Hər iki obyekt ərzaq məhsullarının və gündəlik tələbat mallarının ticarəti ilə
məşğuldur. Mağazada satılan mallar əsasən Avropanın inkişaf etmiş ölkələrinin və
Rusiyanın aparıcı şirkətlərinin istehsal etdiyi məhsullardır. Lətifə xanım məhsulların
ekoloji cəhətdən təmizliyinə və yüksək keyfiyyətə malik olmasına diqqət yetirir. Çünki
bu müştərilərə yaxşı xidmətin əsas təminatıdır.
Mağazaları gəzərkən hər tərəfdə təmizlik, səliqə-sahman hiss olunur. Onlar yaxşı
avadınlıqla təchiz edilmiş və zövqlə qurulmuşdur. Mal çeşidlərinin rəngarəngliyinə isə
söz ola bilməz. Lətifə xanım məhsul çeşidlərinin bolluğuna, onların mağazada
yerləşdirilməsi dizaynına, müştərilərə yüksək səviyyədə xidmət göstərilməsi
məsələlərinə xüsusi diqqət yetirir.
Obyektlərdə 32 nəfər insan işlə təmin edilmişdir. İşçilərlə söhbət edirəm, hamı
Lətifə
xanımın səmimiyyətindən, səxavətindən, bir müdir kimi diqqətli olmasından
danışır, onlar arasındakı xoş münasibət elə o dəqiqə hiss olunur.
ʺİşin müvəffəqiyyəti kollektivdən çox asılıdır. Bu ticarətdə daha incə məsələdir.
Əgər bu işdə işçilərə inam və etibar olması, işləmək mümkün deyil. Mən işçilərimə çox
etibar edirəm. Çünki işə götürərkən seçimi çox diqqətlə aparıram. Biznesdə, xüsusilə də
ticarətdə təmizlik vacibdir. Kollektivdə mehribançılıq olmasına diqqət yetirirəm.
İşçilərin problemləri ilə maraqlanıram, xeyir və şər işlərinə, ailə məsələlərində
çətinliklərinə bacardığım köməkliyi edirəmʺ-deyir.
Lətifə xanım məişət evləri açmaqla yeni fəaliyyət istiqaməti - xidmət sahəsi
yaratmaq niyyətindədir. Əgər maddi vəziyyəti imkan verərsə, bizneslə bağlı planları
böyukdür.
O, təhsilinin də qayğısına qalır. Hazırda Sumqayıt Dövlət Universitetinin İqtisad
fakültəsində təhsilini davam etdirir.
Sumqayıt Regional Sahibkarlar (işəgötürənlər) Assosiasiyasının üzvüdür.
Lətifə xanım ölkədə sahibkarlığın inkişaf tempini müsbət qiymətləndirməklə
bərabər, mövcud problemləri də qeyd etdi, ölkədə bizneslə məşğul olan hər kəsin eyni
çətinliklərlə qarşılaşdığını vurğuladı. Kredit verən təşkilatların işində dəqiq işləmə
mexanizmlərinin olmamasını dedi.
Qadınların biznes fəaliyyətini təbii proses adlandırdı. ʺQadını zəif hesab etmək
səhv anlayışdır. Əslində qadın zəif yox, zərif məxluqdur, bunlar isə fərqli anlayışlardır.
Yəqin ki, mənim həyatda çəkdiyim əziyyətləri bir neçə kişi öz çiyinlərində daşıya
bilməzdiʺ - söyləyir.
Lətifə xanım gözəl ailə sahibi, qayğıkeş ana və mehriban nənədir. Dörd övladı və
iki nəvəsi var. Gözəl və tərbiyəli uşaqlar böyüdüb, yerbəyer edib.
Kişi hünərli bu cəsarətli qadının yalnız bir zəif yeri var ki, o da uşaqlarıdır.
ʺHəyatımı işsiz təsəvvür etmirəm, bununla belə ailə mənim üçün həmişə birinci yerdə
olub. Həyatdakı bütün əziyyətlərini və müvəffəqiyətlərim yalnız onun xatirinədirʺ -
deyir.
Lətifə xanıma və ailəsinə can sağlığı, işində uğurlar arzulayırıq!
Əzizə Quliyeva
ʺBorçalıʺ Kəndli - Fermer Təssərüfatının rəhbəri
Əzizə xanımın bu günkü biznes fəaliyyətinə qiymət vermək üçün onun keçib
gəldiyi ömür yoluna tam nəzər salmaq lazımdır.
Əzizə Quliyeva 1959-cu il sentyabrın 21-də İmişli şəhərində anadan olub. 1976-cı
ildə orta məktəbi əla qiymətlərlə bitirdikdən sonra hüquqşünas olmaq istəyib. Lakin
atası ʺBu qadın sənəti deyilʺ - deyərək ona həkim olmağı məsləhət görüb. Atasının
istəyinə qarşı çıxa bilməyib sənədlərini Azərbaycan Dövlət Tibb institutuna verib, lakin
müsabiqədən keçməyib. 1№-li Tibb Texnikumuna daxil olub. Tibb məktəbini
bitirdikdən sonra ailə qurduğu üçün işləyə bilməyib.
Əzizə xanım hüquqşünas olmaq fikrindən əl çəkə bilmir. Azərbaycan Dövlət
Universitetinin hüquq fakültəsinə daxil olur və 1987-1992-ci illərdə burada təhsil alır.
Əmək fəaliyyətinə 1992-ci ildə başlayır və Prezident Aparatında Dövlət Hüquq
Şöbəsində məsləhətçi kimi çalışır. Lakin bu vəzifədə o, cəmi bir il işləyir. Çünki
respublikada aparılan köklü struktur dəyişiklikləri: dövlət mülkiyyətinin
özəlləşdirilməsi, yeni mülkiyyət münasibətlərinin və çoxnövlü təsərrüfatçılıq
formalarının inkişaf etdirilməsi sahibkarlığın inkişafı üçün hüquqi, iqtisadi və texniki
şərait yaradır. Bunları dərk edən Əzizə xanım kooperativ fəaliyyətlə məşğul olmuş
ailəsinin təcrübəsindən istifadə edərək kənddə ailəyə məxsus 120 hektar torpaq
sahəsindən istifadə etmək qərarına gəlir. Bazar iqtisadiyyatının ən böyük xüsusiyyəti
insanlara yalnız sərbəstlik və müstəqillik vermək deyil, həm onları torpağın sahibi
etmək idi. 1995-ci ildə o, ʺBorçalıʺ Kəndli - Fermer Təsərrüfatını yaradır. Yaponiya
hökumətinin verdiyi qrant hesabına təsərrüfatı texniki avadanlıqlarla təchiz edir. İndi
ʺBorçalıʺ KFT rayonun ən iri təsərrüfatlarından biridir.
Müəssisənin əsas fəaliyyət istiqaməti - qoyunçuluq- ətlik məhsulların
yetişdirilməsi və satışı, yun istehsalıdır.
Heyvanların yem tələbatını ödəmək üçün burada yonca da əkilir.
Müəssisədə 32 nəfər adam çalışır. Cobanların və fermalarda işləyən digər işçilərin
normal yaşayışını təmin etmək üçün hər cür tədbirlər həyata keçirilir. Onlar üçün evlər
tikilib, maddi tələblərini ödəmək üçün müxtəlif cür meyvə növləri yetişdirilən bağ
salınıb, 3 hektar ərazidə tərəvəzçilik məhsullarının yetişdirilməsi təmin edilib.
Bununla belə burada şəraitin tam təmin edilməsi bir sıra kommunal problemlərlə
üzləşir. İşıq problemi və yolların narahat olması ilə bağlı xeyli çətinliklər var.
Ən böyük problem isə torpağın şoran olmasıdır. Maddi imkanlar zəif olduğundan
meliorasiya işləri aparılmır. Bunun nəticəsində isə torpaq bir neçə ildən sonra öz
qüvvəsini itirə və istifadə üçün tamamilə yerarsız hala düşə bilər. Əzizə xanım
bir neçə il əvvəl torpağın yuyulması ilə bağlı layihə hazırlayıb müxtəlif qurumlara
təqdim etsə də, nəticəsi olmayıb. İndi həmin layihə üzərində yenidən işləmək və
Beynəlxalq Təşkilatlara vermək niyyətindədir.
Bir ildir ki, Əzizə xanım Bakı şəhərində ʺBorçalıʺ müəssisəsinin təmsilçiliyini
yaradıb. O, tikinti şirkətlərinin materiallarla təchiz edilməsi istiqamətində fəaliyyət
göstərir. Təchizat əsasən sifariş əsasında həyata keçirilir. Əzizə xanım qeyd edir ki,