ŞƏMİstan nəZİRLİ
Yüklə 158,68 Kb. Pdf görüntüsü
|
- Bu səhifədəki naviqasiya:
- NƏRMİN XANIMLA MÜSAHİBƏ Cənab sərkar, xalq məsləhətçisi Ağa bəy Yadigarov ərəb
- Şahzadə Fərhad Mirzə Qacara məktubundan
- Əziz Azərbaycan əsgəri !
- Şəmistan Əmiraslan oğlu Nəzirli General Yadigarov qardaşları
orkestr Şopenin dəfn marşını çalmışdır. Cənazə üzərində müsəlman ayinini Varşava və Belostok yeparxiyasının imamı Aleksandr Əli Şaletski icra etmişdir. Bəs poikovnik Yadigar kimdir? Müsəlmandır, Azərbaycan knyazıdır... Bu qərib Polşa ordusu heyətində vuruşmuş, K.Soskovski adına Yeddinci Ulan alayının zabiti olmuşdur. O, 1920-ci ildə tabeliyində olan hissə ilə birlikdə Azərbaycanı tərk etmək məcburiyyətində qalmış, 1921-ci ilin mart ayında Polşada sıgınacaq tapmış, müqavilə ilə polyak ordusu sıralarına daxil olmuşdur. Qruzdendə Süvari Məktəbini və Varşava Ali Hərbi Məktəbini birdikdən sonra yeddinci süvari polkunun komandir müavini .təyin edilmişdir. Polyak qızıyla evlənmiş, polyak dilini öyrənmişdir. Keçmiş alaydaşları onu son dərəcə yüksək mədəniyyətə, həyat tərzinə malik insan, həm də olduqca tələbkar zabit kimi xatırlayırlar. Vəli bəy Polşaya hücum etmiş hitlerçi qəsbkarlara qarşı 1939-cu il sentyabrın 11-də təşkil olunmuş müdafiə kampaniyasında iştirak etmiş, Mazovetsk süvari briqadasının qərargah rəisi olmuşdur. Polşanın işğalından sonra Armiya Krayovanın (AK\ tərkibinə daxil olan “Olen" polkunun komandiri kimi Varşava üsyanında iştirak etmişdir. Müharibədən sonra Vəli bəy Yadigar Argentinaya mühacirət etmiş, on doqquz il əvvəl - 1971-ci il dekabrın 13-də Buenos-Ayresdə vəfat etmişdir. Öz vəsiyyəti ilə Polşada təkrar dəfn edilmişdir. Dəfn mərasimində mərhumun qızı - Züleyxa xanım Yadigar-Kalinovskaya da olmuşdur. O, hazırda milliyyətcə polyak olan əri ilə İspaniyada yaşayır”. Qarabağ, Zəngəzur döyüşlərindən general-mayor Davud bəyə və kornet Vəli bəy Yadigarova məxsus raport və sənədlər saxlanılır. 1920-ci ilin mart ayında erməni-daşnak birləşmələri Əsgərana hücum edəndə kornet Vəli bəy Üçüncü Şəki süvari alayında döyüşürdü. Alay komandiri podpolkovnik Tongiyev Qarabağ ərazi qoşunlarının komandanı general-mayor Həbib bəy Səlimova göndərdiyi 26 mart tarixli məlumatda yazırdı: “Bu gün - martın iyirmi altısında artilleriya və tüfəng hazırlığından sonra Çaylı və Bürc kəndləri tutulmuşdur. Ermənilər Çaylıdan qərbə - dağların şərq ətəklərinə çəkilmişlər. Ermənilərdən bir neçə döyüşçü öldürülmüşdür. Bizim tərəfimizdən isə bir neçə partizan yaralanmışdır. Məlumat verirəm ki, sonrakı uğurlarımız və ermənilər üzərində qəti və son qələbəmiz mənim dəstəmin nizami hissələr ilə möhkəmləndirilməsindən asılı olacaqdır. Ona görə ki, cəbhə xətti getdikcə böyüyür, mənim alayımda döyüşçülər azdır və üç günlük ağır döyüşlərdən sonra yorulub əldən düşmüş partizanlar evlərinə gedirlər. Düşmənin çoxsaylı süvari dəstəsini başılovlu qaçmağa məcbur etmiş birinci yüzlüyün korneti Vəli bəy Yadigarovun çevik süvarilərinin hücumunu xüsusi qeyd etmək istəyirəm. Artilleriya vzvodunun komandiri praporşik Seyidzadənin dəqiq atəşi ilə düşmən mövqeyi susdurulmuşdur.
Vəli bəy Sadiq bəy oğlu 1897-ci ildə anadan olmuşdur. Borçalının Təkəli kəndindəki nüfuzlu Yadigarovlar nəslindəndir. Bu nəsildən 1918-20-ci illərdə Milli Orduda səkkiz zabit şərəflə xidmət etmişdir: poruçik Nadir bəy, kornet Rəhim bəy, praporşik Adil bəy, poruçik Abuzər bəy, İkinci Qarabağ süvari alayında ücüncü bölüyün komandiri, ştab-rotmistr Məmməd bəy, ikinci Qarabağ süvari alayında ikinci bölüyün rotmistri Daniyal bəy rəis müavini general- mayor Davud bəy Yadigarovlar. Zadəgan nəslinə məxsus olan Vəli bəy ilk hərbi təhsilini 1909-1915-ci iliərdə Tiflis hərbi gimnaziyasında almışdır. 1915-ci ildən kornet Vəli bəy Əlahiddə Qafqaz ordusunun korpusunda xidmət etmişdir. Uzun illər Polşada mühacirətdə yaşayan rotmistr Vəli bəy Yadigarov 1933-cü ildə polyak dilində “Mustafa Axmatoviç adına Tatar-Ulan alayının hərbi tarixi oçerki” adlı kitabını Varşavada nəşr etdirmişdir. Kitabda 1920-ci ildən sonra Polşa, Krım, Litva və mühacirətdə olan Rusiya müsəlmanlarının Tatar-Ulan alayındakı fəaliyyəti geniş işıqlandırılır. Əsərin təkrar nəşri 1990-cı ildə olmuşdur. Onu da xatırladaq ki, podpolkovnik Vəli bəy Yadigarovun 1920-ci ildə boişevik çevrilişindən sonra məhz Polşaya mühacirətə getməsi təsadüfi deyildi. Atası Sadıq bəy
Yadigarov XIX əsrin ortalarında Polşada yaşayan tatar qızı, şahzadə Olqa Russiya-Korçibaşeva ilə evlənmişdir. Birinci Dünya müharibəsi illərində 17-ci Nijedraqun süvari alayında xidmət edən poruçik İsrafil bəy Yadigarov döyüşlərdə göstərdiyi igidliyə görə dördüncü dərəcəli “Müqəddəs Vladimir” (qılınc və bantla birgə), üçüncü dərəcəli “Müqəddəs Anna” (qılınc və bantla birgə), dördüncü dərəcəli “Müqəddəs Anna” (üzərində “İgidiiyə görə” yazısı ilə) və üçüncü dərəcəli “Müqəddəs Stanislav” (qılınc və bantla birgə) ordenlərilə təltif olunmuşdur. 1916-cı il aprelin 29-da isə Əlahəzrət imperatorun əmrılə İsrafil bəy Yadigarova rotmistr rütbəsi verilmişdir. On yeddinci Nijedraqun alayında kornet rütbəsində xidmət edən Kərim bəy Yadigarov isə ön cəbhədə uğurlu döyüşlərə görə üçüncü dərəcəli “Müqəddəs Anna” (qılınc və bantla birgə), ikincı dərəcəli “Müqəddəs Stanislav” (qılıncla birgə) və dörvüncü dərəcəli “Müqəddəs Anna” (üzərində “İgidliyə görə” yazısı ilə) ordenlərilə təltif olunmuşdur. Arxiv sənədlərindən o da məlum olur ki, süvari alayında xidmət edən Məmməd bəy Yadigarov üstü “İgidliyə görə” yazılı “Müqəddəs Anna” ordenlərinin dördüncü dərəcəsilə təltif olunmuşdur. Bunlar Yadigarov qardaşlarının 1914-16-cı illərdə təltif olunduğu ordenlərdir. Təəssüf ki, onların da 1920-ci il aprel çevrilişindən sonrakı taleyi məlum deyil.
* * * Borçalı çökəyindən qayıda bilmirdim. Bu yerlər mənə uşaqlıqdan doğmadır. Üzümü Ləlvar və Babakər dağlarına tutub baxanda hiss eləyirdim ki, kəndimin, torpağımın ətri gəlir. Buludların altı ilə kəndimizə tərəf uçan quşları görəndə gözüm yaşardı. Ürəyim şiddətli ağrı ilə döyündü. 1988-ci ildə Körpülünün yurd dəyişməsi könlümə, gözümə qubar olmuşdu. Dərdimin üstünə bir ağır dərd də gəldi - Təkəlidə. Burda Yadigarovlar nəslindən bir nəfərin belə qalmamağı... Təsəlli tapmaq, dərdləşmək üçün Debet çayının sahilinə endim. Bizim Çubuxlu yaylağından axıb gələn çayın dumduru suları daşları yalayıb sakitcə axırdı. Uşaqlıq xatirələrim, qarmaqarışıq fikirlər ildırım sürətilə varlığımda qaynaşırdı. Düşmən əlində olan kəndim, yurdum, onun buz bulaqları, göy meşələri - nə varsa hamısı gözüm önündə saf dağ çayında canlanırdı. Axar-baxarlı kəndim bəzəkli gəlin kimi yaddaşımda əbədi yaşayacaq...
Elsiz mənim nə günüm, Çıxmaz səsim, nə ünüm. Ana yurdunu sevən Oğlun başına dönüm.
NƏRMİN XANIMLA MÜSAHİBƏ Cənab sərkar, xalq məsləhətçisi Ağa bəy Yadigarov ərəb, fars və türk əlifbasının dəyişilməsi haqqında fikirlərini yazıb, onları oxumağı məndən xahiş etmişdir ki, onların haqq və ya yanlış olmasına dair fikrimi yazılı surətdə ona təqdim edəm. Ağa bəy Yadigarovun yazısının məzmunu bundan ibarətdir ki, Islam xalqlarının Avropa xalqlarından geri qalmasının səbəbi əlifbadakı nöqsanlardır. Çünki bizim uşaqlarımız bir neçə il vaxtlarını ancaq yazını oxumağa sərf edib, elm öyrənə bilmirlər. O yazır ki, Abbasilərin xilafəti və ərəblərin səltənəti də elmləri öyrənməyin mümkiin olmaması və oxumaq işinin çətinliyi nəticəsində aradan getmişdir. Mirzə Fətəli Axundovun Şahzadə Fərhad Mirzə Qacara məktubundan
General babasının sənədiəri ilə tanış olmaq üçün Rəna xanımla yenidən görüşdüm. O dedi ki, Yadigarovun şəklini Azərbaycan Dövlət Tarix Muzeyinin elmi işçisi Nərmin xanım Tahirzadəyə göstərim, bəlkə o tanıdı. Məncə o, mərhum Sara xanım Talışinskaya-Xürrəmoviçlə görüşmüşdü. Sara xanım general Mirkazım xanın qızı idi. O, inqilabdan əvvəl Kiyev Universitetinin hüquq fakültəsini bitirmişdi... Belə axtarışlarda həmişə köməyimə çatan xeyirxah Nərmin xanım məni neçə aylıq intizardan qurtardı. Şəklə baxan kimi: Bu, Ağa bəy Yadigarovdur, - dedi, - Rusiyada təhsil almış ilk azərbaycanlı ziyalılardan biridir. M.F.Axundovun əlifba islahatı haqqında olan məktublarının birində Ağa bəy Yadigarovun adının çəkilməsinə baxmayaraq, onun həyat və fəaliyyəti 1966-cı ilə qədər öyrənilməmişdi. Mən elmi işimlə əlaqədar Gürcüstan, Moskva və Leninqrad arxivlərində işləyəndə Ağa bəyin fəaliyyəti haqqında material toplaya bildim. Həmin ili Akademiyanın “Elmi əcərlər”ində “Peterburq universitetinin ilk azərbaycanlı məzunu” adlı elmi məqalə ilə çıxış etdim. - Nərmin xanım, XIX əsrin əvvəllərində bizim Rusiya ilə əlaqələrimiz o qədər də yaxşı deyildi. Mən şəxsən bunun ilkin səbəbini mənzilin uzaqlığında, bir də din ayrılığında görürəm. Bizə çox az ziyalımızın o vaxtlar Rusiyada yaşayıb-yaratması məlumdur. Mirzə Kazım bəy, Mirzə Cəfər Topçubaşov, İbrahim Rəhimov, Mahmud İsmayılov və başqaları. Bəs necə olub ki Ağa bəy Yadigarov o illərdə Peterburqa gedib çıxıb? Yəqin ki, bunun bir səbəbkarı, vasitəçisi olub? - Ağa bəy Yadigarovun Peterburqa getməsinin səbəbkarı məşhur şərqşünas Mirzə Cəfər Topçubaşovdur. Bu görkəmli alim Ağa bəyin doğma dayısıdır. Arxiv sənədləri göstərir ki, 1844- cü ilin yazında Peterburq universitetinin Şərq şöbəsinə Cənubi Qafqaz gənclərinin nümayəndələrini göndərmək üçün heç bir perspektiv olmayanda universitetin fars dilçiliyi kafedrasının professoru Mirzə Cəfər Topçubaşov həmin şöbəyə öz bacısı oğlu Ağa bəy Yadigarovun dövlət xərci ilə qəbul edilməsi barədə xahişlə müraciət edib. Ağa bəy Yadigarov həmin ilin yayında Üçüncü dərəcəli Peterburq gimnaziyasını bitirmişdi. Yadigarov haqqında bioqrafik məlumat son dərəcə az və natamamdır. Əldə olan sənədlərə əsasən, Ağa bəy Yadigarov 1823-cü ildə Gürcüstanda doğulub. Peterburq gimnaziyasına 1837-ci ildə daxil olub. 1844-cü il iyun ayınadək ümumi əsaslarla gimnaziya nəzdindəki pansionda tərbiyə alıb. Uzun yazışmalardan sonra imperatorun razılığı ilə professor M.C.Topçubaşovun xahişi nəzərə alınıb, Ağa bəy Yadigarovun dövlət xərci ilə oxuması üçün Peterburq universitetinin rektoruna sərəncam verilib. Ağa bəy Yadigarov Peterburq gimnaziyasını bitirdiyinə görə qəbul imtahanları vermədən universitetin Şərq şöbəsinə daxil oiub. 1844-cü il iyulun 22-dən Ağa bəy universitetin nəzdindəki pansiona götürülüb. 1848-ci ildə Yadigarov imtahanları əla qiymətlərlə verib universiteti bitirir. Alimlik dərəcəsini yerinə yetirdiyinə görə Şərq dilçiliyi üzrə namizəd adı alır. Universiteti bitirdikdən sonra Ağa bəy Yadigarov hələ bir müddət Peterburqda, çarın müsəlman komandasının konvoy komandiri, rotmistr qardaşı İsrafil bəy Yadiqarovun yanında qalır. - Bəs Qafqazdakı fəaliyyətinə nə vaxtdan başlayıb, bu barədə məlumat əldə edə bilmisinizmi? - 1848-ci ilin may ayında Ağa bəy Yadigarov Qafqaz canişininin sərəncamına göndərilir. Onu canişinlikdə dəftərxana şöbəsinin müdir müavini təyin edirlər. O, burada 35 ildən çox xidmət etmişdir. Hərtərəfli təhsil almış Ağa bəy Yadigarov öz bilik və bacarığından istifadə üçün imkan tapa bilməmişdir. Şərq və rus mədəniyyətinə yaxından bələd olan Ağa bəy öz milli mədəniyyətini də dərindən bilir, ona hədsiz hörmət bəsləyirdi. Xalqının bu sahədə ehtiyaclarını da yaxşı başa düşürdü. O, əlifba islahatı uğrunda böyük mütəfəkkir Mirzə Fətəli Axundovla birgə çalışmışdır. M.F.Axundovun şəhadətinə görə Ağa bəy Yadigarov ərəb əlifbasının yeni, daha mükəmməl əlifba ilə əvəz edilməsi haqqında fikirlərini ifadə edən bir kitabça da yazmışdır.
- Nərmin xanım, otuz beş ildən çox Qafqaz canişinliyində saray müşaviri kimi fəaliyyət göstərən Yadigarovun xidməti dövlət tərəfindən layiqincə qiymətləndirilibmi? - İnamla demək olar ki, yox! Sənədlər göstərir ki, Ağa bəy Yadigarov çox sadə bir insan olub, vəzifəyə və təltifata can atmayıb. O, əvvəllər dəftərxanada, sonra isə canişinliyin baş idarəsində qulluq etmişdir. Onun xidməti müsəlmanlar üçün təsis edilmiş dördüncü dərəcəli “Müqəddəs Vladimir” ordeni ilə qiymətləndirilib. 1853-56-cı illərdə Krım müharibəsindən xatirə olaraq verilmiş Andreyev lenti üzərindəki bürünc medal, onun 35 ildən çox xidməti müqabilində yeganə təltifatı olub. Uzun axtarışlardan sonra mən Ağa bəy Yadigarovun nəvələrini və onun böyük bacısı Məsumə xanımın uşaqlarını tapa bildim. Onlardan böyüyü - Sara xanım Talışinskaya- Xürrəmoviç dedi ki, babam XIX əsrin 90-cı illərində Tiflisdə vəba epidemiyasından vəfat etmişdir. Həqiqətən də 1892-ci ildə Qafqazda güçlü vəba epidemiyası yayılmışdı. Ölüm tarixini belə dəqiqləşdirdik. Yadigarovun ömrünün son illəri haqqında isə demək olar kı, heç nə məlum deyil.
Yadigarovlar nəsli əsil-nəcabəti olan üç ziyalı ailə ilə yaxın qohum olub: Talışxanovlar, Vəkilovlar və Vəzirovlar. General-mayor Mirkazımxan Talışxanovun nəvəsi Rəna xanım Axundzadədə babasının 1905-ci il martın 1-də tərtib olunmuş “Xidmət kitabçası” saxlanılır. Onun “Ailə vəziyyəti” bölməsində oxuyuruq: “Tifiisli saray müşaviri Ağa bəy Yadigarovun qızı Məsumə xanımla Mirkazım xan 1888- ci ildə ailə qurmuşdur. Dörd uşaq atasıdır. Oğlu Mirəli xan 1895-ci il sentyabrın 9-da, Sarabəyim 1890-cı il fevralın 7-də, Liyabəyim 3 1891-ci il fevralın 8-də, Züleyxa xanım 1892-ci il avqustun 3-də anadan olmuşdur”. Məsumə xanım Yadigarova (vəfatı - 1923-cü il) Zaqafqaziya Qadın Xeyriyyə Cəmiyyətinin üzvü olub. Onların ortancıl qızı Liyabəyim topoqraf-general İbrahim ağa Vəkilovun böyük oğlu Fariz bəyin həyat yoldaşı idi. Sözardı: General Yadigarov qardaşları haqqında ilk dəfə 1985-ci ildə yazmışdım. Həmin yazı “Sovet Gürcüstanı” (4 noyabr 1989-cu il) və “Bərəkət” qəzetində (8 may 1991-ci il), 1991- ci ildə “Azərbaycan generalları” kitabımda və “Borçalı” jurnalında (1993-cü il, № 1) nəşr olunub.
Müstəqillik qazanıldıqdan sonra açılan arxivlər və 1999-cu ildə Gürcüstan Mərkəzi Dövlət Arxivindən topladığım faktlara görə bu mövzuya yenidən qayıtmalı oldum. Zənnimcə, bu yazını da belə bir nüfuzlu nəsil haqqmda tam hesab etmək olmaz. Ona görə ki, çoxsaylı Yadigaroğullarının əksəriyyətinin son taleyi hələ də məlum deyil. 1912-ci ildə Tiflisdə nəşr olunmuş “Kavkazskiy calendar” kitabından sətirlər: - Nadir bəy Yadigarov - Qafqaz Canişinliyində hərbi müşavir. Poruçik rütbəsində. -Abuzər bəyYadigarov - Poruçık rütbəsində Qafqaz Canişınlıyində xidmət edir. - Əli bəy Yadigarov - Aşağı Acariyanın Batumi şəhərındə milis rəisi. - Davud bəy Yadıgarov - Tıflisdə yerləşən 17-cı Nijeqorod draqun polkunun ştab- rotmistri. - İsrafil bəy Həsən oğlu Yadigarov - 17-ci Nijeqorqd draqun alayının kapitanı.
3 Liyabəyim ikinci Tiflis qadın gimnaziyasını qızıl medalla bitirib, Tiflis müsəlman məktəbində müəllim işləyib. 1920-ci ildən sonra həyat yoldaşı Fariz bəylə Fransada mühacirətdə olub. Vətənə qayıtdıqdan sonra C.Məmmədquluzadə, Əbülhəsən, Mehdi Hüseyn, Mir Cəlal, Süleyman Rüstəm, Ənvər Məmmədxanlı, Süleyman Rəhimov və b. yazıçıların əsərlərini rus dilinə tərcümə edib. 1943-cü ildən SSRI Yazıçılar İttifaqının üzvü idi. Ədəbi ictimaiyyətdə və pedaqoji sahədə görkəmli mütəxəssis kimi tanınan Liyabəyim Vəkilova 19 fevral 1965-ci ildə Bakıda vəfat edib. - Ş. N.
İyirmi-otuzuncu illərdə daşnak-bolşevik fitvası ilə həlak olan sərkərdə babalarımızın ruhu bizimlədir. Onların ömür yolu və tarixi sənədlərlə tanış olanda ürəyimizdən min bir ağrı-əzab keçir. Bu ruhlar nə az, nə çox - yetmiş ildən çox susdurulub, “tamamilə məxfidir”qrifiylə saxlanılıb. Bu gün müstəqillik qazanan bizlərin borcu iztirablı taleləri tədqiq edib gələcək nəslə çatdırmaqdır. Unudulmaz şairimiz Səməd Vurğun haqlı olaraq yazırdı ki, xalqın mədəni və elmi yüksəlişi ilə dərindən məşğul olmaq o xalqın gələcəyini, onun tarixini və taleyini öyrənmək deməkdir. 1918-20-ci illərin yanmayan əlyazmaları arasında tam artilleriya generalları Əliağa Şıxlinskinin, Səməd bəy Mehmandarovun, general-leytenant Məmməd bəy Sulkeviçin, general- mayor Həbib bəy Səlimovun, İbrahim ağa Vəkilovun, Süleyman bəy Əfəndiyevin, Murad Gəray bəy Tlexasın, Əbdülhəmid bəy Qaytabaşının, şahzadə-general Əmir Kazım Qacarın, İbrahim ağa Usubovun, Cavad bəy Şıxlinskinin, Teymur bəy Novruzovun, şahzadə Əmənulla xan Qacarın, Məmmədsadıq bəy Ağabəyzadənin, Firidun bəy Vəzirovun, şahzadə Feyzulla Mirzə Qacarın, şahzadə Məhəmməd Mirzə Qacarın, Səməd bəy Rəfibəyovun, Davud bəy Yadigarovun, Mirkazım xan Talışxanovun, Əlyar bəy Haşımbəyovun misilsiz xidmətləri nə yaxşı ki, qorunub saxlanılıb. Əziz Azərbaycan əsgəri ! Bu generalların hər birinin taleyi ayrıca elmi əsərə, cild-cild kitaba layiqdir. “Əsgərin cib kitabçası” seriyasından general Yadigarov qardaşları haqqında bu kitabı sənin üçün yazmışam. Oxu, babaların döyüş və qeyrət yolunu öyrən! Tarixi keçmişimizi yaddaşına yaz! Uzaq və yaxın tariximiz şahidlik verir ki, yenilməz, qüdrətli qoşunu olmayan millət azadlıqdan məhrum olar, torpağı özgələrin ayaqları altında tapdanar. P. S. Kitabın işıq üzü görməsində əvəzsiz köməyinə görə “Şirvannəşr”in kollektivinə və neftçi-alim dostum Mübarız Məmmədova dərin minnətdarlığımı bildirirəm.
Müəllifdən ………………………………………………………3 General Yadigarov qardaşları ………………………………4 General-mayor Əsədulla bəy Yadigarov ………………………11 Doğma yerlərin ətri ………………………………………………14 Yadigarovlar Cümhuriyyət dövründə ……………………….20 Polkovnik Vəli bəy Sadıq bəy oğlu Yadigarov ………………. 21 Nərmin xanımla müsahibə ……………………………………….25 Sonsöz ……………………………………………………………..30
Şəmistan Əmiraslan oğlu Nəzirli General Yadigarov qardaşları
BAKI - ŞİRVANNƏŞR - 2004 Kompüter icraçısı Həyat Mahmudova Kompüter yığıcısı Nərmin İsabəyli
İstehsalat şöbəsinin müdiri Həmiyyə Heydərova Sex müdiri Telnaz Cəbrayılova Çapa imzalanıb 27.03.2004. Formatı 60x84 1/16. Fiziki çap vərəqi 2,25. Sayı 300.
Yüklə 158,68 Kb. Dostları ilə paylaş:
|