarda işləməyə məcbur olurdular.
Yeganə təsəlliləri isə ala-babat dolanışıq əldə etmələri idi.
Dostları ilə paylaş: |