26
örtüyü ala-tala sahə tutduğundan onlar keçəl adlanır. Türk oronimiya-
sında bu sözlərlə yaranan oronimlər geniş yayılmışdır. Vulkanogen
süxurların bir qrupu çəki etibarilə yüngül olduğundan onlara kəvək
(yüngül çəkili) deyirlər ki, ondan da kəvək topoformantı yaranmışdır.
Müsbət relyef formalarının müxtəlif çalarlarını əks etdirən dağ,
dik, yoxuş, tap, təpə, uca, dağ düzənliklərini əks etdirən (düz, taxta, sal
və s.) sözləri xüsusilə geniş yayılmışdır. Qeyd edilməlidir ki, Muxtar
Respublikanın oronimiyasında baz, təhrif forması buz (əsli qədim türk
dillərində bayz - "sıldırım qaya"), saqir - "dağ bumu", çin (qədim türk
dillərində çinq ("sıldırım dağ yarğanı"), tey (qədim türk dillərində
"təpə") sözləri də əksini tapmışdır (Teyvaz və b.).
Naxçıvan MR ərazisində mezooronimlərə Zəngəzur, İlandağ,
Dərələyəz, Qapıçıq, Gəlinqaya, Soyuqdağ, Qızılboğaz, Taydaş (əsli
Teydaş), Topdağ, Gəvəkdağ, Girdəsər (farsca "Yumrubaş"), Ziyarət-
təpə, Dağdağan dağı, Qapıdaşqara, Cindağ, Qabaxtəpə, Qaraburun,
Ucubiz, Nəsirvaz, Qırxlardağ, Ucagüney, Oğlangöz, Qoşundaş (mon-
qolca qaşun - "köçəbə", "maldar elin yayda dayanacağı" sözündən),
Daşbaşı, Uçurdağ, Oyuxlu, Körpəqoç, Qurdtəpəsi, Dağüstü və s.
misal göstərmək olar.
Hidronimlər. Hidronim, ümumiyyətlə, su mənbələrinin adla
rıdır. Su mənbələrinin iki növü vardır: təbii su mənbələri (göl, çay,
nohur, bulaq və s.) və süni su mənbələri (arx, kanal, kəhriz, quyu,
ovdan və s.). Buna uyğun olaraq su mənbələrinin adları da mənşəcə
müxtəlifdir. Belə ki, təbii su mənbələri etnonimlərdən, rəng, key-
fıyyət (dad) bildirən sözlərdən, kənd adlarından vo s. ibarət olduğu
halda, süni su mənbələri çox halda şəxs adlarından (bulaq, arx, ov
dan, kəhriz), kənd adlarından (kanallar) ibarət olmuşdur.
Ümumiyyətlə, Azərbaycan ərazisindən axan bütün çaylar Xə
zər dənizinin qapalı hövzəsinə daxildir. Kiçik çayların adları mən
şəcə müxtəlifdir. Onların bir hissəsi ərazilərindən axdıqları kəndlərin
adları ilə adlanır. Bəziləri isə rəng bildirən sözlərdən və etnonimlər
dən yaranmışdır. Bu, Naxçıvan MR ərazisinin su mənbələri adları
üçün də səciyyəvidir.
Naxçıvan MR ərazisində hidronimləri yaradan topofonnantlar
içərisində Azərbaycan (türk) mənşəli, ağ, arx, basar, boz, bulaq, qara,
qızıl, duz, kanal, göl, isti, nohur, sarı, sel, sərin, soyuq, su, çay, şirin,
şor və s., fars mənşəli ab (su), rud (çay), bah, beh - "xeyirxah", "yax
şı", "xoş" (məsələn, Bəhrud, Vayxır), çeşmə (bulaq) və ərəb mənşəli
27
nəhr (çay, kanal) sözləri əsas yer tutur. Bununla əlaqədar olaraq Nax
çıvan MR ərazisində su mənbələrinin adları mənaca müxtəlifdir.
Suyun keyfiyyətini bildirən topoformantlar içərisində qara - içilməsi
məsləhət görülməyən su (məsələn, Qarasu ç., Şərur r-nu) ağ - "iç
məli su" (Ağbulaq, Ağçay və s.) xüsusilə geniş yayılmışdır. Gursulu
yüksək keyfiyyətli sulu bulaqları Xanbulaq (Şərur r-nu), Xançeşmə,
Şirinsu, Sərinçeşmə (Ordubad r-nu), Şahbulaq (Şahbuz r-nu) adlan
dırmışlar. Şırranlıçay (Ordubad r-nu) və Qavalsuçay adları su axdıqda
əm ələ gətirdiyi səsləri əks etdirir. Bulaqlar üzə çıxarkən göz-göz
olur.
Qaynaqların çoxluğunu nəzərə alaraq onları Qırxbulaq adlan
dırmışlar. İki gözdən qaynayan sərbəst bulaqlara Qoşabulaq demişlər
(Babək r-nu). Suyun suvara bildiyi ərazidə salınmış yaşayış məntə
qəsinin adı bulaqla bağlı hidronimini yaratmışdır. Məsələn, Çeşmə-
basar (Babək r-nu) kəndi. Lakin Çeşməbasar adlanan kənddə bulaq
(çeşmə) yoxdur. Deməli, bu coğrafi ad (hidronim) kənardan (ilkin
mənbədən) gətirilmədir.
Bağırsaqvarı uzanan çayı Bağırsaq dərəsi (Şərur r-nu), Meşəli
dərədən axan çayı Meşədərəsi (Culfa r-nu), zoğallı dərədən axan
çayı isə Zoğalsu adlandırmışlar.
Mineral bulaqların çoxluğu vo onların hidrokimyəvi tərkibi
baxımından Naxçıvan MR ərazisini mineral bulaqlar muzeyi adlan
dırmaq olar.
Azərbaycan Respublikasının Kiçik Qafqaz hissəsində olan yuve-
nil və metaforik mənşəli karbon qazları Naxçıvan MR ərazisində də
geniş yayılmışdır. Əlincəçayın yuxarı axınında olan bulaqlardan biri
radioaktivdir. Darıdağ mineral bulağının isə tərkibində arsen vardır.
Naxçıvan MR-də Badamlı, Aşağı Ləkotağ, Yuxarı Ləkotağ,
Darıdağ. Cuğa, Sirab, Vayxır, Parağaçay, Gümür adlı mineral bulaq
lar vardır. Mineral bulaq adlarının əksəriyyəti oradakı yaşayış mən
təqələrinin adlarından ibarətdir. Ancaq Sirab kənd adı oradakı Sir+ab
(sirli su) adı ilə bağlıdır. Eyni sözü Vayxır kəndinin adı barədə də
demək olar. Q.Ə.Qcybullayevin yazdığına görə, Vayxır kəndinin adı
oradakı Vayxır bulağının adındandır. Bulağın adı isə orta (fars dilin
də) vah - "yaxşı", "xeyirxah" və x v a r- "yer" sözlərindən ibarətdir ki,
bu da bulağın müalicə əhəmiyyətli mineral su olması ilə əlaqədardır.
Tədqiqatçılar (M.Qaşqay, Ə.Əsgərov) Naxçıvan MR mineral
bulaqlarım kimyəvi tərkiblərinə görə hidrokarbonatlı, hidrokarbonat-
28
lı-xloridli, hidrokarbonatlı-sulfatlı, xlorid-hidrokarbonatlı tiplərinə
ayırmışlar.
Zooıtimlər. Azərbaycan Respublikası ərazisi relyefinin düzən
lik və dağlıqdan ibarət olması, iqliminin əlverişliliyi, bitki örtüyünün
zənginliyi, quru ərazisinin dənizlə sərhədlənməsi heyvanat aləminin
zənginliyi və növ müxtəlifliyinə təbii zəmin yaratmışdır.
Azərbaycan ərazisində olan hər bir landşaft kompleksinin özü
nəməxsus heyvanat aləmi formalaşmışdır. Məsələn, meşə landşaftı
üçün cüyür, dələ, meşəsonası, ayı, vaşaq, meşəpişiyi, oxlu kirpi, qa
ban, meşəxoruzu, göyərçin və başqa heyvanlar xas olduğu halda, ya
rımsəhra landşaftı üçün ceyran, qaban, qırmızıquyruq qumsiçanı, ba
taqlıq qunduzu, çölsiçanı, turac, dovdaq, qaz, gürzə və digər heyvan
lar xasdır.
Naxçıvan MR-in ərazisinin bitki örtüyü kasıb olduğundan bu
ranın heyvanat aləmi də həm növ, həm də say baxımından çox sey
rəkdir.
Naxçıvan MR-in yüksək dağlıq erazisində qayakeçisi, ayı, b ə
bir, daşlıqdəlesi, dovşan, canavar, Xəzər uları, göyərçin yaşayır. Orta
dağlıq ərazidə Zaqafqaziya muflonu, qayakeçisi, oxlu kirpi, Kiçik
Asiya qumsiçanı, gürzə və s. heyvanlar vardır.
Heyvanat aləmi bəzi zoonimlərdə əksini tapmışdır. Ayıdərosi
çayı (Ordubad r-nu), Qurddağ (Babək r-nu), Qurd dərələri (Culfa r-nu),
Ceyranlar kövşəni, Qaraquş dağı (2600 m) (Babək r-nu) və s.
Ometofauna ilə əlaqədar Qaranquş dağı (Ordubad r-nu), Quş-
qayası dağı ilə Quşqayası kövşəni (Babək r-nu), toponimləri misal
göstərilə bilər.
Şahbuz rayonunda Təkəlik (dağ) və Keçili (kənd) coğrafi adlan
vardır. Təkəlik coğrafi adı dağ keçisinin (təkənin) məskən salması ilə
əlaqədardır. Keçili kəndinin adı keçi adından götürülmüş ola bilər. XVII
əsrdə Cənubi Azərbaycandan şimala köçərək kəngərlərə qanşmış tayfa
nın adıdır. Keçmiş elmi mənbələrdə "Tayfeyi Keçili" adlanır.
İlandağ (Culfa r-nu) Naxçıvan MR-in nadir təbiət abidələrin-
dəndir. Zirvəsi dilik-dilik olmuş sivri qayalardan ibarət olan bu dağ
ətrafındakı zirvələrin simvoluna çevrilmişdir. Ehtimal ki, dağın adı
mənşəcə orada yaşayan ilanların bolluğu ilə əlaqədar yaranmışdır.
Naxçıvan MR ərazisində ev heyvanları ilə bağlı yaranmış zoo-
nimlər do vardır: Ordubad r-da Eşşəkmeydanı və Toxlugədik aşırım
ları, Babək r-da Qanlıquzey dağı, Aladüyə və Dəvəboynu kövşənləri,
29
Şərur r-da tikilmiş Arpaçay su anbarının altında qalmış Dəvəölən adlı
yer, Dəvə adlanan kövşən, Şahbuz r-da Quzuyurdu kövşəni, Culfa r-
da Kəlbaşı dağı və s. Bu zoonimlerin bəzisi bənzətmədən (kəlin ba
şını, dəvənin boynunu xatırladan), bəzisi baş vermiş hadisələrdən
(Dəvəölən), bəzisi isə bu və ya diger heyvanın məskəni (Təkəlik,
Qurd dərələri, Ayıdərosi, Ceyranlar və s.) olması ilə əlaqədardır.
Fitonimlər. Azərbaycan Respublikasının ərazisinin bitki
örtüyü növ müxtəlifliyinə görə zəngindir. Qafqazda inkişaf etmiş flo
ranın neçə növü Azərbaycan ərazisində bitir. Burada inkişaf etmiş
endemik və relikt bitkilər çox böyük əhəmiyyətə malikdir. Respubli
kamızın ərazisində meşə (palıd, fıstıq, vələs, dəmirağacı, şabalıdyar-
paq palıd, akasiya, tuqay, kol cəngəllikləri, qaratikan və s.) - seyrək
kserofit bitkiləri (ardıc, saqqızağacı, şam, seyrək Eldar şamı), çəmən,
çəmən-çöl, dağ-kserofit, çöl, yarımsəhra, səhra, efemer bitkiləri inki
şa f etmişdir (Prilipko).
Naxçıvan MR ərazisi kontinental iqlimə malik olduğundan
burada sərt qışa və isti yay aylarına uyğun olan bitkilər üstünlük təş
kil edir. Dağətəyi düzənlikdə, qalıq (alçaq) dağlarda, çayların gətir
m ə konuslan üzərində yarımsəhra və qismən səhra bitkiləri - yov
şan, yovşanşoran, dağüstü-kserofil (friqanoid), şoran-xırda kollu səh
ra bitkiləri inkişaf etmişdir. Bu bitki növləri Araz çayının sol sahilinə
qovuşan düzənliklərdən, tirələrdən və yüksəkliklərdən başqa Naxçı
van MR-in orta yüksəkliyə malik dağlarının (2000-3000 m) yamacla
rını da örtür. Yayı quraq keçən soyuq iqlimdə yaranmış bu bitkilər
dağ yamaclarını tam örtə bilmədiyindən burada səthi eroziya vo de-
nudasiya sürətlə inkişaf edir.
Yüksək dağlığın yamaclarında meşədən sonrakı çölləşmiş çə
mən bitkiləri dağüstü kserofit bitkiləri ilə subalp çəmənlik arasında
qalan ərazilərdə talalar şəklində yayılmışdır.
Yüksək dağlığın subalp və alp çəmənlikləri, çəmən çölləri, qa
yalıq-çınqıllıq bitkiləri Zəngəzur dağlarının cənub-qərb və qərb ya
macları boyu inkişaf etmişdir. Naxçıvan MR ərazisində inkişaf etmiş
meyvə ağacları əsasən çay dərələri boyu yaşıl lent kimi uzanır. Dağ
çaylarından və bulaqlardan su içən, bol günəş enerjisindən isinən və
bərəkətli torpaqdan baş qaldıran kənd təsərrüfatı bitkiləri yüksək məh
sul verir. Bu təbii şəraitdə yetişdirilən meyvələr dadlı və ətirli olur.
Təbii şəraiti və insan əməyinin bəhrəsi ilə becərilən bitkilərin
adından Naxçıvan MR ərazisində bir çox fitonimlər yaranmışdır.