Nəzakət qızımı müəllim oxutduracağam.
Müəllim niyə, ata?
Ata qızının verdiyi bu sualın cavabında ʺinsanlara elm, savad öyrətmək müqəddəs
bir işdir, həm də bu əsl qadın işidirʺ-söylədi.
Atasının sözlərinə etirazını bildirməsə də, qızın ürəyində tamam başqa arzular var
idi.
1967-ci ildə Biləsuvar rayonu Ağaəli kənd orta məktəbini bitirdikən sonra ata-
anasının arzusunu yerə salmır. 1967-69-cu illərdə Bakı Məktəbəqədər Pedaqoji
Texnikumunda təhsil alır.
Müəllimlik sənətinə yiyələnsə də, ürəyindəki arzuları ona rahatlıq vermir. Gələcək
həyatını torpağa bağlı görən Nəzakət 1970-ci ildə mexanizator kursunu bitirir, 1972-78-
ci illərdə Azərbaycan Dövlət Kənd Təsərrüfatı İnstitutunun Aqronomluq fakültəsində
oxuyur. Onun bu hərəkəti ailənin narazılığına səbəb olsa da qızın meyli kənd
təsərrüfatına idi.
1978-84-cü illərdə Kirov adına kolxozda sürücü-mexanizator işləyir. Sosialist
Əməyi Qəhrəmanı Sevil Qazıyeva adına mükafat uğrunda mübarizə aparır. Onun
arzusu görkəmli pambıq ustası Sevil Qaziyevanin davamçısı olmaq idi.
Bir il sonra o, kompleks-briqadaya rəhbərlik edir. Onun gənclik arzuları bacarığı
və işgüzarlığı sayəsində həyata keçir, respublikanın adlı-sanlı mexanizatoru kimi şöhrət
qazanır. ʺPambıq ustasıʺ, ʺƏməkdar mexanizatorʺ kimi fəxri adlara layiq görülür,
orden və medallarla təltif edilir. Moskva Xalq Təsərrüfatı Nailiyyətləri Sərgisinin qızıl
və gümüş medallarını qazanır.
1984-88-ci illərdə o, ʺOktyabrʺ kolxozunun sədri seçilir. Çox keçmir ki, təsərrüfat
ölkənin qabaqcıl müəssisələrindən birinə çevrilir.
Sonra o, ʺAqrarsənayeʺ müəssisəsində və keyfiyyət üzrə baş mütəxəssis və şöbə
müdiri, Azərbaycan Respublikası Kənd Təsərrüfatı Nazirliyinin tabeçiliyində olan
Sərhəd Bitki Karantin Müfəttişliyində çalışır.
Lakin 90-cı illərin ortalarından başlayaraq respublikada baş verən dəyişikliklər,
kolxoz və sovxoz torpaqlarının kəndlilərə paylanması, həyata keçirilən torpaq islahatı
regionlarda sahibkarlıq fəaliyyəti - şəxsi fermer təsərrüfatlarının yaranması üçün geniş
imkanlar açdı. Bu imkanlarda istifadə edən Nəzakət xanım sahibkarlıq fəaliyyəti ilə
məşğul olmaq qərarına gəlir və 1998-ci ildə öz şəxsi fermer təsərrüfatını yaradır. Onun
fikrincə regionda sahibkarlığın ən perspektivli sahəsi - kənd təsərrüfatı məhsulları
istehsalıdır. İnsanların yaşayış səviyyəsinin və maddi rifah halının yüksəldilməsi,
dolanışıq səviyyəsinin yaxşılaşdırılması torpaqdan asılıdır. Onun zəngin təcrübəsi,
torpağı əkib becərmək, ondan düzgün istifadə etmək vərdişləri və qabiliyyəti bu sahədə
fəaliyyət göstərməyə imkan verdi.
Onun fermer təsərrüfatı artıq 5 ildən yuxarıdır ki, işləyir. Təsərrüfatın 20 hektar
torpaq sahəsi var. İstehsalın əsas istiqaməti - taxılçılıq və tərəvəzçilikdir. Burada 15
daimi işçi çalışır, məhsul yığımı zamanı isə işçilərin sayı bir neçə dəfə artıq olur.
Özünü ʺtorpağın həkimiʺ adlandıran bu qadın ʺMən bir həkim kimi onun nəbzini
tuta bilirəm. Çünki torpaq körpə uşaq kimidir, onun qayğı və məhəbbətə ehtiyacı var.
Torpağa sevgi ilə səpilən hər bir toxumdan qızıl cücərir. Mənim həyatda ən böyük
nailiyyətlərim həmişə torpaqla bağlı olubʺ - deyir.
İşin gedişi ilə bağlı müəyyən problemlərlə üzləşir. Bu hər şeydən əvvəl torpaq
sahəsinin artırılması ilə əlaqədardır. Nəzakət xanım daha 50
hektar torpaq sahəsi almaq
və istehsal sahələrini genişləndirmək fikrindədir. Kənd təsərrüfatı məhsulları emalı və
satışını həyata keçirəcək şirkət qurmaq istəyir.
Arzu və planlarını həyata keçirmək üçün özündə güc və tükənməz enerji hiss edir.
Həyatının mənasını fəaliyyətdə və işdə tapan bu qadın bir dəqiqəsini belə boş keçirmək
istəmir.
Biznes fəaliyyətində ən böyük dayağı həyat yoldaşı Səxavətdir. Əvvəl
təhlükəsizlik orqanlarında işləyən Səxavət indi təqaüdçüdür və hər bir işdə ona
yaxından göməklik göstərir. Nəzakət xanımın yeganə qız övladı hələ orta məktəbdə
oxuyur.
Kifayət İsmayılova
ʺPoladʺ Kiçik Müəssisəsinin direktoru
Üzbəüz oturduğumuz, qarşı-qarşıya söhbət elədiyimiz ilk dəfə idi. Onun
sahibkarlıq fəaliyyəti ilə məşğul
olduğunu bilməsəydim, yəqin ki, onu ya müğənniyə,
ya da aktrisaya bənzədərdim. Vüqarlı və təbii gözəlliyə malik həmsöhbətim ʺPoladʺ
Kiçik Müəssisəsinin rəhbəri Kifayət İsmayovadır.
Kifayət İsmayılova 1960-cı il avqustun 13-də Qax rayonunun Zərnə kəndində
anadan olub. Orta təhsilini doğma kəndində alıb. Məktəbi yaxşı qiymətlərlə bitirdikdən
sonra əməkdar müəllim olan atasının yolunu davam etdirmək və müəllim olmaq
arzusunda olub.
Lakin iş belə gətirir ki, Kifayət ailə vəziyyəti ilə əlaqədar Mingəçevir şəhərinə
köçüb orada yaşamalı olur. Mingəçevir Politexnik texnikumuna daxil olur, Sənaye və
Mülki Tikinti ixtisasına yiyələnir.
1984-86-cı illərdə XRSU tikinti idarəsində işləyir. 1986-cı ildən isə dəmir-beton
plitələrin istehsalı ilə məşğul olan ʺZəhmətʺ kooperativində baş mühasib vəzifəsində
çalışır. 1990-cı ildə müəssisə bağlanır və onun bazasında ʺXalqa xidmətʺ müəssisəsi
yaradılır. 1997-ci ilə kimi Kifayət xanım burada baş mühasib işləyir.
Bacarıqlı bir mütəxəssis kimi fərqlənib işin öhdəsindən gəlsə də, o özünü Nqa bir
yerdə görürdü. Kifayət xanım özəl işini yaratmaq, sərbəst fəaliyyət göstərmək, öz
sözləri ilə desək ʺkiminsə rəhbərliyi altında işləmək yox, özü rəhbərlik etməkʺ istəyirdi.
Onun bu arzusuna ən mümkün yol sahibkarlıq fəaliyyəti ilə məşğul olmaq idi. Belə ki,
o, 1997-ci ildə ʺXalıʺ Kiçik Müəssisəsini yaradır.
Müəssisə xalça toxuculuğu və yumşaq inventar istehsalı ilə məşğul idi. İstehsalın
bu sahəsi ona çox maraqlı gəlirdi və həm də bazarda bu məhsullara böyük tələbat
olduğunu öyrənmişdi.
Müəssisədə 30 nəfər çalışırdı. İstehsal olunan xalçalar Azərbaycanın bir sıra
rayonlarında satılırdı. ʺXalıʺ Kiçik Müəssisəsi 2000-ci ilə kimi müvəffəqiyyətlə fəaliyyət
göstərir. Lakin əhalinin alıcılıq qabiliyyətinin aşağı düşməsi və xalçaların satıs bazarının
çətinləşməsi ilə onların istehsalına tələbat azalır.