Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
34
2.1.
Sığınacaq axtaranlar
Sığınacaq axtaranlar təqib olunma ilə bağlı əsaslı qorxu və ya ləyaqəti alçaldan rəftara və yaxud ciddi xəsarətə
məruz qalma riski səbəbindən öz mənşə ölkəsinə qayıda və ya qaytarıla bilməməsini əsas gətirərək beynəlxalq
himayə ilə təmin olunmağa çalışırlar (Fəsil 3-ə baxın).
Avropa İttifaqı qanunvericiliyinə əsasən sığınacaq axtaranlar "beynəlxalq himayə üçün müraciət edən şəxslər"
kimi müəyyən olunur. Onların vəziyyəti Avropa İttifaqının sığınacaq
qanunvericiliyi ilə tənzimlənir. Sığınacaq
qanunvericiliyinə aid bütün müvafiq hüquqi sənədlər və bu sənədləri tətbiq edən dövlətlər Əlavə 1-də
sadalanır. Sığınacaq prosedurlarından istifadə məsələsi fəsil 1-də müzakirə olunur. Bu bölmədə isə ərizələri
baxılmaqda olan və yekun qərar gözləyən sığınacaq axtaranlar nəzərdən keçirilir. Avropa İttifaqı qanunvericiliyi
sığınacaq üzrə təqdim etdiyi ərizə ilə əlaqədar qərar qəbul edilməyənədək sığınacaq axtaranın müvafiq
dövlətdən çıxarılmasını qadağan edir.
Sığınacaq prosedurları Direktivinin
(2013/32/EU) 9(1)-ci maddəsi
sığınacaq axtaran şəxsin Avropa İttifaqına üzv olan dövlətlərin ərazisində olması faktının qanuni bir hal hesab
edildiyini nəzərdə tutur. Bu maddə müvafiq prosedur məqsədi ilə səlahiyyətli orqan tərəfindən qərar
çıxarılmayanadək sığınacaq axtarana "üzv dövlətdə qalmaq icazəsinin verilməsini" bəyan edir,
baxmayaraq ki,
xüsusilə də növbəti ərizələrin təqdim olunması ilə bağlı bəzi müstəsnalar mövcuddur.
Avropa İttifaqı qanunvericiliyinə əsasən sığınacaq axtaranın sənədlə təmin olunmaq hüququ
Qəbuletmə
şərtləri Direktivi
(2013/33/EU; Direktivdən irəli gələn öhdəlikləri öz üzərinə götürmüş üzv dövlətlərlə Əlavə 1-
də tanış ola bilərsiniz) ilə təsbit olunur. Direktivin 6-cı maddəsi sığınacaq almaq üçün ərizə ilə müraciət etmiş
bütün şəxslərə üç gün ərzində onların sığınacaq axtaran şəxs statusunu və ya ərizələrinə baxıldığı müddətdə
müvafiq dövlətdə qalmaq icazəsini təsdiq edən sənədin mütləq qaydada verilməsini nəzərdə tutur. Direktivin
6(2)-ci maddəsinə uyğun olaraq ərizəçi saxlanıldığı və ya sərhəddə olduğu zaman dövlət ona bu cür sənədin
verilməsindən çəkinə bilər.
Avropa İnsan Hüquqları Konvensiyasına gəldikdə, müraciətlərinə baxıldığı zaman sığınacaq axtaranların
statusunu tənzimləyən müvafiq müddəa bu sənəddə mövcud deyil. Bununla əlaqədar olaraq milli
qanunvericilik aktlarına əsasən müraciətlərinə baxıldığı zaman sığınacaq axtaranlara müvafiq dövlətin
ərazisində qalmaq icazəsinin verilib-verilməməsi məsələsini nəzərdən keçirmək zəruri olardı. Avropa İnsan
Hüquqları Konvensiyasının 5(1)-ci maddəsi sığınacaq axtaranların müvafiq dövlətin ərazisinə "qanunsuz
gəlmələrinin" qarşısını almaq məqsədi ilə saxlanılmasına icazə verir. Avropa İnsan Hüquqları Məhkəməsinə
əsasən müvafiq dövlət orqanları tərəfindən formal icazə verilməyənədək əlaqədar dövlətə gəlmə "icazəsiz"
hesab olunur.
Misal:
Səədinin Birləşmiş Krallığa qarşı işində
50
Avropa İnsan Hüquqları Məhkəməsi dövlət orqanları
tərəfindən icazə verilməyənədək ölkəyə gəlmənin icazəsiz hesab edilməsi qərarına gəlmişdir. Bu işdə
Məhkəmə sığınacaq axtaranın ərizəsinə baxıldığı zaman qanuna uyğun olaraq yeddi gün ərzində münasib
şəraitdə saxlanılması ilə əlaqədar 5(1)-ci maddənin pozulmadığını müəyyən etmişdir.
Misal: Lakin
Suso Musanın Maltaya qarşı işində
51
Məhkəmə müəyyən etmişdir ki, əgər hər hansı dövlət istər
müstəqil şəkildə, istərsə də Avropa İttifaqı qanunvericiliyi çərçivəsində öz öhdəliklərini artıraraq sığınacaq
üçün müraciətinə baxılan immiqrantın bu dövlətə gəlməsinə və ya bu dövlətdə qalmasına birmənalı şəkildə
icazə verən qanunvericilik aktını tətbiq edərsə, bu dövlətdə icazəsiz gəlmənin qarşısını almaq məqsədi ilə
baş vermiş saxlanılma faktı 5(1)(f) maddəsində nəzərdə tutulmuş saxlanılmaya qanunilik nöqteyi-
nəzərindən ziddir.
Avropa İnsan Hüquqları Konvensiyasına dair 4 saylı Protokolun 2-ci maddəsi dövlətdə "qanuni əsaslarla"
olanların hərəkət etmək azadlığını qeyd edir, 7 saylı Protokolun 1-ci maddəsi isə dövlətin ərazisində "qanuni
əsaslarla" olanların bu ərazidən çıxarılmasına qarşı müəyyən prosedur təminatlarını nəzərdə tutur.
Lakin şəxs
öz hüquqi statusunu itirə də bilər.
50
S
əə
dinin Birl
əşmiş Krallığa qarşı
(Saadi v. the United Kingdom)
[GC] Avropa İnsan Hüquqları Mə
hk
ə
m
ə
sind
əki 13229/03 saylı, 29
yanvar 2008-
ci il tarixli işin 65
-
ci paraqrafı.
51
Suso Musanın Maltaya qarşı
Avropa İnsan Hüquqları Mə
hk
ə
m
ə
sind
ə
ki
(Suso Musa v. Malta)
42337/12 saylı, 23 iyul 2013
-
cü il tarixli işi.