İsa Muğanna yaradıcılığı “İdeal” işığında
147
II FƏSİL
İsa Muğanna yaradıcılığına müqayisəli baxış
İsa Muğanna yaradıcılığı “İdeal” işığında
148
İsa Muğanna yaradıcılığı “İdeal” işığında
149
2.1. İsa Muğanna həqiqəti Hüseyn Cavid
işığında
Köklü ənənələri olan Azərbaycan ədəbiyyatının
nümayəndələri dünya mədəniyyətinə böyük töhfələr
vermiş, onu əsrlərlə istiqamətləndirmişdir. Klassik
Azərbaycan-Türk mədəniyyətinin böyük şəxsiyyəti
Nizami Gəncəvi yaradıcılığı nəinki əsrlərlə şərq
fəlsəfəsinin, təfəkkürünün formalaşmasında önəmli
yer tutmuşdur, hətta orta əsrlər Avropa ədəbiyya-
tının yeni düşüncədə yaranmasına, inkişafına təkan
vermişdir. Ədəbiyyatın bir mövzusu var: insan.
Nizaminin insan konsepsiyası dünya ədəbiyyatını
daima heyrətləndirmiş, bu gün də heyrətləndirmək-
dədir. Zaman-zaman həm yazıçılar, həm də ədəbiy-
yatşünaslıq Nizami yaradıcılığına müraciət etmiş və
bu müraciətlə Azərbaycan-Türk təfəkkür ilə tanış ol-
muşlar.
Təkcə dövrünün yox, məhəlləsinin yox, regionu-
nun yox bəşəriyyətin şair və ya yazıçısı meyarı ilə
araşdırsaq, Azərbaycan ədəbiyyatında yetərincə bu
cür şəxsiyyətlər görə bilərik. Bu meyara cavab verən
ədiblərimizdən Nizami Gəncəvini, İmadəddin Nəsi-
mini, Məhəmməd Füzulini, Mirzə Fətəli Axund-
zadəni, Seyid Əzim Şirvanini, Məhəmməd Hadini,
Hüseyn Cavidi, Yusif Vəzir Çəmənzəminlini, Məm-
məd Səid Ordubadini, İsa Muğanna və s. kimi şair və
yazıçılarımızı misal çəkə bilərik.
Hər bir xalqın ədəbiyyatı digər xalqlar üçün o
zaman maraqlı və cəzbedici olur ki, həmin ədəbiyyat
İsa Muğanna yaradıcılığı “İdeal” işığında
150
öz orijinallığı ilə təqdim edilsin. Dəblə yazılan bədii
əsərlər sadəcə dövrü üçün populyar olar, qısa vaxtda
parlar və sönərlər. Lakin milli düşüncənin alt qatın-
dakı ideya ustalıqla və səmimiyyətlə qələmə alınarsa
və ümumilikdə bəşəriyyətə xidmət edərsə, o zaman
bütün maneələri asanlıqla dəf edər və zirvədə görü-
nər. Buna Mopassan, Viktor Hüqo, Çingiz Aytmatov,
Tolstoy, Nəsimi, Hüseyn Cavid, İsa Hüseynov kimi
dahilərin yaradıcılığını misal çəkmək olar.
Bu məqalədə daima həqiqət axtarışında olan, bə-
şəri faciələri ürək ağrısı ilə qələmə alan, öz yozumları
ilə milli ədəbiyyat köynəyində bəşəri ədəbiyyat yara-
dan iki böyük Azərbaycan yazıçısının: Hüseyn Cavid
və İsa Muğanna ideyalarındakı oxşarlıqları müqayisə
etməyə çalışacağıq.
Hüseyn Cavid (1882-1941) XX əsrin əvvəllərin-
dəki Azərbaycan ədəbiyyatının görkəmli sənətkarla-
rından biridir. Yaradıcılığında poeziya və dramatur-
giyadan istifadə edən sənətkar Azərbaycan roman-
tizminin banilərindəndir. Onun "İblis", "Şeyx Sənan",
"Peyğəmbər", "Topal Teymur", "Xəyyam", "Səyavuş"
kimi pyesləri dünya ədəbiyyatının incilərindədir.
Bütün yaradıcılığı boyu xeyirlə şərin mübarizə-
sini təsvir edən H.Cavid əsas qayəsi, ideyası kimi hu-
manizm, insanpərvərlik mövqeyindən çıxış edərək,
müxtəlif mövzularda məhəbbət və fəlsəfi məzmunlu
əsərlər yaradaraq sənət, fikir və amalını geniş oxucu
kütlələrinə sevdirməyi bacaran bir sənətkardır.
“Şeyx Sənan”, “Peyğəmbər” və “Xəyyam” pyes-
lərində dramaturqun qarşıya qoyduğu məqsəd haq-
İsa Muğanna yaradıcılığı “İdeal” işığında
151
qa-həqiqətə qovuşmaq yollarını arayıb axtarmaq və
bunun geniş həcmdə bədii həllini vermək olmuşdur.
Şeyx Sənanın, Peyğəmbərin, Xəyyamın - hər üçünün
haqq-həqiqət yolunda təsəvvürləri müxtəlif olduğu
kimi, ona qovuşmaq yolları da müxtəlifdir.
İsa Muğanna isə (1928-2014) Azərbaycan magik
realizminin, postmodernizmin yaradıcılarından biri
kimi tanınır. Onun yaradıcılığını tədqiqatçılar iki bö-
yük mərhələyə bölür: birinci dövr İsa Hüseynov kimi
ömrünün 40 ildən çoxunu realist bir sənətkar olaraq,
ikinci dövrü isə 1980-ci illərin sonundan başlayaraq
bütün keçmiş üslubunu, ideya və bədii düşüncəsini,
ümumiyyətlə yaradıcılığını bir kənara qoyaraq
modernist bir yaradıcılığa İsa Muğanna kimi başla-
yıb, həm öz yaradıcılığında, həm də Azərbaycan
ədəbiyyatında yeni bir çağ açan filosof sənətkar kimi
yaşayıb yaradan yazıçı.
Onun "Yanar ürək", "Teleqraf", "Tütək" kimi
əsərləri yaradıcılığının birinci dövrünün dəyərli əsər-
ləri hesab edilirsə, "Məşhər", "İdeal", "Cəhənnəm",
"GurÜn" kimi əsərləri yaradıcılığının ikinci mər-
hələsini təşkil edir. Akademik İsa Həbibbəyli İsa
Muğannanın yaradıcılığının ikinci hissəsinə qiymət
verərkən demişdir: "İdeal" romanı çap olunduqdan
sonrakı şəxsi həyatı və yaradıcılığı göstərdi ki, İsa
Hüseynov özünün bu əsərlərində inandığı və sanki
hətta yaşadığı dünyanı təqdim etmişdir. “İdeal”da
və sonrakı əsərlərində İsa Hüseynovun inanaraq for-
malaşdırdığı SafAğ dünyası ədəbiyyat üçün utopiya
kimi görünsə də, İsa Hüseynov üçün gerçəkliyin ifa-
Dostları ilə paylaş: |