Əsas sahə dedikdə verilmiş rayon üçün tipik olan, torpaq
və relyef şəraiti, bitkiləri və fiziki-coğrafi mühütin digər
komponentləri daim təkrarlanan sahə (1-10 ha və daha
böyük) başa düşülür. Əsas sahələrin başlıca hissəsini küləklər
gülünün
iki
ekstremal
şüası
(rumba)
istiqamətində
yerləşdirmək lazımdır. Küləklər gülü aşkar şəkildə ifadə
edilmədikdə sahələr ərazini küləklər gülünün bütün rumba
istiqamətlərində bərabər şəkildə xarakterizə etməlidir. Əgər
ağır metalların miqrasiyası su axınları ilə əlaqədar olması
barəsində əsas varsa, onda şüaların istiqamətini su miqrasiyası
vektoru ilə uyğunlaşdırmaq lazımdır. Sahələrin ümumi miqdarı
15-20 təşkil edir.
Əsas sahələrdə torpaqların çirklənmə prosesləri digər
ərazilərə nəzərən daha ətraflı şəkildə aparılır; o, olduqca əmək
tutumludur və uzun müddət tələb edir. Ərazidə əsas sahələr elə
yerləşdirilir ki, onlar bütün mümkün olan landşaft-geokimyəvi
şəraiti, genezisin müxtəlifliyini, torpaqların tərkib və
birləşmələrini, tipik biosenozları və əlbətdəki fon və texnogen
sahələrini özündə xarakterizə etsin.
Şək. 3.3. Torpaqların çirklənmə səviyyəsinin müşahidəsi zamanı
ərazilərin rekoqnossirovka marşrutları: a) təfərrüatlı müşahidələrdə; b)
böyük sahələrdə müşahidələr zamanı.
Torpaqların
ağır
metallarla
çirklənmə
dərəcəsi
səviyyəsinin müşahidələrində bu və ya digər amillərin artması
və ya azalması ilə əlaqədar olan dəyişikliklərin müqayisəsi və
dəyişmələrin məkanda müxtəlif inqrediyentlərlə torpaqların
çirklənmə dərəcələrinin qanunauyğun şəkildə dəyişmələri
mühüm əhəmiyyət kəsb edir. Həmin qanunauyğunluqlar daha
aydın şəkildə üstünlük təşkil edən küləyin istiqamətləri boyu
bütün ərazini kəsən torpaq-geomorfoloji profillərdə özünü
büruzə verir ki, bu da torpaq və mühitlərdə çirkləndirici
maddələrin paylanmaları arasındakı bir-birilə bağlı əlaqələrin
dərk edilməsinin olduqca dəyərli metodunu təşkil edir.
Torpaq-geomorfoloji
profil
dedikdə,
qabaqcadan
müəyyən edilmiş, xəttə çatmağa yönəlmiş yer səthinin dar
zolağı başa düşülür ki, onun üzərində bir və ya bir neçə ekoloji
amil ilə torpaqların çirklənmə dərəcələri arasında korrelyasiya
təyin edilmişdir.
Torpaq-geomorfoloji
profillər
küləklər
gülünün
vektorları üzrə qoyulur. Profillər əsas sahələri tam şəkildə əvəz
edə bilməz, xüsusən də o hallarda ki, torpaqların çirklənmə
dərəcəsinin dəyişməsi mikrorelyefin xarakteri ilə şərtlənir,
onların torpaqların çirklənməsi ilə əlaqəsi əyani şəkildə böyük
ərazilərdə özünü daha çox büruzə verir. Beləliklə, torpaq-
geomorfoloji
profillər
və
əsas
sahələr
bir-birlərini
tamamlamalıdır.
Həqiqətən müəyyən edilmişdir ki, atmosfer vasitəsilə
torpaq örtüyünü çirkləndirən texnogen tullantılar torpağın üst
qatlarında toplanırlar. Ağır metallar bir qayda olaraq səthdən
birinci 2-5 sm-də toplanır. Aşağıda yerləşən üfiqlərin
çirklənməsi torpağın becərilməsi (şumlanması, kultivasiya,
malalanması), həmçinin çatlar vasitəsilə diffuz və konvektiv
daşınması, torpaq heyvanları və bitkilərin gedişləri vasitəsilə
baş verir. Ona görə də torpaq örtüyünün ağır metallarla
çirklənməsinin dəqiq təsvirini torpaq nümunələrini dərinliyi 0-
10 və 0-20 sm şumlanmış yerdə və 0-2,5; 2,5-5,0; 5-10; 10-20;
20-40 sm dərinlikli xammal torpaqlarda və köhnə qalmış
yerlərdən torpaqların nümunələrinin seçilməsi ilə əldə edilə
bilər.
Birləşdirilmiş nümunə bir qayda olaraq konvert metodu
ilə tərtib edilir. Torpaqların ilkin emalı ilə əlaqədar olan bütün
növbəti əməliyyatlar əvvəldə təsvir edilmiş torpaqların
pestisidlərlə çirklənməsi zamanı yerinə yetirilən nəzarət zamanı
həyata
keçirilən
əməliyyatlarla
analojidir.
Torpaq
nümunələrinin seçilməsi yerinə yetirildikdən sonra o, analizdən
ötrü laboratoriyaya göndərilir. Hər bir nümunə talonla təchiz
edilir, burada torpağın özü haqqında və onun götürülmə şəraiti
haqqında tələb edilən bütün lazımı məlumatlar verilir.
Müşayətedici talonda nümunənin sıra nömrəsi, nümunənin
götürülmə günü, ayı və ili, həmçinin ya məntəqənin faktiki adı
ya da ki, işçi jurnalda məntəqənin şifrlənmiş nömrəsi və ya
şərti işarəsi göstərilir.
Şəhər şəraitində torpaq nümunələrinin seçilməsi elə
miqyaslı kvadrat tor üzrə aparılmalıdır ki, bu 100 ha sahədə 5-6
torpaq nümunəsinin götürülməsi tezliyini təmin etsin. Torpaq
nümunələrinin belə tezliklə götürülməsi şəhər ərazisində
çirklənmiş
torpaqların
xəritəsinin
yaradılması
üçün
məlumatların alınmasını təmin edir. Nümunələrin seçilməsi 20
sm dərinlikdən, tərəfləri 5-10 m olan konvert metodu ilə yerinə
yetirilir.
Ağır metallarla torpaqların çirklənmələrinin tədqiqi
zamanı ağır metallarla çirklənmələrin xüsusi xəritələri – torpaq
texniki kimyəvi xəritələri tərtib edilir. Belə xəritələrdə qəbul
edilmiş sistematika üzrə torpaqların tipləri, alttiplər, növ və növ
müxtəlifliyi
göstərilməklə
yanaşı,
torpaqların
müxtəlif
inqrediyentlərlə çirklənmə dərəcəsi göstərilir.
Torpaqların çirklənmə xəritələri dedikdə, müxtəlif
dərəcədə çirklənmələr və onların birləşmələrinin tipik,
müəyyən ümumiləşdirilmiş riyazi paylanmasının müstəvi
üzərində kiçildilmiş təsviri başa düşülür. Çirklənmə xəritələri
Dostları ilə paylaş: |