71
mükafatlandırmasına, 1996-cı ildə «Avrasiya» qəzetində
şəkillərinin çapına nail olduq. Həm 2001-ci il, həm də 2002-ci il
çempionlarının şəkillərini iş adamı Ə.Evsənin dəstəyi ilə oxu
dəftərlərinin üz qabığına və sonuncu səhifəsinə vurulmasına nail
olduq. (bax: Şəkil 11.2 və 11.3). Şəkil 11.2-də 2001-ci il test
imtahanlarında 694.4 bal toplayaraq respublka üzrə 2-ci yerə
çıxmış və ADİU-nun beynəlxalq iqtisadi münasibətlər ixtisasına
qəbul olmuş Cavid Məmmədovun şəkli üz qabığına vurulmuşdur.
Dəftərin cildinin 4-cü səhifəsinə isə həmin ilin çempionlarının
şəkilləri vurulmuşdur.
Şəkil 11.3-də 2002-ci il test imtahanlarında 693,8 bal
toplamış respublika üzrə birinci yerə çıxmış BDU-nun iqtisadi
kibernetika ixtisasına qəbul olunmuş Quluzadə Emilin şəkili
dəftərin üz qabığına vurulmuşdur. Dəftərin cildinin 4-cü
səhifəsinə isə həmin ilin çempionlarının hamısının şəkili
vurulmuşdur.
1993-cü ildən bəri bir qrup alimə, ziyalıya və talantlı
tələbələrimizə dayaq duran məşhur xeyriyyəçi Əli bəy Evsənin
dəstəyi ilə 2002-ci il test imtahanların çempionlarının şərəfinə 12
fevral 2003-cü ildə ziyafət verildi. Ziyafətə Milli Məclisin Elm və
təhsil məsələləri daimi komissiyasının üzvləri ilə bərabər
çempionlar, onların
müəllimləri, valideynləri də dəvət edilmişdir.
2001-ci il test imtahanlarının çempionlarına göndərdiyim
məktubu «Azərbaycan» qəzeti 2.09.2001 –ci sayında
«Bilik
zirvələrini fəth etmiş çempionlara» adı altına çap etmişdi.
Məktubda deyilirdi:
«Bu il xalqımız müstəqilliyimizin 10 illiyini qeyd
edəcəkdir. On ildir ki, od-alov içərisindən keçərək müstəqil
dövlətimiz qurulur və möhkəmlənir.Dövlətimizin banisi
möhtərəəm prezidentimiz Heydər Əliyev müstəqil dövlətimizi yeni
əsaslarla, yeni prinsiplərlə qurur.Bu əsaslara görə cəmiyyətdə
kütlə yox, şəxsiyyətlər diqqət mərkəzinə çəkilir. Demokratik
prosedurlar nəticəsində fərdlər kütlədən seçilir və şəxsiyyət
səviyyəsinə qaldırılır.