edilən turniri böyük əzmkarlıq və mübarizə ortaya qoyaraq qalib kimi tamamlamışlar. Qaliblərə
diplomlar, pul mükafatları və kubok təqdim olunmuşdur.
Kür daşqınları zamanı ATXƏM-dən ictimai təşəbbüs
2010-cu il aprel və may aylarında Araz və Kür
çaylarının öz məcrasından çıxması Kürətrafı
rayonlarda böyük təbii fəlakətlərə yol açmışdır. Sel
daşqınları zamanı Salyan, Sabirabad, Neftçala,
Saatlı, Hacıqabul, Kürdəmir, Zərdab və digər
rayonların əksər kəndləri sel daşqınlarına məruz
qalmış, minlərlə ev, təhsil, səhiyyə, mədəniyyət
ocaqları, on minlərlə hektar əkin sahələri dağılmış,
əhaliyə külli miqdarda maddi ziyan dəymişdir.
Azərbaycan dövləti, ölkə Prezidenti İlham Əliyev
məhz belə ağır məqamda daim xalqla bir yerdə olduğunu, onun dərd-sərinin, problemlərinin
həllini həmişə diqqətdə saxladığını təsdiq etdi. Daşqınların ertəsi günü Prezident İlham Əliyevin
sədrliyi ilə keçirilən müşavirədə təbii fəlakətin qarşısının alınması, əhalinin təhlükəsiz yerlərə
köçürülməsi, çayların kənarlarında bəndvurma işlərinin sürətləndirilməsi ilə bağlı müvafiq
orqanlara tapşırıqlar verməklə kifayətlənmədi, özü də təbii fəlakət bölgələrinə gedərək, evləri
dağılmış sakinlərlə görüşdü, əhaliyə dəymiş ziyanın ödəniləcəyini vəd etdi. Belə bir vaxtda Ölkə
başçısının çağırışlarına qoşulan ATXƏM sədri də Salyan rayonunun Kürətrafı kəndlərində
əhalinin bəndvurma işlərinə cəlb olunmasına ictimai təşəbbüs göstərmiş, sel fəlakətinin aradan
qaldırılması üçün yerli əhali ilə birlikdə səfərbərlik şəraitində fəaliyyət göstərmişdir.
Türk Dünyası Riyaziyyatçılarına dəstək
15 may 2010-cu ildə Azərbaycanda Türk
Dünyası Riyaziyyat Cəmiyyətinin (TDRC)
mətbu orqanı olan "Türk Dünyası
Riyaziyyat Cəmiyyətinin Nəzəri və Tətbiqi
Riyaziyyat Jurnalı"nın - ("Turkic World
Mathematics Society Journal of Pure and
Applied Mathematics") ilk nömrəsi
ATXƏM-in dəstəyi ilə nəşr olunmuşdur.
TDRC-nin vitse-prezidenti, akademik Fikrət
Əliyevin redaktorluğu ilə nəşr olunan jurnal
Fransada Elmi Jurnalların Beynəlxalq
Qeydiyyat Xidmətində qeydiyyatdan keçmiş
və identifikasiya nömrəsi (İSSN 2076-2585) almışdır.
Azərbaycan Atatürk Mərkəzində keçirilən təqdimetmə mərasimində çıxış edən Azərbaycan Milli
Elmlər Akademiyasının Fizika-Riyaziyyat və Texnika Elmləri Bölməsinin akademik-katibi,
akademik Akif Hacıyev, rabitə və informasiya texnologiyaları naziri, akademik Əli Abbasov,
Bakı Dövlət Universitetinin rektoru, Milli Məclisin deputatı, akademik Abel Məhərrəmov və
digər natiqlər öz çıxışlarında jurnalın əhəmiyyətindən danışmışlar.
Xatırladaq ki, 1999-cu ildə təsis olunmuş TDRC öz sıralarında Azərbaycan, Türkiyə, Rusiya,
Qırğızıstan, Qazaxıstan, Özbəkistan, Çin, ABŞ, Monqolustan və Avropa ölkələrindən olan
riyaziyyatçıları birləşdirir.
Süleyman Dəmirəl Türkiyə və Azərbaycan QHT-lərinin əməkdaşlığını vacib sayır
28 may 2010-cu ildə Türkiyənin Ankara şəhərində
işgüzar səfərdə olan ATXƏM sədri 28 may –
Respublika günü münasibəti ilə Azərbaycanın
Türkiyə Cümhuriyyətindəki böyükelçiliyinin
düzənlədiyi rəsmi ziyafətə qatılmışdır. Rəsmi
ziyafətdə ATXƏM sədri Türkiyə Cümhuriyyətinin
eski Cümhurbaşkanı Süleyman Dəmirəl və
TÜRKSAM başkanı Sinan Oğanla görüşərək, fikir
mübadiləsi aparmışlar. Süleyman Dəmirəl Dağlıq
Qarabağ problemi ilə bağlı Azərbaycan və Türkiyə
QHT-lərinin birgə əməkdaşlığına xüsusi önəm
verdiyini vurğulayaraq, bu əməkdaşlığın daha da dərinləşməsi üçün öz tövsiyyələrini vermişdir.
Ankara Keçiörən bələdiyyəsində Türk Dünyası ilə bağlı ortaq layihələr müzakirə olundu
May ayının 27-31-də Türkiyənin Ankara şəhərində
işgüzar səfərdə olan ATXƏM sədri Keçiörən bələdiyyə
başkanı Mustafa AKla görüşmüşdür.
Görüşdə Mustafa AK ATXƏM-in Türk dünyasında
həyata keçirdiyi layihələrə böyük önəm verdiyini qeyd
edərək, gələcəkdə belə layihələrin həyata
keçirilməsində Ankaranın ən böyük bələdiyyəsi olan
Keçiörən bələdiyyəsilə də ortaq layihələrin gerçəkləşə
biləcəyinə diqqət çəkmişdir.
Görüşdə Diasporla İş üzrə Dövlət Komitəsinin
əməkdaşı Elnar Məmmədov, Müəllif Hüquqları Agetliyinin əməkdaşı Araz Qurbanov, İğdır
Dayanışma və Kültür Dərnəyinin başkanı Enver Türkoğlu da iştirak etmişlər.
Dünya Türk Forumu
20-22 oktyabr 2010-cu ildə İstanbulda Türk-Asiya
Strateji Araşdırmalar Mərkəzinin (TASAM)
təşkilatçılığı ilə Dünya Türk Forumu keçirilmişdir.
Forumda 60 ölkədən türk dünyası və diasporlarının
nümayəndələri iştirak etmişdir.
Tədbirə Azərbaycanın Diasporla İş üzrə Dövlət
Komitəsinin sədri Nazim İbrahimovun rəhbərlik
etdiyi nümayəndə heyəti, həmçinin fəal diaspor
təşkilatlarının rəhbərləri - ATXƏM sədri İlham
İsmayılov və ATXƏM-in Orta Asiya üzrə
əlaqələndiricisi Akif Ağatalıbov, Türkiyə-Azərbaycan
Dərnəkləri Federasiyasının sədri Bilal Dündar və digər diaspor təşkilatları rəhbərləri də iştirak
etmişdir.
Forumda TASAM-ın sədri Süleyman Şensoy, Türk Əməkdaşlıq Şurasının baş katibi Xəlil
Akıncı, Diasporla İş üzrə Dövlət Komitəsinin sədri Nazim İbrahimov, TürkPA-nın baş katibi
Ramil Həsənov, Mardin Valisi Hasan Duruer, TBMM üzvləri Şenol Bal, Hüseyn Pazarçı,
TÜRKSOY-un baş katibi Dussanbay Kasseinov, Kosovadan türk əsilli nazir Mahir Yağcılar
çıxış etmişlər.