~ 108 ~
bilən erməni milliyyətindən olan şəxslər olmuşdur. Məhz
onlardan ikisi ilk qətilləri öz əlləri ilə törədərək 11 erməni
öldürmüşdülər. Bu iki qatil həbs olunanaraq cinayətləri
sübut olundusa da, bir müddət sonra Moskvaya, oradan da
İrəvana təhvil verildi. Həmin dövrdə Azərbaycanın
informasiya
blokadasında
qalması və Azərbaycan
rəsmilərinin susması bu faktın gizli qalmasına, əvəzində isə
erməni tərəfinin «Sumqayıt faciəsi», «Ermənilərin yeni
soyqırımı» adı altında azərbaycanlıları bütün dünyada vəhşi
kimi qələmə vermək istiqamətində daha effektli təbliğat
aparmasına yol açdı.
Bu anti-Azərbaycan təbliğat kompaniyası fonunda
Ermənistanda yaşayan azərbaycanlılara qarşı terror
hadisələri intensivləşməyə başladı. Yüzlərlə azərbaycanlı
qətlə yetirildi. Nəticədə minlərlə azərbaycanlı ev-eşiklərini
qoyaraq Azərbaycana gəlməyə başladı. Ancaq qeyd edək
ki, bu qaçqınlar əsasən erməni əhalisi ilə əhatə olunan
məntəqələrdə yaşayan və azlıqda qalan azərbaycanlılar idi.
Ermənistanda azərbaycanlıların çoxluq təşkil etdiyi və
kompakt yaşadığı bölgələrdə isə vəziyyət nisbətən sabit idi.
1988-ci ilin dekabr ayında isə bu sabitlik də pozuldu. Belə
ki, həmin bölgələrə ezam edilmiş Sovet Ordusu bölmələri
azərbaycanlı əhalisinin sadəlöhvcəsinə ümid bəslədiyi kimi
əhalinin
əmin-amanlığını
təmin
etmək
əvəzinə
azərbaycanlıların Ermənistandan total deportasiyasına
başladılar. Bütün nəqliyyat vasitələrindən, o cümlədən
~ 109 ~
vertolyotlardan istifadə edildiyi bu köçürmə əməliyyatı
cəmi 10-15 gün çəkdi. Və Naxçıvan bölgəsini
Azərbaycandan ayıran Ermənistanın Mehri rayonunda
yerləşən Nüvədi kəndi istisna olmaqla Ermənistanın bütün
ərazilərindən
milliyətcə
azərbaycanlı
olan
əhali
Azərbaycana sürgün edildi. Beləliklə Ermənistanda Sovet
Ordusunun vasitəçiliyi ilə 1988-ci ilin dekabr ayının
ortalarında erməni millətçilərinin çoxdan arzuladığı etnik
təmizləmə əməliyyatı əsasən başa çatmış oldu. Maraqlısı
isə o idi ki, əsasən kənd əhalisindən ibarət olan və ən azı
min illik tarixi-etnik ərazilərdən qovulmuş soydaşlarımızın
əksəriyyəti Bakıda məskunlaşdırıldı.
Bizim hesablamalaramıza görə 1987-ci ilin sonu və
1988-ci ilin əvvəllərində, yəni etnik münaqişənin başlanğıcı
ərəfəsində Ermənistanda yaşayan azərbaycanlıların sayı
təxminən 200 min nəfər olmuşdur. Ən önəmlisi o idi ki,
azərbaycanlılar Ermənistanın kənd əhalisinin 1/6-ni təşkil
edirdi. Bu isə o deməkdir ki, Ermənistan ərazisinin
təxminən 1/6-i azərbaycanlıların məskunlaşdığı etnik
ərazidən ibarət idi.
Bu arada Azərbaycanda da etno-siyasi durum erməni
millətçilərinin və onların havadarlarının istəkləri isti-
qamətində inkişaf edirdi. Artıq Azərbaycanda ermənilərin
kompakt yaşadığı ərazilər, yəni Şuşa rayonu və
azərbaycanlıların yaşadığı digər məntəqələr istisna olmaqla
Dağlıq-Qarabağ, eləcə də keçmiş Şaumyan rayonu və
~ 110 ~
Xanlar rayonunun cənub hissəsi siyasi və hərbi baxımdan
yetkin səviyyədə təşkilatlanmış erməni separatçılarının
diktəsi və nəzarəti altında idi. Azərbaycan SSR
hökümətinin adı çəkilən ərazilərdə siyasi hakimiyyəti artıq
formal xarakter daşıyırdı. Bölgədəki Sovet Ordusu
bölmələri və moskvalı siyasilər isə separatizmin
qarşısını almaq əvəzinə DQMV-nin həm iqtisadi, həm
də siyasi baxımdan Azərbaycandan qopmasına xidmət
edən ardıcıl tədbirlər görür, bununla da ermənilərlə
azərbaycanlılar arasındakı milli münasibətləri daha da
kəskinləşdirirdilər. Ona görə də Bakıda, Gəncədə və
Azərbaycanın digər məntəqələrində azlıqda yaşayan
ermənilər perspektivi olmayan sıxıntılı bir duruma
sürükləndiklərini dərk edərək Azərbaycanı tərk
edirdilər. Onların böyük əksəriyyəti Rusiyaya, əsasən
də Şimali Qafqaz bölgəsinə miqrasiya edirdilər. Ancaq
bu miqrasiya kütləvi xarakter daşısa da, Bakı ermənilərinin
və DQMV istisna olmaqla Azərbaycanın digər ərazilərində
yaşayan erməni əhalisinin bütünlükdə Azərbaycandan
köçüb getməsi prosesi 1991-ci ilə qədər davam etmişdir.
1989-cu ilin əvvəlinə, yəni SSRİ-də keçirilən sonuncu əhali
sayımı zamanı bizim müşahidələrimizə görə onların yarıya
qədəri hələki Azərbaycanın sakinləri idi. Halbuki həmin
tarixdə, yuxarıda deyildiyi kimi, artıq Ermənistanın
azərbaycanlı sakinlərinin deportasiyası başa çatdırılmışdı.
~ 111 ~
Beləliklə, Ermənistanın Azərbaycana qarşı başlatdığı
siyasi və hərbi aqressiya nəticəsində yüz minlərlə insan
etnik mənsubiyyətinə görə öz daimi yaşayış yerlərindən
didərgin düşdülər. O cümlədən 1988-ci il ərzində
Ermənistandan Azərbaycana deportasiya edilən azər-
baycanlı qaçqınların sayı təxminən 200 min nəfər,
Azərbaycandan köçüb gedən ermənilərin sayı isə 150 min
nəfər idi. Şübhəsiz ki, bir il ərzində baş verən bu kütləvi
yerdəyişmələr 1979-1989-cu illər arasındakı dövrdə
Azərbaycanın etnik tərkibinin azərbaycanlıların xeyrinə
dəyişməsində başlıca rol oynadı. Eyni zamanda onu da
qeyd edək ki, bu bir il ərzində Ermənistan demək olar ki,
mono-etnik bir bölgəyə çevrildi.
Təbii ki, 1988-ci ildə baş verən bu etno-siyasi
kataklizmlər 1989-cu il əhali sayımının materiallarında öz
əksinini tapmalı idi və ya heç olmazsa əlavə qeydiyyatla
qaçqınların sayı və tərkibi haqqında məlumat verilməli idi.
Ancaq təəssüf ki, 1989-cu ilin əhali sayımı haqqında dərc
olunan rəsmi statistik materiallarda qaçqınlar haqqında heç
bir məlumat verilməmişdi. Moskvanın göstərişi ilə
qaçqınlar və 1988-ci ildə Azərbaycanı həmişəlik tərk edib
gedən erməni miqrantlar əvvəlki yaşayış yerlərinin daimi
əhalisi kimi qeydə alınmışdılar. Ancaq 1989-cu il əhali
sayımının materiallarını araşdırarkən onların daimi əhali
kimi qeydiyyata alınmasının da ciddi nöqsanlarla aparıldığı
və qərəzli xarakter daşıdığı üzə çıxır. Belə ki, Ermənistanda
Dostları ilə paylaş: |