59
Shkrimtarja dhe publicistja Dora d‘Istria (Elena Gjika) me origjinë shqiptare, më 5 shtator 1883, njoftonte
De Radën se e kishte lexuar me gëzim numrin e parë të revistës dhe shprehej me fjalët më të mira për rolin
që do të luante ajo në të ardhmen e Shqipërisë: ―
Dëshiroj që Flamuri i Shqipërisë të marshojë drejt fitores
dhe me siguri do vijë ajo ditë që ky flamur të valëvitet në majat e Shkodrës.‖
309
Edhe shkrimtarja austriake
Jozefina Knorr, më 24 shtator të po këtij viti (1883), e përshëndeste De Radën duke i uruar për ngritjen e
flamurit të dashur në tokën shqiptare. Ajo lutej të dërgonte në libraritë e Vjenës një numër të këtij organi për
të bërë të njohur çështjen shqiptare. Teksa qarkulloi, ―
Flamuri i Arbrit‖ u prit me ngrohtësi. Arbëreshi A. B.
Kadimo i drejtohej me fjalë nxitëse dhe premtuese themeluesit të saj, De Radës:
“Kurajo i dashur Profesor,
për ndërmarrjen tuaj fisnike me anë të së cilës ne të rinjtë arbëreshë presim në çdo çast të tingëllojë
kambana e kryengritjes kombëtare të Shqipërisë sonë, sepse dë
shirojmë të derdhim dhe pikën e fundit të
gjakut për të mirën e atdheut tonë të dashur”.
310
Në këto letra shihet edhe këmbëngulja e patriotëve
shqiptarë për popullarizimin e revistës së De Radës për t`i dhënë forcë morale, për ta çuar më tej
veprimtarinë patriotike.
“Lashë pra të gjitha mënjanë”, i shkruante De Radës, Spiro Dinia nga Shibin-El-
Komi, më 20 shkurt 1887, ―
dhe nisem të parën herë t’i lutem t’ju falë ditë e jetë dhe të gëzohem që përtej
detit në Shqipëri kurrë nuk keni harruar patriotët edhe vëllezërit tuaj që rrojnë nën zgjedhë dhe padituri, por
vështroni dhe punoni për të zgjuar të varfrin komb të Shqipërisë”.
311
Këto fjalë i jepnin zemër dhe forcë për
të përmbushur me ndjenjë krenarie, idealet patriotike që revista t`i shërbente çështjes kombëtare shqiptare.
Të tjera letra i vijnë De Radës nga të tjerë patriotë, të gatshëm për ta ndihmuar edhe financiarisht e për ta
përkrahur deri në fund këtë nismë të tij. Domeniko Domis i dërgon një letër De Radës. Ai shprehet si më
poshtë:
Ankona, 5.11.1889
Përmes kësaj letre, ju dërgoj 40 lira dhe tregohem i gatshëm për t’ju ndihmuar dhe me shuma të tjera
nëse është e nevojshme. Çështja që ju trajtoni është patriotike dhe e shenjtë dhe meriton përkrahjen
dhe jo vetëm të njerëzve të shquar por edhe të popullit.
312
Një tjetër letër i vjen De Radës nga Bernardo Bilota nga Frashineto. Bilota i dërgon disa të holla De
Radës në këmbim të gazetës ―
Flamuri i Arbrit‖ si dhe disa lireta për të importuar vëllimin e Skënderbeut që i
ka dërguar De Radës. Autori i letrës ka shkruar se ka krijuar mjaft vjersha në gjuhën arbëreshe dhe do t‘ia
dërgojë më vonë për botim në periodik. Nga ana tjetër, shpreh keqardhjen e thellë se, në përpjekje për
italianizim, vendet dhe gjuha shqipe do zhdukeshin brenda një kohe të shkurtër.
313
Një tjetër letër, De Radës
i vjen nga A. Anxhelini, fakt ky që tregon dëshirën për t`u abonuar dhe lexuar gazetën ―
Flamuri i Arbrit‖:
309
Ahmet Kondo, ―100 vjetori i revistës luftarake e çështjes shqiptare ―Flamuri i Arbrit‖,
Ylli, Nr.1983,15
310
Jub Kastrati, ―Flamuri i Arbrit, me rastin e 100 vjetorit të botimit‖,
Tribuna e Gazetarit, nr.5,1983, 31
311
Ahmet .Kondo,‖100 vjetori i revistës,‖Famuri i Arbrit‖,
Ylli, nr.7,1983,15
312
AQSH, f.24, D.54/1, f.24
313
AQSH,f.24, D.54,f.144-145
60
Ilustre sinjore (Zotëri i nderuar)
Ju falënderoj për korrektësinë e paraqitur duke nisur 5 numra të Flamurit të Arbit. Ju dërgoj 5 lira me
të cilat kërkoj të abonohem duke filluar nga nr.5 i vitit të dytë. Mendoj se jam ende në borxh për 2
numrat e mbetura në vitet e para. Tani zotëri më lejoni të shpreh përgëzimet e mia për punën e bërë
dhe që e keni për zemër rilindjen e popullit shqiptar. Verona ,18 korrik 1886
A. Anxhelini
Njëkohësisht në këtë letër shprehet dëshira e njohjes së popullit shqiptar dhe të drejtat e tyre të cilat të
jenë në harmoni me interesat e Italisë.
314
Kjo letër është një tjetër shembull që tregon se jehona e ―
Flamurit
të Arbrit‖ kishte mbërritur larg. Edhe revista të huaja si revista parisiane ―
Melusine‖ një nga më të
përmendurat në Francë, shkruante në një nga numrat e saj: ―
“Flamuri i Arbit” nuk është vetëm një organ
shtypi për kolonitë shqiptare të Italisë së Jugut, por për të gjithë Shqipërinë, që sot ndodhet nën sundimin
turk dhe ka për qëllim të njohë lexuesit, nëpërmjet folklorit dhe veprimtarisë së saj, me të kaluarën historike
të popullit shqiptar.‖ Gazeta ―
Die presse‖ e Vjenës, në një artikull botuar 5 janar 1887, e ka quajtur revistën
―
Flamuri i Arbit‖ shenjë e përparimit dhe kulturës në Shqipëri.
315
De Rada, pasi tregon pengesat e mëdha që
nxirrte Italia për lëvrimin e gjuhës amtare (arbëreshe), thekson:
“Ato të përkohshme italiane nuk e ngritën zërin jo vetëm për ta përkrahur emrin tonë përkëtej, por
edhe kur ministra pa mend e patën dhënë atë kolegj që është i yni për ta konsumuar si copë buke, sipas
dëshirave të njerëzve që shkojnë prapa principatit edhe nëse e ditën nuk shqiptuan asnjë fjalë.
Përkundrazi sa herë që u dukej se po shpërthente zjarr apo dilte tym në lindje, njëzëri u uronin sukses
të plotë Greqisë, Serbisë e Malit te Zi që kërkonin duke kërcënuar në bashkujdi me njëra-tjetrën ta
copëtonin Shqipërinë e ta ndanin midis tyre. Do të
thoshit se Italia është në një mendim me ato, o
sepse i patën premtuar edhe asaj diçka nga Shqipëria e mjerë, o sepse nga ajo lidhje e Ballkanit,
Austrisë i paraqitet e mbyllur udha për Adriatikun e poshtëm.‖
316
Artikulli vijon duke paraqitur synimet e fqinjëve ndaj Shqipërisë. De Rada, duke njohur situatën
politike, nënvizonte faktin e njohur historikisht se Federata Ballkanike bënte plane në dëm të interesave
kombëtare. Ideja e një Federate Ballkanike lindi në mendjet gënjeshtare të Greqisë. Këtë ide e përkrahnin
edhe te përkohshmet e Italisë. Qëndrim të prerë kishte De Rada si ndaj Italisë, ashtu edhe ndaj Austrisë, ndaj
Fuqive te Mëdha evropiane dhe ndaj Rusisë. Artikulli mbyllet me këto fjalë: ―
Në çdo rast, Shqipëria e
mbyllur në vetvete dhe e mbledhur në degët e saj të shpërndara, do të jetë shkëmb në të cilin do të thyhen
tallazet sllave‖.
317
Diku tjetër De Rada shkruan:
“Për ne, më i urryer se ai grek, është asimilimi sllav. Rusia,
Mali i Zi me Serbinë e vjetër lakmojnë t`i bëjnë pre emrit tonë. Dhe kudo qofshin panrusët, janë të lidhur në
314
AQSH,F.24,D.54, f.22
315
Kondo,
Tribuna e Gazetarit, 34
316
―
L’Albania e i giornali Italiani‖, Flamurii i Arbrit‖,Nr.7,V.II, Cozenca, 2 nëntor 1885
317
Kastrati, Jeronim De Rada ( Veprat)…, 173.