38
Gabud və gabudlular
dövriyyəyə dəyəri 120 ağçaya bərabər olan
quruş buraxılıb, ağça
isə yalnız maliyyə işlərində hesablama vahidi kimi işlənməkdə
davam edib. (Dilimizdə indinin özündə də “az miqdar pul”
anlamını verən
“qəpikquruş” ifadəsi işlədilir).
Kile-çəki vahididir, ən geniş işlənən İstanbul kilesi 18-20
okkaya (təqribən 25 kq) bərabər idi. (Okka 1,282 kq-dır). Man
da çəki vahididir, 1 Naxçıvan manı 13 kq idi.
Dəstibanı əkin yerlərinin qorunması üçün verilən vergidir.
“Üşr” isə onda bir deməkdir, əldə olunan baldan və
meyvədən ya natural şəkildə, ya da onun dəyəri pulla alınırdı.
Pul vahidi olaraq işlədilən ağçanın dəyərini yuxarıdakı
məlumatlardan istifadə edərək müəyyənləşdirmək də maraqlı
olardı: 1 kile (25 kq) buğda 30 ağça edərsə, deməli, buğdanın 1
kq-ı 30:25=1,2 ağça idi. Arpanın 1 kilesi (25 kq) 20 ağça idisə,
deməli, 1 kq-ın qiyməti 20:25=0,8 ağça edir.
Noxudun 1 kilesi-25 kq-ı 18 axça imiş, yəni 1 kq-ı
18:25=0,72 axça edir. Buradan da görünür ki, taxıl noxuddan
baha imiş.
Pambıq . 8x13=104 kq. 560:104=5,4 ağça.
Beləliklə, ümumiləşdirmə aparsaq, 1 ağçanı indiki pulla
təqribən 50 qəpiyə bərabər hesab edə bilərik.
Məlikşah kəndində becərilən bitkilərə gəlincə, burada
mənim təəccübümə səbəb olan pambıqdır-axı o adətən isti
yerlərdə becərilir, Dərələyəz isə məlum olduğu kimi, sərin
yerlərdir.
Oxucuda maraq doğuracağını nəzərə alaraq qeyd edim ki,
Dərələyəz 1735-ci ildə Nadir şah tərəfindən İranın tərkibinə
qaytarılmış, 1827-ci ildə isə, yəni 92 il sonra Rusiya imperiyası
oraları işğal edib öz ərazisinə qatmışdır. Bu işğal 1828-ci ilin
39
Nazir Əhmədli
10 fevralında imzalanan
Türkmənçay müqaviləsi ilə rəs-
miləşdirilmişdir.
1828-ci ildən sonrakı vəziyyəti nəzərdən keçirməzdən əvvəl
Osmanlı işğalı dövründə Gabuda və onun qonşu kəndlərinə də
baxmaq maraqlı olardı.
“DƏRƏLƏYƏZ NAHİYƏSİNƏ TABE OLAN
SOYULAN KƏNDİ
(Əvvəlcə onu qeyd edim ki, bizim
“Söylan” adlandırdığımız
yer adını ya osmanlı məmurları düzgün yazmayıb, ya da onu ərəb
əlifbasından latın qrafikasına çevirən müəllif düzgün oxumayıb.
Orasını da qeyd etməliyəm ki, bu yer adının türk tayfası olan
“söklən” tayfasının adından əmələ gəldiyini düşünürəm).
İndi isə müəlliflərə müraciət edək:
Hökməli Maşallah oğlu-bennak; Allahqulu Dəmirxan oğlu-
bennak; Rəcəb Əbülfəz oğlu-bennak;
Bennak-3; Çift-1.
1 dəyirman-yararsız haldadır.
Gəlir:
Bennak vergisi-54 (ağça)
Çift vergisi – 50 ağça
Buğda 4 kile, dəyəri 120 ağça
Arpa 1 kile, dəyəri 20 ağça
Kərdiyər 1 kile, dəyəri 20 ağça
Pərinc 4 kile, dəyəri 84 ağça
Kəlül 2 kile, dəyəri 36 ağça
Mərcimək 1 kile, dəyəri 18 ağça
Kərəsnə 2 kile, dəyəri 30 ağça
40
Gabud və gabudlular
Darı 1 kile, dəyəri 15 ağça
Pambıq 2 man, 150 ağça
Noxud 2 kile, dəyəri 36 axça
Meyvə üşrü 120 ağça
Bal üşrü 190 ağça
Başqa yerdən gəlib bu kəndin torpağından istifadə edən-
lərdən alınan vergi 85 ağça
Qoyun vergisi 120 ağça
Axıl vergisi 200 ağça
Dönüm vergisi 500 ağça
Dəstibanı vergisi və əkin yeri üçün tapu 1.200 ağça
Bakirə qız və dul qadın üçün gəlinlik vergisi 90 ağça
Badi-hava 1.800 ağça
Yekun 5.028 ağça.
PAŞALI KƏNDİ
Əbülqasım Məmməd oğlu-bennak; Pirəli Mirzəli oğlu-
bennak; (Pirəlinin) qardaşı Abasəli-subay; Həmzəxan Tağı oğlu-
bennak; (Həmzəxanın) oğlu Rəşid- subay;
Çift-1
Bennak-3
Subay-2
1 dəyirman yararsız haldadır.
Gəlir -4.274 ağça
41
Nazir Əhmədli
GOMUR KƏNDİ
Burada 4 qeyri müsəlman (aydındır ki, erməni) ailəsi
yaşayır.
1 dəyirman-yararsız haldadır.
Gəlir- 8.211 ağça.
GABUD KƏNDİ
2 qeyri müsəlman ailəsi yaşayır.
Yarım çift əkin sahəsi var.
1 dəyirman - yararsız haldadır.
(Oxucunu yormamaq üçün başqa kəndlər üçün yuxarıdakı
məlumatları təkrarlamaq istəməsəm də, gabudluların 1727-ci
ildə Gabud kəndində nə əkilib-biçildiyini bilməyə maraqlarını
nəzərə alıb həmin məlumatları əlavə edirəm).
İspəncə vergisi 75 ağça (bu vergi müsəlman olmayanlardan
alınırdı – N.Ə.)
Buğda 2 kile dəyəri 60 ağça
Arpa 4 kile dəyəri 80 ağça
Kərdiyər 2 kile dəyəri 42 ağça
Pərinc 3 kile dəyəri 63 ağça
Mərcimək 2 kile dəyəri 36 ağça
Kərəsnə 2 kile dəyəri 30 ağça
Bal üşrü 120 ağça
Meyvə üşrü 110 ağça
Qoyun vergisi 100 ağça
Axıl vergisi 300 ağça
42
Gabud və gabudlular
Dönüm vergisi 200 ağça
Dəstibani vergisi və əkin yeri üçün tapu 390 ağça
Bakirə qız və dul qadın üçün gəlinlik vergisi 90 ağça
Badi-hava 1.110 ağça
Yekun: 2.787 ağça
AXTA KƏNDİ
Vəlixan Murad oğlu-subay;
Subay-1
Məmmədşərifin istifadəsiz qalan yarım çift əkin yeri.
Axta kəndindən olan Cəbinin istifadəsiz qalan yarım çift
əkin yeri.
1 dəyirman-yararsız haldadır.
Dənli bitkilər, başqa yerdən gəlib bu kəndin torpağından
istifadə edənlərdən alınan vergi, subay vergisi, çift, dönüm, tapu,
dəstibani və başqa vergilərdən əldə edilən gəlir-2.900 ağça”.
Gabud kəndində azərbaycanlıların məskunlaşıb yaşamasına
dair əlimizdə bir neçə sənəd var və mülahizələrimin elmi mahiyyət
daşıması üçün yalnız onlara müraciət etməyə məcburam. Belə
sənədlərdən biri-müəllifləri ak. Z.Bünyadovla H.Məmmədov
olan “Naxçıvan sancağının müfəssəl dəftəri” (Bakı, Elm,
2001) haqqında artıq məlumat verdim. Bu müəlliflərin daha
bir kitabı da –
“İrəvan əyalətinin icmal dəftəri” (Bakı, Elm,
1996) maraq doğuracaq mənbələr arasındadır. Kitab 1728-ci
ilin məlumatlarını əhatə edir. Əgər müfəssəl dəftərlərdə yaşayış
məntəqələrindəki yaşayanların adları da göstərilirdisə, icmal
dəftərində yalnız həmin kəndlərdən alınan vergilər göstərilir.
İndi həmin sənədə müraciət edək (burada Dərələyəzin
Dostları ilə paylaş: |